mta-x-sulitmanob_php_text_reg/04/10.txt

\v 10 Dakol ka koholo ku diyo to Magbobayjo su nasumansuman a now ro nataga a no konlayjon kow nigsumansuman koddi, di waro kow makahigayjun to pogpakita koddi to sikan. \v 11 Waro a mogkagi to soin oyjow to ogpasabut no duo pigkinaanglan ku. Su natuonan kud no agad nokoy ka kahimtang ku. \v 12 Natuonan kud nogkinabuhi no warog koyimu hoy to kaayahay. Soin tibo natuonan ka oyjow agad nokoy kagkaparologan ku, naantoy hoy gutasan, hamusak hoy kono ka pogkinabuyi ku kono ad ogkatalong. \v 13 Ka baloy ku nog atubangon ku agad nokoy no kayimtang pinabayjo to bulig ni Kristu koddi.