iba-x-ibanempran_act_text_reg/21/27.txt

\v 27 Lebuh timpuh tujuh hari nya nyau deka abis, sekeda orang Judah ke datai ari Asia bisi tepedaka Paul dalam Rumah Sembiang. Sida lalu megau orang mayuh, lalu nangkap Paul \v 28 enggau panjung, “Orang Israel! Tulung! Tu orang ke ngajar di semua endur ngelaban orang Israel, ngelaban Adat, enggau ngelaban Rumah Sembiang tu. Nambahka nya, iya udah mai orang bansa bukai ngagai Rumah Sembiang lalu udah ngamahka endur ti kudus tu!” \v 29  Sida nyebut nya laban sida udah tepedaka Tropimus ke datai ari Epesus begulai enggau Paul dalam nengeri nya, lalu sida melabaka Paul udah bisi mai iya ngagai Rumah Sembiang.