tbl_1co_text_reg/10/14.txt

\v 14 Duhen yó, kem dumuhu sogot nawa, hol bê tekuy abay gmung bè yóm ktaba le bè yóm dwata kéng. \v 15 Tngónu se tey ye tau hulung hedem, gbek ye hemdem du lanen ni kem benkóhu ni. \v 16 Bè yóm gel kestifun tekuy na a hemtulón nawa yóm tehe katay Jisas bélê tekuy, wen se yóm gel ninum tekuy, ne gel dóyón tekuy Dwata bè yóm ninum yó. Bè yóm kinum tekuy du, deng wen kut du ne yóm kun litô Krays. Senged se kmò tekuy bè yóm mambang bè yóm kken tekuy du, deng wen kut du ne yóm kun lówó Krays. \v 17 Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.