1.6 KiB
Intipatyo dagiti imayo ken intabbugayo dagiti sakayo
Dagitoy a tignay ket wagas iti panangipakita iti nalaos a ragsak. Ditoy a paset, nadakamat a dagiti tattao ket naragsak ken impakpakitada ti pananglaisda iti Israel. (Kitaen: Symbolic Action)
kadagiti amin a pananglalaisyo iti daga ti Israel
Ditoy, ti ragup ti sasao nga “iti daga ti Israel” ket ibagbagina dagiti tattao nga agnanaed sadiay. Mabalin nga ipatarus daytoy a kas iti: “amin a gura a marikriknayo kadagiti tattao nga agnanaed iti Israel” (Kitaen: Metonymy)
kitaenyo
“pudno.” Ditoy, ti sao a “kitenyo” ket iyunay-unayna dagiti sumarsaruno.
Isipatkonto kadakayo ti imak
“Dusaenkayto babaen iti mannakabalin nga imak.” Ditoy, sarsaritaen ni Yahweh ti panangdusdusana kadagiti tattao a kasla isipsipatna a mismo kadakuada ti imana. Mabalin nga ipatarus daytoy a kas iti: “Dusaenkayto” (Kitaen: Metaphor)
itedkayo a kas samsam
Ti sao nga “itedkayo” ket dakdakamatenna dagiti tattao ti Ammon ngem dakdakamtenna met laeng ti dagada ken dagiti sanikuada. Mabalin nga ipatarus daytoy a kas iti: “Ipaluboskonto a parmekendakayo dagiti kabusoryo ken alaendakayo, dagiti dagayo, ken dagiti sanikuayo a kas samsam” (Kitaen: Metonymy)
Isinakayto kadagiti tattao … pagpukawenkayto kadagiti pagilian
Dagitoy a ragup ti sasao ket agpapada ti kaipapanan dagitoy ken iyunay-unayna a dadaelento a naan-anay ni Yahweh dagiti tattao ti Ammon isu a saandan a maibilang a maysa a nasion. Mabalin nga ipatarus daytoy a kas iti: “Dadaelenkayto a naan-anay isu a saankayto a maibilang a kas maysa a nasion”