iba-x-ibanempran_act_text_reg/09/10.txt

Nyadi di Damaskus bisi siku murid benama Ananias. Tuhan bejaku ngagai iya dalam genera, “Ananias!” Ananias lalu nyaut, “Tu aku, Tuhan.” Tuhan lalu bejaku ngagai iya, “Angkat nuan, lalu bejalai ngagai jalai ti dikumbai Rurus, lalu lebuh nuan datai ba rumah Judas, tanyaka orang siku ke benama Saul, ke asal ari Tarsus. Iya diatu benung besampi, lalu iya udah begenera meda orang ke benama Ananias tama, lalu ngengkahka jari ba atas iya, ngambika iya ulih meda baru.”