tbl_rom_text_reg/14/05.txt

\v 5 Bud sotuhen, wen se tau wen kdaw hetólóngen, monem bong muhen kun senta yó kem dumu kdaw. Okóm wen se tau laen kô dù kdaw mtukul bong muhen senta kem dumu kdaw. Yake ket tau béen hegewu nawahen lemolò du yóm hol kun kehedem du yóm heyu. \v 6 Yóm tau ke gel wen kdaw hetólóngen bè yó kem dumu kdaw, yó se mò gónón hegefan yóm  kadaten ke Dwata se kun. Ne senged se yóm tau laen dù hniihen bè ken, yó se mò kun gónó hegefan yóm kadaten ke Dwata se kun, abay se sal gel dóyónen Dwata bè yóm gel kenen. Ne senged se kun yóm tau tolo wen hniihen, yó se yóm kun gónó hegefan du yóm kun kadat ke Dwata, ne gónón dmóyón du.  Bè yóm klawi tekuy mowil, ne balù bè yóm enget katay tekuy, wen mefun tekuy. Yó gónóm mon, yake béen són yóm knóyô tekuy todo nemò tekuy.