See in Reader
1 line
4.9 KiB
Plaintext
1 line
4.9 KiB
Plaintext
|
Ta neruk isyo nya Abele ehumi jyo Hollum on oyyu’to agalik ehumi ono Kaino, tania itahutak Hollum jyo Abele jo, Ibis iye; nyo ifwotu Hollum esyorita honyi. Aye nya inyi beryen ati ta neruk harasa inyi ikyana. 5 Ta neruk akafaro nya Hollum Enoka idou hobeŋ inyi oye bwo fe obeŋi nya laati onyurani ahwan honyi nyo akafaro Hollum inyi, ati hobeŋi inyi akafarai idou, igyoroni jo itamuno nya inyi Hollum. 6 Obeŋ tulo oremik itamuno Hollum kuyya obeŋ neruk jihonyi, nyo lya al awak’to ’tuna jyo Hollum oŋida inyi iruk jo owon Hollum ahode bwo fe lya ol ottifya’to inyi onyurak adi. 7 Ta neruk oduhok nya Noa atogol italahuniere laati hutta haŋ honyi nyo iramak Hollum inyi erre hun obeŋi’to oleye ette inyi baŋi. Te ehanita honyi huna oŋot inyi laati hutta fau ette inyi rahan aharutani olo abisan ta neruk. 8 Ta neruk ifaha Abramo inya iloŋuni inyi idahari jyo amaji on orutak adi inyi, ette inyi leten dwadi bu obeŋ inyi omijak amaji nya. 9 Ta neruk olo nya inyi jyo afau on ocorok Hollum jihonyi, on obeŋ ara ononyi, ette inyi manya imusyama iko Isako ojo Yakobo hul orutani ikonyi ecorit odwo. 10 Itila nya inyi ta amiji on oduhoni on ogol, on oduhok Hollum luŋa. 11 Ta neruk onyurak nya Sara adwaran isiuniere eito dwadi imarwak inyi, nyo iyihi inyi jyo lya ol ocorok’to, jo obeŋ adi inyi itapwak nekyana honyi. 12 Tania ta atulo abotye, dwadi imarwak inyi bebe, ofwonni laati arryai ihwa elelyefi bwo fe hul olwaji bebe ihwa asuluŋayo otto otifor hari. 13 Ayei nya laati hulo daŋ ta neruk hobeŋi isi onyurani erre hun ocoroni, ati igonyuni isi erre hunia alamarai ette muno, nyo ojori isi jo era isi atamonok iko adahak jyo afau ana. 14 Nyo hya hul ikyanai’to ihwania itahutani jo ottifyai isi obo afau an ara’to ahonosi. 15 Kuyya dwo igigiloi isi ta afau an idyaharai isi, onyurani dwo isi ekoi icahari dia. 16 Ati awahi isi obo afau on oyyu’to agalik, on owon’to idou. Tania obeŋ Hollum iloriri iwanari a Hollum hosi nyo ihuhum inyi amaji tesi. 17 Ta neruk isyo nya Abramo Isako ihwa ehumi iholoŋ on okemyere Hollum inyi. Ahode, lya al ifwotu’to ecoriti ta namuno ilyaha inyi esyarana lonyi honyi olobotye, 18 dwadi ikyana nya Hollum jihonyi ojo, “Ihenuni adi awoyo hoi to Isako.” 19 Nyo iyihi Abramo jo oremik Hollum itubuhuna Isako dwadi oye inyi, bwo fe ara ihwa ifwotu inyi Isako to ye ati ekyana hohoi arryamara. 20 Ta neruk itajak nya Isako Yakobo iko Isau ta nemuniti hun ofwonni adi. 21 Ta neruk itajak Yakobo lonyirok Yosefo ababo ette inyi itahabuyo Hollum al okyehi inyi ahwan honyi itehi nyo ilyaha naye honyi. 22 Ta neruk ikyana nya Yosefo al ilyaha naye honyi, ta ajiŋuna ono laati Israele, ette inyi iramana isi iyari ahoi honyi inuhaniere. 23 Ta neruk idimani esyok Mose inyi ta ayafajin hunihoi ninya isiuni inyi, nyo igonyuni isi jo inyi eito al ilaman bwo fe obeŋi isi abaŋi efahi ono hobu. 24 Ta neruk labolo Mose iha nya inyi eloŋo wati inyi lonyi ŋarri Faro, 25 ette inyi nyimuna itoŋori iko laati Hollum te ettigemita hosi, obyaŋara imanyari te emuniti huno eyyata. 26 Igigilo nya Mose jo oyiji ettigemita ta afure Kristo agalihini ebariti huno Masir nyo ikikorik inyi jo aduma ono hottu’to. 27 Ta neruk idyaharu nya inyi Masir, obyaŋara ta abaŋi jore ono hobu, ati odulo inyi idahari nyo igonyu inyi lya ol obeŋ’to oleyo. 28 Ta neruk ogotyere nya inyi neyom ono Allaŋan Anjelo bwo fe orwasye aati nooto jo oŋida attohoni olo aduri oŋehwa obeŋ ottir aduri Israele. 29 Ta neruk allaŋi nya isi aari on odo’to ihwa ara inyi afau on oyoho’to, ati al ojori nya laati Masir ellaŋ isi ette aari wororo isi. 30 Ta neruk okwaharai olohitiri hutto miji Yeriko ninya ilutarik laati Israele isi to oŋitek hattarik. 31 Ta neruk obeŋ nya Rahaba asomoni oye nyo ifwotu inyi elilomok ta nelik taji, dwadi oyei hya hul omesye’to. 32 ?Ajo adi ni anyo bwo fe? Nyo obeŋ asaa jihoŋ iramaniere jihatai ehanita huno laati hulo: Gidiona, Baraka, Samsoni, Yefata, Davide, Samwele, iko eyak sayyo. 33 Ta neruk iyyalari isi olobyehyen; oŋoti isi laati on obis; ifwotuni isi ecoriti; ottuhi isi etuhe lemyo; 34 itadunyi
|