shr-x-kigweshe_1ki_text_reg/01/28.txt

\v 28 Mwami Daudi anacishuza, erhi: <<Mpamagaliri Betisabeya.>> Anacija embere za mwami ayimangayo. \v 29 Mwami anacilahira ibango, erhi: <<Alame nyamubâho owandikuzagyakwo abashombanyi bani boshi!>> \v 30 Bulya nk'oku nanakulangagya nkwigashira oku izîno lya Nyamubâho Nyamuzinda w'Israheli amango nakubwiraga, nti: salomoni mugala wawe ye wanayime omu byani, ye wanatamale oku ntebe yani, neci, ene kwo najira ntyo.>> \v 31 Betisabeya ayunama ayunamiriza, ak'amalanga kahika oku idaho, afukamiriza  embere za mwami anaciderha kandi erhi: Alame ensiku zoshi, Nnahamwirhu mwami  <<Murhôle bambali ba Nnahamwinyu mushoneze mugala wani salomoni oku cihêsi cani mumunyadagalize e Gihoni;