shr-x-kigweshe_1ki_text_reg/08/54.txt

\v 54 Salomoni erhi ayusa okushenga n'okusengera ebyola byoshi, ayimuka balya ali afukamire aba mbere z'oluhêrero lwa Nyakasane anayinamulira amaboko enyanya. \v 55 Ayimanga agisha olubaga lwa bene Israheli boshi aderha n'izulinene erhi: \v 56 "Ayagirwe Nyakasane owahaga olubaga lwage okuluhûka nk'oku anaderhaga omu binwa by'obwanga ahâraga omu kanwa kw'omwambali Musa, byoshi ntaco ciru n'eciguma cabulabuzire.