See in Reader
1.8 KiB
ti dalan ti agar-aramid iti umno .. Ti dalan dagiti nadangkes
Sarsaritaen ti nangisurat dagiti aramid ken wagas ti panagbiag dagiti nalinteg a tattao ken dagiti nadangkes a tattao a kasla dagitoy ket maysa a dalan a pagnaanda. Mabalin a maipatarus a kas: “ti wagas ti panagbiag dagiti nalinteg a tattao … Ti wagas ti panagbiag dagiti nadangkes” (Kitaen: Metaphor)
ti dalan ti agar-aramid iti umno ket kas iti panagbannawag a lumawlawag
Ti dalan dagiti nalinteg a tattao ket dildilig ti nangisurat iti isisingising ti init, a ti kayatna a sawen ket natalgedda gapu ta adda silawda tapno makitada ti pagpagnaanda. Mabalin a maipatarus a kas: “Magmagna a sitatalged dagiti nalinteg a tattao iti dalanda gapu ta ranraniagan daytoy ti init ti bigat ken ad-adda pay a rumanraniag” (Kitaen: Simile)
panagbannawag
Dakdakamaten daytoy ti parbangon wenno isisingising ti init.
agingga nga umay ti naan-anay a kinaraniag ti aldaw
Dakdakamaten daytoy ti tiempo a kapipigsaan ti raniag ti init iti aldaw. Mabalin a maipatarus a kas: “agingga iti kapipigsaan a raniag ti init” (Kitaen: Idiom)
Ti dalan dagiti nadangkes ket kasla sipnget
Ti wagas dagiti nadangkes a tattao ket idildilig ti nangisurat iti kinasipnget, a kayatna a sawen a kanayonda nga adda iti peggad gapu ta awan silaw tapno makitada ti pagpagnaanda. Mabalin a maipatarus a kas: “Nakaam-amak ti pannagna dagiti nadangkes a tattao iti dalanda gapu ta awan silawda tapno makita ti pagpagnaanda” (Kitaen: Simile)
saanda nga ammo no ania iti pakaitibtibkulanda
Sarsaritaen ti nangisurat ti pannakapadas iti pannakadangran a kasla naitublak daytoy iti dalan a pagpagnaan ti maysa a tao. Mabalin a maipatarus a kas: “Saanda nga ammo no apay a mapadpadasanda ti pannakadangran ken kinadaksang-gasat”