tbl_rev_text_reg/21/18.txt

\v 18 Yóm beng hilolen, hono yóm sotu kay botu bnoluy le dyaspér. Bede yóm syudad yó, deng tódô hono blówón, lómón kolungen sobuy. \v 19 Yó kem botu gónón myón yóm bengen, tey dê kay botu mebtes sminang heklóón le du, ket kayen, tólóng beteken. Tanayen, yóm botu bnoluy le dyaspér mò heklóón le du. Gewuhen, yóm mon le safar. Getluhen, yóm mon le agét. Gfaten, yóm mon le éméral. \v 20 Glimuhen, yóm mon le onik. Gnemen, yóm mon le karnilyan. Ghituhen, yóm mon le kwart mélél. Gwoluhen, yóm mon le bérél. Gesyómen, yóm mon le tupas. Gesfoloen, yóm mon le kalsidoni. Gesfoloen sotu, yóm mon le térkuwis. Gesfoloen lewu, yóm mon le amatis.