shr-x-kigweshe_1ki_text_reg/14/06.txt

\v 6 Erhi Ahiya ayumva omudindiri gw'amagulu, anacimubwira erhi: "Yisha muno wani muka Yerobwami, cici cirhumire ocihindula, oyisha nka wundi mukazi kwone? niono ntumirwe mpu nkubwire akanwa kazibu. \v 7 Okanye ogend'ibwira Yerobwami erhi kwo Nyakasane Nyamuzinda w'Israheli adesire ntyala: W'oyu kali nie nakukulaga omu lubaga, nakuyimanza mukulu w'olubaga lwani lw'Israheli; \v 8 Kali we warhumaga obwami mbunyaga enyumpa ya Daudi, nakuhabwo, cikwonene wehe orhacihorhaga aka mwambali wani Daudi, owashimbaga amarhegeko gani goshi anankulikira n'omurhima gwawe gwoshi omu kukajira okushinganine omu masu gani.