tbl-x-southtboli_1jn_text_reg/02/12.txt

\v 12 Yó gónóhu smulat ebélê ye ni, kem ngà, abay se là bud snolò Dwata du bélê ye ne yó kem salà ye lemwót bè yóm deng nmò Krays bélê ye. \v 13 Ne smulate ebélê ye snéen yu kem mà, abay se deng tngón ye Krays se kuy, yóm sana mowil tenbut bè kbuten. Ne smulate ebélê ye snéen kuy, yu kem hanà lomi lemnok, abay se deng ye matù ne bè Seitan. \v 14 Ne yu kem ngà, yó gónóhu smulat ebélê ye, abay se deng tngón ye ne yóm Mà tekuy bè longit. Ne yu kem mà, yó gónóhu smulat ebélê ye, abay se deng tngón ye se kuy Krays, yóm sana mowil tenbut bè hol kbuten. Dalang se bè yó kem lomi lemnok, yó gónóhu smulat ebélê ye, abay se tolo ye tey kemgis. Ne alì nô bè nawa ye yóm kun udél Dwata, ne deng ye matù bè Seitan.