Thu Dec 14 2023 13:28:04 GMT+0700 (Western Indonesia Time)

01/01.txt

@@ -0,0 +1,4 @@
+\c 1 Yesus Na Yobe Naei Khamahe Naei (Luk.3:23-28) \v 1 Homofea Yesus na yobe naei
+Yesus Kristus Daudle khelu, Abrahamle khelu. \v 2 Abrahamle khelu Ishak,
+Ishakle khelu Yakob, Yakoble khelu Yehuda na akha beakhe bele. \v 3 Yehuda na khelu Peresle Zerahle Tamar yea honoukokhe. Peresle khelu Hezron,
+Hezronle khelu Ram.

01/04.txt

@@ -0,0 +1 @@
+\v 4 Ram na khelu Aminadab, Aminadab na khelu Nahason, Nahason na khelu Salmon. \v 5 Salmon na khelu Boas, Rahab yea hongge. Boas na khelu Obed, Rut yea hongge, Obed na khelu Isai. \v 6 Isai na khelu ondofolo Daud. Ondofolo Daud neai khelu Salomo, ne nakhe Uria na miyea nale

01/07.txt

@@ -0,0 +1,3 @@
+\v 7 Salomo na khelu Rehabeam,
+Rehabeam na khelu Abia, 
+Abia na khelu Asa. \v 8 Asa na khelu Yosafat. Yosafat na khelu Yoram. Yoram na khelu Uzia.

01/09.txt

@@ -0,0 +1,2 @@
+\v 9 Uzia na khelu Yotam. Yotam na khelu Ahas. 
+Ahas na khelu Hizkia. \v 10 Hizkia na khelu Manasye. Manasye na khelu Amon. Amon na khelu Yosia. \v 11 Yosia na khelu Yekhonya na akha beakhe bele Babel yore ikilaikokhe ewate.

01/12.txt

@@ -0,0 +1 @@
+\v 12 Babel yore ikilaikokhe ewate hee, Yekhonya naei khelu Sealtiel. Sealtiel na khelu Zerubabel. \v 13 Zerubabel na khelu Abihud. Abihud na khelu Elyakim. Elyakim na khelu Azor. \v 14 Azor na khelu Zadok. Zadok na khelu Akhim. Akhim na khelu Eliud.

01/15.txt

@@ -0,0 +1 @@
+\v 15 Eliud na khelu Eleazar. Eleazar na khelu Matan. Matan na khelu Yakub. \v 16 Yakub na khelu Yusuf, Maria na molo. Maria Yesus re hongge, Na Ro niyea Kristus. \v 17 Nda orona mena nemene Abrahamlera mekhe Daudle hene nemene me bhe orohin kheli bele neai orona mena. Daudle he ra mekhe Babelre hayaeikokhe naei orona mena me bhe orohin kheli bele. Babelra mekhe Kristusle he ne nane merau me bhe orohin kheli bele naei orona mena.

01/18.txt

@@ -0,0 +1,2 @@
+Yesus Hongkate (Luk. 2:1-7) \v 18 Yesus honokhate naei ahuba nda wanen;
+Nenakhe Maria Yusufle molore hinaisike, nanembainya enekheibe Maria uga bele yeubokhe Roh Kudusle ra. \v 19 Nebeibe Yusuf ro mbai na wali naheleremo nekhewolene, nane merau na miyea Mariale ro yakha hebewole nebeinye na maleu maleu yea Mariare nukennebonde nibi beawole.

01/20.txt

@@ -0,0 +1 @@
+\v 20 Nebei merau Yusuf kholowongemo, malaikat imene mekhe yakangeboke a weunge, "Yusuf, Daudle khelu, buhe hokhoijea, Maria re nendong rowei weai miyeare yeugo, nebei Roh Kudusle na faa ya. \v 21 Neyea khelube hononde, Na Ro Yesus yea roubonde naei walora wali hena enjarombe mai bekho nolora."

01/22.txt

@@ -0,0 +1 @@
+\v 22 Nda nemene benate yakhanate Tuhan naei yenjo khaya yo yea a kholaikokhe huluinye. \v 23 Meangge mbai na yarele emene ugabele yeubokhe, khelu bhe hononde. Na Ro niyea Immanuel yea ronai bonde, "Allah naei nembainye nekhemale."

01/24.txt

@@ -0,0 +1 @@
+\v 24 Yusuf khulu-khulu yeubokhe aungukhe, malaikat yea ukenge huluinye mokoubokhe, Mariare rouke naei miyeare yeubokhe. \v 25 Nebeibe uga naei bele ehonoimo nekhewole, nahibi Maria nda khelu honokhe, Yusuf naro Yesus yea roubokhe.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 (Majus Romiyea Ralira Mekhate) \v 1 Manaya Yesusre honggate Betlehem yo ne, Yudea khanine, ondofolo Herodesle he ne, eremmi, majus romiyea rali refira Yerusalem yo re mekhate. \v 2 Mekhate hinate, "Makheinye Yahudi Ondofolo honokhate? Rahene bham, meyea na findelau rali refine erekannele nebeinye mande eise molomambondere." \v 3 Ondofolo Herodes nebei anggaei borokhene na uga bulinggea yea hinaugoke na Yerusalem yo na romiyea bele nemene.

02/04.txt

@@ -0,0 +1 @@
+\v 4 Nahibi imam-imam yungre nekhate, homofea isaejo arileumihike mo hineumi Kristus makheinye honokhate. \v 5 Nebeinye wainyele, "Betlehem yo ne Yudea khanine na bemere nabi-nabi yea nebei mekhai molaikokhe. \v 6 Nebeibe weyae Betlehem Efrata Yudea khanina, weyae ebinggeng ban ya, Yudea ondofolo khose nolone waeisa ro mbai annunde Israelre Yungre nekhendere."

02/07.txt

@@ -0,0 +1 @@
+\v 7 Nebeisa mo Herodes na maleu-maleu yea majus riana yore weumi, makhei heijae nda findelau neakokhe. \v 8 Nebeisa mo nda yore weumi, "Eme Betlehem yo re nebei Faa na mekhai nendea ma mo membe wensele reai bele erele ererembonde bhe hinerembonde."

02/09.txt

@@ -0,0 +1 @@
+\v 9 Ondofololera a boraibokhemo alanekokhe ewate. Nane findelau nehebi  neumimekhe nda faa honole ijenne yaubokhe. \v 10 Nda yo nebei findelau erekhainyelene rei mai khowate.

02/11.txt

@@ -0,0 +1 @@
+\v 11 Nebei imae eise ayeubokhe nane faa erainyele nenakhe Mariale naei me ne nekeitene raibokhate bhe hinainebokhe. Nebeisa mo na rung khangge wekhainyele na eba he yarowate kholowainyele nda faa re, nebei eba he na ro niyea, emas, kemenyan, mur. \v 12 Nebeisa malaikat yea imene kheleumibokhe, benen Herodesle bokhore besoi eijae, nebeinye nibhi hi ra naei yo yangre wekhate ewate.

02/13.txt

@@ -0,0 +1 @@
+\v 13 Majus romiyea ewatera, Tuhan naei malaikat mekhe Yusufre imene yakhangeboke weunge, "Ainyu, nebei faa kaeibo nenakhele bele Mesir re hakanggo fong. Nebeinye nekhepe reyea a ufepe mo , Herodes nebei faa re hombondere beaunge." \v 14 Nebeisa Yusuf aungukhe nebei faa re mo roukenge nenakhele bele Mesir re na huwea yea fokhate. \v 15 Nebeinye mo nekhepe Herodes herende mo Nabi-nabi yea a re homone molaikokhe hului, Allah na akho feuko, "Mesir ra reai faa khanerenggonde."

02/16.txt

@@ -0,0 +1 @@
+(Betlehem na khelufafa haikokhe). \v 16 Nebeisa Herodes iseyeubokhe Majus romiye nare ame-ame bewabainyokokhe , ikele hanengebokhe ukeimi Betlehem fafa neai ralo yakhama be ra onde wayeu hokolo nemene haikokhe.

02/17.txt

@@ -0,0 +1 @@
+\v 17 Nabi Yeremia eleukokhe huluinye yeubokhe. \v 18 "Rama yo ra rime a ekhaikate, Rahel naei fafa mehibe ekefolole khena foise yembondere nahukui bham."

02/19.txt

@@ -0,0 +1 @@
+(Isreai Yo Re Beneibondere Ukeimi) \v 19 Hereodes hereke hera malaikat Yusufre Mesirne uga yakhangeboke, \v 20 weunge, "Ainyu, nebei faa bele nenakhele bele yaweimibo Israel khanire bembo nane, nebei fa re honaibondere relewainye yo heraibokhe." \v 21 Nebeinye, Yusuf angukhe nebei fa bele nenakhele bele yaweimibikhe Israel khanire beibokhe mekhate.

02/22.txt

@@ -0,0 +1 @@
+\v 22 Nebeibe, borowole Arkelaus Yudea ne nekho Herodesle anuwau yeunuweiboke, Yusuf buhea hokowongene neise ei. Imera kelengebokene Galileare ekhe. \v 23 Neyea ekhe yo mbai na ro Nazaret nebeinye nekewole nabi-nabi yea elaikokhe huluinye, "Nazaret Na Ro yea elenate."

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 ( Yohanes Bu Re Koloumi Kiyea ) \v 1 Nebei he Yohanes bu re koloumi kiyea, yakauboke, Yudea faunge ahuba huwewoumi. \v 2 Neyea weumi, "Mai wali himalen nebo Akho Hena surga yo ra mendere nobeungeboke." \v 3 Yohanesle a be Allahle Yendo Khayalo Yesaya yea a yen kolowole, "Ro mbai kala akhalara khali khanele, Tuhanle nibi a anuwau khala khalane mokonnehambe Tuhan mendere wali nibi mokonneha!"

03/04.txt

@@ -0,0 +1 @@
+\v 4 Yohanes na malo bele na yolu bele unta elangra mokaibokhe. Na ramang kesenggi bele akhelana madu bele. \v 5 Nebeisa mo Yerusalem romiyea mekhate, Yudeana yo, Yordan wirangna yo bele. \v 6 Yordan wine Yohanes bu kholoumikokhe nane merau na bekho bakho ehen wo khaikokhe.

03/07.txt

@@ -0,0 +1 @@
+\v 7 Nebeibe Yohanes erelebae Farisi homona yo Saduki homona yo helengsele bure kholomikonde re mate, nebeinye a weumi, "Mayea rami ehekhaile orona mena  yo, nde mare ukembe Allah na yobei yambei bera emfaebombere? \v 8 Nebeinye mai erammeleme molaukokhe hului nebeisa ani yarombe (hokhombe) u mekhai eme hului, \v 9 Mai ure nimoko eboijea, maei akho hena Abraham, Reyea wamale nda rukhare Allah nahului wemmile walenaibonde Abrahamle fafare inyaibonde!

03/10.txt

@@ -0,0 +1 @@
+\v 10 Mana ramekhahu raisike o mabone ani bam kiyea hakhenai nekonde italo rangne kaenaenyihinde ende. \v 11 naei sele reyea mare wali mare naei kholorenggombere be nebei be raei moisa mende kiyea na bumana hele na oro mehaufe reyea ekulaiboi hului. Mare Niyea Roh bele i bele nebei bu yea kholonenggombe. \v 12 Hiloi khaban raufike khayere wahendere. Ani yo falene kholonde rabauka yo i nolone ensayanggonde hukhulunate. Nebei hului mbai Allah romiyeare mokhommile.

03/13.txt

@@ -0,0 +1 @@
+( Yohanes Yesusre Bu Raungehike ) \v 13 Nebeisamo Yesus Galileara Yordan wirande mekhe Yohanes bu re ranensinderene. \v 14 Nebeibe Yohanes ahiyea ukenge weunge, "Naeisele Weyea rare bu raufihindere nebeibe weyea raei bokhore mekhae?" \v 15 Yesus yea weunge, "Nebei kharo aei nolone yeuboke." Na nahele kiyae yakhaubokhe.

03/16.txt

@@ -0,0 +1 @@
+\v 16 Bhu raungehikera Yesus yeukuke erelebae surga romau wekheunge Allah Na Roh nakheukohke okhe nauga rangne yea. \v 17 Nebeimo surga ra a weunge, "Nda niyea Reai Henafa Hoifa Nare khena khomale."

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 Nebeisa, Yesus Na Roh yea yaweungehokhe akhala khalare ewote walobo yea wabennehindere. \v 2 Yo rorele ube reniai bele rai bele ramang anekoi mo meungekhekokhe, nebeisa moni hubangehike. \v 3 Walobo mekhe Yesusre hubannihindere, "Weyea nahele Allahle khelune nda rukha weimi feuwfe yeaibo." \v 4 Nebeibe Yesus yea weunge, ""Homofeane molokokhe, romiyea wali feuwfa mo enekheijea, Allah na akho feukora na hului walire nekhenate."

04/05.txt

@@ -0,0 +1 @@
+\v 5 Nebeisamo walobo yea yawengehokhe Yerusalem yo re Allah yoimae raloimaene maliranne haungebokhe. \v 6 Nebeisa a weunge, "Weyea nahele Allahle kheluna ndara honoinyihi a re ruwei oyo rabuhinebhan na homofeane moloukokhe ware malaikat naei meranne ruwele wa oro rukhane wele belene."

04/07.txt

@@ -0,0 +1 @@
+\v 7 Yesus yea walobore weunge, "Benen wawale Na Homofea ne molaikokhe weyea Tuhan Allahre ehubaijea ya. \v 8 Bene walobo Yesusre yawengehokhe mokho na randanna hele iketemo khelewounge nda khanina yo honate nemene fomene, \v 9 Naei a nda wanengyea weunge, "Rare wauga a ne raungehinde be hineufebonde, nda yo yoni yoni honate na one honggobele ware kinyereibonde.

04/10.txt

@@ -0,0 +1 @@
+\v 10 Nebeibe Yesus yea weunge, "Raei bera ei nundeibo walobo! Homofene molaikokhe, weyea Tuhan Allahre mo be hineungele buma khaeungele. \v 11 Nebeisa walobo na fere ewole. Malaikat-malaikat mekhate Yesusre ei ainyobokhe.

04/12.txt

@@ -0,0 +1 @@
+(Yesus Na Khaliya Galileara Huba Raweubokhe) \v 12 Yesus borowole Yohanes kilaibokhe, nebeinye Neyea Galileare yea eu faeubokhe. \v 13 Neyae Nazaret yo nukheunge bokhe fokhe Kapernaum bhu ene ne fokhe nekhewole, Zebulonle heram bele Naftalile heramne bele,

04/14.txt

@@ -0,0 +1 @@
+\v 14 Na yebeai bhu beai Yesaya yea yen kholoukokhe huluinye meuyeubokhe. \v 15 Zebulonle khani Naftalile khani, nibi bhu kelaunge, Yordan refina, Galilea, Yahudi romiyea ban neai anuwau, \v 16 Romiyea ouben nolone nekhate yo ahehe Khaban erenaibonde , nane merau romiyea yo einye nekhaunge yo, herere halaeungebokheyo, nebei Ahehe ma yung ranne naeukokhe.

04/17.txt

@@ -0,0 +1 @@
+\v 17 Nebei hera Yesusna ahuba huwewole nda ma, "Nulu khenembombe surga mendere nobeungobokhe."

04/18.txt

@@ -0,0 +1 @@
+\v 20 (Yesus Ro Kheli Na Bemere Khaneumikokhe Yo) \v 18 Yesus oro moloubokhe Galilea bhu enera, ereleabae Simon Petrusle naugekhe Andreasle Galilea bhu ne waunge hayete, neyeabe kha beai beaise beatebe. \v 19 Yesus ye weumi, "Mebu Rare hakhoisokho Reyea mokhorepope romiyea neai waufe hayepere ya." Hokholobe nahibi na wau nukheibokhete Yesusre hakhoinekokhe.

04/21.txt

@@ -0,0 +1 @@
+\v 21 Benen ndire Yesus aloungekokhe erelebea, Zebedeusle fafa be Yakobusle Yohanesle be hubayaeikokhe khakai einye na naekho naei wau foinye mokhaite, nahibi hokholobere khaneumikokhe. \v 22 Hokholobe naei khakai, naekho nukheinyebokhe Yesusre hakhoinyekokhe.

04/23.txt

@@ -0,0 +1 @@
+(Yesus Khelewoumi Romiyeare Onomi Yewoumi) \v 23 Yesus Galilea khani yaneukokhe, sinagogene khelewoumi Allahle a foi faeu foi, nane mekhai romiyea erana bulonayo onomi iwoumi. \v 24 Name u mokhowole Siria khanine bele ai borobokhe, nebeisa romiyea erana bulona yo, waloboyea na u bulune ayeubokhe yo, boiboijea bayekeyo, orora nimewaimi yo nemene onomi yarowate. \v 25 Nda romiyea heleng bolem Yesusre hakhainyekokhe yo, Galileara, Dekapolisra, Yerusalemra, Yudeara, nane merau Yordan wi refina.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 (Yesus Mokhoranda Ahuba Huwewoumi Onomi Honomi Naei Ahuba) \v 1 Romiyea heleng mewate erewoumine, Yesus mokhoranne yeuneubokhemo na u na homora yo mekhaite. \v 2 Nahibi a huba raweubokhe huweumi, \v 3 "Onomi honomi romiyea khouna khalona yo Rohle einye, surga yo yang nebei yo neai. \v 4 Onomi honomi hele khena bekho u bekhore hubayainye yo rahene bam nare rei mai ammibonde.

05/05.txt

@@ -0,0 +1 @@
+\v 5 Onomi honomi hele khena u a ne rainyehikea yo, rabuhineban, nda khani khela naeise enjembonde. \v 6 Onomi honomi hele wali naheleremo nekheyate yo Neyae uga enairembonde. \v 7 Onomi honomi hele romiyea khena buhae emihenggonde. \v 8 Onomi honomi hele wali niki ban khanau ban yo Neyae Tuhan Allahre erenainyebonde.

05/09.txt

@@ -0,0 +1 @@
+\v 9 Onomi honomi hele Romiyea rei mai onomi fokhare rowende mende kiyea nebei yore Allah Naei fafa yae me embeande. \v 10 Onomi honomi hele romiyea nahele arene eiweeitasi khoyaimi yo surga naiese enjembonde.

05/11.txt

@@ -0,0 +1 @@
+\v 11 Onomi honomi hele romiyea Reai A rene eiwetasi khonayembe a bekho bakho yea okhonayembe yo. \v 12 Rei mai yolonsande khombe, rabihine ban Allah mai me buhea u buhea khabaning surgane raufike. Nebei hului mbai yenyo khayayore mokhowaimi.

05/13.txt

@@ -0,0 +1 @@
+(Hae Bele Ahehe Bele) \v 13 "Mayea nda khani naei hea, hea buhoro yembondena, raheyea benen mokhonainyobonde hea re yembonde? Rabihiban bekho yeubokhe a ne ungayonde romiyea oroyea alenate." \v 14 "Mayea nda khani naei ahehe, yo mokho rangna enundeiboi hului."

05/15.txt

@@ -0,0 +1 @@
+\v 15 Romiyea ahehe khelene eraisi hului, bumane ranaisindere imea ei ahehe neanggonde. \v 16 Nebei hului mbai wa ugana ahehe neanggonde, romiyea wa me u ra erenatemo Tuhan Allah surganare buma kholonainyele.

05/17.txt

@@ -0,0 +1 @@
+(He Re Foloukokhe  A Bele Yen Jo Khayaa Ro Naei Homofea Bele) \v 17 Mayea nendong elembe Reyea mekhale nebei he re foloukokhe bele yen jo khayaa ro naei homofea belere khelarebondere ban nebei be re elere isendere ya. \v 18 Nda nahele be wamale, yakhu bele nda khani khela bele nundembonde horo, nebei einya a feau mbai ekhelaiboi sele.

05/19.txt

@@ -0,0 +1 @@
+\v 19 Nde yea nebei a usaei nolona mbai khelambonde beneng romiyeare me u mahiyea khelemilena, nebei kiyea surgane me ronaibonde. Nde yea nebei a usaei huluinye mokhonde nane merau khelemmilena neai ro khabang yea enaironde. \v 20 Mare wamale nde neai nahele Taurat homona yo bele Farisi homona yo neaise anawanenna neyea surgare eyeisi hului.

05/21.txt

@@ -0,0 +1 @@
+(Akha Beakhe Hang) \v 21 Mayea maisei borau bokhe aei yobhe neaise ukeimi, romiyea ohoijea, nde romiyea hombonde kiyea pengadilanre anaibonde ende. \v 22 Nde naei akha beakhe a yarenekhonde na, khobu khobu yea wennelena mahkamah agama bene hebende, nerakana i nolone ensembende.

05/23.txt

@@ -0,0 +1 @@
+\v 23 Nebeinye weyea Tuhan Allahre hili akhaufe hebeungelere bene nekheufikete weai akha beakhele ikele hang khoukokhene, \v 24 nukheibo bukheisi eye foi mokhokopemo nebeisa mele hili akhau hebeungele.

05/25.txt

@@ -0,0 +1 @@
+\v 25 Wahaleyea wa yekhoijo bele foi mokhokope nanibi nolone nendong embe weyea be khawane henayeikonde bele. \v 26 Ware nahibi ufetere, weyea khawa einyemo hebewende emeituwei hului khase yeumilerewa metuwende.

05/27.txt

@@ -0,0 +1 @@
+(Me Bekho U Bekho Naei A Usaei) \v 27 Mayea maiseai, "Rohile miyea uga emokhojea." \v 28 Nebeibe Reyea wamale nde miyea meanggere eremmile khena ruwende neyea mebekho u bekho mokhoubokhe na khena einye.

05/29.txt

@@ -0,0 +1 @@
+\v 29 Wajokho refi mbaijea bekho mokhombondena khelefiinde wowonde nendong wajokho na bene nerakane ungayonde bele. \v 30 Wa meuge me yea bekho mokhombondena neufande wowonde, na foi sele wa me refi mbai nundembonde, nendong wa uga nemene nerakane ungayonde bele.

05/31.txt

@@ -0,0 +1 @@
+(A Useai Ro Bele Miyea Bele Khaye Waheneikonde Naei) \v 31 Nenda hena a raisike: Nde na miyea nennihindena neyea homoraitai yennele nebei miyeare. \v 32 Nebeibe Reyea wamale, nde na miyea nennihinde u bekho ro hi bele mokhonei bonde aerene, nebei miyea beneng ro hi yea rowendena na ugare onomi ban.

05/33.txt

@@ -0,0 +1 @@
+(A Holo Khoikoi) \v 33 Mayea borokhauge be aei yobhe naei khamahe naeise ukaimi a, a holo ame ame okhoijea, nebeibe Tuhanle bene nebei a holo nahele yea khokonde. \v 34 Nebeibe Reyea mare wamale, meyea a holo surga royea okhoijea surga mana A;;ah naei Kundan Wameran, \v 35 Nane merau nda khani khela Allah naei orore hebeukokhe anuwau nebei hului mbai Yerusalem Ondofolo Khaban Naei yo yan.

05/36.txt

@@ -0,0 +1 @@
+\v 36 Nane merau a holo waei yun neaijea okhoijea hele. Rabihine ban wa uga kheleumon bele nokhombi bele weyea emokhoiboi. \v 37 Weai a nahelena eleukonde, amena ame yea eleukonde emekhai belena nebei walobolera mate.

05/38.txt

@@ -0,0 +1 @@
+(Wali Yo Kheijo Bele Nekhembe Naei A) \v 38 Mayea borokhauge a kholoukokhe, 'Ijokho ijokoyea bensonde, hera herayea beneikonde. \v 39 Nebeibe Reyea mare wamale, mare bekhore mokhonayembe yore bekhoyea ekheleijea, nde wa khahu meuge reufi wendena meli reufi bele yeungele wende.

05/40.txt

@@ -0,0 +1 @@
+\v 40 Nde wa ambeleare rowendere khondena wa ugana malo kheubonde yeungele. \v 41 Nde mende ungete ndare falemo beabonde, weyea weungele ndire bele alanekon fa. \v 42 Ware rinyete kiyea yeungele, me ebaeijo menate ahi eweijea yeumile.

05/43.txt

@@ -0,0 +1 @@
+Yokheijore Buhea Heumile (Luk.6:27-28, 32-36) \v 43 Mayea borokhaube Na Akho Feuko, "Mai akhambai baekhembaise buhea hemmile, 'yokheijore ikeleyea khommile.' \v 44 Nebeibe Reyae wamale, mayea yokheijore buhea hemmile meboi auboise khonayembe yore hambaya molommile, \v 45 nebeinye mayea Allahle fafare yaeubokhe, Neyae hu nukhui foibele bekhobele yore naekoyoumi, nane merau ya nahele bele naheleban yore rileyeumi.

05/46.txt

@@ -0,0 +1 @@
+\v 46 Rabuhineban, mai foi romiyea foise mokhayembe yoremo mokhommilena rahebe mayea rowembe? Nibine roise arilateyo nebei me u mbaimokhate. \v 47 Mayea mai akha baekheremo a melaeyemmilena, rahe me u bhe emekhai wanen mokhoubokhea? Nebei me u mekhai Tuhan Allahre nasaeiban yoyea mokhateya. \v 48 Nebeinye mayea mai wali Arai surgana nekhele wanenmae himalembombe."

05/title.txt

@@ -0,0 +1 @@
+Pasal 5

06/01.txt

@@ -0,0 +1,2 @@
+\c 6 (Yei Wahei Neai A Usaei) \v 1 Khaya hebembe mai umekhai foi royea miyeayea rore ronayembe mokhaube yo, nebei me u holo Arai Surgana kiyea mare mai roibu e hobekoi hului. \v 2 Nebeinye, mai me u foi mokhombe na khulungban naubang yea mokhombe romiyea bekhoyea mokhate wanen Allahna yo imea ralo imea nibine ane nare mokhate romiyea erenaimile  bumare kholonaimile naeise. 
+Reyea naei nahele mare ufembere nebeijo naei me buhea nahibi nare yaraikokhe.

06/03.txt

@@ -0,0 +1 @@
+\v 3 Neai sele mai yei wahei yemmile melime yeungele meugeme isaiyejea. \v 4 Weai yei wahei nanunda mokhoubonde Arai Surgana Kiyea ware erenete helem bolem inyete.

06/05.txt

@@ -0,0 +1 @@
+(A Usaei Ebeli Boiboi Neai) \v 5 Allahre ebeli nda ma yea bonnele, u mekhai bekhore mokhate yoneai ma yea emokhoijea nebeijo afae yea hebei boyate yo imea ralo imeane nibi yanso yansone romiyea erenaimile naeise. Reyea mare wamale naei me buhea nahibi nare yaraikoke. \v 6 Meyea Allahre ebeli bonnebenrena nda mekhaijea, eweufinde yowane romau ahuneubondemo, Arai Surgana na nunne ekhenekhele Kiyea nare boungele, nebei me u erenete ware me buhea inyete. \v 7 Allahre ebeli bonnelena, afaeu na mekhaijea, romiyea Allahre naseiban yo yea khate wanemmeaban, naei ubenene afaeu helenne are borommibonde.

06/08.txt

@@ -0,0 +1 @@
+\v 8 Neyae nebeijo naei ubene wanembea enekheijea, weyea eriyeisimo Arai Surgana Kiyea isayeubokhe, rahebe weyea riyeufindere. \v 9 Ebeli nda ma yea bonnele: Arai Surgana nekeyea, Wa Ro yolo yolo renden, \v 10 Wa Yo Yan mei miyea Weai khenare khoyea mayea nda khanina bele Surgana bele.

06/11.txt

@@ -0,0 +1 @@
+\v 11 Manaya meare khuikui mae mae yeimile. \v 12 Meai bekho neyea buhea heimiko nebei hului mbai romiyea bekhore mokhaimile yore meaye buhea hemamikhonde. \v 13 Meare anuwau bekhore eweijea, bekho nolora weimiyee. Weyea Yo Ondofolo, Onehenggo iwa kheleau bele kiyea, nda hene. Amen.

06/14.txt

@@ -0,0 +1 @@
+\v 14 Meyea romiyea buhea hemmilena mare nebeima Arai buhea henembe. \v 15 Nebeima mbai mayea romiyeare buhea eheikoinya Arai Surgana mare buhea eheikoi hului.

06/16.txt

@@ -0,0 +1,2 @@
+(A Useai Raman Eli Neai) \v 16 Raman eline nekhembe mon, ma be yoi foijea romiyea bekhore mokhate yo naei u mekhai yaroijea, nebeijo na be no no moloiboyate romiyea erenaimile nda yo raman eline nekhateyo. Reyea mare wamale, nebeijo naei me buhea nahibi nare yarate. \v 17 Mayea raman eline nekhembe mon ma be yoi bu yea khuyenggombe ma unga minyak yea hobenggombe. \v 18 Rabuhineban romiyea ro roiboi meyae raman eline nekaube nebeibe Arai nunna nekhele kiyea erembe. 
+Nebeimane Arai mare ehen mo konenggombe.

06/19.txt

@@ -0,0 +1 @@
+(Surgana Rambunbe Arilembe) \v 19 "Rambun heleng nda khanina arileijea weai walire. Fereliyea folonai bonde ya, yokhoyo yea kelanai bonde ungayonde. \v 20 Surgana rambungbe arilembeya wa walire nebei fereli ban anuwau niyea, yokhoyo ekelaiboi. \v 21 Rabuhine ban wa rambun honate wa khena nebeinye nare honole."

06/22.txt

@@ -0,0 +1 @@
+\v 22 Ijokho Isehe wa orore, wa ijokho foinya wauga nemene a hehe. \v 23 Nebeibe wa ijokho bekhone wauga nemene ouben waugana hehe ouben yembondena wa wali ouben kika hele. \v 24 Romiyea mbai rowa bere buhea ehei hului. Nendae mayea rowa hire ikele rowa hore khena foi. Mayea nahului ban Allahre bihea hennele, mamonde buhea hennele.

06/25.txt

@@ -0,0 +1 @@
+\v 25 Nebeinye Reyea mare wamale ma walire buhea hokoijea rahebe mana aneukonde, rahebe aneufindere. Nebei mekhai ma, mai uganeai, rahebe mana hireukondere. Nda wali naei be ubene bere haimale ramang naei moisa, nda uga naei be ubene bere haimale malo moisa? \v 26 Eremmi, aye bumana hekhe mokhoibe ramang ufeyeibe, nebeibe Allah surgana nahului hole moloumile. Mayea na bemere hele Allah arembe.

06/27.txt

@@ -0,0 +1 @@
+\v 27 Nde mai nolona na khena buhea khoyele nda wali ralo yakhama mbai barangebokhe? \v 28 Ambela khenane buhea hokhoijea. Jokho ereng akhelana arokhou henate wanen nenaei kiteyate faweyate, \v 29 nebeibe Reyae mare wamale ondofolo Salomo na onehenggo na malo nebei arokhou wanen bam.

06/30.txt

@@ -0,0 +1 @@
+\v 30 Allah nebei wanen mokhowole, khe akhelana mana hebate wahenare italo rangne ungayonde, mayea nebeisa awaukoke, rahene ma hila rabo Allahre eyei? \v 31 Nebei mekhainye mayea nda a mekhai eleijea, 'Rahebe anomakhonde?', Rahebe anemahinde?', Rahebe hiremakhonde?'

06/32.txt

@@ -0,0 +1 @@
+\v 32 Nebei rambun yoni yoni Allahre oneyainyele yo yea beate, Allah surgana neaisei mayea nda rambun re yarombere. \v 33 Nebeibe, Na bemere Allah na yo yambe bhere bemande nanahele bele hiwa nemene barenembe. \v 34 Nebeinye, wahena naei khoukalo buhea hokhoijea, wahena naei khoukalo neneai ya.

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\c 7 (Hiwayo Neai bekho Hului Kholoijea) \v 1 Romiyea hiwa yo neai bekho weyea hului kholoijea. Ware nebei hului mbai mokhonayete. \v 2 Nebei hului kholamae mbai ware nebei mbai jea roungate hului kholonainyele.

07/03.txt

@@ -0,0 +1 @@
+\v 3 Wa akha mbai beakhe mbai naei ijokhona o yaya re weyea erekea weai ijokhona o bohi wa ereiboi? \v 4 Nenda mayea weyea wa akha beakhere wanea, "Wa ijokhona o yaya halerebon, nebeibe wa ijokhona o nekhelebea?" \v 5 Wa ijokhona o bohibe haleiboba nebeisamo wa akha beakhelena o yaya fanyeubonde.

07/06.txt

@@ -0,0 +1 @@
+\v 6 Rambun foi yokhure ehayeijea, mutiara obhore wongondena oroyea alenaikonde nebeisa bensonde ware khanneukonde".

07/07.txt

@@ -0,0 +1 @@
+(Riyele, Beale, Me Khaba Khaba Bole) \v 7 Riyeufelena roufele isete. Bealena, hubayeukonde. Me khaba khaba bolena, romau rangayeubonde. \v 8 Nde riyende kiyea, inyainyele, nde beande kiyea rowende, nde me khaba khaba bondena nare romau raunganyebonde. \v 9 Nebei hului mbai mai nolona ro ndebe na faa yea feuw riyengehike nebei rukha yea ikenge? \v 10 Ro ndebe, na faa khare riyeungehikebe, ramiyea ikeunge?

07/11.txt

@@ -0,0 +1 @@
+\v 11 Nebeinye mayea romiyea bekhobe ma fafare rambun foijea yeumile, nebei hului mbai Arai surgana kiyea rambun na foise mo riyende kiyeare yennele. \v 12 Nebeinye weai khenare khoyea mayea romiyea ware mokonayetere nebei hului mbai weyea hiwayore mokoumile. Nebei niyea are hetengekokhe a.

07/13.txt

@@ -0,0 +1 @@
+(Wali Nibi) \v 13 Wali henare elere romau kikira eweufinde rahene ban romau kaeumau nibi khabani here nibire ekhe, romiyea heleng nebei nibira mo alonnele. \v 14 Rabuhineban, romau kiki nibi klingling hosoi wali henare ekhe, romiyea na namekhai hubainyaikonde.

07/15.txt

@@ -0,0 +1 @@
+(A Useai Wali Hena Neai) \v 15 Yakhabeleyea, amere wabate yenjo khaya yore hebembe mai bokhore domba neai maloyea hirenaikonde menate neai hele bea yokhu akhla hanggei. \v 16 Ani mokhombondera ro romambonde, anggur hobonolora erowei hului nane merau ara ohakha isa belera ehokhoiboi hului. \v 17 Era meleme foi na ani mokhoibyole neai ma foi, era meleme bekho ani mokhoibyole bekho.

07/18.txt

@@ -0,0 +1 @@
+\v 18 Meleme foi nahinggingban ani bekhore mokhombondere. Nebei merau mbai, meleme bekho nahinggingban ani foise mokhombondere. \v 19 Era meleme ani bekhore mokhonate yo khahenate inye hainyate. \v 20 Na ani mokhonatera mayea ro rommile.

07/21.txt

@@ -0,0 +1 @@
+\v 21 Romiyea Rare Tuhan Tuhanre khainaseleyo nemene surgare eyeiboijea, Maekho surgana khenare khole me u re mokhate yo nebeiyore enayembonde. \v 22 Nebeijore romiyea heleng sele Rare ungasele, Tuhan, Tuhan, meyae Weai Ro huwewammi, Weai Ro yea walobo hukhewammile emekhai bele bewate yakhawate. \v 23 Nebeibe Reyea ufemile Reyea mare oneamale, eme Raei bhera bekhore mokhauge yo.

07/24.txt

@@ -0,0 +1 @@
+(Borole Mokhole) \v 24 "Nebeinye romiyea Reai a re borombonde kiyea na me u bele mokhondena nebei ro isaei ro hebaen ro na imea rukha ranne heubokhe wanen. \v 25 Ya alu, bhumea mende horo nebei imea erowei hului, rabihine ban rukha rangne heubokhene.

07/26.txt

@@ -0,0 +1 @@
+\v 26 Reai A re boratebe me u emokhoi nebei ro holo khobu ro bele nahului mbai, imea ifau rangne heuboke. \v 27 Ya alu, bhumea mekhebae nane imea uke khelaubokhe".

07/28.txt

@@ -0,0 +1 @@
+\v 28 Yesus nebei a bele elewolene romiyea heleng sele fanggengge yea bowate, \v 29 Yesus nebei khelewoumi one rohenggo ro wanen Taurat holona yo bele.

07/title.txt

@@ -0,0 +1 @@
+Pasal 7

08/01.txt

@@ -0,0 +1 @@
+\c 8 (Yesus Bauwau Bele Rore Onomi Ikeunge) \v 1 Yesus mokhora owakoubokhe mo, romiyea na moisa hakhainyekokhe. \v 2 Ro mbai, bauwaunge khole mekhe be hineungebokhe mo weunge, "Rowa weyea khena na rare onomi yeufele". \v 3 Nebeinye, Yesus me hireungekokhe weunge, "Reyea khena khale onomi roufelere, nahibi onomi rouke."

08/04.txt

@@ -0,0 +1 @@
+\v 4 Nahibi Yesus yea weunge, "Ereibo, hiwa yo re a yakha yakha ekhoijea, eye, wauga be imam re kheleunge bonde mo, mele Tuhan Allahre buma kholongele".

08/05.txt

@@ -0,0 +1 @@
+(Fela Yung na Abhu Akho Onomi Rouke) \v 5 Yesus Kapernaum yo re meweufike mo, yo mbai fela yung mekhe mo weunge, \v 6 "Rowa, reai abhu akho orora nimainyekokhe ekhe honole ya". \v 7 Yesus yea weunge, nebeisa mo erele onomi mokhorembonde".

08/08.txt

@@ -0,0 +1,2 @@
+\v 8 Nebeibe nda fela yung yea weunge, "Rowa, na mam bang ya Weyea reai imeare eweufindere, a mbai se mo eleiko neyea onomi rowende. \v 9 Rahene ban, reyea reai yungle khelene nekhale, reai khelena yo nekhate, reyea wamaele, 'Ndare meng' neyea menate, 'ndire eme' neyea enate.' 
+Nebei hului mbai, reai abhu akhore wanale, 'Nda mokhoibo ba, neyea mokhoiboyole. \v 10 Nebei ma borokhene Yesus buma khaewounge, na moisa orate yo re weumi, "Nda hila rabo wanen Israel romiyea nolone Reyea ehubaikoi mo.

08/11.txt

@@ -0,0 +1 @@
+\v 11 Reyea wamale, ro miyea heleng sele ralira waisa menate ronaibonde Abraham, Isak, Yakub naei eraman nembainye anenate surga yo ne, \v 12 nebeinye, na yo fafa ouben kika nolone hanyaikonde. Nebeinye rime a na herea kili kili bele enaikhonde". \v 13 Nebei fel yungre weunge, "Eye weai rabore haleyea wanen ma yea yembonde". Na abhu akho nahibi onomi rouke.

08/14.txt

@@ -0,0 +1 @@
+Petrus Na Miyea Nenakhe Bele Ro Miyea Hiwa Bele Onomi Yaraikokhe (Mark.1:29-34, Luk.38:41) \v 14 Yesus mekhe Petrusle imea ne erelebea Petrus na miyea nenakhe be bulinggeane honole. \v 15 Yesus na mera ekileungebokhe bea nahibi onomi yeubokhe, nahibi aungukhe Yesusre ei aungebokhe.

08/16.txt

@@ -0,0 +1 @@
+\v 16 Be bahewole mo, ro mbai na u bulune walobo yea eweufike khole khaei bokhe Yesusle bokhore mekhate, Yesus a mbai semo ukenge na u buluna walobo yoni yoni aibalekhe nebei ro nahibi onomi yeubokhe, nane merau romiyea hiwa onomi bewate, \v 17 Yesaya yea yen raufike huluinye yeubokhe, "Yesus yea aei male yambi, aei era yung kaeubokhe".

08/18.txt

@@ -0,0 +1 @@
+Nendamayea Yesusle Yebaei Bhubeaise Yeubonde (Luk. 9:57-62) \v 18 Yesus erele romiyea heleng sele Na bokhona, nebeinye weumi, nemahin refire foma. \v 19 Nebeisamo, ahli Taurat nolona ro mbai mekhemo Yesusre hineunge, "Khulu, reyea ware hakhoreibote orayendere ya". \v 20 Nebeibe Yesus yea weunge, "Serigala (akhela yokhu) na abulu bele, aye bhumana na nale bele, Reyea anuwau bang Ra yungre rarehindere".

08/21.txt

@@ -0,0 +1 @@
+\v 21 Neai homora ro mbai jea weunge, "Tuhan rare mon yeise erele maekho molorehande mo merele hakhoreibote oromande." \v 22 Yesus yea weunge, "Rare hakhoisebo, romiyea herate neai here wate yo yea molonate."

08/23.txt

@@ -0,0 +1 @@
+Yesus Alu Heungunukhe (Mark.4:35-41, Luk. 8:22-25) \v 23 Yesus na homona yo bele khakaisa hawaibokhe neaisike. \v 24 Alu kabam raweubokhe khakaise felei felei felewounge, Yesus jonggune feleungekokhe honole. \v 25 Ro hiyea mekhe mo yenggeunge, weunge, "Tuhan, hole moloimebo! Ebuleande!"

08/26.txt

@@ -0,0 +1 @@
+\v 26 Yesus aungukhe mo weumi, "Rahene buhea hokhombe hila bang rabo bang yo? Nebeisa mo nane alu ukeunge khalaubokhe. \v 27 Na u na homona yo yea elate, "Nda ro neaisele nde, nda alu bhuna nahibi nare boroungebokhe?"

08/28.txt

@@ -0,0 +1 @@
+Gadara Na Ro Be Walobo Yea Na Ugane Ayeubokhe (Mark.5:1-20, Luk.8:26-39) \v 28 Yesus bhuheaise mekhe, Gadara na ro be ugane khote mekheite hubayaei kokhe, hokholobe here re molate anuwaufa meibalekhe, hanggei sele kotene romiyea nebei anuwaufa oroyei. \v 29 Na khali khanate nda ma, "Yesus Allahle khelu rahere maei bokhore meyae? Na yaa namman lombe weyea marea bekho mokhoiboise mekhea?"