tbl-x-southtboli_1jn_text_reg/03/13.txt

\v 13 Yó gónóm mon, kem dumuhu setwoli, bê ye hentaw ke knutó nawa le yu yó kem tau là hemtahuhen. \v 14 Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay. \v 15 Yóm tau ke tendo mutó nawahen kem dumuhen, lómón ke deng monok. Ne tódô tngón ye là kô gutahen du klowil laen dù sónen yóm tau monok.