iba-x-ibanempran_act_text_reg/16/16.txt

\v 16 Nyadi sekali, lebuh kami duai mansang ngagai siti palan alai besampi, kami duai betemu enggau siku indu ke ulun ke agi biak umur, ke dirasuk antu ti ngasuh iya nemu nujum. Indu nya bulih mayuh amat duit ari pengawa nujum nya ke orang ke bempu iya. \v 17 Lebuh iya nitihka Paulus enggau bala kami, iya manjung, “Orang tu nembiak Allah Taala ti Pemadu Tinggi, ke madahka jalai pengelepas ngagai kita!” \v 18 Berapa hari iya majak ngereja nya. Tang Paulus, ke nyau ringat laban indu nya, mutar lalu bejaku ngagai roh nya, “Dalam nama Jesus Kristus, Aku muru nuan pansut ari iya!” Roh nya lalu tekala nya pansut ari indu nya.