mta-x-sulitmanob_mrk_text_reg/14/43.txt

\v 43 To pogkagi ni Hisus nokouma si Hudas no sagboka to sampulu hoy daruwa no tinounan. Duma rin ka mo otow no duon mo kampila hoy mo lampos. Nigsugu kandan to mo agalon to mo Pari, mo talagpanulu, hoy mo agalon to mo Hudiyu. \v 44 Nigtahanan on nangoni ruo to og-amul no si Hudas ka ogdakop ki Hisus ko nokoy ka oghimuwon no alati, “Ka otow no ogharokan ku iyan sika ogpamangngoon. Dakopa now hoy bantayji now no kono ogmakasabuk. \v 45 To poghinguma ni Hudas, nigparagas diyo ki Hisus ka nigkagi, “Talagpanulu!” Hoy nigharokan din. \v 46 Hoy human darakopa si Hisus.