auto save

02/01.txt

@@ -0,0 +1 @@
+\v 1 Keke nẹnẹ bẹ bọ Ijisos ọ ọ́ Ẹbẹtilẹhẹm na, obin Ẹhẹrȯd ọgba, ẹdayinro ẹnamẹ furọọ́ ọṣẹrẹ nẹnẹ eeyi we wa ṣa na fọ mọ Ijerusalẹm bi ye sin ka, \v 2 "Ẹtẹka a ma na ọnẹnẹ bẹ ba akọ́ ijuu ro obin? Tẹ gba yọọ́ ẹsẹkpẹnẹ ọbẹrẹ ka tẹ ṣa tẹ kpun ya." \v 3 Ọgbọna Ẹrọd obin wọ na, yọ ibe beé, akọ Ijerusalẹm ro fẹnyan fẹnyan.

02/04.txt

@@ -0,0 +1 @@
+\v 4 Ẹhẹrod eye Aṣigiri ro ẹẹ́pan akọ isikirab ro abẹ fẹnyan fẹnyan jese a ṣa eṣin ba ka, "Ẹtẹka bè éke we ba Ekraist ayẹ a?" \v 5 Bẹ gáánẹ ya ka, "Ọọ̀ Ẹbẹtilẹhẹm, Ijuda ije, ẹsẹro abẹ siye wọrẹ na, \v 6 'Àmá awọ, Ẹbẹtilẹhẹm, Ijuda ije, ama wa anọ ekere ẹnanẹ e jobi Ijuda na, ino ẹẹpa ayọ ẹfẹna e ke jọ obin na, nẹnẹ a ka fọ mẹ erọ Isreal ro sẹnẹ ọrẹ na.'"

02/07.txt

@@ -0,0 +1 @@
+\v 7 Ọgbọnẹ bẹ, Ẹhẹrod eye ẹdayẹn ro abẹn wọ ẹbẹbẹ eṣin ba ọgbọna ẹsẹkpẹnẹ ayẹ we ṣa na. \v 8 Emi file ba yọ Ẹbẹtlẹhẹm, a gẹ ka, "Nẹkẹ yọ ni ya fọ ọlọn ni ogben nọ owowo ayẹ. Ọgbọna na gbẹ na, nẹ ṣa ga nẹ mọ ka mẹ ẹ yọ i je ne kpun ya."

02/09.txt

@@ -0,0 +1 @@
+\v 9 Ọgbọna bẹ wọbẹga nẹnẹbobinga na, bi mi yọ bọ ọrẹ ẹṣẹkpẹnẹ nẹnẹ bẹ gba ọgbọna a ṣa jọmọ ẹfẹna ogbe nowowo ayẹ ma na. \v 10 Ọgbọna bẹ gbọ ẹsẹkpẹnẹ ayẹ na, bẹ bẹn a kọ ẹbẹnbẹn nọ ọkẹka.

02/11.txt

@@ -0,0 +1 @@
+\v 11 Bẹ fọmọ ubu owo ayẹ bi je ne tọó ogben nowowo ayẹ akọ Imari nẹnẹ wa wuya na. Bẹ falẹ guma ayẹn ri bi kpun ya. Bẹtọra bọ uṣe nẹnẹ arọn ma na, bẹ fọọ ọwa nẹya nẹnẹ wọ iwura, ẹfrankises akọ Ẹmaa. \v 12 Osibina wuna bọ ọtọn omuwe ni ibe ka bi me pila yọọ jene tọọ́ Ẹhẹrod ọnẹbẹ uba bi pilayọ bọ iken nẹnẹ biwe ṣa na, akọ bi si ye yọ ọrẹ ọbẹn na.

02/13.txt

@@ -0,0 +1 @@
+\v 13 Ọgbọna be yọ ke na, Angẹl Osibina ẹka fọ iwu nyẹn nọ Ijosẹf ọ́muwẹ nọ ibe a ga nẹ ya ka, "Fura, fọ ogben no owowo ayẹ, aka wuya, ni mune yȯ Ijipit. Nẹ ma nọ ẹfẹnẹbẹ jene re ọgbọna ayẹ owenwan aka ayẹ wiya." \v 14 Ujoguwe ayẹ Ijosef fura a fọ ogben nowowo ayẹ aka wuya bi ṣu ma yọ Ijipit. \v 15 Ẹfẹnẹbẹ a ma re  ọgbọna Ẹhẹrod fo ọnẹ a wọ ọṣẹrẹ nẹnẹ Idu ga iyọ ẹsẹro uba ka "Ijipit ibe ayẹ bi yé ye mọ ogben we ṣa."

02/16.txt

@@ -0,0 +1 @@
+\v 16 Ọgbọna Ẹhẹrod gba ka ẹdayinro abẹ fọ ya yẹ si yọ osi na, iwu mi na kan ya. E file ka bẹ wan nọ egbe nọ iforo owowo nẹ nẹ wọ́ọ́ Ẹbẹtlẹhẹm akọ ikẹn nẹnẹ kọ ya gegere na wọọ ẹyẹn nẹbọrẹ holo, wọ ọgba nẹnẹ ẹdayẹnro abẹ sa towẹ na.

02/17.txt

@@ -0,0 +1 @@
+\v 17 Ọnẹ a wọ ọṣẹrẹ nẹnẹ bẹ ga esero nẹnẹ wọ Ijeremiah owo na. \v 18 "Bẹ wọ ohun ọnẹbẹ Ẹrama, e yiwo akọ ibe obibe, Ireṣẹl eyi iwo anẹ yọ ogben na bẹ, e di ne yuru abẹriwu, uba bi me pi le wa mọ ọ."

02/19.txt

@@ -0,0 +1 @@
+\v 19 Ọgbọna Ẹhẹrọd fuwo na, balẹ, Angẹl idu mẹka fọ iwu yẹn ya ọmuwẹ to ọ Ijosef ọ ọ Ijibit a gẹ ka, \v 20 "Fura o fowo ogben aka wuya nẹ yọ Isrel ije, ka ẹnanẹ e ni ogben na yẹ ufo na bi fo ke." \v 21 Ijosef fura, a fọ ogben aka wuya yọ Isrel ije.

02/22.txt

@@ -0,0 +1 @@
+\v 22 Ama ọgbọna a wo ka Arkẹlaus a wọ obin wọ ijudia nẹnẹ na wẹda Ẹhẹrọd ẹẹpa na ọrọrẹ a san ya akọ eke siye yọ ẹfẹnẹbe na. Ọgbọna Osibina wuna yọ ọtọn ọ́muwẹn nibe na, e fura a yọ ikẹn nẹnẹ wọ Egalili na. \v 23 E mi yọ, a ma nọ ikẹn nẹnẹ be yọ Enasareti na. Ọnẹ wọ ọṣẹrẹ nẹnẹ bẹ ga ẹsẹro abẹ owo na, ka be ke ki ye yọ Ẹnasareti ro.

02/title.txt

@@ -0,0 +1 @@
+Ẹpan 2

03/01.txt

@@ -0,0 +1 @@
+\v 1 Isubu ẹnabẹ Ẹjọọn nẹnẹ wọ Ebaptis na ṣa a gọ Osibina ẹga ọ ọ́ uku-ibe nẹnẹ wọ Ijuda ẹka na a á gẹ ka, \v 2 "Niroro ibe pila, ka Osibina ẹsẹn e turu a sa." \v 3 Ka ẹfẹna bẹ ga yẹ ga wọ ẹsẹrọ nẹnẹ wọ Asaya owo na ka, "ẹfẹna yọ ọhun bẹ wọ uku-ibe nẹnẹba gẹ ka, Ni guru idu mọrẹ wije, ni tebi yọ ọrẹ e wọ ọṣẹrẹ."

03/04.txt

@@ -0,0 +1 @@
+\v 4 Akana, Ẹjọọn  fi le alẹgbẹ nẹnẹ su ọ ọ agogo ẹẹpẹn akọ oparẹ se yi sin yọ ijen wọ ijolo akọ ewọntọn ibubunu. \v 5 Ọgbọnẹbẹ ayẹ Ijerusalẹm, Ijudia fẹnyan fẹnyan, akọ iken nẹnẹ gegere Ẹjọdan ogbolo na jene gure. \v 6 É rimomo nọ abẹ fẹnyan fẹnyan Ẹjodan, ogbolo bi kebsi ye onuba nọ bọ iluwe.

03/07.txt

@@ -0,0 +1 @@
+\v 7 Ama ọgbọna a gbọ Efaris akọ Esadus ọyọyọ ka bi ni ya ṣa ayẹ fọ ba rimomo ogbolo na, a ga nẹ ba ka, "Anọ ẹpẹnidudu egben nẹnanẹ, ẹra ga nẹ nọ ka ni mune furọ iwu ọkẹkan nọ ọdudu nẹnẹ, ṣa na? \v 8 Ni mu nọ ilukutu ororibe pila nẹnẹ sije na. \v 9 Ni me roro nẹ kẹ gẹ inọ etin ka, 'Ti su Abraham akọ tọ ẹdẹda.' Ẹ ga nẹ nọ ka Osibina din na kpan mọ egben jọmọ anọ Abraham fura ọtarẹ ẹnanẹ iwu.

03/10.txt

@@ -0,0 +1 @@
+\v 10 Ama akana bẹ fọ ọdọ wọ oti fẹnyan fėnyan nẹnẹ e me mu nọ ilukutu oboro na ibe ke wuru ya bi gumaba wọ ẹra.  \v 11 Irinu wọ imomo ebi nọ ororrbe pila. Ama ẹfẹna a ṣa imo urun na gbodi fọrẹ mọ, ime guwe ẹfẹna dina fọ yọ ofilọ ọṣẹna na. Aka fọọ ẹfunwẹnfunwẹn ọnwọnwọn akọ ẹra eke ri nọ imomo. \v 12 Yọ utun mọ ẹpẹn wọ yọ uba nẹnẹ aka mọ nọ iku furọ nẹnẹ aka kọ yọ ibire ẹpẹn wọ iyọ uturu na. Ama yọ iku fẹnyan fẹnyan ayẹ aka kẹnẹ ẹra nẹnẹ be dine wu na."

03/13.txt

@@ -0,0 +1 @@
+\v 13 Ijisos mi wọọ́ Ẹglili ṣa yọ Ẹjọdan ogbolo ka Ẹjọọn aṣa ri ya yẹ imọmọ ebi.\v 14  Ama Ẹjọọ́n a wọ mọ iwu ka ayẹ sẹya jọmọ a ga nẹ ya ka, "Awọ abọwọ ka uri mọ imọmọ ebi, sana awọ mi ṣa to mu?" \v 15 Ijisos gu nẹ yọ owo ka, ẹfọ ọrẹ nẹ wọ akana ka e wọ ọṣẹrẹ ka ti siye ọṣẹrẹ ọọ́rẹ." Ọgbọnẹbẹ ayẹ, Ẹjọọn ya nẹ.

03/16.txt

@@ -0,0 +1 @@
+Ọgbọn be ri yọ imomo ebi na, Ijisos wọ ebi ibe pọ ṣa, e ve wọ ero fẹnyan fẹyan ayẹn akọ Osibina ẹṣẹn siye jin nẹ ya na . A gbọọ Osibina ẹfunwẹnfunwẹn ka e holo ososi aṣa akọ Ẹsọpka nẹnẹ ṣa jọmọ yẹrẹ ya na. Bẹ wọ ka, ohun ve ṣa Osibina ẹṣen a gẹ ka ọnẹ a wa mọ ẹfunwẹnfunwẹn na. Mọ ibe rọn to ya."

03/title.txt

@@ -0,0 +1 @@
+Ẹpan 3

04/01.txt

@@ -0,0 +1 @@
+\v 1 Ọgba ayẹ, ayọ ẹfunwẹnfunwẹn ọwọnwọn fọọ Ijisos yọ ọdọn ka eṣu a mẹ balẹ. \v 2 Ọgba nẹnẹ a nọ awẹ nọ isubu ibọrẹ akọ ujo ibọrẹ na, awọn mi sa a sẹ ya. \v 3 Ọmabalẹrọ ṣa to wẹ  aga nẹ ya ka, "Aka ka awọ a wọ Osibina ogben, buru ọtarẹ ẹnanẹ ka bi sinọ ẹkarẹ." \v 4 Ama á Ijisos gu na yọ owo edi na ga nẹ ya ka, "Bẹ́ wọrẹ, 'Orokoro ogben e din na wọ ẹrọ ubaka ẹkarẹ ọyarẹ, eme fura ka ẹga nẹnẹ we a ṣa ọọ Osibina owo na.'"

04/05.txt

@@ -0,0 +1 @@
+\v 5 Ọgbọnẹbẹ, esu ayẹ da fọ ẹ ẹ fọmọ ikẹn nọ ọnwọnwọna fọọ ẹẹ yọ ẹfẹna fọ fọrẹ ẹtẹmpul ayẹ na, \v 6 aga nẹya ka, "We din ka Osibina ogben ayẹ ọwạ́ ṣu wa holo wije, ka bẹ wọrẹ ka, 'Eke buru yọ Angel abẹ ka kẹ ṣẹlẹ wọ,' aka 'Ba ka kpan wọ pọ uba, ka uma fọ ọṣẹn ta ọtarẹ.'"

04/07.txt

@@ -0,0 +1 @@
+\v 7 Ijisos guna yọ owo ka, "Bi di na kẹ wọrẹ, 'We ee bgbado, ma wọ idin nẹnẹ wọ Osibina na balẹ.'" \v 8 Bilamo, esu fọmẹ pọ ọrẹ ọsi nẹnẹ fọọ na, a fọọ ẹrọ ọnẹ ẹṣẹn aka yọ ugbugbodi yẹn ya. \v 9 A ga nẹ ya ka, "Ẹpẹn fẹnyanfẹnyan ẹnanẹ iya nẹ wọ, we di falẹ ugumu iberi u kpun mu."

04/10.txt

@@ -0,0 +1 @@
+\v 10 Ijisos ga nẹbya ka, "fura ẹkọnẹ esu! ka bẹ wọrẹ ka,  'wọ idu nẹnẹ wọ Osibina na ayarẹ we ke kpun ayarẹ we ke di ne si yọ okoto nọ.'" \v 11 Ọgbọnẹbẹ ayọ esu ayẹ eme tebiya nẹ iganigan ayo angel abẹ ṣa si yọ okoto nẹya.

04/12.txt

@@ -0,0 +1 @@
+\v 12 Ọgbọna Ijisọs wọọ ka be fọọ Ẹjọọn dọn bọ uba na, ee pila yọ Ẹgalili. \v 13 E furọ  Enasaret a yọ a má nọọ Ekapanum nẹnẹ wọ Ẹgalili okun na, nẹnẹ wọ Isebulon Ẹnapital ijeh na.

04/14.txt

@@ -0,0 +1 @@
+\v 14 Ọnẹ siye ka efọ fiye ẹga nẹnẹ Isaiya ẹsẹro ga na, \v 15 ''Isebulọn akọọ Ẹnapital ije, ṣu ke yọ ọkun sun mọọ Ẹjọdan Ẹgalili nẹnẹ wọ ikuwero abẹ na. \v 16 Erokoro ẹnanẹ ma nọ esiri na, bẹ gba ọgbandala ọkẹka, aka ẹnanẹ manọọ okaminasa akọ ufo ushi, ibọ ẹpan ayọ ọsọ we we sa.''

04/17.txt

@@ -0,0 +1 @@
+\v 17 Wọ ọgbọnẹ bẹ yọ ayọ Ijisọs we tọn mẹ Osibina ẹga ọga nẹ, '' Niroribe pila, ka Osibina ẹsẹn eturu tọọ ubowo.''

04/18.txt

@@ -0,0 +1 @@
+\v 18 Akọ e siye jejen ne ṣun mọ Egalili okun mọ ọtọn na, a gbo ọda ẹbọrẹ Ẹsaimọn nẹnẹ be yọ Ipita na, akọ Anduru yọ ọda, bi ya nẹmọ agẹ wọ okun, uba aka ọsẹ ayẹrẹ bẹ wa. \v 19 Ijisos ga nẹ ba ka, ''Nẹ kẹ ṣa, nẹ yẹrẹ mọ, ka ma ka fọ nọ ṣina ọsẹ erokoro.'' \v 20 Iganigan bi tebi bọ agẹ bi ya yẹrẹ ya.

04/21.txt

@@ -0,0 +1 @@
+\v 21 Akọ Ijisọs si ya yọ na, a gbọọ ọda ẹbọrẹ Ijemis nẹnẹ wọ Isebede ogben na akọ Ẹjọọn yọọ ọda '. Bi wọ ọkọ ebi ẹka ibe aka bọ ẹdẹda bi ye guru bọ ẹga ee ye ba. \v 22 Iganigan aye bi fura ọkọ ebi ẹka  ayẹ bi tebi bọ ẹdẹda wọ iyibe bi ya yẹrẹ ya.

04/23.txt

@@ -0,0 +1 @@
+\v 23 Ijisọs fọ mọ ẹfa ororo Ẹgalili, e te ba ibọ Isinagọgu, a gọgọ ẹpẹpan oboro nẹnẹ wọ Osibina ẹsẹn na, edina fọ erọ iwu a gan furọ igun obobo nẹnẹ ka sẹ bọ ọyọyọ na. \v 24 Ẹkpẹpan nẹnẹ e siye na pan wara Isiriya ije, ero ke fọ bọ ero nẹnẹ igun mọ ẹlẹla ke sẹ na, ẹnanẹ ẹfunwẹnfunwẹn nọ odudu ke wo iwu na, ẹnanẹ ijipapa ke sẹ na, ako ẹnanẹ fu iwu na. Ijisọs fọọ bọ iwu gan. \v 25 Erokoro ọyọyọ yẹrẹ ya furọ Egaliti Ẹdẹcapolis Ijerusalẹm akọ Ijudia aka Ẹjọdan osun.

04/title.txt

@@ -0,0 +1 @@
+Ẹpan 4

05/01.txt

@@ -0,0 +1 @@
+\v 1 Ọgbọna Ijisọs gbọọ akpẹ abẹ na a kpọ yọ ọrẹ osi. Ọgbọna a ma na, yọ e égbenurun mẹka ṣa tọ ẹ.\v 2  E jin yọ owo e te ba, a gẹ ka,\v 3  Okurubile a wa nọ ẹnanẹ eme su ẹfunwẹnfunwẹn na ka bọ ẹkẹrẹ a wọ Osibina ẹṣẹn. \v 4 Okurubile a wa nọ ẹnanẹ e yi na, ka be ke fun bi be.

05/05.txt

@@ -0,0 +1 @@
+\v 5 Okurubile a wa nọ ẹnanẹ eme guwe na, a bẹ e ke jọ ẹrọ ẹkẹrẹ. \v 6 Okurubile a wa nọ ẹnanẹ awọn a sẹ aka ebi ọkọrẹ a sẹ a nọ ọṣẹrẹ iwu na, be ke fe ba. \v 7 Okurubile a wa nọ eyiro ka kabẹ a ka gbọ eyi. \v 8 Okurubile a wa nọ ẹnanẹ bọ uloko wọn na, abẹa ka gbọ Osibina.

05/09.txt

@@ -0,0 +1 @@
+\v 9 Okurubile a wa nọ ẹnanẹ e guru ẹga na, abẹ be ke ki yọọ Osibina eègben. \v 10 Okurubile a wa nọ ẹnanẹ be ke kurujanyẹn ubaka na bẹ ẹka awọ Osibina ẹṣẹn.

05/11.txt

@@ -0,0 +1 @@
+\v 11 "Okurubile a wa nẹ wọ ọgbọna ero e wuna wọ ije bi din na fọ ekurujanyẹn je wu aka bibdina kẹ ga ẹga idudu ẹlẹla isoma ki to wu nẹ mọ. \v 12 Nẹ kẹ bẹn ni din na fọ ẹ kẹ kpo, ubaka wọ ẹkẹrẹ gbodi Osibina ẹṣẹn. Ọrẹ ọnẹ ayẹ erokoro we kuruje ẹṣẹro abẹ ayẹn urun.

05/13.txt

@@ -0,0 +1 @@
+\v 13 "Anọ a wọọ ẹrọ ọnẹ oòbu. Ama oobu aye, a nẹ yọ ọrọnrọn fuwa, gana be ke siye siyẹn ka epila rọ ma? Eme pila rọn mọ uro nọ ojije eme fura ka bi guma ẹ fura bẹ fọọ ọṣẹn kẹ dẹn ya. \v 14 Anọ a wọ ọsọ nẹ ẹrọ. Iken nẹnẹ wọọ́ ọrẹ osi na e din na bẹbẹ.

05/15.txt

@@ -0,0 +1 @@
+\v 15 Be di ne pi ọsọ bi de wọ ugi ibe, ama da ka bi ya ka, gba ayẹn nọ ero fẹnyan nẹnẹ wọ ubowo ayẹ na. \v 16 Tebi wọ ọsọ a kẹ ba ero ayẹn nẹnẹ e gbe ka ka be aka kẹ gba oboro nẹnọ we siye na bi ya fọọ ugbugbodi kẹ nẹ nẹ Ẹdẹda nẹnẹ wọ apan na.

05/17.txt

@@ -0,0 +1 @@
+\v 17 ''Ni me roro ka ẹ ṣa bọ ububuru sa ẹsẹro ẹka fuwa. I na ṣa ka ibe ba, ama ẹ ṣa sa ifiye ẹ. \v 18 Ikuwa ẹ ga nẹ nọ ka eme fura ka ososi aka ije ṣun yọ, tete yi ten e ke tiye fura ububuru, emé fura ka ẹpẹn fẹnyan fẹnyan wọ ọṣẹrẹ na.

05/19.txt

@@ -0,0 +1 @@
+\v 19 Ọnẹbẹ uùba ẹfẹna fẹna a fọ ayẹn wan ọnẹ kere fọrẹ ububuru ẹnanẹ na aka edine te ero obuba akọ e si ye siyẹ na ayẹ aka wọ ẹfẹna wọ urun ro Osibina ẹṣẹn. Ama ẹfẹnẹ fẹna e siyọ utun e di ne ki te ba ayẹ be ke ye ka e gbodi Osibina ẹẹsẹn. \v 20 Amẹ ẹ ga nẹ nọ ka eme fura ka i nọ ọṣẹrẹ fọrẹ Isikraib aka Ẹfarisiro ẹka, eme su ọgba nẹbu di na fọ mọ Osibina ẹẹṣẹn na.

05/21.txt

@@ -0,0 +1 @@
+\v 21 '' Ọ wọ akọ bi si ya gẹ esuba ka, 'Uma wan nọ oro aka, Ẹfẹna fẹna a wan nọ oro na, eke wọ ayẹn nọ ọrọnrọna nẹnẹ wọ ẹkarẹ ọṣẹnṣẹn na. \v 22 Ama ẹ ga nẹnọ ka ẹfẹnẹfẹna a ka kaniwu to yọ ọda na, 'ka yẹ e ke wọ ayẹn nọ ọrọnrọna nẹnẹ eke wọ ẹkarẹ oṣẹṣẹn na; aka ẹfẹnẹfẹna a ga nọ yọ ọda, Awọ orokoro gbogba ọnẹ!' ka yẹ e ke wọ ayẹn nọ ọrọnrọna nẹnẹ eke wọ ọpa eka na; ẹfẹnafẹna aka ga ka 'Awọ abẹyẹ ọnẹ e ke wọ ayẹn nọ ọrọnrọna nẹnẹ wa ẹra ibe ẹka na.

05/23.txt

@@ -0,0 +1 @@
+\v 23 Uùba, wa fọ ọwa kẹ nọ Osibina iyọ akpa u mi wọ ẹfẹnẹbẹ yẹn ka anọ aka wọ ọda ama. \v 24 Tebi wọ ọwa wọ iyọ akpa ẹrẹn, ọ yọ wọ ọrẹ. Oṣoro guru aka wọ ọda, ṡana u pila ṣa fo wọ ọwa nọ Osibina.

05/25.txt

@@ -0,0 +1 @@
+\v 25 Guru aka wọ ebero kiyakiya ọgbọna ne bike kẹ yọ ẹkarẹ ubo na, sa wọ ebero a fọ wọ a dọn mọ ọṣẹnẹkarẹ uba, aka ọṣẹnẹkarẹ ayẹ a fọ wọ e wọọ́ ẹnwan. \v 26 Ikuwa ẹ ga nẹ wọ, we ke di we ṣa ẹfẹnẹbẹ eme fura ka u duna ikiba fẹnyan fẹnyan nẹnẹ uje na.

05/27.txt

@@ -0,0 +1 @@
+\v 27 '' Nẹ wọ ka bẹ gẹ ka, ume buwe ọtẹtanuba.' \v 28 Ama ẹ gá ẹ nọ ka ẹfẹnẹfẹna a fọ ayẹn balẹ iyarọ amabuwe ọre na ayẹ tọmẹ a siye buwe ọtẹtanuba iyọ uloko.

05/29.txt

@@ -0,0 +1 @@
+\v 29 Ada ka wọ ayẹn ojijen ayẹ aka fọ wọ falẹ polẹ ha ve ṣa ọ nẹ ya fuwa. Aka rọn nẹ wọ ka ẹfa ọyẹrẹ iwo iwu e fu be fuwa fọrẹ ka bẹ nẹ wọ iwu fẹnyan fẹnyan wọ ẹra. \v 30 Ada ka wọ uba ojijen oya aka wọ rẹ wọ falẹ, ṣẹn ya ọ nẹ ya fuwa. Aka rọn nẹ wọ ka ẹfa ọyẹrẹ iwo iwu e fu be fuwa fọrẹ ka bẹ nẹ wọ iwu fẹnyan fẹnyan wọ ẹra.

05/31.txt

@@ -0,0 +1 @@
+\v 31 Bi din na gẹ ka, 'Ẹfẹnẹfẹna e gu yọ oworo furọ ubobna, tebi oro ayẹ a fọ ẹwọrẹ oyuru wọ ije nẹ ya.' \v 32 Ama ẹ ga nẹ nọ ka ẹfẹnẹfẹna e yuru yọ oworo na, eme fura ka a wa ka e siye amabuwe gbagba, sẹ ya ṣina nọ ọtẹtanuba.

05/33.txt

@@ -0,0 +1 @@
+\v 33 ''Bila mọ, nẹ wọ ka be gẹ yọ eésubu ka, uma ba ọpẹn isoma ẹka, ama nẹ fọ nọ ọpẹn je ne tọọ idu. \v 34 Ama ẹ ga nẹ nọ ni me si bọọ ọpẹn otuntun sa nẹ fọ ososi bọọ ọpẹn ubaka ayẹ awa Osibina; eme di na wọ ẹrọ ọnẹ, ka aya a wa yọ ọ fọ ọṣẹn yẹrẹ; \v 35 eme di na wọ Ijerusalem, ka ayọ wọ iken nọ ọkẹka nọ obin nẹnẹ fọrẹ ẹka.

05/36.txt

@@ -0,0 +1,2 @@
+\v 36 Eme dina wa ka ọ fọ ẹpan bọ ọpẹn ka we di na sẹ ẹpẹn nọ ọyẹrẹ i wọ ẹpan ṣin nọ okukuru sa oririn. \v 37 Ama tebi ya ka wọ ẹga ewo ẹka a wa ka 'En, en,' sa 'Ehe, ehe'. 
+Ọnẹ na oduduro ọrẹ e we ve ṣa.

05/38.txt

@@ -0,0 +1 @@
+\v 38 ''Nẹ wọ akọ bi si ye gẹ na ka, 'ayẹn nọ ayẹn aka irun nọ irun'. \v 39 Ẹ ga nẹ wọ, u me mune nọ ẹfẹna e siye yọ odudu na. Ọnẹbẹ urun, ẹfẹnẹfẹna e kuru wu ẹbayẹn aṣiṣin ojinjen na, bi lọọ ọọboro nẹ ya.

05/40.txt

@@ -0,0 +1 @@
+\v 40 Ẹfẹnẹfẹna é éke roro ka ayẹ ṣe nẹ ẹwọra nẹ wọ ẹkarẹ ubo na, edi ne ni ka ayẹ na wọ alẹgbẹ yọọ́na, tebi wọ ewuru nẹ yọ bile amọ. \v 41 Ẹfẹnẹfẹna afọ iwogbigben wuna wọ jinjen nọ emali ọyẹṛ na, yẹrẹ ya yọ emali ẹbọrẹ. \v 42 Fa nọ ẹfẹnẹfẹna ẹ ṣin iwọ uba na, ume di ne bila urun nọ ẹfẹna eni ka ayẹ bọwọ iwọ uba na.

05/43.txt

@@ -0,0 +1 @@
+\v 43 ''Ọwọọ́ ka bi si ya kọ ga ẹ, 'u ni wọ ọbawọ ama u goli wọ ebero'. \v 44 Ama ẹ ga nẹ wọ ka, ni wọ ebero ẹga udine siye adura kẹ nẹ ẹnanẹ e siye ekuru jayẹn nẹ wọ na, fọ okurubile nọ ẹnanẹ e ṣuwa wọ adan na, siye oboro nọ ẹnanẹ goli wu na. \v 45 Udi da ogben nẹ nẹ Ẹdẹda nẹnwȯ ososi na. Uba ka ayẹbe ji nọ eyi e wọ́ odudu akọ oboro ẹẹpan, ayẹ edina ṣa osi e wọ ẹnanẹ e siye ọṣẹrẹ akọ ẹnanẹ eé siye ọṣẹrẹ na.

05/46.txt

@@ -0,0 +1 @@
+\v 46 Ka we nọ ẹnanẹ ni wọ ẹga na, ẹkẹrẹ ọọ́ na wa ka gba aá? Me seyi ka ẹnanẹ a nọ amana na ka bẹ e siyẹẹ? \v 47 Ada ka ọ gan wọ ọda abẹ ayarẹ, ẹna u siye fọrẹ ero ubub? Me seé ka kọ ikuwero abẹ e siyẹẹ́? \v 48 Ọnẹbẹ uùba we ke gbadọ gule, akọ nẹ ososi siye gule na.

05/title.txt

@@ -0,0 +1 @@
+Ẹpan 5

06/01.txt

@@ -0,0 +1 @@
+\v 1 '' Nẹ kẹ yẹ ka nime siye ọṣẹrẹ utun ka erokoro e di gba nọ,  esiye egan wa ni ma yọ gba ẹkọrẹ na i no ẹdẹdabnẹnẹ wọ apan uúba. \v 2 Na kẹ wa ọwa ni ma bọọ́ obowo ka bẹ gba nọ ka ne siye esee, aákọ irekureku ro abẹ siye si yẹ Isinagogu akọ orikpokpo na, bi di fọ ugbugbodi nẹ ba erokoro ayẹn. Ẹgaba e gabnẹnọ, bẹ na bọ ẹkẹrẹ gule.

06/03.txt

@@ -0,0 +1 @@
+\v 3 Ama we siyọ  eseese ume ya ka wọ oguruba e din ẹkẹna uba ojijen e siye na \v 4 ubaka wọ ese e di wọ ẹbẹbẹ. Ọgbọnẹbẹ ayẹ nẹ Ẹdẹda nẹnẹ a gba ẹbẹbẹbna eke siye duna wọ esee nẹ.

06/05.txt

@@ -0,0 +1 @@
+\v 5 ''Ọgbọna ne ki siye adura na, ni me siye akọ irekurekuro na, ka bi deki ni ka bi jọmọ ki siye adura Isinagogu akọ orikpokpo ọọ́pa ka erokoro e di gbe ba. Ẹgaba ayẹbẹ ga nẹ nọ bẹ na bọ ẹkẹrẹ ke. \v 6 Ama anọ, ọgbọna ne ki siye adura fọn ubrirbe yo. Ju wọ ujun u mi siye adura nẹ wọ Ẹdẹda nẹnẹ wọ ẹbẹbẹ na. \v 7 Ọgbọna bẹ ayẹ wọ Ẹdẹda nẹnẹ a gba wọ ẹbẹbẹ na eke siye fọ esee duna wọ nẹ ẹbẹbẹ na. Ọgbọna we ki siye adura na, u ma fo ẹga ọyẹrẹ kẹ ga siye siye na, ka bi roro ka ẹga ọyọyọ nẹnẹ ba ga na ayẹ ba ka sana a wọ ba.

06/08.txt

@@ -0,0 +1 @@
+\v 8 Ọnẹbẹ uúba, u me siye akọ abẹ na, uba ka nẹ Ẹdẹda di ẹkẹna we ni na ṣana udi ki ṣin. \v 9 Ọnẹbẹ uúba ki siye adura akọ: 'Tọ Ẹdẹda nẹnẹ wọ ososi na, tẹ fọ okurunọ nẹ wọ iwuru nẹnẹ wọ ọnwọnwọn na. \v 10 Ka wọ ẹẹṣẹn  a sa. Tebi wọ ini a du osisiye ẹrọ ọnẹ akọ bi siye si ye ososi na.

06/11.txt

@@ -0,0 +1 @@
+\v 11 Wa tọ amọnẹ isubu owo ijen nẹ to. \v 12 Fọọ tọ uubanẹnẹ ti je na wa tọ, akọ ka tọ siye fọọ ẹpan ne gbun mọ ẹnanẹ je tu uba na. \v 13 U me ya ka te fọn ọmabalẹ ama na tọ furọ odudu uúba, wọ ẹka awọ ẹẹsẹn aka iwogbigbe akọ ugbugbodi erọ nẹnẹ eme su ọtaa na. Amin.

06/14.txt

@@ -0,0 +1 @@
+\v 14 Ka wa fọ ẹpan gbun ẹnanẹ na sun mogben na, nẹ Ẹdẹda apan eke di na fọ wọ ẹpan gbun wu. \v 15 Ama adaka u ma fọ ẹpan gbun ẹnanẹ ṣun wọ ogben na, ẹgan ka nẹ ẹda apan eke siye fọ ẹpan gbun wu nẹ.

06/16.txt

@@ -0,0 +1 @@
+\v 16 ''Ọgbọna wa kẹ na awẹ na, ume wuna ayẹn akọ irekureku ro na, ka ibi de bebo ayẹn fuwa ka erokoro e din din ka ba na awẹ '. Ẹgbaba ẹ ga nẹ nọ, bẹ na bẹkẹrẹ gule ke. \v 17 Ama awọ, ọgnọna wa kẹ na awẹ na, fọọ amọ gberi wọ ẹpan ṣa na upuwa wọ ayẹn fuwa. \v 18 Ka ero ibuba eme di gba ka wa nọ awẹ, ama nẹ ne Ẹdẹda apan nẹnẹ wọọ ẹbẹbẹ na ayarẹ e din;aka ka wọ Ẹdẹda nẹnẹ a gba wọ ẹbẹbẹ nọ aka fọwọ ẹkẹrẹ nẹ wọ.

06/19.txt

@@ -0,0 +1 @@
+\v 19 ''Uma kọ arọn jese nẹ wọ iwu ẹrọ ọnẹ, ẹfẹna ẹkọrẹ akȯ ẹfẹkawọ eke we be na, akọ ẹfẹna oyiri abẹ din na pẹn a fọn bi yirẹ na. \v 20 Ọnẹbẹ bọwọ na a wa ka ', jese wa arọn wọ Osibina ẹẹṣẹn, ẹfẹna ẹkọrẹ akọ ọfẹkawọ e dibne be yẹ fuwa na, akọ ẹfẹna oyiri abẹ be din na pẹn a fọn e yire na. \v 21 Ka ẹfẹnẹfẹna wọ arọn ama na ẹfẹnẹbẹ ka wọ uloko aka ma nẹ.

06/22.txt

@@ -0,0 +1 @@
+\v 22 Ayẹn a wọn' ifitila iwu. A da ka, wọ ayẹn rọmnuro, iwu fẹnyan fẹnyan aye e fe nọ ọsọ. \v 23 Ama wọ ayẹn  ma ron mu ro, wọ iwu fẹnyan fẹnyan fe nọ esiri. Ọnẹbẹ uùba a da ka ọso nẹnẹ wọ i wọ iwu n esiria wa, gana esiri ugbugbodi ayẹ eke siye gbodi taa! \v 24 Koro ọyẹrẹ e dine siyọ okoto anọ ọga ẹbọrẹ nẹga, ama dọ ẹgan edina fọ iwu fẹnyan ki siye kẹ nọ ọbẹn ṣana a fọ ayẹn kẹ wan ọbẹn. Ọnẹbẹ uùbawe di ne siye okoto ke nọ Osibina Kọ arọn.

06/25.txt

@@ -0,0 +1 @@
+\v 25 Bilamọ ẹ ga nẹ wọ, u ma sẹn eyẹ ube nẹ wọ ẹrọ ẹkẹna webke je aka ẹkẹna wa ka wa na;ṣabwi wu, aka ẹkẹna webke file na. Me seyibka wȯ ẹrọ fọrẹ ijen aka wọ iwu fọrẹ ẹsa? \v 26 Balẹ ọnẹnẹ ẹnanẹ ebpiri ososi na. Bi me bire sa kparẹ sa kọ jese wo utu awa ne Ẹdẹda ososi wa ba eeje. Ani me kpoina fọrẹ ba họ?

06/27.txt

@@ -0,0 +1 @@
+\v 27 Ọọna inọ iwu nẹnẹ a sẹn eyibe ne din ne kuru teteyinte bile i yọ ẹrọ aá? \v 28 Ẹnanẹ na sẹn eyibe e wọ ẹkẹna ne ke file na? Roro akọ idodo nẹnẹ wọọ́ ọdan na, akọ si ye eguwe na. Bibma gbe akanyan, bi me dibne wọ ẹsa. \v 29 Kẹgankẹgan ki ganẹ nọ ka, Isolomon aka yọọ́ ugbugbodi bi me fi le yọ ẹsa akọ ọyẹrẹ ẹ na nẹ na.

06/30.txt

@@ -0,0 +1 @@
+\v 30 Ada ka Osibina siye ẹga file ẹmẹ wọ ọdan na ẹsa akọ, nẹnẹ e gbe ka e wa mọ amọnẹ nẹ usiye bi nẹ ya wọ ogugula na, gana gana eéba esiye fọ ẹsafile wu aá a wọ nẹnẹ su ọnawo teteyinten na. \v 31 Ọnẹbẹ uba u ma kẹ sẹn eyibe ka, Ẹnabme ke je aa?' 'Sa ẹname ke fi ka aa?'

06/32.txt

@@ -0,0 +1 @@
+\v 32 Ikuwero abẹ de ki ni ẹpẹn ẹnanẹ, ama nẹ Ẹdẹda nẹnẹ wọ ososi na di ka we nibẹpẹn ẹnanẹ. \v 33 Ama ki ni yọ Ẹẹṣẹ aka yọ ọṣẹrẹ, ọgbẹ na bẹ ayẹ a ka fọ ọ ẹpẹn ẹnanẹ fẹnyan fẹnyan nẹ wọ na. \v 34 Ọnẹbẹ uùba, u ma ṣẹn eyibe nọ usiye ka usiye ayẹ aka ṣẹn eyibe kẹ nẹ yọ iwu isubu ororo su idudud nẹnẹ fẹẹ na.

06/title.txt

@@ -0,0 +1 @@
+Ẹpan 6

07/01.txt

@@ -0,0 +1 @@
+\v 1 ''Ni ma ṣẹn ẹkarẹ, ka bi ma ṣẹn ka nọ ẹkarẹ. \v 2 Ka akọ ẹkarẹ nẹnẹ ọọ́ ṣẹn na ayẹ baka sẹn nẹ kawọ, akọ usiye mẹ nẹ erobega be ke di ne siye mẹ nẹwọ nẹ.

07/03.txt

@@ -0,0 +1 @@
+\v 3 Ẹna nẹ w balọ iku teteyinten nẹnẹ iwọ ọda ayẹn na, ama awọ u mu gbọ ọ okun igbeli nẹnẹ wọ iwo ayẹn na? Gana we ke siye\v 4  ga nẹ wọ ka, 'Jọmọ itiye iku nẹnẹ wo wọ ayẹn na fura,' nẹnẹ okun igbeli ayẹn na? \v 5 Anọ irekurekure ẹnanẹ! Ta yẹ ti ye okun igbeli nẹnẹ wọ iwọ ayẹn na fura, ọgbẹ nẹbẹ ayẹ we ke di gbọ, ije oboro nẹnẹ we ke di ne tiye iku nẹnẹ we ke d ne tiye iku nẹnẹ wọ iwọ ọda ayẹn na.

07/06.txt

@@ -0,0 +1 @@
+U ma fọọ ẹpẹn nọ ọwọnwọn nọ uwo abẹ aka u ma nẹ wọ urunro wọ ọnọma abẹ ẹrẹn. E siye ẹgan wa ibafọ ọṣẹ na dẹn ya a sọ ije bi mi bila fẹnẹ wọ tan.

07/07.txt

@@ -0,0 +1 @@
+\v 7 ''Ṣin, ba ka nẹ wọ. Ni ii, we ke dina gba, kọ ọrẹ ujun, be ke jin nẹ wọ. \v 8 Nẹ erọ fẹnyan nẹnẹ e ṣi na, a gba a na; Nẹ ero fẹnyan nẹnẹ a kọrẹ ujun na, be ke jin ya nẹ ya. \v 9 Sa nọ ọna, nẹnẹ yọ ogbe nẹ ṣin yo iburedi ẹga, a da fọ ọtarẹ nẹ yaa? \v 10 Sa e sin ayẹrẹ ẹga, nẹnẹ a ka fọ ẹpẹnidudu nẹ ya na?

07/11.txt

@@ -0,0 +1 @@
+\v 11 Ọnẹbẹ uùba aa da ka awọ nẹnẹ ọ wọ orokoro odudu na din nọ akọ bi si ya fọọ ẹpẹn oboro a nọ wo ogbe na, gana gana ayẹ́ wọ Ẹdẹda ososi eke siye fọ ẹpẹn oboro nọ ẹnanẹ e sin i uo uba? \v 12 Ọnẹbẹ uùba ẹkẹnẹkẹna we ni ka ero e siye to wu na, ka awọ u siye to ba, ọnẹ ayẹ awọ obuburu aka ẹsẹrọ nẹ.

07/13.txt

@@ -0,0 +1 @@
+\v 13 ''Fọọ opolo nẹnẹ a puwẹn na. Ka opolo nẹnẹ ṣan akọ ọnẹ lẹ yayẹn na a wọ opolo nẹnẹ yọ ofufu na, ero ọyọyọ e dina yọọ ọrẹ ayẹ ee ṣun. \v 14 Ama opolo ayẹ e pu aka ọrẹ ayẹ dine nubma nẹnẹ yọọ ọnafan na, ama ero keke abẹ a gbẹ.

07/15.txt

@@ -0,0 +1 @@
+\v 15 ''Nẹ sẹ iwu akọ ẹ̀sẹrȯ iṣoma ẹka abẹ ẹnanẹ fọ ududo alẹgbẹ file amá bẹ wọ ọnẹ ọda mẹka nẹnẹ fẹnẹ erokoro a ta na. \v 16 Aka bọ ikukutu ayẹ we ke din ba. Ero de jere urumu furọ ẹwọn ẹmẹ sa ifihi furo ẹwọn iwu? \v 17 Ẹgbalẹ ayẹ oti oboro ilukutu oboro ede muu, ama oti odudu ilukutu odudu ede fọ weṣa.

07/18.txt

@@ -0,0 +1 @@
+\v 18 Oti oboro e din na fọwọ ilukutu odudu e wesa, ẹgan nọ oti odudu e dina fọ ilukutu oboro ewe ṣa na. \v 19 Oti koti nẹnẹ e me mu nọ ilukutu oboro na, bi wuru ya bi do yọ ẹra. \v 20 Ẹgan, we ke siye kpeli ba aka bọ ilukutu nẹ.

07/21.txt

@@ -0,0 +1 @@
+\v 21 Amá wọ ero fẹnyan nẹnẹ aga a ne mọ ka,   'Idu, Idu,' abẹ aka fọn mọ Osibina ẹẹsẹn eme fura ka ẹnanẹ e siye mọ Ẹdẹda nẹnẹ wọ ososi na yọ ini. \v 22 Ero ọyọyọ a ka ga nẹ mọ isubu ayẹ ka, 'Idu, Idu, me se yi ka tẹ gọ ẹsẹ iwo iwuru, ti gu ẹfunwẹnfunwẹn idudu fura iwọ iwuru, aka iwọ iwuru ti si yọ ojinorowafuwa? \v 23 Ȯgbọnẹbẹ ayẹ ma ka gẹ yọọ́ ogbadala nẹ nọ ka 'Isi di nu gba! Ni fura mọ rẹ anọ nẹnẹ nẹ yẹrẹ ububuru na!

07/24.txt

@@ -0,0 +1 @@
+\v 24 "Ọgbọnẹbẹ, ero fẹnyan a wọ mọ edina na mọ wọ na eke ki we akọ ẹdayẹnro ma yọ ubowo yẹ rọ ọtarẹ osi na.\v 25  Osi ṣa, ogbolo ṣa aka eperi siye yẹrọ ubowo ayẹ ama e me wuru, ubaka bẹ mẹ wọ ọtarẹ.

07/26.txt

@@ -0,0 +1 @@
+\v 26 Ama ero fẹnyan nẹnẹ a wọ mẹ ẹga eme si yọbutunvsiye na e ke ki we akọ abẹyẹ nẹnẹ ma yọ ubowo yẹrọ oṣẹṣe osi. \v 27 Osi ṣa, ogbilo ṣa aka eperi siye e kpukpusẹ ubowo ayẹbe fu ya fẹnyan.''

07/28.txt

@@ -0,0 +1 @@
+\v 28 Ọgbọna e siye na nẹnẹ Ijisos ga yọ ẹga kuwe na, erokoro arimarimi nẹnẹ jese na ji no owo fuwa nọ otite ọnẹ. \v 29 Ubaka e ba ako ẹfẹna su uburu na ama wa akọ Isikiraburo na.

07/title.txt

@@ -0,0 +1 @@
+Ẹpan 7

08/01.txt

@@ -0,0 +1 @@
+\v 1 Ọgbọna Ijisọs holo ṣa ọrẹ osi, ero asanmansan yẹrẹ ya. \v 2 Naá gbẹẹ́, ẹkọmatẹdarọ ṣa towẹ a tọ mọ ẹpan iyọ ẹrẹn, a ga ka ''Idu, we ki ni ka usiye, udi na sẹ mọ e ṣina ọnwọnwọn.'' \v 3 Ijisọs yọrẹ yọ uba a dẹ ya, a gẹ ka, ''Me ni. Ṣin nọ ọnwọnwọn.'' Iganigan yọ iwu ṣi nọ ọnwọnwọn furọ ẹkọnmatẹda ayẹ.

08/04.txt

@@ -0,0 +1 @@
+\v 4 Ijisọs ga nẹ ya ka, '' Gbẹ ka uma ga nẹ oro. Kẹ yọ wọ ọrẹ, yọ uwa fọbwọ iwu yẹnọ aṣigiri, ọ ọ fọ ọwa nẹnẹ Imosis buru na, nọ ubedi nẹ ba''.

08/05.txt

@@ -0,0 +1 @@
+\v 5 Ọgbọna a fọ ma ṣa Ẹkapenamu na, Ẹsọturọnu ọbẹ ṣa tọmẹ, a tẹẹ yọ ekwin, \v 6 edina gẹẹ ka, ''Idu, mọ okotoro buwe wọ ubowo e fuwọ iwu edina wọ ọ ọnunuma.'' \v 7 Ayẹ Ijisọs ga nẹ ya ka, ''Ma ka ṣa fọ yọ iwu gan.''

08/08.txt

@@ -0,0 +1 @@
+\v 8 Ẹsẹturoni ayẹ guna yọ owo ka ''Idu, ime guwe nẹnẹ udina fọn mọọ ubowo na. Ki ga ẹga ayẹ ka mọ okotoro iwu aka gaan. \v 9 Ka amẹ ẹbẹba bi tiye mu aka uburu na, idine su ẹkoro nẹnẹ wọ imọ abẹ na. Ida ga nọ ọnẹ ka '' Kẹ yọ,'' edina ke ṣa, dina nọ mọ okotoro, 'Si ye ọnẹ,'edine si ye.''  \v 10 Ọgbọna Ijisọs wọ ọnẹ na, e ji yọ owo fuwa a ga nọ ẹnanẹ a yẹrẹ ya na, ''Ikuwa ẹ ga nẹ nọ, me mi gḅọ ẹfẹna su ọnawọ akọ Isrel ije fẹnyan na.

08/11.txt

@@ -0,0 +1 @@
+\v 11 Ẹ ga nẹ nọ, ọyọyọ aka ṣa ẹfẹna eyi we waṣa na akọ ẹfẹna eyi we a fọọ na, ba ka ma nọ ọparẹ ọyẹrẹ akọ Abraham, Isaac akọ Ijacob, Osibina ẹẹṣẹn. \v 12 Ama egben ẹnanẹbwọ ẹẹsẹn nẹ ẹka na be ke gu fura bi di ne guma ba wọ esiri ibe ẹfẹna iwo akọ irun mọ ọtamowo ekewe wa beka na.'' \v 13 Ijisos ga nọ ẹsẹturoni ro ayẹ ka,''Kẹ yọ! Akọ usiye na wọ na, ẹ ga nẹ ekewe siye wa nẹ wọ na.'' Iganigan ayẹ yọ okotoro ayẹ iwu gan nẹ.

08/14.txt

@@ -0,0 +1 @@
+\v 14 Ọgbọna Ijisos fọ mọ Ipite ubowo na, a gbọ Ipita yọ oworo wuya ka iba sẹ ya wọ ọbẹlẹ. \v 15 Ijisos fọọ uba dẹ yọ uba, ẹgan nọ iba ayẹ teyi ya nẹ. Emi fura e si yọ okoto a nẹ ya.

08/16.txt

@@ -0,0 +1 @@
+\v 16 Ọgbọna iyi bẹrẹ na, Ero fọọ ẹnanẹ ke su ẹfunwẹnfunwẹn idudu ṣa tọọ Ijisos e gu ẹfunwẹnfunwẹn idudu abẹ wẹ ṣa akọ ẹga edina fọ ẹnanẹ igun sẹ na iwu gan. \v 17 Ọnẹ a wọ ọsẹ̇pa nẹnẹ Isaya ẹsẹro ga na, ''Ayẹbẹbẹba na tọ iwu onunuma edina na tọbigun siye yọ ẹka.''

08/18.txt

@@ -0,0 +1 @@
+\v 18 Ọgbọna Ijisos gbọọ erokoro ọyọyọ nẹnẹ gegere na, a gẹbka bibsun yọ ọsarẹ ọọboro nẹnẹ wo Ẹgalili okun na. \v 19 Ọgbọnẹbẹ ayẹ isikirabu ọbẹn ṣa to wẹ aga nẹbya ka, ''Otitero, ma ka yẹrẹ wọ yọ ẹfẹnẹfẹna wa yọ na.'' \v 20 Ijisos ga ya ka, ''ene su ọdọrẹ, akọ ọnẹnẹ nẹnẹ e piri ososina su bọ ọkọ, ama Osibina ogben e me su ẹfẹna a fọ ẹpan na yẹrẹ na.''

08/21.txt

@@ -0,0 +1 @@
+\v 21 Ọyẹrẹ iyọ ogbenurun meka ga nẹ ya ka ''Idu, fọwọ ọrẹ nẹ mọ ka iye re ẹdẹda.'' \v 22 Ama Ijisos ga nẹ ya ka, ''Ke yẹrẹ mo, tebi eporo abe bi ki re bọ eporo.''

08/23.txt

@@ -0,0 +1 @@
+\v 23 Ọgbọna Ijisos fọ mọ ọkọ ebi ẹka na, yọ egbenurun mẹka yẹrẹbya fọn ya. \v 24 Nẹ balẹ ya, eperi ọkẹka nẹnẹ wọ okun weṣa na fura nẹnẹ e gbe ka ka, emi ri ọkọ ebi ẹka nẹnẹ sẹ ka okun ebi pọra a ṣọ ososi e ri ba. Ama Ijisos e buwe. \v 25 Yọ ẹgbenurun mẹka ṣa tọ wẹ bẹ sọ mẹ, bẹ ga nẹ ya ka, ''Wọn taa, Idu; itefuwa ọnẹ fo!

08/26.txt

@@ -0,0 +1 @@
+\v 26 Ijisos ga nẹ ba ka, ''Ẹna sọ nọ ọrọrẹ aa anọ nẹnẹ nọ anawọ kere na?" Ọgbọnẹbẹ e fura amọ eperi ayẹ ga akọ okun ma yẹ iganigan ayẹ apẹ sẹ ṣii. \v 27 Ojinirowo fuwa ayẹ a wa nọ erokoro nẹnė jese na bẹ gẹ ka, "Orokoro ọlọ ọna a wọ ọnẹ aa e gbe ka a mọ eperi akọ okun gẹga bi di ne siye akọ e siye ga na?"

08/28.txt

@@ -0,0 +1 @@
+\v 28 Ọgbọna Ijisos ṣun wọ oṣun na mi yȯ ọ iken nẹnẹ bee yọ Ẹgadareni na, erọ ẹbọrẹ nẹnẹ ẹfunwẹnfunwẹn idudu wọ iwu na ṣa towẹẹ. Bi wọọ ọ̀sọ́ ibe be waṣa bi dine jẹ afuwẹ nẹnẹ e gbe ka ka, erokoro ẹnanẹ e ṣun na bi mebpile din ṣun. \v 29 Ọgbọnẹbẹ, bi yii iwo weṣa ka, "Ẹna ta ka fọ wọ siye aa, Osibina ogben? Ọọ ṣa ka oṣa fọ ayẹn rọnatọ ṣa na ọgba nẹnẹ bi te na eki re ho?"

08/30.txt

@@ -0,0 +1 @@
+\v 30 Ọgbọnẹbẹ ọnọma ẹpan nọ ọyẹyẹ be jọ ijen nọ ẹfẹnẹbẹ, eme fon nọ ọrẹ nẹba. \v 31 Ẹfunwẹnfunwẹn nọ idudu abẹ ki a tẹyọ Ikuwa ka, "We gu tu weṣa, gu tu wọọ ọnọma ẹnanẹ iwu." \v 32 Ijisos ga nẹ ba ka "Nẹ kẹ yọ!" Ẹfunwẹnfunwẹn nọ idudu abẹ ve ṣa ibọ iwu bẹ fọ mọ ọnọma abẹ iwu yọọ; iganigan, ọnọna abẹn fẹnyanfẹnyan mune holo ọrẹ fọmọ okun mọ ibe abẹ fẹnyanfẹnyan fọ wọ ebi ibe.

08/33.txt

@@ -0,0 +1 @@
+\v 33 Ẹnanẹ e siyọ ọnọma abe itoju na mune fọ mọ iken yọ bẹ ga fẹnyan fẹnyan nẹnẹ bọ ayẹn gba na aka ẹkẹna to ẹnanẹ su ẹfunwẹnfunwẹn nọ idudu abẹ na. \v 34 Ọnẹbẹ uba, erọ fẹnyan fẹnyan  nẹnẹ wọ iken na yẹ na ve ṣa ṣa towo Ijisos. Ọgbọna bẹ gbe na, bẹ tẹyọ ekwin ka e furọ abọ iken.

08/title.txt

@@ -0,0 +1 @@
+Ẹpan 8

09/01.txt

@@ -0,0 +1 @@
+\v 1 Ijisos fọ mọ ọkẹ ebi eka, sun yọ ọsun yọ reyọọ iken. \v 2 Balẹ, bẹ fọọ ofo iwu nẹnẹ buwe wọ ọbẹlẹ na ṣa towẹ. Ọgba na a gba bọ ọnawọ na, Ijisos ga nọ ofo iwu ayẹ ka "Ogben, a siwu. Ẹ fọ wọ iluwe iye gbun wu."

09/03.txt

@@ -0,0 +1 @@
+\v 3 Balẹ, Ẹscribes ro ẹbẹn na gẹ ibọ etin ka, "Ore ọnẹ a siye ẹnakẹ." \v 4 Ijisos din bo iroro fẹnyan a gẹ "Ẹna nẹ nẹ roro odudu inọ uloko na?" \v 5 Ọọna abẹrẹ iwu ọ ga, 'Ẹ fọ wọ iluwe iye gbun wu; sa ẹ ga ka 'Fura uki jejen? \v 6 Ama ẹrọ ka a fọ iluwe gbun mọ oro "A ga nọ ofo iwu, "Fura, kọlẹ wọ ọbẹlẹ kẹ yọ wọ ubewo.''

09/07.txt

@@ -0,0 +1 @@
+\v 7 Ẹgan nọ oro ayẹ siye fura a yọ yọ́ ubowo nẹ. \v 8 Ọgbọna erokoro ẹnanẹ furu na gbọ ẹkẹna esiye na, ọrọrẹ sọ ba, be fọ ugbugbodi a nọ Osibina, nẹnẹ fọ oburu ọnẹ nọ orokoro na. \v 9 Akọ Ijisos siye ṣun mọ ẹfẹnẹbẹ na, a gbọ oro ọbẹ nẹnẹ be yọọ Ematiwu na, a ma nọ ọ ọna amanaro abe uturu. A ga nẹ ya ka, "kẹ yẹrẹ mọ". Ama tọ owo e fura a a yẹrẹ ya.

09/10.txt

@@ -0,0 +1 @@
+\v 10 Akọ Ijisos siye ma ka ayẹ eki jijen na, balẹ ẹnanẹ a nọ amana na akọ iluwe ro abe yọ ṣa towẹ be mẹ ye jijen aka yọ egbenuru mabẹ. \v 11 Ọgbọna Efarisi ro abẹ gbẹ na, be ga a nẹ yọ egbenuru mabẹ ka, " Ẹnanẹ nọ otitero mọ ọna amanaro akọ iluwe ro abẹ e jijen na?"

09/12.txt

@@ -0,0 +1 @@
+\v 12 Ọgbọna Ijisos wo ọnẹna, a ga nẹ ba ka, "Erokoro ẹnanẹ bọ iwu ga na bi me ni ẹfẹna aka fọ bọ iwu ga na, eme fura ka ẹnanẹ e yan na. \v 13 Nẹ yọ ni piya ẹkẹna ẹ ga ọnẹ na: 'Ini wọ eyi ayẹn ama wa wọ iyanpun.'"

09/14.txt

@@ -0,0 +1 @@
+\v 14 Ọgbọnẹbẹ ayọ Ẹjọọn egbenuru mẹka ṣa towẹ bẹ ga nẹ ya ka "Ẹnanẹ atọ akọ Ẹfarisi ro abẹ da kẹ na awẹ ọgba fẹnyan ama wọ egbenuru mẹka abẹbbibma na awẹ na?" \v 15 Ijisos ga nẹ ba ka "Uú gbe egben nẹnẹ wọ ovia ubowo na di na kẹ nọ awẹ nẹnẹ bọ oforo wọ ibọ efa na? Àma isubu ayẹ a ka ṣa nẹnẹ ba ka nọ ovia oforo fura ibọ uba na,  ogbonegbe ayẹ ba ka na awẹ nẹ

09/16.txt

@@ -0,0 +1 @@
+\v 16 Eme su ẹfẹna aka fọ ẹsa owowo siye ẹsa nẹnẹ dọn na a ja fẹnẹ yọ ọfẹfẹnẹ aka wo odudu.

09/17.txt

@@ -0,0 +1 @@
+\v 17 Eme dine suvka erokoro bẹ fọ adẹ owowo wọọ otẹlẹ osusun. Be siye ẹga, ọtẹlẹ ayẹ e dinebbe. Eme fura ka, bẹ fọọ adẹ owowo ayẹ wọ ọtẹlẹ owowo ayẹ ẹbọbọ e ke siye guru."