Tue Mar 17 2020 17:43:03 GMT+0700 (SE Asia Standard Time)

01/01.txt

@@ -0,0 +1 @@
+1 Ba pun iya kelia Firman endang udah bisi, Firman nya enggau Allah Taala lalu Firman nya endang Allah Taala. 2 Firman endang enggau Allah Taala kenyau ari pun. 3 Semua utai digaga ulih Iya. enti nadai Iya, semua utai ke udah bisi tu nadai patut tau bisi.

01/04.txt

@@ -0,0 +1 @@
+4 Dalam Iya bisi pengidup lalu pengidup nya meri penampak ngagai semua mensia. 5 Penampak nya mancar dalam pemetang, lalu pemetang enda ulih ngalahka-Iya.

01/06.txt

@@ -0,0 +1 @@
+6 Siko urang dikirumka Allah Taala. Nama iya Yohanes. 7 iya datai besaksika pasal penampak nya ngambika ulih iya semua urang tau pecaya. 8 Yohanes empu ukai penampak, tang iya datai ngambika iya besaksika pasal penampak nya.

01/09.txt

@@ -0,0 +1 @@
+9 Penampak ti bendar, ti meri penampak ngagai genap iku mensia, bisi datai ngagai dunya.

01/10.txt

@@ -0,0 +1 @@
+10Iya bisi di dunya lalu dunya digaga ulih Iya, Tang dunya enda ngelala Iya. 11Iya datai ngagai menua Iya Empu, tang bansa Iya Empu enda nerima Iya.

01/12.txt

@@ -0,0 +1 @@
+12 Tang, semua urang ke nerima Iya ke arapka nama Iya, diberi Iya kuasa nyadi anak Allah Taala, 13 ke diadaka Allah Taala, ukai diadaka mensia, tauka ulih peneka mensia.

01/14.txt

@@ -0,0 +1,3 @@
+14 Firman nya nyadi mensia lalu diau begulai enggau kitai. lalu kitai udah meda mulia Iya, mulia Iya ke nyadi Anak Tunggal Apai, ke penuh laban pengasih enggau pemendar.
+
+15 Yohanes besaksika pasal Iya Ko Yohanes ngangau, “Tu meh urang ke dikenang aku lebuh aku nyebut: ‘Iya ke datai dudi ari aku, besai

01/16.txt

@@ -0,0 +1 @@
+16 Ulih pemesai pengasih Iya, semua kitai udah nerima pengasih ti nambah-menambah. 17 Adat amat udah diberi ulih Musa; tang pengasih enggau pemendar datai ulih Yesus Kristus. 18 Nadai urang udah kala meda Allah Taala, Semina Anak Tunggal Allah Taala, ke begulai enggau Apai, ke madahka pasal Apai.

01/19.txt

@@ -0,0 +1,3 @@
+19 Tu saksi Yohanes lebuh urang Yahudi ngirumka sida imam enggau urang Lewi ari Yerusalem lalu nanya Yohanes, “Sapa nuan tu?”
+20 Yohanes lalu ngaku,ukai besangkal, tang iya ngaku, “Aku ukai Kristus.”
+21 Sida lalu nanya iya, “Enti pia, sapa meh nuan tu? kati nuan tu Elia?” iya nyaut, "Aku ukai Elia." "tau ka nuan tu Nabi?" iya nyaut, "Ukai."

01/22.txt

@@ -0,0 +1,4 @@
+22 Sida lalu nanya iya, “Sapa nuan tu deh? Padahka ngagai kami, ngambika kami bisi saut dibai ngagai urang ke ngirumka kami. Baka ni ku nuan madahka pasal diri empu?”
+23 Yohanes nyaut enggau jaku Nabi Yesaya,
+“Aku tu urang ke ngangau di menua puang:
+‘Gaga jalai Tuhan rurus!’ munyi ti disebut Nabi Yesaya.”

01/24.txt

@@ -0,0 +1 @@
+24 Nyadi bala seruan nya udah dikirumka urang Farisi. 25 Sida lalu nanya Yohanes, “Enti pia, nama kebuah nuan maptis urang, enti nuan ukai Kristus, tauka ukai Elia, tauka ukai Nabi nya?”

01/26.txt

@@ -0,0 +1,2 @@
+26 Yohanes lalu nyaut sida, “Aku maptis ngena ai, tang ba bala kita bisi siko ke enda dikelala kita. 27 ke datai dudi ari aku. Indah muka tali kasut- Iya deh, aku enda tau.”
+28 Pekara tu nyadi di Betania, di seberai Sungai Yordan, alai Yohanes ke maptis urang.

01/29.txt

@@ -0,0 +1 @@
+29 Hari siti Yohanes tepedaka Yesus mansang ngagai iya, lalu ko Yohanes bejako, “Peda kita, nyin Anak Domba Allah Taala, ke muai dosa dunya! 30 Nya meh urang ke dikenang aku, ‘Siko urang deka datai dudi ari aku, ke besai agi ari aku, laban Iya endang udah bisi sebedau aku adai.’ 31Aku empu enda ngelala Iya, tang tu meh kebuah aku datai lalu maptis urang ngena ai, ngambika Iya dipandangka ngagai urang Israel.”

01/32.txt

@@ -0,0 +1 @@
+32 Yohanes lalu besaksi: “Aku meda Roh Kudus nurun ari surga baka burung achang lalu meruan ba Iya. 33Aku empu enda ngelala Iya; tang Allah Taala ti ngasuh aku maptis urang ngena ai, udah madahka ngagai aku, ‘Nuan deka meda Roh Kudus nurun lalu meruan ba urang siko; nya meh urang ke deka maptis ngena Roh Kudus.’ 34Lalu aku empu udah meda Iya lalu aku besaksi madahka Iya nya Anak Allah Taala.”

01/35.txt

@@ -0,0 +1 @@
+35 Hari siti Yohanes bediri baru enggau dua iku ari sida murid iya, 36lalu lebuh iya ngemataka Yesus mansa, iya lalu bejako nyarih, “Peda seduai! Nyin Anak Domba Allah Taala!”

01/37.txt

@@ -0,0 +1,3 @@
+37Lebuh seduai iya ninga Yohanes nyebut nya, seduai iya lalu nitihka Yesus. 38Lebuh Yesus nguing lalu tepedaka seduai iya nitihka Iya, Iya lalu bejako ngagai seduai iya, “Nama utai digiga seduai?”
+Seduai iya lalu nyaut, “Rabbi,” (reti nya, Pengajar,) “dini alai Nuan diau?”
+39 Yesus lalu nyaut seduai iya, “Aram kitai meda.” Sida datai ba endur alai Iya diau, lalu seduai iya diau enggau Iya sehari nya. Hari nyau udah jam empat lemai.

01/40.txt

@@ -0,0 +1,2 @@
+40 Siko ari seduai ke ninga Yohanes bejako, lalu nitihka Yesus, nya Andreas, menyadi lelaki Simon Petrus. 41 Andreas lalu ngiga menyadi lelaki iya Simon, lalu madah ngagai iya, “Kami udah tetemuka Messias.” (Reti nya: Iya ke udah ditata; tauka Kristus). 42 Andreas lalu mai Simon ngagai Yesus.
+Yesus malik ngagai Simon, lalu bejako, “Nama nuan Simon anak Yohanes. tang nuan deka dikumbai Kefas.” (Reti nya Petrus)

01/43.txt

@@ -0,0 +1 @@
+43 Hari siti Yesus mutuska runding deka mupuk ngagai Galilea. Iya tetemuka Filipus, lalu bejako ngagai iya, “Titihka Aku!” 44Penatai asal Filipus nya ari Betsaida, nengeri Andreas seduai Petrus. 45 Filipus tetemuka Natanael, lalu madah ngagai iya, “Kami udah tetemuka urang siko ke dikenang Musa dalam Bup Adat enggau ditulis sida nabi, Yesus anak Yusuf, ari Nazaret.”

01/46.txt

@@ -0,0 +1,5 @@
+46 Natanael lalu bejako enggau Filipus, “Kati utai ti badas ulih datai ari Nasaret?”
+Philip lalu nyaut, “Aram tua meda.”
+47 Lebuh Yesus meda Natanael mansang ngagai Iya, Iya lalu bejakoka pasal Natanael, “Tu baru urang Israel ke bendar, ke nadai nemu ngelakar!”
+48 Natanael lalu nanya Iya, “Baka ni ko Nuan ngelala aku?”
+Disaut Yesus, “Aku endang udah meda nuan di baruh kayu ara nya tadi, sebedau Filipus ngangauka nuan.”

01/49.txt

@@ -0,0 +1,2 @@
+49 Natanael lalu nyaut Iya, “Rabi, Nuan amat Anak Allah Taala! Nuan tu meh Raja urang Israel."
+50 Disaut Yesus, “Kati nuan arap laban Aku udah madahka Diri meda nuan di baruh kayu ara nya tadi', nya nuan pecaya? Nuan deka meda utai ti besai agi ari nya!” 51 Lalu ko Iya bejako ngagai Natanael, “Enggau bendar Aku madah ngagai kita: kita deka meda langit tebuka, lalu meda bala melikat Allah Taala nurun-niki ngagai Anak Mensia.”

01/title.txt

@@ -0,0 +1 @@
+PASAL 1

02/01.txt

@@ -0,0 +1 @@
+1 Dua hari udah bekau nya, urang bisi nikah di nengeri Kana, di menua Galilea, lalu indai Yesus bisi dia. 2 Yesus enggau sida murid Iya udah mega diambi ngabang ngagai gawai nya.

02/03.txt

@@ -0,0 +1,3 @@
+3 Lebuh anggur nyau ambih, indai Yesus lalu bejako enggau Iya, “anggur sida udah ambih.”
+4 Yesus lalu bejako ngagai iya, “Indu, nya ukai pekara nuan tauka pekara Aku. Maya Aku empai datai."
+5 Indai Yesus lalu bejako ngagai bala urang gaji, “Kereja aja sebarang utai ti diasuh Iya.”

02/06.txt

@@ -0,0 +1 @@
+6 Nyadi ba endur nya bisi enam igi benda alai nyimpan ai kena urang Yahudi nuchi diri. Sigi-sigi benda nya ulih ngundan kira 100 liter ai. 7Yesus lalu bejako ngagai sida, “Isi semua benda nya enggau ai.” Sida lalu ngisi semua benda nya penuh enggau ai. 8Ko Iya bejako ngagai sida, “Kauk ai nya, lalu bai ngagai tuai gawai.” Sida lalu mai ai nya ngagai tuai gawai.

02/09.txt

@@ -0,0 +1 @@
+9Lebuh tuai gawai nyepi ai nya ti udah bebali nyadi anggur, lalu enda nemu ari ni penatai anggur nya (taja pen urang gaji ke ngauk ai nya nemu), tuai gawai nya lalu ngangauka lelaki ke benung ditikah, 10lalu bejako ngagai iya, “Semua urang mantaika anggur ti badas dulu, udah nya baru mantaika anggur ti kurang agi nyamai, lebuh bala pengabang udah mabuk. Tang nuan udah naruh anggur ti nyamai datai ke diatu.”

02/11.txt

@@ -0,0 +1 @@
+Yesus ngereja kereja ajih ti keterubah nya di Kana, di menua Galilea, alai Iya ke mandangka mulia Iya. Sida murid Iya lalu arapka Iya.

02/12.txt

@@ -0,0 +1 @@
+12 Udah bekau nya, Iya enggau indai Iya, sida menyadi lelaki Iya, enggau sida murid Iya mupuk ngagai Kapernaum, lalu diau dia dua tiga hari.

02/13.txt

@@ -0,0 +1 @@
+13 Hari Gawai Paskah urang Yahudi pen nyau damping, lalu Yesus mupuk ngagai Yerusalem. 14 Dalam Rumah Semayang Iya tetemuka urang ke bejualka sapi, bedus, burung achang, enggau urang penukar duit duduk ba mija sida.

02/15.txt

@@ -0,0 +1 @@
+15Iya lalu ngaga siti penyipat ari tali, lalu muru semua sida, enggau jelu bedus enggau jelu sapi ari Rumah Semayang. Iya mubuhka duit sida penukar duit, lalu nungkupka mija sida. 16 Lalu ko Iya bejako enggau urang ke nyual burung achang, “Bai utai tu ke luar! Badu agi ngaga rumah Apai Aku nyadi rumah kedai!”

02/17.txt

@@ -0,0 +1,3 @@
+17 Sida murid Iya lalu ingatka utai ti udah ditulih, “Pengangkun Aku ke rumah Nuan, deka mau baka api dalam ati Aku.”
+18 Bala tuai urang Yahudi lalu bejako ngagai Iya, “Nama kereja ajih ti deka dikereja Nuan, kena nunjukka Nuan bisi hak ngereja utai tu?"
+19 Disaut Yesus, “Rubuh Rumah Semayang tu, lalu dalam tiga hari Aku deka nirika iya baru.”

02/20.txt

@@ -0,0 +1,2 @@
+20Urang Yahudi lalu bejako ngagai Iya, “Empat puluh enam taun urang ngaga Rumah Semayang tu, lalu Nuan deka nirika iya baru dalam tiga hari?"
+21 Tang Rumah Semayang ti ko Yesus nya tubuh Iya Empu. 22 Nya alai, lebuh Iya diangkatka ari mati, sida murid Iya ingatka Iya ke udah nyebut nya. Sida lalu arapka Bup Kudus, sereta arapka jako ti udah disebut Yesus.

02/23.txt

@@ -0,0 +1 @@
+23Lebuh Yesus benung di Yerusalem lebuh Gawai Paskah, mayuh urang arapka Iya lebuh sida meda kereja ajih ti dikereja Iya. 24Tang Yesus enda arapka sida, laban Iya nemu semua mensia, 25 lalu Iya enda begunaka urang besaksika pasal mensia, laban Iya Empu nemu utai ti dalam ati semua mensia.

02/title.txt

@@ -0,0 +1 @@
+PASAL 2

03/01.txt

@@ -0,0 +1 @@
+1Nyadi sekali siko urang Farisi, ke benama Nikodemus, ke ari raban tuai urang Yahudi 2 mansang ngagai Yesus lebuh malam hari, lalu bejako enggau Iya, “Pengajar, kami nemu Nuan endang pengajar ke datai ari Allah Taala, laban nadai urang ulih ngereja kereja ajih baka ti dikereja Nuan, enti Allah Taala nadai enggau iya.”

03/03.txt

@@ -0,0 +1,2 @@
+3 Yesus lalu nyaut iya, “Enggau bendar amat Aku madah ngagai nuan, nadai urang ulih meda Perintah Allah Taala enti iya enda diadaka baru.
+4Ko Nikodemus bejako ngagai Iya, “Baka ni ko urang ulih diadaika baru lebuh iya udah besai tuai? Kati iya ulih tama ke dalam kandung indai iya baru, lalu diadaika kedua kali?”

03/05.txt

@@ -0,0 +1 @@
+5 Disaut Yesus, “Enggau bendar amat Aku madah ngagai nuan, nadai urang ulih tama ngagai Perintah Allah Taala enti iya enda diadaika ulih ai enggau Roh Kudus. 6 Mensia ngadaika mensia, Roh ngadaika roh.

03/07.txt

@@ -0,0 +1 @@
+7Anang alit ati lebuh Aku madah ngagai kita, ‘Kita enda tau enda diadaika baru.’ 8Ribut bepuput ngagai sebarang endur iya deka. Kita ninga munyi iya, tang kita enda nemu ari ni penatai iya, tauka kini ke tunga iya bepuput. Baka nya mega urang ke diadaika Roh Kudus.”

03/09.txt

@@ -0,0 +1,2 @@
+9Ko Nikodemus bejako enggau Iya, “Baka ni ko utai tu tau nyadi?"
+10Disaut Yesus, “Nuan pengajar urang Israel, lalu nuan enda meretika utai tu? 11 Enggau bendar Aku madah ngagai nuan, kami bejakoka pasal utai ti ditemu kami, lalu besaksika pasal utai ti udah dipeda kami, tang kita enggai nerima saksi kami.

03/12.txt

@@ -0,0 +1 @@
+12 Enti Aku udah madah ngagai kita pasal utai dunya, lalu kita enda pecaya, baka ni ko kita deka pecaya enti Aku madah ngagai kita pasal utai surga? 13 Nadai urang udah kala niki ke surga, kelimpah ari Iya ke nurun ari surga, iya nya Anak Mensia.”

03/14.txt

@@ -0,0 +1 @@
+14 Baka Musa ke nuatka ular temaga di menua puang, baka nya meh Anak Mensia deka dituatka, 15ngambika barang sapa pecayaka  Iya bulih pengidup ti meruan belama iya.

03/16.txt

@@ -0,0 +1,2 @@
+16 “Laban Allah Taala balat rinduka dunya, nya alai Iya meri Anak Tunggal Iya, ngambika genap iko urang ke pecaya Iya enda mati tang bulih pengidup ti meruan belama iya. 17 “Laban Allah Taala ukai ngirumka Anak Iya ngagai dunya ngambika Iya ngakim dunya, tang ngambika Iya nyelamatka dunya.
+18Urang ke pecaya Iya enda diukum; tang urang ke enda pecaya endang udah diukum, laban sida enda pecayaka nama Anak Tunggal Allah Taala.

03/19.txt

@@ -0,0 +1 @@
+19 Baka tu ko ukum dipejalaika: penampak udah datai ngagai dunya, tang mensia rinduka pemetang lalu enda rinduka penampak laban pengawa sida jai. 20Laban semua urang ke ngereja penyai begedika penampak, lalu enggai datai ngagai penampak, enggai ke pengawa sida ti jai diayanka. 21 Tang urang ke ngereja utai ti bendar, datai ngagai penampak, ngambika pengawa ti dikereja sida nyata nitihka peneka Allah Taala.

03/22.txt

@@ -0,0 +1 @@
+22 Udah bekau nya, Yesus enggau sida murid Iya bejalai ngagai menua Pesisir di menua Yahudi, lalu Iya diau dia enda lama enggau sida, lalu maptis urang. 23Yohanes mega maptisa urang di Ainon, damping Salim, laban menua nya mayuh ai. Urang lalu majak datai, lalu dibaptis. 24 Lebuh maya nya Yohanes empai ditutup dalam rumah jil.

03/25.txt

@@ -0,0 +1 @@
+25Nyadi sekali bala murid Yohanes becekih enggau siko urang Yahudi pasal adat nuci diri. 26 Sida datai ngagai Yohanes lalu bejako ngagai iya, “Pengajar, Iya ke bisi enggau nuan di seberai Sungai Yordan, ke dikenang nuan, bisi ditu maptis urang, lalu semua urang bela datai ngagai Iya.”

03/27.txt

@@ -0,0 +1 @@
+27 Disaut Yohanes, “Nadai siko urang ulih nerima utai, enti Allah Taala enda meri utai nya ari surga. 28 Kita empu nyadika saksi aku lebuh aku nyebut, ‘Aku ukai Kristus, tang aku udah diasuh datai dulu ari Iya.’

03/29.txt

@@ -0,0 +1 @@
+29 Lelaki ke ditikah nya meh urang ke bempu bini. kaban lelaki ke ditikah, ke bediri damping iya lalu ninga iya, gaga ati ninga munyi nyawa iya. Nya kebuah ati aku pemadu gaga. 30Iya enda tau enda nyadi besai, tang aku nyadi mit.”

03/31.txt

@@ -0,0 +1 @@
+31 Iya ke datai ari surga bekuasa atas semuaiya. Iya ke datai ari dunya, endang enggi dunya, lalu iya bejakoka pasal utai dunya. Iya ke datai ari surga, bekuasa atas semua. 32 Iya besaksika utai ti udah dipeda enggau didinga Iya, tang nadai urang nerima saksi Iya. 33Barang sapa nerima saksi Iya, nunjukka Allah Taala endang bendar.

03/34.txt

@@ -0,0 +1 @@
+34Iya ke dikirumka Allah Taala, nyebut jako Allah Taala, laban Allah Taala udah meri Iya Roh Kudus enggau penuh. 35 Apai rinduka Anak, lalu udah nyerahka semua utai ngagai jari Iya. 36 Barang sapa pecayaka Anak, bulih pengidup ti meruan belama iya. Barang sapa enda ngasika Anak, nadai bulih pengidup, tang deka ngenatka pengeringat Allah Taala.

03/title.txt

@@ -0,0 +1 @@
+PASAL 3

04/01.txt

@@ -0,0 +1 @@
+1Lebuh Tuhan Yesus nemu urang Farisi udah ninga Iya bulih mayuh agi murid ari Yohanes, lalu maptis sida ( 2taja pen ukai Yesus Empu ke maptis urang, tang sida murid Iya ti ngereja nya), 3Iya ninggalka menua Yudea, lalu mulaika Diri baru ngagai menua Galilea.

04/04.txt

@@ -0,0 +1,2 @@
+4 Tang Iya enda tau enda nengah menua Samaria.
+5 Nya alai Iya datai ba sebuah nengeri ti dikumbai Sikhar di menua Samaria, damping tanah ti udah diberi Yakub ngagai anak iya, Yusuf.

04/06.txt

@@ -0,0 +1,2 @@
+6Telaga Yakub bisi dia, lalu Yesus, ke udah lelak bejalai, duduk damping telaga nya. Jam lebuh maya nya kira maya tengah hari.
+7Siko indu urang Samaria datai nyauk. Yesus lalu bejako ngagai iya, “Beri Aku ngirup.” ( 8Nyadi sida murid Iya udah ke pasar, mansang meli pemakai.)

04/09.txt

@@ -0,0 +1,2 @@
+9 Indu urang Samaria nya lalu bejako ngagai Iya, “Baka ni ko Nuan ke urang Yahudi, minta ai irup ari aku ke urang Samaria?” (Urang Yahudi enggai begulai enggau urang Samaria.)
+10 Yesus lalu nyaut iya, “Enti nuan nemu pemeri Allah Taala, lalu ngelala sapa ke nyebut ngagai nuan, ‘Beri Aku ngirup,’ nuan tentu deka minta ari Iya, lalu Iya deka meri nuan ai ti idup.”

04/11.txt

@@ -0,0 +1 @@
+11Indu nya bejako, “Tuan, Nuan nadai beledi, lalu telaga nya dalam. Dini alai Nuan bulih ai ti idup nya? 12Kati Nuan besai agi ari aki kami Yakub, ke meri kami telaga tu, lalu iya, bala anak iya enggau jelu tupi sida bela ngirup ari telaga tu?”

04/13.txt

@@ -0,0 +1 @@
+13Ko Yesus nyaut iya, “Semua urang ke ngirup ai tu, deka aus age, 14 tang urang ke ngirup ai ti deka diberi Aku, enda agi aus. Ai ti deka diberi Aku deka nyadi, dalam sida, mata ai ti mansutka ai ti meri pengidup ti meruan belama iya.”

04/15.txt

@@ -0,0 +1,2 @@
+15 Ko indu nya bejako ngagai Iya, “Tuan, beri aku ai nya, ngambika aku enda agi aus, lalu enda ibuh agi nyauk ai kitu.”
+16Ko Yesus bejako ngagai iya, “Alai nuan madahka laki nuan; udah nya pulai kitu baru.”

04/17.txt

@@ -0,0 +1,2 @@
+17Indu nya lalu nyaut Iya, “Aku nadai laki.”
+Disaut Yesus, “Amat jako nuan ke madahka diri nadai laki, 18 laban nuan lima kali udah belaki, lalu lelaki ke enggau nuan begulai diatu, ukai laki nuan. Amat jako nuan.”

04/19.txt

@@ -0,0 +1 @@
+19Indu nya lalu bejako, “Tuan, diatu baru aku nemu nuan tu Nabi. 20 Aki ini kami nyembah Allah Taala ba bukit tu, tang kita ngumbai urang enda tau enda nyembah Allah Taala di Yerusalem.”

04/21.txt

@@ -0,0 +1 @@
+21 Yesus lalu bejako ngagai iya, “Pecaya mehka Aku, Indu, maya deka datai alai urang nyembah Apai ukai ba bukit tu, tauka di Yerusalem. 22 Kita nyembah utai ti enda dikelala kita. Kami nyembah utai ti dikelala kami, laban pengelepas datai ari urang Yahudi.

04/23.txt

@@ -0,0 +1 @@
+23Tang maya deka datai, lalu endang udah datai diatu, alai urang ke amat nyembah Apai, deka nyembah Iya dalam Roh enggau pemendar, laban nya gaya urang ke dikedekaka Apai nyembah Iya. 24 Allah Taala endang Roh, lalu urang ke nyembah Iya enda tau enda nyembah Iya dalam Roh enggau pemendar.”

04/25.txt

@@ -0,0 +1,2 @@
+25Ko indu nya bejako ngagai Iya, “Aku nemu Messias” (ke dikumbai Kristus) “deka datai. Lebuh Iya datai, Iya deka madahka semua utai ngagai kitai.”
+26 Disaut Yesus, “Aku tu meh Iya, ke bejako enggau nuan diatu.”

04/27.txt

@@ -0,0 +1 @@
+27Lebuh maya nya sida murid Iya pen datai. Sida tekenyit ati meda Iya bejako enggau indu nya. Tang nadai siko sida nanya indu nya, “Nama utai dipinta nuan?” tauka nanya Yesus, “Nama kebuah Nuan bejako enggau iya?”

04/28.txt

@@ -0,0 +1 @@
+28Indu nya lalu ninggalka benda ai iya, lalu pulai ngagai nengeri. Ko iya bejako ngagai urang, 29 “Aram kitai meda urang ke udah madah ngagai aku semua utai ti udah dikereja aku. Kada enda Iya nya Messias.” 30Sida pansut ari nengeri nya, lalu mansang ngagai Yesus.

04/31.txt

@@ -0,0 +1,3 @@
+31Lebuh utai nya benung nyadi, sida murid Iya mai Yesus makai, “Pengajar, aram makai!”
+32 Tang ko Iya bejako ngagai sida, “Aku bisi pemakai ti enda ditemu kita.”
+33Sida murid lalu bejako enggau pangan diri, “Nadai patut urang udah bisi meri iya pemakai.”

04/34.txt

@@ -0,0 +1 @@
+34 Ko Yesus bejako ngagai sida, “Pemakai Aku nya ngereja peneka Iya ke ngirumka Aku, lalu nembuka pengawa Iya. 35 Ukai enda kita nyebut, ‘Empat bulan da agi, nya baru maya ngetau’? Tang Aku madah ngagai kita, perening kiba kanan ngelingi kita. Nya baru kita meda umai nyau mansau, sedia deka diketau. 36Urang ke ngetau diatu udah nerima gaji, lalu ngumpul buah ke pengidup ti meruan belama iya, ngambika urang ke nanam enggau urang ke ngetau deka sama rami gaga.

04/37.txt

@@ -0,0 +1 @@
+37 Tu ngamatka jako siti, ‘Siko nanam, siko ngetau.’ 38Aku ngasuh kita ngetau utai ti ukai ditanam kita. Urang bukai udah ngerejaka nya, lalu kita bulih penguntung ari utai ti dikereja sida.”

04/39.txt

@@ -0,0 +1 @@
+39Mayuh urang Samaria di nengeri nya pecaya Iya, laban saksi indu nya, “Iya madahka semua utai ti udah dikereja aku.” 40Nya alai lebuh urang Samaria datai ngagai Iya, sida minta Iya diau enggau sida, lalu Iya diau dia dua hari.

04/41.txt

@@ -0,0 +1 @@
+41Lalu mayuh agi urang pecaya ketegal jako Iya. 42 Ko sida bejako ngagai indu nya, “Kami arap, ukai laban jako nuan, tang laban kami empu udah ninga, lalu kami nemu Iya amat Juruselamat dunya.”

04/43.txt

@@ -0,0 +1 @@
+43Lebuh Yesus udah diau dia dua hari, Iya lalu mupuk ari endur nya ngagai Galilea 44 (laban Yesus Empu udah madah, nabi endang enda dibasa urang di menua iya empu.) 45 Lebuh Iya datai di Galilea, urang di menua nya lalu nyambut penatai Iya, laban sida udah meda semua utai ti udah dikereja Iya di Yerusalem, laban sida empu udah datai ngagai Gawai nya.

04/46.txt

@@ -0,0 +1 @@
+46 Udah nya Iya pulai baru ngagai nengeri Kana, di menua Galilea, alai Iya ti udah ngasuh ai bebali nyadi anggur. Nyadi di Kapernaum bisi siko pemesai. Anak lelaki pemesai nya sakit. 47Lebuh iya ninga Yesus bisi udah datai ari Yehuda, iya mansang ngagai Yesus, minta Yesus datai lalu ngeraika anak iya, laban anak iya nyau ka parai.

04/48.txt

@@ -0,0 +1,4 @@
+48 Yesus lalu bejakuo ngagai iya, “Enti kita enda meda kereja ajih enggau kereja ti nyelai, kita enggai pecaya.”
+49Pemesai nya lalu bejako ngagai Iya, “Tuan, aram mupuk sebedau anak aku parai.”
+50Yesus lalu bejako ngagai iya, “Mupuk meh nuan. Anak nuan deka idup!”
+Urang nya arapka jako Yesus, lalu mupuk.

04/51.txt

@@ -0,0 +1,2 @@
+51Lebuh iya benung di rantau jalai, bala ulun iya ngambat iya, madahka anak iya idup.
+52Iya lalu nanyaka kemaya anak iya belinsur gerai. Sida lalu madah ngagai iya, “Pukul satu ngalih hari kemari. Nya maya pemedis nya nadai agi.”

04/53.txt

@@ -0,0 +1,2 @@
+53 Urang nya lalu nemu, nya meh maya Yesus madah ngagai iya, “Anak nuan deka idup.” Iya empu lalu pecaya, sama enggau sida sebilik.
+54 Tu kereja ajih ti kedua ti dikereja Yesus udah bekau Iya ke pulai ari menua Yudea ngagai menua Galilea.

04/title.txt

@@ -0,0 +1 @@
+PASAL 4

05/01.txt

@@ -0,0 +1 @@
+1Udah bekau nya, Yesus mupuk ngagai siti agi gawai urang Yahudi di Yerusalem. 2 Nyadi di Yerusalem, ba damping Pintu Bedus, bisi siti kulam ti dikumbai Betesda, ti bisi lima buah serambi. 3Mayuh amat urang ke sakit, ke buta, ke lemi, enggau ke sakit bajung gali dalam serambi nya. 4Sida nganti ai ba kolam nya beriak, laban lebuh melikat Tuhan nurun ngagai kolam nya, ai dia beriak. Urang ke sakit, ke dulu nurun ngagai kolam nya lebuh ai nya beriak, digeraika ari sebarang penyakit iya.

05/05.txt

@@ -0,0 +1 @@
+5Nyadi ba endur nya bisi siko urang ke udah sakit tiga puluh lapan taun. 6Lebuh Yesus meda iya, lalu nemu iya endang lama amat udah gali dia, Iya lalu bejako ngagai urang nya, “Kati nuan deka digeraika?”

05/07.txt

@@ -0,0 +1,2 @@
+7Ko urang ke sakit nya nyaut Iya, “Tuan, aku nadai urang ngulurka aku ngagai kolam nya, lebuh ai nya beriak. Lebuh aku benung nguji nurun, urang bukai ga dulu agi nurun ari aku.”
+8 Yesus lalu bejako ngagai iya, “Angkat nuan. Bai tikai nuan, lalu bejalai.”

05/09.txt

@@ -0,0 +1 @@
+9Tekala nya urang nya lalu gerai. Iya ngambi tikai iya, lalu bejalai.tang, ari sarinya ari sabat.

05/10.txt

@@ -0,0 +1,2 @@
+10 Nya alai bala tuai urang Yahudi lalu bejako ngagai urang ke udah digeraika nya, “Tu hari Sabat. Nuan ngelanggar Adat ngesan tikai nuan.”
+11Tang ko urang nya nyaut sida, “Urang ke ngeraika aku bejakuo ngagai aku, ngasuh aku ngangkat tikai aku, lalu bejalai.’ ”

05/12.txt

@@ -0,0 +1,2 @@
+12Sida lalu nanya iya, “Sapa urang nya ke ngasuh nuan ngangkat tikai nuan, lalu ngasuh nuan bejalai?”
+13Nyadi urang ke udah digeraika nya enda nemu sapa urang nya, laban Yesus udah melesitka Diri ngagai tekang bala mayuh urang dia.

05/14.txt

@@ -0,0 +1,2 @@
+14 Udah nya Yesus betemu enggau urang nya dalam Rumah Semayang, lalu bejako ngagai iya, “Nuan diatu udah gerai. Anang agi bedosa, enggai ke utai ti jai agi ari nya nyadi ba nuan.”
+15Urang nya mupuk lalu madah ngagai bala tuai urang Yahudi, Yesus nya meh urang ke udah ngeraika iya.

05/16.txt

@@ -0,0 +1,2 @@
+16Nya alai urang Yahudi belabuh ngenusahka Yesus, laban Iya ngereja utai nya lebuh hari Sabat. 17 Tang ko Yesus nyaut sida, “Apai Aku seruran kereja. Lalu Aku Empu mega kerja.”
+18 Ketegal saut nya urang Yahudi papat inat agi deka munuh Iya, laban Iya ukai semina ngelanggar adat hari Sabat, tang mega ngumbai Allah Taala Apai Iya, lalu ari nya ngaga Diri sebaka enggau Allah Taala.

05/19.txt

@@ -0,0 +1 @@
+19 Ko Yesus bejako ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak. 20 Apai rinduka Anak, lalu ngayanka ngagai Anak semua utai ti dikereja Iya. Lalu Iya deka ngereja pengawa ti besai agi ari nya, ngambika kita alit ati.

05/21.txt

@@ -0,0 +1 @@
+21 Baka Apai ke ngangkatka urang ari mati, lalu meri sida pengidup, baka nya mega Anak meri pengidup ngagai sebarang urang ke dikedekaka Iya. 22Apai enda ngakim urang, tang udah meri semua kuasa ngakim ngagai Anak, 23 ngambika semua urang ngemesaika Anak, baka sida ke ngemesaika Apai. Barang sapa enda ngemesaika Anak, enda ngemesaika Apai ke ngirumka Iya.

05/24.txt

@@ -0,0 +1 @@
+24 “Enggau bendar Aku madah ngagai kita, urang ke ninga jako Aku lalu pecaya Iya ti udah ngirumka Aku, bulih pengidup ti meruan belama iya, lalu enda diakim, tang udah meraka ari pemati ngagai pengidup.

05/25.txt

@@ -0,0 +1 @@
+25 Enggau bendar Aku madah ngagai kita, maya deka datai, lalu endang udah datai diatu, alai urang ke mati deka ninga nyawa Anak Allah Taala, lalu urang ke ninga nyawa nya deka idup.

05/26.txt

@@ -0,0 +1 @@
+26Laban baka Apai ke pun pengidup, baka nya mega Iya udah ngeletak Anak nyadika pun pengidup, 27lalu udah meri Iya kuasa ngakim, laban Iya Anak Mensia

05/28.txt

@@ -0,0 +1 @@
+28Anang tekenyit ati ketegal utai tu, laban maya deka datai alai semua urang ke udah parai deka ninga nyawa Iya, 29 lalu deka pansut ari kubur: urang ke udah ngereja utai ti badas, diangkatka idup baru ngagai pengidup, lalu urang ke udah ngereja penyai, diangkatka idup baru lalu diukum.

05/30.txt

@@ -0,0 +1,2 @@
+30 “Aku enda ulih ngereja utai ngatika Diri. Aku semina ngakim nitihka asuh Allah Taala, lalu pemutus penemu Aku lurus, laban Aku ukai ngereja utai nitihka peneka Aku Empu, tang nitihka peneka Iya ke ngirumka Aku.
+31 “Enti Aku besaksika pasal Diri Empu, saksi Aku ukai saksi ti amat. 32Bisi siko urang ke besaksika Aku, lalu Aku nemu, saksi iya pasal Aku endang amat.

05/33.txt

@@ -0,0 +1 @@
+33 Kita ngirumka seruan ngagai John, lalu iya madahka utai ti bendar. 34 Ukai reti nya Aku begunaka saksi mensia, tang Aku nyebut utai tu ngambika kita diselamatka. 35 John nya lampu ti menyadi lalu manchar, lalu kita gaga ati enda lama ngasaika penampak iya.

05/36.txt

@@ -0,0 +1 @@
+36 Tang saksi Aku besai agi ari saksi John. Pengawa ti udah diasuh Apai tembuka Aku, iya nya pengawa ti dikereja Aku diatu, besaksi ngarika Aku nunjukka Apai udah ngirumka Aku. 37 Lalu Apai, ke ngirumka Aku, udah mega besaksika pasal Aku. Kita nadai udah kala ninga nyawa Iya tauka meda Iya, 38lalu jaku Iya nadai dalam kita, laban kita enda arapka Iya ke dikirumka Apai.

05/39.txt

@@ -0,0 +1 @@
+39 Kita mansik Bup Kudus, laban kita ngumbai diri ulih tetemuka pengidup ti meruan belama iya dalam Bup Kudus. Bup Kudus nya ti besaksika pasal Aku! 40Tang kita enggai datai ngagai Aku lalu bulih pengidup.

05/41.txt

@@ -0,0 +1 @@
+41Aku ukai minta Diri dipuji mensia. 42Tang Aku nemu kita nadai pengerindu Allah Taala dalam kita.

05/43.txt

@@ -0,0 +1 @@
+43 Aku udah datai dalam nama Apai Aku, lalu kita enda nerima Aku. Tang enti orang datai dalam nama iya empu, kita nerima iya. 44Baka ni ku kita ulih arap, enti kita minta puji pangan diri, lalu enda minta puji ari Allah Taala siku aja?

05/45.txt

@@ -0,0 +1 @@
+45 Anang ngumbai Aku deka bedawaka kita di mua Apai. Orang ke deka bedawaka kita nya Moses, ke alai kita manggaika pengadang kita. 46Enti kita arapka Moses, kita tentu nemu arapka Aku, laban iya nuliska pasal Aku. 47 Tang enti kita enda arapka utai ti ditulis iya, baka ni ku kita ulih arapka jaku Aku?”

05/title.txt

@@ -0,0 +1 @@
+PASAL 5

06/01.txt

@@ -0,0 +1 @@
+1Udah bekau nya Jesus lalu ngelayang ke seberai Danau Galili (mega dikumbai Tasik Tiberias). 2Mayuh amat orang majak nitihka Iya, laban sida udah meda kereja ajih ti dikereja Iya ba orang ke sakit. 3Jesus niki ngagai bukit sigi, lalu duduk enggau sida murid Iya.

06/04.txt

@@ -0,0 +1 @@
+4Nyadi Gawai Paska, iya nya gawai orang Judah, nyau semak. 5 Lebuh Iya malik lalu tepedaka mayuh amat orang mansang ngagai Iya, Iya lalu bejaku ngagai Philip, “Dini alai kitai meli pemakai chukup ke semua orang tu?” 6Iya nyebut nya kena Iya nguji Philip, laban Iya nemu utai ti deka dikereja Diri.

06/07.txt

@@ -0,0 +1,3 @@
+7Philip lalu nyaut Iya, “Gaji enam bulan pen enda meh chukup kena meli roti ke sida tu datai ke semua sida ampit mimit siku-siku.”
+
+8 Siku ari murid Iya, Andrew, menyadi Simon Peter, lalu bejaku ngagai Iya, 9 “Siku nembiak ditu bisi lima iti tuku roti barli, enggau dua iku ikan. Tang baka ni ku nya tau chukup ke orang ke ngemayuh tu?”

06/10.txt

@@ -0,0 +1 @@
+10Jesus lalu bejaku, “Asuh orang mayuh duduk.” Nyadi ba endur nya mayuh rumput. Nya alai semua orang mayuh duduk. Pemayuh sida kira lima ribu iku. 11Jesus lalu ngambi tuku roti nya, lalu lebuh Iya udah meri terima kasih, Iya nyadung roti nya ngagai sida ke duduk. Baka nya mega ikan, nitihka penyampau ti dikedekaka sida. 12Lebuh sida udah kenyang magang, Iya lalu bejaku ngagai sida murid Iya, “Gumpul semua teda pemakai nya, ngambika enda tebasau ngapa.”