1.5 KiB
Ita, bimmaknang ken mararaem iti kasta unay ni Jehosafat
Ti sao nga “ita” ket nausar ditoy tapno markaanna ti panagrugi ti istoria. Napasamak daytoy sakbay a simmalog ni Ahab idiay Samaria.
nakigayyem isuna kenni Ahab
Mabalin nga ipatarus daytoy a kas: “nakikadua isuna kenni Ahab”
Nangparti ni Ahab iti adu a karnero ken baka para kenkuana ken kadagiti tattao a kaduana
Kayatna a sawen a pinapartina dagitoy nga ayup a maisagana para iti maysa a padaya para kadagiti tattao. Kasta met a saan a ni Ahab a mismo iti nangisagana kadagiti ayup, ngem binilinna dagiti trabahadorna a mangaramid iti daytoy. Mabalin nga ipatarus daytoy a kas: “Binilin ni Ahab dagiti trabahadorna a mangpartida kadagiti adu a karnero ken baka para iti maysa a padaya para kenni Jehosafat ken kadagiti tattao”
Sumurotka kadi kaniak idiay Ramot Galaad?
Ditoy, kidkiddawen ni Ahab kenni Jehosafat a makitipon isuna ken ti armadana a makigubat iti Ramot Galaad. Daytoy ket mabalin a maisurat a nalawlawag. Kasta met nga iti daytoy a saludsod tunggal ari ket ibagbagina ti bagina a mismo a kaduana ti armadada. Mabalin nga ipatarus daytoy a kas: “Kumuyogka kadi ken ti armadam kadagiti armadak a mangraut iti siudad ti Ramot iti rehion ti Galaad”
Kaslaak kenka, ken dagiti tattaok ket kasla kadagiti tattaom
Ibagbaga ni Jehosafat iti pannakikadduana kenni Ahab. Mabalin nga ipatarus daytoy a kas: “Idiayak ti bagik ken dagiti soldadok kenka a mausar iti aniaman a wagas a kayatmo.”