tbl_eph_text_reg/05/08.txt

\v 8 Tehe yu teganay, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag. \v 9 Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen. \v 10 Hol dnalang nmò ye yóm gónón hyu nawahen ebélê ye yóm gónó ye mogot. \v 11 Bê ye abay genbóy kul kmò yó kem tau tolo nô bè gónón kmifu, yakem wen se gónón e kól yóm nemò le yó. Heyu dé ke nwit tekuy lu elem yóm gónón lemayag. \v 12 Yóm nemò gel lenimun le yó kem tau yó, tey bong kenyak semtulón du.