tbl_1co_text_reg/15/42.txt

\v 42 Senged se bè yóm angat kehlowil Dwata yó kem tau deng matay. Sal gel matay se nim lówó tekuy ni, ne omin le lembeng du. Là yó dum lówó tekuy sok angat bud hlowil Dwata, là kóen na a bud matay. \v 43 Bè kebeng le lówó yóm tau matay, là buden hyu ne mton du, ne laen kô dù bud kgisen. Okóm bè yóm angat bud kehlowil Dwata du, deng baling tilob ne mton du, ne tey baling kemgis. \v 44 Yóm lówóhen lebeng le yó, olon tódô geblà bè yóm klowilen talak tonok. Okóm yóm lówóhen bè yóm angat klowil Dwata du, hol lówó knóón bè yóm klowilen bè longit, là kóen bud matay ne. Ke wen se lówó tau knóón bè yóm klowilen talak tonok, là kô gbeken du ke là bud wen se lówóhen knóón bè yóm klowilen bè longit.