set-x-csentani_mat_text_reg/06/05.txt

(A Usaei Ebeli Boiboi Neai) \v 5 Allahre ebeli nda ma yea bonnele, u mekhai bekore mokate yoneai ma yea emokoijea nebeijo afae yea hebei boyate yo imea ralo imeane nibi yanso yansone romiyea erenaimile naeise. Reyea mare wamale naei me buhea nahibi nare yaraikoke. \v 6 Meyea Allahre ebelibonnebenrena nda mekhaijea, eweufinde yowane romau ahuneubondemo, Arai Surgana na nunne ekenekhele Kiyea nare boungele, nebei me u erenete ware me buhea inyete. \v 7 Allahre ebeli bonnelena, afaeu na mekhaijea, romiyea Allahre naseiban yo yea kate wanemmeaban, naei ubenene afaeu helenne are borommibonde.