\v 9  Maka, tarjadilah kaributan da aihyo ge' mani ungan ahli Taurat umpat'n kalompok Farisi agut'n ge' ngarato nige karas, "Kai kati amput tarut'n da sara' nige sok diah. Langkina sa' roh ato malaikat laka nyansana ka ini'?" \v 10  Lalu, sa salisih samangkin bakambang, kapala pasukan buut Paulus aok gat'n ngarantak-antak uleh sok da karah dakoh, lalu marintah prajurit-prajurit ya' disah ge' naap Paulus umpat'n tuda-tuda ayo'a nige makse, gae' minsakng'a ka markas.