tbl_rev_text_reg/18/15.txt

\v 15 Ne yó kem tau deng baling kwasa lan le swa du, gotu le mdà hlayuk, likò le, kô gomong le bè yóm tey glumfaken. Ya tey kkik le du, mon le, \v 16 “Weyò, weyò. Kamaen yóm tey syudad bong yóó. Tehe tey tilob yóm nes gel leseken, yóm nes bukay ne yóm hulô megem hitem ne yóm alì tógó hulô. Tehe tódô tfeng lówóhen yóm ngom gónón alì knóón, yóm nmò le bè blówón ne bè yó kem botu sminang mebtes ne bè yó kem pérlas. \v 17 Tek sotu urasen deng sana lana béléen yóm tey kendengenen yó.” Ne kdê yó kem tau mit kafal gel lemulón hbalù, ne yó kem tau gel smakay kafal, ne yó kem tau mò nmò bè yó kem kafal, ne yó kem tau hembalù mifal mohin, gotu le mdà hlayuk,