bof_1ti_text_reg/04/01.txt

\c 4 \v 1 Yaa masa ɲin na fwɔ ka piɛ ko dinɲan laban dunw na, mgɔw jɔɔ n'a ban dananya ma ka zran lafribgaw ni zranw ka kran kwow lamɛn  \v 2 finɲan fwɔw ka flanka fwɔya fɛ, wu minnun naa dosokun greya, e na fwɔ nŋɛn wleni ka fɛn giin da.  \v 3 Aa ren na fwɔ ka greya ko fru k'a kɛ ko dunni fɛnw jɔɔ fran k'a dun, ka sɔɔ Yaa masa wo fɛnw daa yaako dananbga dananbga minnun shɛn dɔn, wuu ra aa dun ni baakadari we. \v 4 Yaa masa ka danfɛn biɛ ka ɲin. Mgɔ man kan ki ban a fwoyi la ni aa laa mnan nibaaka dari we , \v 5 sabu aa saniya Yaa masa ka koma ni yaa masa daareli fɛ. \v 6 Ni ee baremanw kran wo kwow ra, e na kɛ krista Yesu ka baara din ɲunman ye, e ɲin baroni dananya ni kran shɛtgi koma fɛ, e gwan nin wo miin na. \v 7 E ban taren Yaa masa ɲansranbiiya kuntanw ma. E yɛɛ dgen Yaa masa ɲansran kwow ra . \v 8 Nafa min piisgo dgen na kwow jɔɔ ra , nga nafa min Yaa masa ɲansran dgen na fɛɛn biɛ ka pan fɛ , bari ɲranmaya layidu min a ra sisa ɲranmanya ani srin ta.