iba-x-ibanempran_jhn_text_reg/11/30.txt

\v 30 Nyadi lebuh maya nya Jesus apin datai ba genturung pendiau nya, tang agi ba endur alai Marta ke betemu enggau Iya. \v 31 Lebuh orang Judah ke merindang Maria di rumah meda iya beguai-guai angkat lalu pansut, sida lalu nitihka iya, laban sida ngumbai iya deka mansang ngagai kubur lalu nyabak dia. \v 32 Lebuh Maria datai ba endur alai Jesus, lalu meda Iya, iya lalu nyungkurka diri di kaki Jesus, lalu bejaku ngagai Iya, “Tuhan, enti Nuan bisi ditu lebuh maya nya, menyadi aku tentu enda mati!”