iba-x-ibanempran_act_text_reg/10/30.txt

\v 30 Disaut Kornelius, “Empat hari tu ti udah, ba jam diatu, ba jam tiga ngalih hari, aku besampi alam rumah aku. Siku urang ke ngena gari ti beperencing burak ngenyit bediri di mua aku.\v 31  Ku iya bejaku, ‘Kornelius! Sampi nuan udah didinga Allah Taala, lalu sedekah ti diberi nuan udah dikingatka Allah Taala.\v 32  Nya alai asuh urang mupuk diatu ngagai Yope lalu nanyaka urang siku ke benama Simon ti dikumbai Petrus. Iya diau ba rumah Simon ke tukang samak kulit, ngimbai tebing tasik.’ \v 33 Nya alai aku lalu tekala nya mesanka nuan, lalu nuan udah badas amat datai kitu. Nyadi semua bala kami bisi ditu magang di mua Allah Taala, deka mendingka utai ti udah diasuh Tuhan sebut nuan.”