\v 18 18Sida murid Johanes madahka semua utai nya ngagai Johanes. Nya alai John ngangauka dua iku murid iya \v 19 lalu ngasuh seduai iya betemu enggau Tuhan, ngambika seduai iya nanya, “Kati Nuan tu orang ke deka datai, tauka kami nganti orang bukai?”

\v 20 Lebuh seduai iya betemu enggau Jesus, seduai iya lalu bejaku, “Johanes Pemaptisa udah ngasuh kami duai betemu enggau Nuan lalu nanya Nuan, ‘Kati Nuan tu orang ke deka datai, tauka kami nganti orang bukai?’ ”