ach-SS-acholi_jhn_text_reg/12/34.txt

\v 34 Lwak gugamo doge ni, “Wan wawinyo ki i cik ni Kricito ma Lubaŋa oyero bedo nakanaka. In dok iwaco niŋniŋ ni Wod pa dano myero gitiŋe malo? Wod pa dano man en aŋa?” \v 35 Yecu owaccigi ni, “Ceŋ pud tye botwu pi kare manok. Wuwot ma kun wutye ki ceŋ, wek piny macol pe oŋukwu. ŋat ma woto i piny macol pe ŋeyo ka ma ecito iye. \v 36 Ka pud wutye ki ceŋ, wuye ceŋ, wek wudok litino me ceŋ.”  Yecu ka oloko lok man, ci opokke ki botgi, okanne woko ki botgi.