tbl_rom_text_reg/05/16.txt

\v 16 Ne sotuhen, là senged nefeten yóm tóbóng Dwata ne yóm là kimón Adam. Yó nefeten yóm ke Adam, duhen yóm tafak Dwata laen kô dù tul sónen. Okóm yó nefet yóm kun tóbóng Dwata hlanen bè Jisas Krays, duhen yóm kehelifóten salà yó kem tau, balù yóm tey kdê salà nemò le. \v 17 Tahu se, lemwót bè yóm salà yóm sotu tau, yó gónón wen hatay. Okóm yóm kun nmò yóm sotu tau, duhen Jisas Krays, tódô kedéen tau gemuta yóm tey basa Dwata duhen yóm ketedeng kton Dwata kul. Blayen kul yóm klowil laen kô dù tul sónen, ne enget le gomong bè Krays mogot benwu.