iba-x-ibanempran_jhn_text_reg/12/17.txt

17Nya alai bala orang ke udah enggau Jesus lebuh Iya ngangauka Lasarus pansut ari kubur lalu ngangkatka Lasarus ari mati, majak besaksika pasal nya. 18Orang mayuh betemu enggau Jesus laban sida ninga Iya udah ngereja kereja ajih nya. 19Orang Parisi lalu bejaku enggau pangan diri, “Kitai enda ulih ngereja utai. Peda kita, semua dunya bela nitihka Iya!”