Sun Oct 27 2019 12:19:15 GMT+0100 (W. Central Africa Standard Time)

03/03.txt

@@ -0,0 +1 @@
+\v 3 Rharhi khi vha khyie la ẹlamhijegbe, rharhi khi ofuma ali Ukhẹmhukhẹ o khyie la vhẹ lteteva, vhavha mẹ nyele inyele elamhijegbe yọ, vhavha khyiẹli ingme otsonagbọ nenaa? \v 4 ona ọ khi ẹẹ li, “Ipọlu mhi rha khẹ” ovhese ọọ li, “Apolọsi mhi rha khẹ” Vhavha nyele inyele otsonagbọ nenaa? \v 5 Ọgwho khi Apolọsi? Ọgwho khi Ipọlu? Egamhẹ ni vha ga te ikpa wẹ myiesuọ, ni Ọnọmhuẹyẹ ọ ga rhi Ikanya naa.

03/06.txt

@@ -0,0 +1 @@
+\v 6 Irhẹmhi rhọ kọ Apolọsi ọ rhi amẹ a shiọ, ama Ishinẹgba li ọ rhẹ wẹ afu. \v 7 Iyọ, shi Ọni ọ rhọ kọ ali ọni ọ rhi amẹ a shi vhọ e vha mhuẹ emeni e kyila, sẹkẹnẹ ọni Ishinẹgba ni ọ rhẹ wẹ afu.

03/08.txt

@@ -0,0 +1 @@
+\v 8 Shi ọni ọ rha kọ shi ọni ọ rhi amẹ a na wẹ ogwhọ li e gaa kyila, ọgbọgbọ li ọ laa myie elele abhi ọ li gbe. \v 9 Rharhi rhẹmhi eyẹ nu Ishinẹgba a gbe akanya kwugbe. Ghyiẹ khi ekẹ ishemhi ni Ishinẹgba ọa gwa, ali owa ọli.

03/10.txt

@@ -0,0 +1 @@
+\v 10 Rharhi izọtena ni Ishinẹgba ọ rhọ na mhẹ, abhi egbegbe ọgwabha ma owa, Mhi she tuekele ọgbọ ọvhese li ọ ke ma nya. Ama ọgbọgbọ kwu ọ rhọ shi ẹgbhẹ abhi ọ li ma nya. \v 11 Rharhi ọgbọ ọa mhuẹ ugbẹkele ovhese dala oni a kpọ khyiẹlẹ shi ekẹ, ni ọ kyili Ijesu Ikiristi.

03/12.txt

@@ -0,0 +1 @@
+\v 12 Nenaa, a kha mẹ ọgbọ ni ọ rhi Igolu, Isiliva, echẹ na nyanyaa, erhẹ, ebuli ma nyaa, \v 13 A la laa rhi Ikanya ọli Khasẹ, rharhi khi ẹlogota li o rhi egbe oli a khasẹ. Rharhi khi erhẹ o laa rhẹ wẹ khasẹ; oni erhẹ li o laa rhọ khasẹ abhi ikanya wẹ e li kyili enaghyie.

03/14.txt

@@ -0,0 +1 @@
+\v 14 O kha ke kyia khi ikanya ni ọgbọ gbe khi e kpọle, ọ mhọli elele. \v 15 Ama ikanya ọgbọ e kha ke toa, opfu o gbe ọ. ama lẹ obọli ọ laa pfue vhọ le, abhizẹzẹ khi rhẹmhi ọ pfue erhẹ le.

03/16.txt

@@ -0,0 +1 @@
+\v 16 Vha mẹ li yẹsẹ khi apfe ugamhi Ishinẹgba vha kyia khi Ayẹmhẹ Ishinẹgba o nu vhẹ la? \v 17 Ọgbọ ọ kha gwhọghọ apfẹ ugamhi Ishinẹgbaa, Ishinẹgba ọ laa pfuse ọlia. Rharhi khi apfẹ ugamhi Ishinẹgba oni o pfuasẹ li o kyia. Iyọ, vhẹvhẹ khi oni apfẹ oyọ.

03/18.txt

@@ -0,0 +1 @@
+\v 18 Imhẹli ọgbọ ọ ghagha igbe ọli, a kha mẹ ọgbọ vhi elemhi vhẹ ni ọ khi lẹ ma mhuẹ ẹgbhẹ, ọ mela “adẹkẹa” khi ọ kẹ kyili ọtsẹgbhẹ. \v 19 Rharhi khi ẹgbhẹli oni agbona idẹkẹ li o kyia ni Ishinẹgba. Rharhi khi o la akẹkeshẹkẹ “Ishinẹgba ọ te umagwẹ etsẹgbhẹ nwu wẹ.” \v 20 Abagwhoyọ, “Ọnọmhuẹyẹ ọ yẹsẹ khi isamhi etsẹgbhẹ khi apfuẹ lọ.”

03/21.txt

@@ -0,0 +1 @@
+\v 21 Iyọ, imhẹli ọgbọ gwe rhi iọgbọ gha! Rharhi khi ẹtsẹkẹ kwu iyẹ lọ. \v 22 O kyili Ipolu, o kyili Apolusi, o kyili Ikẹfasi, o kyili oni agbọ ona, o kyili inyele, o kyili egwhuli, o kyili emeni e la nena, o kyili emeni ea bhale, iyẹ li e gaa kyila, \v 23 Uwi Ikiristi li u kyila, Ikiristi ọ kyili uwi Ishinẹgba.

04/01.txt

@@ -0,0 +1 @@
+\c 4 4 \v 1 Inali iọgbọ e lia yẹsẹ khi egamhẹ Ikiristi li eyẹ kyia ali eni ẹtsẹkẹ ogbhagbha Ishinẹgba e la obọ. \v 2 Emeni a nono obọ ọni akanya Ishinẹgba o la obọ khi ọ kyili ọni a rhi egbe a da.

04/03.txt

@@ -0,0 +1 @@
+\v 3 O vha nwu mhẹ ẹloe ni vha rhẹ lia gwu mhẹ ẹzọ ọa liyọ vha rhẹ mhẹ je owẹzọ agbọ, ingmaghyie, a khi mhẹmhẹ mhia sọ egbe mhẹ unu ẹzọ. \v 4 Imha yẹsẹ ememeni vha gwu kwu mhẹ egbe, ama a khi rhẹmhi ẹẹ khi imha lue, Ishinẹgba li ọa sọ mhẹ unu ẹzọ.

04/05.txt

@@ -0,0 +1 @@
+\v 5 Iyọ Imhẹ sọ unu ẹzọ neni igwẹzọ o rhamhi, neni Ọnọmhuẹyẹ ọ bhẹ. Ọ laa rhi ẹtsẹkẹ ebili ni e gbhagbha ali emeni e la idu kwu khasẹ vhi ufulọ. ishọyọ Ishinẹgba ọ chichi ọgbọgbọ.

04/06.txt

@@ -0,0 +1 @@
+\v 6 Nenaa, inyọgwho mhẹ ni ikpotso ali emọse, irhẹmhi rhi egbe mhẹ ali Apolọsi khyiẹlẹ irhọkhasẹ khasẹ vhẹ,  khi vha kẹ te ikpa eyẹ wẹna emeni eni ingme ena e ngme, “Imhẹ vha talase emeni a kẹkẹ shi ekẹ. “Irhẹmhi o kyia yọ khi aa ke mẹ ọni ọ rhue egbe ọli fu dala ọni ọ kpọẹ, \v 7 Ọgwho ọ rhẹ vhẹ degbea shi iọgbọ ni e kpọẹ vhi egbe? Elọ vha mhuẹ ni o vha kyia khi rhẹmhi a rhẹ wẹ somhi vhẹ opfa apfuẹ? O kha kyia khi irhẹmhi a rhẹ wẹ somhi vhẹ ọpfa apfua, elọ vha ke chichiegbe a shi abhizẹzẹ khi akanya obọ vhẹ lọ?

04/08.txt

@@ -0,0 +1 @@
+\v 8 Vha she mhọli emeni e gwhẹ vhẹ! Vha she pfue! Vha lee eghyiele---vha chi  eyẹ vhi egbe lẹẹ, Ingmaghyie lọ, o gwhẹ mhẹ khi vha le eghyiele, ishọyọ eyẹ ke li nu vhẹ le eghyiele. \v 9 Rharhi khi mhi sa khi irhẹmhi Ishinẹgba ọ rhi eyẹ ighyiusomhi kpe oshimhi ni eni e gbhẹ ogwhẹ abhi eni a laa gboloa. Eyẹ she khyiẹlẹ irhọkhasẹ ni agbọ ali ighyiukọ.

04/10.txt

@@ -0,0 +1 @@
+\v 10 Rharhi Ikiristi idẹkẹ li eyẹ ke kyia, vhẹvhẹ vha kyili etsẹgbhẹ vhi elemhi Ikiristi. O lọsẹ eyẹ, ama vhẹvhẹ vha ze, Vha she la asha eghọghọ, ama eyẹ la omama. \v 11 Apfishi nena okyiamhi ali okyiamẹ e kyhie lia gbe eyẹ, eyẹ rhi ede na chẹchẹ kwuegbe, a rhi ofu shi elemhi gbe eyẹ, eyẹ vha mhuẹ apfẹ.

04/12.txt

@@ -0,0 +1 @@
+\v 12 Eyẹ rhi abọ eyẹ a gbe ikanya ni e zezeze. A zẹnọ ẹnwẹ ni eyẹ, eyẹ kwu itsẹ a na wẹ. A kha kwhu eyẹ ukhomhi ukhomhi, eyẹ rhi egbe myie.  \v 13 A kha ka eyẹ, eyẹ rhi isomhelemhi sọ wẹ vhọ. A she rhi eyẹ mela ichikwa ali asha ni o gaa nwu ijomhi nẹẹ kwu

04/14.txt

@@ -0,0 +1 @@
+\v 14 A khi rhẹmhi kẹkẹ ena ghyi vhẹ khi e kẹ kwu omama rhugwhu vhẹ, ama rhẹmhi rhi ọli sheshe vhẹ abhi imyi mhẹ ni e gwhẹ mhẹ.  \v 15 Vha kha rhẹ mhuẹ ewẹnagbọ agbẹlẹ egbhọ igbe asha igbe vhi elemhi Ikiristi, vhavha mhuẹ ita nebu. Rharhi ita vhẹ mhi ke kyia eyọ elemhi Ijesu Ikiristi te ikpa oni ingmemhi Ishinẹgba. \v 16 Mhi lema vhẹ khi vha ke khọlia mhẹ.

04/17.txt

@@ -0,0 +1 @@
+\v 17 Li o rhẹ mhẹ ghyie Itimoti ni ọ gwhẹ mhẹ ni ọ gwe kyili egbegbe omyi mhẹ vhi elemhi Ọnọmhuẹyẹ bhuli vhẹ. Ọ la yele vhẹ abhi mhi li la vhọ elemhi Ikiristi, abhi mhi le li wẹna wẹ ashakasha kwu ali elemhi ika kwu eyọ. \v 18 Ebubu vhẹ e shee mhuẹ ofu, abhizẹzẹ khi imha gwe lẹẹ bhẹ.

04/19.txt

@@ -0,0 +1 @@
+\v 19 o kha ghọli Ishinẹgba, mhi lee kẹlẹ a bhẹ bhuli vhẹ le nena, nena. Oni ẹrhẹghẹ mhi ke rha yẹsẹ a khi ingmemhi apfuẹ ni eni ea chichiegbe ea ngme ena, ama mhi laa mẹ izemhi wẹ. \v 20 Rharhi ingmemhi eghyiele Ishinẹgba o vha kyili ingmemhi unu lọgwho o le kyia, ama izemhi. \v 21 vhaa nono? Mhi rhue utele mhọ obọ bhẹ bhuli vhẹ le laa khi mhi rhi ighọli ali ayẹmhẹ ọpfọmhẹ bhẹ?

04/title.txt

@@ -0,0 +1 @@
+Ikhomhi 4           Ikoritasi ni ikyiatsolo

05/01.txt

@@ -0,0 +1,2 @@
+\c 5 Ikhomhi 5  Ikọrhitasi ni ikyiatsolo
+\v 1 she suọ khi idetsia ikpotso ali emọse o la vhẹ iteteva, uvhali idetsia ni a vha mẹ vhi iteteva eni e vha myiesuọ gwhe. Oni idetsia lẹ khi ẹẹ khi emọse e nu igwhẹ ita wẹ a gbhẹ.  \v 2 Abhagwhoyọ, vha maa chichegbe! ochi ni vha kha rhọ la ọrhọ shi emeni vhaa khyiẹ. Ọni ọ gbe akanya onana vhaa nwemaa rhue ọli vhi iteteva vhẹ le

05/03.txt

@@ -0,0 +1 @@
+\v 3 Ama imha la ayọ ghe mhẹ ghyiẹ, ama mhi nu vhẹ la elemhi ayẹmhẹ, mhi she kpọ lele sọ ọni ọgbọ unu ẹzọ, abhizẹzẹ khi mhi la ayọ ghe mhẹ ghyiẹ,  \v 4 Ẹrhẹghẹ ni vha rhọ legba kwu elemhi eva Ọnọmhuẹyẹ Ijesu, ayẹmhẹ mhẹ o nu vhẹ la ayọ ali izemhi Ọnọmhuẹyẹ Ijesu, mhi she kpọ le sọ ọni ọgbọ unu ẹzọ nee. \v 5 Irhẹmhi khyiẹlẹ ona khi mhi rhọ ji ọli abọa ni okhyio khi ọ rhọ rhi ẹchọ ni ijegbe ọli, ayẹmhe ọli o kẹ pfue vhọ le ogbẹlẹ Ọnọmhueyẹ.

05/06.txt

@@ -0,0 +1 @@
+\v 6  Idọmhi ni vha dọmhi o vha ti. Vhaa li yẹsẹ khi  ukwukwu uduekẹ li o rhi osọmhi a fuma? \v 7 Vha shishi egbe vhẹ uduekẹ oni ojọ egbea, khi vha kẹ kyili ukphakpha onogbọ, ni a vha rhi ẹtsẹkẹ gboghyiẹ. Rharhi khi Ikiristi, ni ọ kyili ukphakpha idọsẹalẹ eyẹ, a she rhi ọli lasẹ obo ni eyẹ.   \v 8 Iyọ eyẹ ghọdọ shi oni uliemhi, a khi uduekẹ nẹlẹ li a rha khyiẹlẹ ọli, ni o kyili uduekẹ irhingme ọgbọ shi elemhi ali ọkhọlọ, Onochi, eyẹ rhi ukphakpha ni a vha rhi ẹtsẹkẹ gboghyiẹ khyiẹlẹ, oni uliemhi ni o kyili irhi udu aghyie ali ingmaghyie gbe.

05/09.txt

@@ -0,0 +1 @@
+\v 10 \v 9 Mhi kẹkẹ shi ebe ghyi vhẹ  khi imhẹ vha nu eni ea gbe idetsia le kwugbe.\v 10 A khi eni ea gbe idetsia ni e la ekẹ agbọ, wẹ khi eni ẹtsẹkẹ ọgbọ ọa tuegbe, wẹ khi eni e rhi ighagha myiono iọgbọ ẹtsẹkẹ, wẹ khi eni ea las obo.

05/11.txt

@@ -0,0 +1 @@
+\v 11 Ama irhẹmhi kẹkẹ ghyi vhẹ khi imhẹ vha nu eni e lu egbe wẹ eni e myiesuọ ni e kyhie lia gbe idetsia, ali eni ẹtsẹkẹ ọgbọ ọa tuegbe, ali  eni ea wola, ali edenyọ, ali eni e rhi ikpamhika myiono iọgbọ ẹtsẹkẹ. Shi emenale imhẹ vha nu wẹ le kwugbe pẹẹ, pẹẹ. \v 12 Oni ogwho o de mhẹ khi mhi rhọ kee sọ eni e  la elase unu ẹzọ? Ina khi eni e la elemhi uka vhaa sọ unu ẹzọ?  \v 13 Ama Ishinẹgba li ọa gwu eni e la elase ẹzọ. “Vha rhue ọgbọ ọyọyọ iteteva vhẹ le.”

05/title.txt

@@ -0,0 +1 @@
+Ikhomhi 5 Ikorhitiasi ni ikyiatsolo

06/01.txt

@@ -0,0 +1 @@
+\c 6 \v 1 kha de ọgwho ali ọgwho, rhẹmhi ọ mẹẹ rhi obọ gbe eni e myiesuọ a shi, ọ ke a je owa ẹzọ eni ea myesuọ?  \v 2 Vha li yẹsẹ khi eni e myiesuọ li e laa gwu oni agbona ẹzọ? Vha kha ke la gwu agbọ ẹzọ, vhavha dobẹ rhi egbe vhẹ a sheshe ni vha mẹ ingme? \v 3 Vhavha li yẹsẹ khi eyẹ laa gwu ighyiukọ ẹzọ? Vha ke laa ngme umhasuegbe ni o la oni agbona?

06/04.txt

@@ -0,0 +1 @@
+\v 4 Iyọ vha kha rhẹ mhọli ingme shi ekẹ ni egbe, see vha ke li tsua oni ingme a bhuli eni e vha ye uka?  \v 5 Rhẹmhi ngme ona khi o rhi omama nwu vhẹ. A vha gaa li mẹ ọtsẹgbhẹ iteteva vhẹ ni ọ li dobẹ rhi ọgbọ ali inyọgwho ọli a sheshe? \v 6 A kha ke mẹ ingme iteteva eni e myiesuọ vha ke tsua egbe a je owa ẹzọ, bhuli ọsunuẹzọ ni ọ vha myiesuọ!

06/07.txt

@@ -0,0 +1 @@
+\v 7 Emeni a rhọ kpọ mẹ umhasuegbe vhi iteteva eni e myiesuọ o she kpọ le pfi vhẹ gbe nee. Vha kha mẹ oni osue o vha somhi nẹẹ? A kha li ẹ le o vha somhi nẹẹ? vha wẹ le lama iluemhi? \v 8 Ama vhẹvhẹ vha kpọ lue ni vha gwe li iọgbọ le, eni iọgbọ ena inyọgwho vhẹ ni ikpotso ali emọse li e kyia!

06/09.txt

@@ -0,0 +1 @@
+\v 9 Vha li yẹsẹ khi ọni ọ vha gwabha gbe ọ vha lo owa eghyiele Ishinẹgba? Imhẹ vha lama shi olẹmhi. wẹ khi idetsia ikpotso ali emọse, wẹ khi ilasobo, wẹ khi ili odọsẹ, wẹ khi idetsea emọse ali emọse, \v 10 Wẹ khi ighyiatọ, wẹ khi ẹtsẹkẹ ituegbe, wẹ khi idenyọ, wẹ khi irhi ikpamhika myie ọgbọ ẹtsẹkẹ rhue—rharhi khi a vha mẹ ọnyiẹwẹ nl ọ laa lo owa eghyie Ishinẹgba. \v 11 li ebubu vhẹ e kpọ li gwhe, ama vha she ke pfuasẹ nena. vha nu Ishinẹgba rhọ sheshe, vha she nu Ishinẹgba rhọ sheshe elemhi eva Ọnọmhuẹyẹ Ijesu Ikiristi ali Ayẹmhẹ Ishinẹgba eyẹ.

06/12.txt

@@ -0,0 +1 @@
+\v 12 “Mhi dobẹ a khyiẹlẹ ẹtsẹkẹ kwu”  ama a khi ẹtsẹkẹ kwu li e laa rhi elele na mhẹ, “Mhi dobẹ a khyiẹlẹ ẹsẹkẹ kwu” ama e vha ke laa mhasẹ ke na mhẹ.   \v 13 ”Elemhi li o mhọli emenale, emenale o vha mhọli elemhi, ”Ishinẹgba ọ gaa rhi wẹwẹ kwu dosẹ la lẹ, a vha ma ijegbe ni idetsia, ama Ishinẹgba li ọ mhọli ijegbe, ọni Ishinẹgba li ọ rhọ ni oni ijegbe a le.

06/14.txt

@@ -0,0 +1 @@
+\v 14 Ishinẹgba ni ọ nwu Ijesu te egwhuli vule li ọ gwe laa rhi izemhi ọli nwu eyẹ vulẹ. \v 15 Vha li yẹsẹ khi ijegbe vhẹ khi ijegbe Ijesu lọ? Irhẹmhi ke laa tsua ijegbe Ijesu laa toma ijegbe aghaba? A vhaa mẹ yọ gwhe!

06/16.txt

@@ -0,0 +1 @@
+\v 16 Vha li yẹsẹ khi ọni ọ toma aghaba vhọ ijegbe ogwho li e ke kyia? Ibabo oo ngme, “Wẹwẹ ava e ke kyili ijegbe ogwho  \v 17 Ama ọni ọ toma Ọnọmhuẹyẹ vhọ ayẹmhẹ ogwho li e ke mhuẹ.

06/18.txt

@@ -0,0 +1 @@
+\v 18 na ni ighaba! “Ingmobe ni ọgbọ ọ li kwu elase ijegbe li oa la,” ama ingmobe ighaba irhẹmhi ọgbọ rhọ gbe gọ ni ijegbe ọli.

06/19.txt

@@ -0,0 +1 @@
+\v 19 Vhavhaa li yẹsẹ khi ijegbe vhẹ khi apfẹ Ayẹmhẹ ni o Pfuasẹ, ni ọ nyele vhẹ vhi egbe, ni vha te obọ Ishinẹgba mhuẹ? Vha li yẹsẹ khi vhavha  mhọli egbe vhẹ? \v 20 Rharhi khi a she dẹẹ vhẹ fali ọta. Iyọ vha rhi ijegbe vhẹ rhi ikiki ni Ishinẹgba.

06/title.txt

@@ -0,0 +1 @@
+Ikhomhi 6      Ikọrhitasi ni kyiatsolo

07/01.txt

@@ -0,0 +1 @@
+\c 7 \v 1 obodẹ emeni vha kẹkẹ ghyi mhẹ:  O ti khi imhẹli ọmọse ọ rhọ nwu ugwhẹ.  \v 2 Ama rharhi ọnwufẹẹ ighabha, ọmọse kwu ọ mhọli ugwhẹ ọli, abagwhoyọ, ọkpotso kwu ọ mhọli ugwhẹ ọli.

07/03.txt

@@ -0,0 +1 @@
+\v 3 ọmọse ọ rhi ẹgbue ugwhẹ ọli ni ọkpotso kee ni ọkpotso, abagwhoyọ ọkpotso ọ rhi ẹgbue ugwhẹ ọli ni ọmọse a ni ọni ọmọse. \v 4 Ọmọse ọ vha mhọli afu obodẹ ijegbe ọli, wẹ khi ọkpotso li ọ mhọli afu obodẹ ijegbe ọli, ọmọse li ọ mhọli ọkpotso, ọkpotso ọ mhọli ọmọse.

07/05.txt

@@ -0,0 +1 @@
+\v 5 Imhẹ vha rhi ugwhẹ rhi ẹchọ ni egbe vhẹ, sẹkẹnẹ khi rhẹmhi vha mhuẹ alamanegbe ẹrhẹghẹ ni akẹ. Khi vha mhuẹ ẹrhẹghẹ pfi olema. Vha kha lee khyiẹlẹ pfuse, ayayayọ vha gwe a lona, khi okhyio ọ ke nwu vhẹ fẹẹ rharhi imha dobẹ rhi egbe a myie ni vha mhuẹ. \v 6 Ama irhẹmhi ngme ena khasẹ vhẹ abhi ikhọkhọ a khi irhẹmhi rhọ shi ushi na vhẹ. \v 7 Rhẹmhi a khẹ khi ọgbọ kwu ọ liabhi mhẹmhẹ. Ama ọgbọgbọ li ọ mhọli isomhopfa ọli vhi obọ Ishinẹgba. A khi Isomhopfa ọna lẹ khi uwi ọna.

07/08.txt

@@ -0,0 +1 @@
+\v 8 Obodẹ eni a vha nwu ugwhẹ ali eni esọrhọ, oo gwhẹ mhẹ a rhẹ khi e liyọ nyele e vha ye ugwhẹ, abhi mhẹmhẹ. \v 9 Ama o kha kyia khi e vha laa dobẹ rhi egbe myie, e wẹ ye ugwhẹ. E kha  ye ugwhẹ li o somhi dala ọgwhẹmhẹ ugwhẹ ọa tosẹ wẹa.

07/10.txt

@@ -0,0 +1 @@
+\v 10 Vhẹvhẹ ni vha ye ugwhẹ mhi shi oni ushi ona na vhẹ, a khi mhẹmhẹ mhi shi ọli, ama Ọnọmhuẹyẹ: “Imhẹli ọkpotso ọ chi ugwhẹ le.”  \v 11 kha sheda chi ugwhẹ le, ọ wẹ lee shitọ apfuẹ imhẹli ọ ye ugwhẹ ovhese, ọ vha ke a shitọ apfuẹ, ọ nu ọli rhọ sheshe. Abagwhoyọ, “Imhẹli ọmọse ọ kwhu ugwhẹ ọli.”

07/12.txt

@@ -0,0 +1 @@
+\v 12 Ama vhẹvhẹ eni e kpọẹ mhi ẹẹ vhẹ---Uwi obọ mhẹ, a khi uwi Ọnọmhuẹyẹ---a kha mẹ ọmọse ni ọ myiesuọ ni ọ mhọli ọkpotso ni ọa myiesuọ, ọ kha lama khi lẹ vhaa chi oni ugwhẹ le imhẹli ọni ọmọse ọ kwhu ọ. \v 13 O kha ke kyila khi ọkpotso li ọmọse ni ọ vha myiesuọ ọ mhọli,  ọ lama khi ọ nu ọli a shitọ, imhẹli ọ vu oni ugwhẹ le.   \v 14 Rharhi khi ọkpotso ni ọ myiesuọ ọọ rhi ugwhẹ ọli ni ọmọse ni ọ vha myiesuọ a pfuasẹ, abagwhoyọ ọmọse ni ọ myiesuọ ọọ rhi ugwhẹ ọli ni ọmọse ni ọ vha myiesuọ a pfuasẹ. Ina khi iyọ lọ imyi vhẹ e vha kha pfuasẹ, ama ona o she rhẹ wẹ pfuasẹ.

07/15.txt

@@ -0,0 +1 @@
+\v 15 Ama ọni ọ vha myiesuọ ni ọọ khi lẹ vha laa dobẹ shitọ, dobẹ ọli vu. Ushi irhomhi ni e sọ o vha nwu ọni ọmọse wẹ khi ọni ọkpotso. Rharhi ọpfomhẹ li Ishinẹgba ọ nyalu eyẹ a nyele. \v 16 U mẹẹ yẹsẹ ghyiẹ ọkpotso, ni ghyiẹ li u laa tsumhi ugwhẹ ni ọmọse? Laa khi ghyiẹ ni ọmọse, u mẹẹ yẹsẹ ni ghyiẹ li u laa tsumhi ugwhẹ ẹ ni ọkpotso?

07/17.txt

@@ -0,0 +1 @@
+\v 17 Vha lee dobẹ ọgbọgbọ nyele inyele ni Ishinẹgba o mhasẹ nali, abhi Ishinẹgba ọ li nyalu ọgbọgbọ. Ushi na mhi shi ni ika kwu khi ena.  \v 18 A mẹ ọni a kpọ fẹẹ neni ọ myiesuọ? imhẹli ọ yamhi o ni ofẹlia. A mẹ ọni a vha fẹẹ neni ọ myiesuọ? Imhẹ li a chigbe fẹli ọ. \v 19 Rharhi khi shi ofẹẹ ali umhafẹẹ a khi lẹ khi oni ingme. Oni ingme lẹ khi isuọ esọ ni Ishinẹgba.

07/20.txt

@@ -0,0 +1 @@
+\v 20 Abhi ọgbọgbọ ọ li neni Ishinẹgba ọ nyalu ọli, ọ kyhie liyọ.  \v 21 Ogwhumha lu mẹẹ kyila neni u myiesuọ? imhẹ rhue ọli kyili ingme, ama u kha mẹ abhi u lia mhọli igbadegbea liyọ. \v 22 Ama ogwhumha ọ kha myiesuọ igbadegbea li ọ ke kyila. Abagwhoyọ, ọni ọ rhẹ kpọ gbadegbea oghumha Ikiristi li ọ ke kyila ni ọ myiesuọ.  \v 23 A she dẹẹ vhẹ fọta, rharhi iyọ imhẹ gwe kyili ogwhumha agbọ. \v 24 Inyọgwho mhẹ ni ikpotso ali emọse, abhi vha kpọ le li neni vha myiesuọ eyọ vha kyhie le liyọ.

07/25.txt

@@ -0,0 +1 @@
+\v 25 Nenaa, obodẹ eni e vha ye ugwhẹ nee, a khi  Ọnọmhuẹyẹ li ọ rhi oni ushi ona na vhẹ. Ama abhi mhi khọkhọ khi ona, abhi ọgbọ ni a rhi egbe nya te ikpa ivhẹlemhi  Ọnomhuẹyẹ.  \v 26 Elemhiyọ, mhi khọkhọ khi rharhi ọnwunu agbọ ni a ke mẹ amo, o ti khi ọgbọ ọ liabhi ọ li.

07/27.txt

@@ -0,0 +1 @@
+\v 27 Ghyiẹ ali ọkpotso vha she mẹ rhomhi irhomhi ugwhẹ ni egbe? imhẹ chi egbe vhọ le. Irhẹmhi u mẹẹ shitọ u waa nwu ugwhẹ? imhẹ wẹ nwu ugwhẹ.  \v 28 Ama u kha ye ugwhẹ u waa li ingmobe. Ọkpotso ni ọ vha ye ugwhẹ nee ọ ke yẹ ugwhẹ ọ vha li ingmobe. Ama khi eni e ye ugwhẹ e maa mẹ ikphakhamhẹ egbe, li o rhẹ mhẹ a nono khi mhi pfa vhẹ vhọ le.

07/29.txt

@@ -0,0 +1 @@
+\v 29 Ama emena mhi ngme vhọ khi ona, inyọgwho mhẹ ni ikpotso ali emọse: Ẹrhẹghẹ o vha gwe la. Te inena vu ọni ọ mhọli ọkpotso ọ rhue egbe ọli abhi ọni ọ vha mhọli ọkpotso.  \v 30 Eni ea vyiẹ e rhue egbe wẹ abhizẹzẹ khi wẹwẹ e vha vyiẹ, eni ea ghẹlẹ e liabhizẹzẹ khi wẹwẹ e vha ghẹlẹ, eni ea dẹẹ ẹtsẹkẹ abhizẹzẹ khi a khi wẹwẹ li e mhuẹ eni ẹtsẹkẹ.   \v 31 Vhẹvhẹ ni vha pfi ẹgbue shi ẹtsẹkẹ oni agbona imhẹ vha khẹ ọli ma aye, rharhi khi oni inyele oni agbona o dọsẹ la lẹẹ.

07/32.txt

@@ -0,0 +1 @@
+\v 32 Irhẹmhi nono khi vha chi ọkpokpomhẹ le. Ọni ọ vha ye ugwhẹ ẹtsẹkẹ Ọnomhuẹyẹ e maa nwu ọli egbe, khi lẹ kẹ rhi egbe nwu ọli. \v 33 Ama khi ọmọse ni ọ mhọli ọkpotso, ẹtsẹkẹ agbọ e maa nwu ọli egbe, abhi ọ li rhi egbe aa nwu ugwhẹ ọli li ọa sa. \v 34 Udu ọli o vha la ikpogwho. Ọkpotso ali ọmọmoshi ni e vha nwu ugwhẹ e maa mẹ obọ ingmemhi Ọnọmhuẹyẹ, abhi e li rhi egbe wẹ ali Ayẹmhẹ wẹ shi ikpọda ni Ọnomhuẹyẹ lia dua. Ama ọkpotso ni ọ ye ugwhẹ ẹtsẹkẹ agbọ li ọa sa, abhi ọọ li rhi egbe nwu ugwhẹ ọli.

07/35.txt

@@ -0,0 +1 @@
+\v 35 Irhẹmhi ngme ena khi o kẹ kpaghyiẹ vhẹ, khi mhi ke rhi agbọ nwu vhẹ unu. Abhi o kha li mhi li ngme ọli eyọ, khi vha kẹ mhọli ọnwegbe rhọ khali Ọnọmhuẹyẹ khi a ke mẹ emeni e myie vhẹ alo.

07/36.txt

@@ -0,0 +1 @@
+\v 36 A kha mẹ ọmọse ni ọ mẹ khi lia gwabha rhi ekpẹ rha khali ọni ọmọshi ni ọ zẹ shi ekẹ rharhi khi o maa nwu ọli gbe, o kha ghọli ọli ọ mhọli ọ, o vha kyili ingmobe. \v 37 Ama o kha kyia khi ọ she mhasẹ khi lẹ vha mhọli ọkpotso, ọ kha sheda dobẹ laa rhọ nwu egbe, ọ gwabha kyia ni ọ vha mhọli ọli  \v 38 Ama ọni ọ mhọli ọmọmoshi ni ọ zẹ shi ekẹ ọ gwẹ kyia, ama ọni ọ ke ẹẹ khi lẹ vha mhuẹ li o somhi nẹẹ.

07/39.txt

@@ -0,0 +1 @@
+\v 39 Ọkpotso ọ kha sheda ye ugwhẹ irhẹmhi ọ nyele a ni ọ ni ọmọse ọyọ apfishi ẹlẹ egwhuli ọ. Ama ugwhẹ ọli ọ kha gwhua ọ ke dobẹ a ye ugwhẹ ni o ghọli ọ, ama o kyili elemhi imyiesuọ.  \v 40 Ama abhi mhi sọ shiọ lẹ khi ọ vha gwe ye ugwhẹ li egbe kha rhọ nwu ọli nẹẹ. Mhẹmhẹ na mhi li na sali mhi mhọli ayẹmhẹ Ishinẹgba.

07/title.txt

@@ -0,0 +1 @@
+Ikhomhi 7          Ikọrhitasi ni kyiatsolo

08/01.txt

@@ -0,0 +1 @@
+\c 8 \v 1 Nena, obodẹ elamhi ni a rhọ lasẹ obo ni ikwhumhi: Eyẹ yẹsẹ khi, ''Eyẹ kwu eyẹ mhọli iyẹsẹ.'' Iyẹsẹ rhẹmhi ọa pfi ichichegbe, ama ighọli rhẹmhi ọa  pfi izemhi.  \v 2 Ọgbọ khẹ khi lẹ maa yẹsẹ, ọgbọ ọyọyọ ọ vha khyie yẹsẹ emeni ọ kha yẹsẹ. \v 3 Ama ọni ọ mhọli ighọli Ishinẹgba, li Ishinẹgba ọa yẹsẹ.

08/04.txt

@@ -0,0 +1 @@
+\v 4 Iyọ, obodẹ ile emenale ni a rhọ lasẹ obo: Eyẹ yẹsẹ khi “Ikwhumhi apfuẹ li o kyia oni agbona. “khi Ishinẹgba ọgwho li a le mẹ.”  \v 5 Rharhi khi agbọ e mhuẹ Ishinẹgba nebu shi ekẹ ali eda, abhi e le li mhọli Ishinẹgba ekeke nebu eyọ. \v 6 “Ama eyẹ ena Ishinẹgba ọgwho li eyẹ mhuẹ ni ọ kyili ọni Ita, obọ ọli li a te ma ẹtsẹkẹ kwu, lọ gwe zẹ ni eyẹ rhọ nyele, Ọnọmhuẹyẹ ọgwho li a mẹ ni ọ kyili Ijesu Ikiristi, ni a te ikpa ọli ma ẹtsẹkẹ kwu, ni ọ zẹ ni eyẹ rhọ nyele.”

08/07.txt

@@ -0,0 +1 @@
+\v 7 Ama a khi ọgbọ kwu li ọ yẹsẹ ona. Rharhi, ikwhumhi li ebubu iọgbọ e kpọ ẹẹ ga, e le eni emenale ena abhi ẹtsẹkẹ ni a rhọ lasẹ obo. O rhi udu wẹ nwu ijomhi rharhi khi oo pfi ọlọsẹmhẹ.

08/08.txt

@@ -0,0 +1 @@
+\v 10 \v 8 Ama a khi emenale li o chi eyẹ a mama Ishinẹgba. Eyẹ kha le o vha pfuẹchiẹa, wẹ khi rhẹmhi o rhi eyẹ ti shi vhọ. \v 9 Ama rhi ẹgbhẹ kyia khi igbadegbea ni vha mhuẹ o ke rhẹ vhẹ khyiẹlẹ emeni ee pfi eni o lọsẹ gbe. \v10 Rharhi ọgbọ ni udu o vha nwu a mhuẹ na shi ẹtsẹkẹ enana, ọ mẹẹ bhale a vhẹ khi u la owa ikwhumhi a le emenale ni a rhọ lasẹ obo ni ikhumhi, o vha mẹẹ laa rhi udu nali khi ọ rhọ li le elamhi ni a rhọ lasẹ obo?.

08/11.txt

@@ -0,0 +1,2 @@
+\v 11 ni u ke yẹsẹ emeni ikwhumhi o kyia, u waa li ọni inyọgwho ẹ ni ọkpotso ọa liyọ ni ọmọse ni udu ọli o vha womhẹ nee ni Ijesu ọ gwhua na opfua yọọ. \v 12 Abhi o li kyili ingmobe ni ẹ li inyọgwho ẹ ni ikpotso ali ọni emọse ni udu wẹ e vha womhẹ nee eyọ, Ikiristi li u li pfidọ na eyọ.
+ \v 13 Elemhiyọ, emenale o kha laa pfi inyọgwho mhẹ gbe, Onochi imha gwe wẹ a le eni emenale pẹẹ, khi mhii ke pfi inyọgwho mhẹ gbe.

08/title.txt

@@ -0,0 +1 @@
+Ikhomhi 8 Ikoritiansi

09/01.txt

@@ -0,0 +1 @@
+\c 9 \v 1 mẹẹ kyili ọni ọ gbhagbha? Imha mẹẹ kyili aghyiusomhi? Imha mẹẹ li rhi ẹloe mẹẹ mẹ Ijesu Ọnọmhuẹyẹ nee? A khi ikpa vhẹ mhi te gbe akanya a ni Ọnọmhuẹyẹ?  \v 2 Imha rhẹ kyili agyhiusomhi ni iọgbọ evhese, mhi kyhie kyila na vhẹ. Rharhi ikpa vhẹ mhi te rhi aghyiusomhi mẹ a khasẹ.

09/03.txt

@@ -0,0 +1 @@
+\v 3 Ona mhi rhọ gwu ẹzọ a kpẹ egbe mhẹ khasẹ eni ea bino mhẹ.  \v 4 Eyẹ vha mẹẹ dobẹ a le a da emeni e ghọli eyẹ?  \v 5 Eyẹ vha mẹẹ dobẹ lia rhuẹ igwhẹ eyẹ ni ikpotso ni e myiesuọ mhọ obọ, abhi ighyiusomhi ali inyọgwho eyẹ ni e myiesuọ ni e kpọẹ ea li, ali inyọgwho Ọnọmhuẹyẹ ali Ikẹfasi?  \v 6 Laa khi eyẹ ali Ibanabasi lọgwho eyẹ a gbe oni akanya?

09/07.txt

@@ -0,0 +1 @@
+\v 7 A mẹ mẹẹ achioja ni ọ te egbe ọli dẹẹ itsua lali okwhẹ gwhe? Ọgwho ọ mẹẹ gwa ishemhi gwhe ni ọ vha te vhọ a le ikpamhi erhẹ ni ọ gwa shi vhọ? Laa ọgwho ọ rhi ẹloe a kwhu ena ni ọ vhaa da aminye ni a te wẹ egbe a mise?  \v 8 Afu mhẹ mhi rhọ nu vhẹ a ngme ena? Ushi o vha mẹẹ li ngme yọọ?

09/09.txt

@@ -0,0 +1 @@
+\v 9 Rharhi o la akẹkẹshekẹ vhi ushi Imozisi khi, ”Imhẹ nwu uli zu akachi unu ni ọa lumhi ido.” Rhẹmhi vhẹ khi akachi li Ishinẹgba ọ ngme? \v 10 A khi eyẹ li ọ rhọ nu ngme? Rharhi eyẹ la te kẹkẹ ọli, rharhi ọgwekẹ iregbenya li ọ rha gwa ekẹ. Ọlumhi ido ọ rhi irhegbenya a lumhi khi a laa zẹ na lẹ. \v 11 Eyẹ kha kọ ẹtsẹkẹ ayẹmhẹ shi vhẹ agbọ, onobe li o ke kyila khi eyẹ rhọ khyiẹsẹ ẹtsẹkẹ ni a mẹ ẹloe vhi obọ vhẹ?

09/12.txt

@@ -0,0 +1 @@
+\v 12 Agbọ evhese e khaa khyiẹsẹ enana vhi obọ vhẹ, eyẹ vha kyili emeni e khaa khyiẹsẹ da wẹ? Ama a khi irhẹmhi eyẹ rhi itsua khọsẹ vhẹ. Onochi irhẹmhi eyẹ rhi egbe myie ingme kwu khi eyẹ kee kyili ọzuodẹ shi ingmemhi Ikiristi. \v 13 Laa khi vhaa li yẹsẹ ọni ọ la apfẹ Ishinẹgba a gbe akanya khi apfẹ Ishinẹgba li ọ laa le? \v 14 Iyọ li Ọnomhuẹyẹ ọ li ngme khi ọni ọa ngme ingmemhi Ishinẹgba ingmemhi Ishinẹgba li ọ te a le.

09/15.txt

@@ -0,0 +1 @@
+\v 15 Ama imha khẹ ena a ma aye abhi emeni e gọ lu mhẹ. Wẹ khi rhẹmhi kẹkẹ oni ebe ona ghyi vhẹ khi vha kẹ khy .iẹlẹ ẹtsẹkẹ na mhẹ. Mhi kha gwhua li o somhi mhẹ dala ni ọgbọ ọ vha dobẹ mhẹ rhi ona gha. \v 16 Rharhi mhi kha rhẹ lia ngme ingmemhi Ishinẹgba, imha mhọli emena mhi chichiegbe a shi, rharhi mhi nwemaa ngme ọ. Imha ngme oni ingmemhi Ishinẹgba epfua khi uwẹ mhẹ.

09/17.txt

@@ -0,0 +1 @@
+\v 17 mhi kha rhi udu mhẹ kwu gbe oni akanya ona, mhi laa mhọli elele. Imha ke rhi udu mhẹ kwu gbe ọli, mhi kyhie le mhuẹ akanya ni a rhọ shi mhẹ vhi obọ.  \v 18 Mhi ke gyhi elele na mhi ke mhuẹ vhọ? mhi dobẹ a gbe oni akanya apfuẹ imha myie ẹtsẹkẹ shi oni ingmemhi Ishinẹgba.

09/19.txt

@@ -0,0 +1 @@
+\v 19 Imha mhọli emena mhi li ọgbọkhọgbọ, ama mhi ke bhale a mela ọgamhẹa ni ọgbọ kwu, khi mhi kẹ gwe nwuno evhẹse maa. \v 20 Mhi kha mẹ Ijusi mhi ke liabhi Ijusi khi mhi kẹ nwuno eni Ijusi. mhi kha mẹ eni e rha khali ushi mhi ke liabhi ọni ọ rha khali ushi khi mhi kẹ nwuno eni e rha khali ushi. Rhẹmhia khyiẹlẹ ena abhizẹzẹ khi mhẹmhẹ obọ mhẹ khi imha rha khali ushi.

09/21.txt

@@ -0,0 +1 @@
+\v 21 kha mẹ eni e vha rha khali ushi, mhi ke liabhi ọni ọ vha rha khali ushi, a khi rhẹmhi o kyia khi imha rha khali ushi Ishinẹgba mhẹmhẹ obọ mhẹ, ama mhi rha khali ushi Ikiristi. Khi mhi kẹ nwuno eni e vha rha khali ushi.  \v 22 Mhi kha mẹ eni o lọsẹ, mhi ke mela wẹa khi mhi khẹ nwuno wẹ. Mhi she kyili ẹtsẹkẹ kwu ni agbọ kwu khi mhi kẹ te odẹ kwu tsumhi ebubu. \v 23 Rharhi oni ingmemhi Ishinẹgba lẹ mhi te ga khyiẹli ena kwu, khi mhi kẹ mhọli ivọsẹna.

09/24.txt

@@ -0,0 +1 @@
+\v 24 Vha li yẹsẹ khi a kha gaa na unamhi ama ukwhumhọgwho li a rhi isomhopfa a naa? rharhi iyọ, vha nyakwa khi vha kẹ dobẹ myie oni isomhopfa.  \v 25 Ọni ọa na irhẹmhi ọ kwegbea ọ gwhọghọ egbe ọli abọ ọa wẹna owẹna. Isomhopfa ni ea li opfua li e khyiẹlẹ enana a shi ena, ama eyẹ na isomhopfa ni e vha li opfua li eyẹ na shi ena. \v 26 Elemhiyọ imha na umumhi umumumẹ wẹ khi irhẹmhia na kwhu akpekpe. \v 27 Lẹ mhi rhọ gwhọghọ egbe mẹ abọ nwu egbe mhẹ mela ogwhumhaa, khi mhi ke ngme oni ingmemhi khasẹ iọgbọ evhese, mhẹmhẹ obọ mhẹ a ke ẹẹ khi egbe e vha gba na mẹ.

09/title.txt

@@ -0,0 +1 @@
+Ikhomhi 9        Ikọritiasi ni ikyiatsolo

10/01.txt

@@ -0,0 +1 @@
+\c 10 \v 1 nono khi vha yẹsẹ inyọgwho mẹ, ni ikpotso ali emọse, khi ita eyẹ e rhọ te atutu ali okwu dọsẹ a lẹ. \v 2 Wẹwẹ kwu li e mhọli ibatizimhi vhi elemhi atutu ali okwu ẹrhẹghẹ Imozisi,  \v 3 Wẹwẹ kwu ee le eminale ayẹmhẹ. \v 4 Wẹwẹ kwu ee da a mẹ ayẹmhẹ. E te irhui ogwho ni o rhẹ khẹ wẹ da amẹ, oni irhui khi Ikiristi.

10/05.txt

@@ -0,0 +1 @@
+\v 5 Ama egbe e vha nwu Ishinẹgba rhọ khali ebubu wẹ, ilimhi wẹ e pfi khakha elemhi apata. \v 6 Ena kwu rhẹmhi a rhẹ wẹ rhi irhọkhasẹ khasẹ eyẹ, khi eyẹ ke li ingmobe abhi eni e kpọẹ e li li ingmobe.

10/07.txt

@@ -0,0 +1 @@
+\v 7 Iyọọ imhẹ vha kyili eni ea ga ikwhumhi, abhi egwho e li. o laa akẹkẹshekẹ, “Eni iọgbọ e denashitọ ee le ee da, e vule ee gbe ishimhi idetsia.”  \v 8 Iyọọ, imhẹli eyẹ gbe idetsia, abhi ebubu egwho vhi elemhi wẹ e li. agbẹlẹ igbhọ igbe asha uye ali esẹ e gwhuloa ogbẹlẹ ogwho rharhi ona.

10/09.txt

@@ -0,0 +1 @@
+\v 9 Wẹ khi rhẹmhi eyẹ a nwu Ikiristi imhasẹ, abhi ebubu e li ni enyẹ rhọ gboloa wẹa. \v 10 Wẹ khi rhẹmhi vha ke ekwumhẹ, rharhi khi eni e liyọ ke ekwumhẹ aghyiukọ egwhuli li ọ gbolo wẹa.

10/11.txt

@@ -0,0 +1 @@
+\v 11 Enana kwu irhọkhasẹ li e kyia ni eyẹ. Rhẹmhi a kẹkẹ wẹ shi ekẹ rhọ vhi eyẹ ude--- ni eyẹ ni eyẹ nyele ẹrhẹghẹ ni agbọ o rhọ laa pfo ena. \v 12 Iyọ ọni ọ khọkhọ khi lẹ gbesọ ọ rhi ẹgbhẹ kyia khi ọọ ke de. \v 13 A vha mẹ ọnwufẹẹ ni u mẹ egbe ni a vha kpọ mẹ agbọ gwhe. Ama Ishinẹgba ọ tẹ na rhi egbe a da. Ọ vha laa dobẹ  ọnwufẹẹ nofu dala vhẹ rhamhi vhẹ vhi egbe. Elemhi oni ọnwufẹẹ ọ laa rhi odẹ na vhẹ na pfue, khi vha kẹ dobẹ rhi egbe myie.

10/14.txt

@@ -0,0 +1 @@
+\v 14 Iyọ, eni e ghọli mhẹ, vha na ni ilasobo. \v 15 Rhẹmhi nu vhẹ ngme abhi iọgbọ ni e lia sa, vha dobẹ li te egbe vhẹ sọ a shi vhọ. \v 16 Akpa ivọsẹna ni eyẹ zẹ ọte na, o vha kyili ọlia Ikiristi li o kyia ni eyẹ a kemhi? Oni ukphapha ni ẹyẹ gbe khyi o vha kyili ijegbe Ikiristi ni eyẹ a kemhi? \v 17 Rharhi khi urhui ukphakpha ogwho li a mẹ, eyẹ ni eyẹ bububu ijegbe ogwho li eyẹ kyia. Urhui ukphakpha ogwho li eyẹ gbaa kemhi.

10/18.txt

@@ -0,0 +1 @@
+\v 18 Vha bino iọgbọ Izulẹ gwhe: a khi eni e la ukhomhi ọta gbe ikanya wẹwẹ li e le emeni a rhọ lasẹ obo? \v 19 See mhi ke a ngme nena? Khi ikwumhi o mhọli emeni o kyila khi oyọ? Ọa liyọ khi emenale ni a rhọ lasẹ obo ni ikwhumhi khi o kyili ẹtsẹkẹ?

10/20.txt

@@ -0,0 +1 @@
+\v 20 Ama obodẹ ilasobo ni Ijẹtasi ea lasẹ,  iyẹmhẹ ebe li e lasẹ wẹ a ghyi a khi Ishinẹgba. Imha nono khi vha mhọli obọ shi iyẹmhẹ ebe vhọ! \v 21 Vha dobẹ laa la akpa Ọnọmhọli da vha ke gwe la akpa okyhio a da. rharhi khi vhavha laa dobẹ la itebu Ọnọmhọli le emenale vha ke gwe la itebu iyẹmhẹ ebe a le emenale. \v 22 Laa khi rhẹmhi eyẹ ke rhi ofu ikhofuma a fu Ishinẹgba ena? Eyẹ mẹẹ ze dala li?

10/23.txt

@@ -0,0 +1 @@
+\v 23 “Etsẹkẹ kwu e ti” ama a khi ẹtsẹkẹ kwu li elele e la. “Ẹtsẹkẹ kwu e ti” ama a khi ẹtsẹkẹ kwu li e kpholo ọgbọ a shele. \v 24 Imhẹ li a mẹ ọni ọa nono onaghyie ilọgwho. ama ọgbọgbọ ọ ke nono onaghyie ọgbọ nabhi lẹ.

10/25.txt

@@ -0,0 +1 @@
+\v 25 Vha dobẹ a dẹẹ ememeni a rhọ gbhẹ vhi okyi, vhavha mhila ogbọ rharhi udu vhẹ. \v 26 Rharhi khi “Ishinẹgba li ọ ma ukhomhi ekẹ kwu, ali emeni e la vhọ kwu.”  \v 27 A kha mẹ khi ọni ọ vha myiesuọ ọ nyalu vhẹ khi vha kaa le emenale, khi o ghọli vhẹ khi vhaa yee, le ememeni ọ rhọ shi ekẹ na vhẹ vhavha mhila ogbọ rharhi udu vhẹ.

10/28.txt

@@ -0,0 +1 @@
+\v 28 Ama, ọgbọ ọ kha ke ngme khasẹ vhẹ,ọọ vhẹ, “Ọni ẹlamhi ona rhẹmhi a rhọ lasẹ obo,” imhẹ le ọli. rharhi ọni ọ gwu khasẹ vhẹ, ali udu vhẹ. \v 29 A khi rharhi udu vhẹ lọgwho, ama idu iọgbọ evhese. See udu ọgbọ ọvhese o ke lia gwu mhẹ ẹzọ shi igbadegbea  mhẹmhẹ ọgwho?  \v 30 Mhi kha rhi ikphẹmhi le emẹnale, elọ a ke a mẹ emena mhi she kphẹmhi shi?

10/31.txt

@@ -0,0 +1 @@
+\v 31 vha le vha da, ememeni vha khyiẹlẹ kwu vha khyiẹlẹ ọli rhọ rhi ikiki ni Ishinẹgba. \v 32 Imhẹ vha nwuno ingme ni Ijusi wẹ khi Igiriki wẹ khi ika Ishinẹgba. \v 33 Vha nyakwha rhi egbe nwu agbọ kwu abhi mhi li rhi egbe a nwu agbọ kwu odẹ khi odẹ kwu eyọ. Imha vha nono onaghyie vhẹvhẹ ọgwho, ama uwi agbọ ebubu. Rhẹmhia liyọ khi e kẹ mhọli imyiepfuese.

10/title.txt

@@ -0,0 +1 @@
+Ikhomhi 10     Ikọritiasi ni ikyiatsolo

11/01.txt

@@ -0,0 +1,2 @@
+\c 11 Ikhomhi 11   Ikọritiasi ikyiatsolo
+\v 1 Vha kee khọlia mhẹ; abhi mhi lia khọlia Ikiristi. \v 2 Nenaa mhi chichi vhẹ rharhi khi vhaa sato mhẹ vhi egbe odẹ khi odẹ kwu. Mhi chichi vhẹ rharhi khi emena mhi wẹna vhẹ vha lee liyọ nwu wẹ ze abhi mhi lee li wẹna vhẹ wẹwẹ. \v 3 Mhia nono khi vha yẹsẹ khi Ikiristi lẹ khi ukhomhi ọmọse, ọmọse ọ kyili ukhomhi ọkpotso, Ishinẹgba ọ kyili ukhomhi Ikiristi. \v 4 Ọmọse ni ọa pfi olema ọa liyọ ọa ngme ingmemhi ogbhagbha ni ọ gwese ukhomhi, ukhomhi ọli li ọ rhi ẹloe gbe.

11/05.txt

@@ -0,0 +1 @@
+\v 5 Ọkpotso ọ khaa pfi olema ọa liyọ ọa ngme ingmemhi ogbhagbha Ishinẹgba lasele khi ọ vha gwese ukhomhi, ukhomhi ọli li ọ rhi ẹloe gbe. Rhẹmhi ọ liabhi ọni ọ ta itsua. \v 6 Ochi ni ọkpotso ọ vha rhọ gwese ukhomhi ọ wẹẹ ta itsua. Ishọyọ o kha ke kyili omama nali khi ọ rhọ ta itsua, ọ wẹẹ gwese ukhomhi shiọ.

11/07.txt

@@ -0,0 +1 @@
+\v 7 Imhẹli ọmọse ọ gwese ukhomhi, abhi o ke rhọ kyia khi lẹ khi arhọkhọkhọ Ishinẹgba. Ama ọni ọkpotso khi ikiki ọni ọmọse. \v 8 Rharhi khi a khi ijegbe ọkpotso li a te ma ọmọse. ama ijegbe ọmọse li a te ma ọkpotso.

11/09.txt

@@ -0,0 +1 @@
+\v 9 Rharhi khi a khi ijegbe ọkposto li a te ma ọmọse, ama, ijegbe ọmọse li a te ma ọkposo. \v 10 Ona li o zẹ khi ọkposto ọọ kha rhi ẹtsẹkẹ a kwu ukhomhi ni o rhọ khasẹ khi ọgbọ kpeda nali, rharhi eni ighyiukọ Ishinẹgba.

11/11.txt

@@ -0,0 +1 @@
+\v 11 Ama, elemhi Ọnọmhọli, ọkpotso ọ vha mhọli izemhi obọ ọli ina khi ọmọse, wẹ khi ọmọse li ọ mhọli izemhi obọ ọli ina khi ọkpotso. \v 12 Rharhi khi abhi ọni ọkpotso ọ li te ikpa ọmọse lasele, iyọ li ọni ọmọse ọ li te ikpa ọkpotso lasele. abagwhoyọ ẹtsẹkẹ kwu  obọ Ishinẹgba li e te bhẹ.

11/13.txt

@@ -0,0 +1 @@
+\v 13 Vha te egbe vhẹ sọ vhọ gwhe: Oo mẹ gbe akanya khi ọkposo ọ kee pfi olema bhuli Ishinẹgba ọ vha gwese ukhomhi? \v 14 Laa khi a khẹ li uwi otsonagbọ vha li yẹsẹ khi itsu ọmọse e kha vu gbishi, khi omama li o kyia nali? \v 15 Abhi  Ishiẹgba ọ li ma agbo o vha li wẹna vhẹ khi ọkpotso o kha zẹ itsu ni e de, khi ikiki li o kyia nali? Rharhi khi rhẹmhi a rhi eni itsu nali gwese ukhomhi. \v 16 Ama, a kha ke mẹ ọni ọ la le ona vhi epfuasẹ, Shi eyẹ ali ika Ishinẹgba eyẹ vha khyiẹlẹ emeni e degbea shi ona.

11/17.txt

@@ -0,0 +1 @@
+\v 17 Ona mhi ke gwe la khọli khasẹ vhẹ ena,  Imha chichi vhẹ. rharhi khi ulegba vhẹ, o vha rhi onaghyie bhẹ rhẹmhi o khọlọ shi vhọ. \v 18 Rharhi oni ikyiatsolo, mhi suọ khi vha legba vhi elemhi uka, vhaa zọlọ egbe, mhii lama shi vhọ swi. \v 19 Rharhi khi ovala o nwemaa la vhẹ iteteva, khi a kẹ mẹ eni a rhi unu na a vhi iteteva vhẹ.

11/20.txt

@@ -0,0 +1 @@
+\v 20 Rharhi khi vha kha legba, a khi emenale Ọnọmhọli vha le eyọ. \v 21 Vha khaa lee, vha kpọ le iyẹ vhẹ pfuse nee, eni e kpọẹ e chigbe le. Oyọ khi egwho e kha ke da, okyiamhi o ke a gbe eni e kpọẹ. \v 22 Vhavha gwe mhọli apfẹ vhẹ ni vha la le ni vha la da? Laa rhẹmhi vha ke rhi ẹloe a gbe uka Ishinẹgba vha nwu eni e vha mhuẹ ẹtsẹkẹ mela apfuẹa? See mhi kha ke ngme vhẹ shiọ? Rhẹmhi kha kee a chichi vhẹ? Imha laa chichi vhẹ shi ona!

11/23.txt

@@ -0,0 +1 @@
+\v 23 Obọ Ishinẹgba mhi te myie emena mhi gwu a khasẹ vhẹ ena Ọnọmhọli ni Ijesu, ẹliyọsẹ ni a rhọ dẹẹ, ọọ rhue urhui ukphakpha. \v 24 Ọ kphẹmhi shi ọ pfuse, ọ gbe ọ khyi ọọ li, “Ijegbe mhẹ khi ona, ni o kyili uwẹ vhẹ. Vha kee li na ẹẹ khyiẹlẹ ọ vha rhọ kee sato mhẹ egbe.”

11/25.txt

@@ -0,0 +1 @@
+\v 25 Iyọ ọ gwe li rhue akpa, abhi e rhọ le oni emenale pfuse, ọọ li, “Oni akpa ogbọ ona lẹ khi alamanegbe ọlia mhẹ. Vha kee liyọ ẹẹ khyiẹlẹ ọli utotona, vha rhọ kee sato mhẹ egbe.” \v 26 Rharhi khi ẹrhẹghẹ ni vha rha le oni emenale ona ni vha rhọ te oni akpa ona a da, egwuli Ọnọmhọli vha rha tsabọ apfishi ni ọ rhọ laa bhẹ.

11/27.txt

@@ -0,0 +1 @@
+\v 27 Ọnọni ọ laa le oni ukphakpa ona ni ọ laa te oni akpa Ọnọmhọli ona da ni ọ vha tẹẹ, ọọ laa lue rhọ khali oni ijegbe ali ọlia Ọnọmhọli. \v 28 Ọni ọgbọ ọ kpọ bino egbe ọli fẹẹ nee, neni ọ le oni ukphakpa ni ọ te oni akpa da. \v 29 Rharhi khi ọni ọ le ni ọ da ni ọ vha nwu egbe ọli etse, igwuẹzọ li ọ le ni ọ da shi egbe vhi egbe. \v 30 Ona li o rhi ebubu vhẹ a gwhua utotona, li o gwe a gbolo ebubu vhẹ.

11/31.txt

@@ -0,0 +1 @@
+\v 31 Ama ẹyẹ kha gwanọ egbe eyẹ, a vha ke gwe laa gwu eyẹ ẹzọ. \v 32 Ama Ọnọmhọli ọ kha te egbe ọli gwu eyẹ ẹzọ, rhẹmhi ọ rhọ chi eyẹ esọ, khi eyẹ ke nu agbọ li opfua. Ama ẹyẹ kha gwanọ egbe eyẹ, a vha ke gwe laa gwu eyẹ ẹzọ.

11/33.txt

@@ -0,0 +1 @@
+\v 33 Elemhiyọ, inyọgwho mẹ ni ikpotso ali emọse, vha kha legba khi vha laa le emenale, vha kee mugha khẹ egbe. \v 34 Ọna okyiamhi ọa gbe, ọ la apfẹ le emenale,ishọyọ vha kha legba o ke pfi ẹzọ. Ali ingme evhese ni vha kẹkẹ, mhi laa khọli khasẹ vhẹ na mhi ke bhẹ.

11/title.txt

@@ -0,0 +1 @@
+Ikhomhi 11     Ikorhitiasi ni ikyiatsolo

12/01.txt

@@ -0,0 +1 @@
+\c 12 \v 1 Obodẹ isomopfa ayẹmhẹ, lnyọgwho mhẹ ni ikpotso ali eni e emọse, imha nono khi vha kyili igbhodula. \v 2 Vha yẹsẹ ẹrhẹghẹ ni vhavha rhọ yẹsẹ Ishinẹgba nee, aa lieliẹ vhẹ alo bhuli ilitsa idungme, odẹ khi odẹ kwu li e te chi vhẹẹ mama egbe. \v 3 Iyọ mhia nono khi vha yẹsẹ khi aa mẹ ọni Ayẹmhẹ Ishinẹgba ọ rhaa ngme, ni ọa li ẹẹ li, “Epfua khi uwi Ijesu” A vha mẹ ọni ọa li khi, “Ijesu khi Ọnọmhọli”, sẹkẹnẹ khi Ayẹmhẹ ni o Pfuasẹ li o nu ọli la.

12/04.txt

@@ -0,0 +1 @@
+\v 4 lsompfa ọdọdọda li e la vhọ, ama ayẹmhẹ ogwho li e gaa kyia. \v 5 Iyọ la gwe li mẹ ikanya ọdọdọda, ama Ọnọmhọli ọgwho lọ. \v 6 Odẹ ọdọdọda li a te a gbe oni ukanya, ama ọni Ishinẹgba li ọ rhẹ wẹ zẹ ukhomhi a ni ọgbọgbọ.

12/07.txt

@@ -0,0 +1 @@
+\v 7 Nenaa a she rhi isomhopfa irhi Ayẹmhẹ khasẹ ni ọgbọgbọ khi ọ rhọ kpaghyiẹ ọgbọ kwu obọ. \v 8 Rharhi egwho a she rhi isimhopfa ẹgbhẹ na wẹ, egwho a rhi uwi iyẹsẹ na wẹ; Te ikpa Ayemhẹ ogwho.