tbl_rev_text_reg/01/01.txt

\c 1 \v 1 Nim bok ni, gotu nô lemen yó kem angat sut talak tonok deng eles hegfan Jisas Krays. Deng gna hegfan Dwata béléen anì tles bud hegfanen bè yó kem tau tóbóng lówóhen. Ne duhen yó, gotu hegfan Krays bè Jan, yóm sotu tóbóng lówóhen, hlanen bè yóm sotu hógówen gu bè longit. \v 2 Ne lemwót ke Jan, du bud tles tmulón du yóm deng tonen. Ni sii yóm snulaten gbak ebè yóm tehe tulón Dwata ke Jisas, ne yóm ktahuhen deng hegfan Jisas Krays béléen. \v 3 Hligal kun yóm tau fen semfala du nim bok ni. Ne hligal le se kul yó kem tau fen hmungol du ne mimón du yóm eles tulónen ni. Là buden legen ne ksuten ni kem kdê tulónen ni.