Thu Oct 01 2020 13:33:53 GMT+0800 (Malay Peninsula Standard Time)

01/01.txt

@@ -0,0 +1,2 @@
+KAKO DADINAI YESUS KRISTUS
+\v 1 Jurata kako dadinai Yesus Kristus,anai Daud,anai Abraham. \v 2 Abraham yikna amanai Ishak,Ishak yikna amanai Yakub.Yakub yikna amanai Yehuda mono ole baina. \v 3 Yehuda yikna amanai Peres monoi Zerah,inyada yidda yiknai Tamar. Peres yikna amanai Hezron.Hezron yikna amanai Ram.

01/04.txt

@@ -0,0 +1 @@
+\v 4 Ram yikna amanai Aminadab.Aminadab yikna amanai Nahason.Nahason yikna amanai Salmon. \v 5 Salmon yikna amanai Boas,inyana yikna Rahab.Boas yikna amanai Obed,inyana yiknai Rut.Obed yikna amanai Isai. \v 6 Isai yikna amanai Raja Daud.Daud yikna amanai Salomo,inyana yikna pa ole umma honai Uria.

01/07.txt

@@ -0,0 +1 @@
+\v 7 Salomo yikna manai Rehabeam.Reha beam yikna amanai Abia.Abia yikna amanai Asa. \v 8 Asa yikna amanai Yosafat.Yosafat yikna amanai Yoram.Yoram yikna amanai Uzia.

01/09.txt

@@ -0,0 +1 @@
+\v 9 Uzia yikna amanai Yotam.Yotam yikna amanai Ahas.Ahas yikna amanai Hizkia. \v 10 Hizkia yikna amanai Manasye.Manasye yikna amanai Amon.Amon yikna amanai Yosia. \v 11 Yosia yikna amanai Yekhonya mono angu wuna,kole ba baitadi ta Babel.

01/12.txt

@@ -0,0 +1 @@
+\v 12 Kole ba baitadi ta Babel,Yekhonya yikna amanai Sealtiel.Sealtiel yikna amanai Zerubabel. \v 13 Zerubabel yikna amanai Abihud.Abihud yikna amanai Elyakim.Elyakim yikna amanai Azor. \v 14 Azor yikna amanai Zadok. Zadok yikna amanai Akhim.Akhim yikna amanai Eliud.

01/15.txt

@@ -0,0 +1,2 @@
+\v 15 Eliud yikna amanai Eleazer. Eleazer yikna amanai Matan.Matan yikna amanai Yakub. \v 16 Yakub yikna amanai Yusuf,laina Maria.Wali tai Maria ha dadini Yesus,paha ngaradai Kristus. \v 17 Nyidawe,tangada dalarada wali Abraham kahha tai Daud da kabulu pata dadde,mono wali tai Daud kahha ba baitadi ta Babel da kabulu pata daddei,mono ba baitadi ta Babel kahhai tai Kristus da kabulu pata dadde jalayi.
+DADINAI YESUS KRISTUS

01/18.txt

@@ -0,0 +1 @@
+\v 18 Batauge,hada dadinai Kristus Yesus tauda dage hadage. Kole Maria,InyaNa bana kaduni Yusuf,yidda aida haole hona,nyi bada hatina wali ta Ngahu Katenguna. \v 19 Tabolo,oroi Yusuf,laina, ba ata katenaiyi mono nyi Walena aukma bana ha makkeyi Maria ta ata buta,Yusuf na kabu atege pahewa kadana dangani.

01/20.txt

@@ -0,0 +1 @@
+\v 20 Ta nyiduwe,kolei Yusuf batamrage bana hangadage hada inna,etaige,malaikatnai Mori naha dedo wikna tabarana lede naga nippi mono linage, "Yusuf anai Daud,ilam madautawu bamu ngalayi Maria ole umani oro anana nada ta tina paha tiwai Ngahu Katenguna. \v 21 Nyi enga hadadi nani wu lakawa kabani mono yau um ha ngara dahoni Nyi Yesus oro Nyi kapa hoila mane marai ana HuhuNa wali ta jalada yidda."

01/22.txt

@@ -0,0 +1 @@
+\v 22 Tangage hada inna na dadi howela kana banuge pa taknai Mori lededi NabiNa, \v 23"Etawege,Wu lakawa bau winne enga hatina monno naha anani wu lakawa kabani.Yidda enga takki nage ngaraNa Imanuel," ka ngihi dana:"Allah na oleda yitta."

01/24.txt

@@ -0,0 +1 @@
+\v 24 Kolei Yusuf bana kadde wali ta durana,nyi na rayige dokuge paharehana Malaikat nai Mori tabarana,mono nyi na ngalayi ole ummanai,Maria, \v 25 tabolo walena dura dangak mani Maria kahha nyi bana ha anani lakawa kabani. Monoi,Yusuf nahha ngarani Nyi Yesus.

01/title.txt

@@ -0,0 +1 @@
+KAWUKKU 1

02/01.txt

@@ -0,0 +1,2 @@
+ATA MAJUS DA KAWOJONI YESUS
+\v 1 Batauge,kolei Yesus bana dadi ta Betlehem,ta Yudea,ta kabu kaha rehai Herodes,dadige,ata Majus wali ta lado koka mai ta Yerusalem. \v 2 Yidda da kanukawe,"Ngikanduni Nyi,dau ha dadini,Raja ata Yahudi nada? Oro,nami ma eta beyi maduNa ta lado kokamono nami mai mage kawojoni." \v 3 Kole Raja Herodes rangewe inna,marabehawe atena nyi mono tangage Yerusalem tauda jalage.

02/04.txt

@@ -0,0 +1 @@
+\v 4 Nyidawe,nyi nakahhayi tangada bai rato mono ahli-ahli Taurat kabihu ata rada.Nyi na kanukayi tabarada yidda,hadau dadi nai Kristus. \v 5 Yidda lidage tabarana,"Ta Betlehem,kalaigora Yudea,oro taudage hatolhada Nabi: \v 6 'Mono,yau Betlehem,ta tana Yehuda,yau wale kahada marahakmau ta jonga tangada ka dauge hareha ta Yehda,oro wali tabaramu na hudda wu ka kodo ngimi,ka pa hagadi ana huhuGu,Israel."' Mikha 5:2

02/07.txt

@@ -0,0 +1 @@
+\v 7 Bege,Herodes na kamaika mehadi ata Majus rada,nakaraiwe wali tabarada ba pira takkawe bana hudda maduyo nada. \v 8 Lohho,nyi na halwawi yidda ta Betlehem mono linage,"Kakomi mono mayega hadahani tutuna lakawa nada.Mono,mi bamu taboka beduyi Nyi,hadiki gage liyo tabaragu dajalage nauwa kana dadiwe bagu kawojoNi."

02/09.txt

@@ -0,0 +1 @@
+\v 9 Kole bada rangewe wali ta raja,yidda kako dage.Mono,da etayige,maduyo ha etada ta lado koka nada kakododi yidda kahha bada dikki mono na ngahu tahha hadauna lakawa nada dau dani. \v 10 Kole bada etayi maduyo nada,yidda da lagahara waige lagahara ai ka anana.

02/11.txt

@@ -0,0 +1,2 @@
+\v 11 Kole bada tama neda lari ta umma,yidda da dikini Lawaka nada oleni inya,Maria.Lohho,yidda da kabukku mono kawojo tabaraNa.Bege,yidda da bugeradi hadau ngawuda mono da yiyi marakada lohho dummu paha ganada tubana Nyi,ba amaha rarai,kemenyan,mono mur. \v 12 Oro bada haapedi ta naganippi iina yidda ilda hagga tai Herodes,yidda hagga taha dauda lida ta lara heka.
+HAREHA KADA MALAI TA MESIR

02/13.txt

@@ -0,0 +1,2 @@
+\v 13 Kole ata Majus rada bada kako,eteige,malaikatnai Mori na dedo tabarai Yusuf lede naganippi mono linage,"Kadewuge,ngidiyi Lakawa nada lohho inyaNa mono malaimi ta Mesir.Engana neda balila kahha Nauwa bagu takgimige tabarami oroi Herodes nakabu atege mayegani Lakwa nada kagu hamateYi linage." \v 14 Bege,Yusuf kade nage mono na ngidiyi Lakawa nada lohho inyaNa bana gadige kako taha dau kama marau ta Mesir,\v 15 mono engana neda bali kahhai Herodes mate dajalge kana banuge linai Mori lededi Nabi:"Wali ta Mesir Ug kamaikani AnaGu." Hosea 11 :1
+HAMTEYI TANGADA LAKAWA MARAHA KABANI TA BETLEHEM

02/16.txt

@@ -0,0 +1 @@
+\v 16 Bege,kolei Herodes bana tadawe nyi bada hawiniyi ata Majus,nyi na bani mono naha rehawe hamateyi tangada lakawa kabani kamarraha ta Betlehem mono tangage kalingorage,wali ka ai kaduda dau hona kahha kaduda dauna,dokuge mahiggo nyi paha yana bena wali ta ata Majus.

02/17.txt

@@ -0,0 +1,2 @@
+\v 17 Nyiwe,bannuge tangage paha dikkina Nabi Yermia: \v 18"Wu liyo rangewe ta Rama,hoyo mono kalallu kahada maropo ate.Rahel da hodi anana,mono walena aukma ba agu ateyi oro yidda ai hilu dadi." Yermia 31:15
+PAREHA KADA HAGGA TA ISRAEL

02/19.txt

@@ -0,0 +1 @@
+\v 19 Ta nyiduwe kolei Hderodes mate,etaige Malaikatnai Mori hadedala wikkina lari ta naga nippi tai Yusuf ta Mesir, \v 20 mono linage,"Kadewuge,lakawa nada oleni inyaNa ata tana Israel oro ata ka kabu atege hamateyi lakawa nada na matebe." \v 21 Lohho,nyi na kadde mono na ngidiyi Lakawa nada lohho inyaNa hagga ta tana Israel.

02/22.txt

@@ -0,0 +1 @@
+\v 22 Ta nyiduwe,kole nyi bana rangewe nadai Arkhelaus bana hareha ta Yudea jeluyi Herodes,amana,Yusuf na madauta hagga neda bali.Kole ba apeni lari ta naga Nippi,nyi nakako ta kalingora Galilea. \v 23 Yusuf na dikki mono na engana ta wuha harona ka nagrana Nazaret dajalage kana banuge paha dikida Nabi,"Nyi enga lidani 'Ata Nazaret."

02/title.txt

@@ -0,0 +1 @@
+KAWUKKU 2

03/01.txt

@@ -0,0 +1,2 @@
+HOTBAH NAI YOHANES PEMBAPTIS
+\v 1 Ta lado inna,na hudai Yohanes Pembaptis,bana hotbah ta manrada gilra Yudea. \v 2 Nyi linage,"Jarramige oro Kalingora parehai Allah daheka nage". \v 3 Oro,nyiknala hataknai Nabi Yesaya kole balinage,"Lina wu ata ka wula ta marada gilra,'Ha inyakani lara tubanai Mori,rayinani laraNa ka lurha.'"Yesaya 40:3

03/04.txt

@@ -0,0 +1 @@
+\v 4 Mono,Yohanes wiki dau na waina kalabe wali ta wullu unta mono kalari bagge kalita kakilora nage baggena.Ha yana kabala mono kanena ramma. \v 5 Bege,ata Yerusalem amidi tabrana,mono tangage Yudea,mono tangagekalingorage Yordan. \v 6 Lohho,yidda naha rihayi Yohanes ta Yordan,hagapege mangakudi jalada yidda.

03/07.txt

@@ -0,0 +1 @@
+\v 7 Tabolo,kolei Yohanes etayi butayi ata Farisi mono Saduki amaidi taha rihana,nyi linage tabrada yidda,"Mi,ana huhu kaboko japata,iyayi kaha namu gimige mamu malaimi wali ta but ateNa nimi ka amina? \v 8 Nyi bataudage inna,kamu hadadige wuge jarrami, \v 9 mono ilam hangadege tutu bamu takkiwe tuba taumi,'Nami dani Abraham,ama weda waikama nami,'oro nauwa lugu gimige tabrami inna wali ta watu rade Allah na dadiwe bana hakadeyi anai Abraham!.

03/10.txt

@@ -0,0 +1,2 @@
+\v 10 Lohho,inna batauge,pogo,ijalabewe ta kalarta pu yayu,mono tangadi pu yayu ai ka wu dahha katoda hoyi mono baita hodi talatti. \v 11 Nauwa tau takka nage ug waigimi we bagu harihami bamu jarra,tabolo Nyi ka ammina kole badaga na bikta dahowe harehana  wali ta nauwa,kopa leduna nauwa walegu marak kak mawa ngidi nadi.Nyi naha rihami mi waini Waddi Bihha mono latti. \v 12 Tapi nyura talima benaNi,mono Nyi naha murahadi hadau karabaNa,mono enga kahha nadi gandum lari tagalu.Tabolo,Nyi enga tunu nadi ta alati kuwa ai hilu angta padda."
+YESUS NAHARIHAYI YOHANES PEMBAPTIS

03/13.txt

@@ -0,0 +1 @@
+\v 13 Bege, Yesus amini ta Galilea ta Yordan tabarai Yohanes kapiku hariha nani Yohanes. \v 14 Tabolo,Yohanes na baige hikalani Nyi mono linage,"Nauwa dahho pahha rihaMu,ta nyiduwe Yau um mai dawaliwu tabaragu?" \v 15 Lodoge,Yesus na balehawe tabarana,"Batauge.pahaige oro batauda dahoge dadige ta yitta kana banuge tangage katena."Mono,Yohanes dumo na pahaini Nyi.

03/16.txt

@@ -0,0 +1 @@
+\v 16 Ba kole harihaYi,Yesus wing hunage wali ta weyo,mono etawege,surga na mabugerawe mono Nyi naetayi Waddi nai Allah burru katujai takuku maupa taka takkuNa. \v 17 Mono,rangewe li wali ta surga kahha newe, "Nadde nyi anaGu tabaraNa ge Nauwa Ug kabu ateNi."

03/title.txt

@@ -0,0 +1 @@
+KAWUKKU 3

04/01.txt

@@ -0,0 +1,2 @@
+YESUS NA KABANI KABALKA
+\v 1 Bege,Yesus na kodoni Waddi ta marada gilra bana kabani kabalka. \v 2 Mono,Nyi natari pata kabulu lado mono pata kabulu gaddi,be inna Nyi naka laba.\v 3 Nyi namai,kabani,mono linage tabarai Yesus,"Nyi Yau ba ana Allah duwu,pareha holai rada watu kana dadi kababa." \v 4 Tanyiduwe,Nyi nabalehawe mono linage,"Dage kama tolha,'Wale kababa kelma kadadai ata Morha,tabolo wali tangadi lina kahuna wali ta banai Allah." Ulangan 8:3

04/05.txt

@@ -0,0 +1 @@
+\v 5 Bewalge,kabalka na ngidiYi ta toko Uma Allah, \v 6 mono linage tabaraNa,"Nyi Yau ba ana allah duwu,Dolu wikhomu inna lari oro dage kama tolha:'Tutum Yau,allah enga harha nadi malaikatNa mono keketawu Yau ta pnu limada yidda dajalage leduMu ilna widadi rada watu.'" Mazmur 91:11-12

04/07.txt

@@ -0,0 +1 @@
+\v 7 Yesue linage tabarana,"Hadakka piguge,dage kama tolha,'Yau ilam kabani Mori Allahmu."' Ulangan 6:16 \v 8 Hadakka piwal Kabalka na ngidiyi Yesus ta panu letena kahada madehta mono naha tingo nage tabarana tangage parehage panu tana lohho ewetage, \v 9 mono linage tabaraNa,"Tangadi rade ug yigudi tabraMu,nyi Yau bamu katabawu mono kawojoga."

04/10.txt

@@ -0,0 +1,2 @@
+\v 10 Bege,Yesus linage tabarana,"Yelana ge,Kabalka! Dage kama tolha, 'Mi um kawojo dahhoni Mori Allahmu mono tabraNa hena yau bamu kangotena."' Ulangan 6 :13 \v 11 Kolei, kabalka ijakani Nyi,mono etawege,malaikat-malaikat ammidi ha nukkuyi Nyi.
+YESUS HALEGE NAGR HA ULANA TA GALILEA

04/12.txt

@@ -0,0 +1 @@
+Lohho,kole Yesus rangewe nadai Yohanes yapayi,Nyi napahili kina ta Galilea. \v 13 Nyi natanage Nazaret mono na dikki lohho na engana ta Kapernaum,ta hupu Hoba,dirri Zebelon mono Naftali,

04/14.txt

@@ -0,0 +1 @@
+\v 14 kana banuge agawe agawe hatakki ledeni Nabi Yesaya: \v 15 "Tanah Zebelon mono tanah Naftali,lara ta Hoba,ta gabala Yordan,Galilea,kalingora ata aika Yahudina, \v 16 kabihu ata ka engana lari taka pagtana etawe magakaha kama dakka,mono tubada yidda ka engana taha dau mono mawo kamate,Magakaha inna na huda bewe. Yesaya 9:1-2

04/17.txt

@@ -0,0 +1,2 @@
+\v 17 Wali nedage,Yesue halege nage bana hotbah mono linage,"Jarramige oro kalingora pareha Sorga na dahekawe!" 
+NAKAMAIKAFI PATA ANAHAKODONA

04/18.txt

@@ -0,0 +1 @@
+\v 18 Kolei Yesus kako ta hupu hoba Galilea,Nyi na etayi duda kaha angu wuna,Simon paha ngarai Petrus,monoi Anderias anguwuna,batamrada wewuwe jalada ta hoba oro yidda ba kamajala kabokoyi. \v 19 Mono,Nyi linage tabrada yidda,"Mai dokuga Nauwa mono Nauwa enga hadadu gumi mi kama jala ata." \v 20 Yidda wing tana dadi jalada mono dokuni Nyi.

04/21.txt

@@ -0,0 +1,3 @@
+\v 21 Mono,kole bada kako wali neda bali,Nyi na etayi duda wali 
+kahha angu wuna,Yakobus anai Zebedeus monoi Yohanes,angu wuna.Yidda lariyi ta wu tena oleni Zebedeus,amada yidda,tamra illo dadi jalada.Mono,Nyi naka maikadi yidda. \v 22 Mono,yidda wing tanadadi tenada mono amada yidda,dokuni Yesus.
+YESUS NAHA NUA MONO NAHATAGAHA ATA BUTA

04/23.txt

@@ -0,0 +1,2 @@
+\v 23 Bege,Yesus kilorage tangage kalingora Galilea,hanuana ata ta sinagoge-sinagogeda yidda,talarage li ege ate Kalingora pareha,mono hatagaha tanga ngara kapore,mono tanga ngara kalawara ta jonga ata buta. 
+\v 24 Mono,li tutuNa matalarawe kahha ta tangage Siria.Mono,yidda da ngodiyi tabaranNa tangadi ata kalawara ka oja wali tanga ngara kapore mono kapakhada,mono hatamanai kabalka,kaparaka,mono kalikku,mono Nyi nahatagahayi yidda. \v 25 Maubla ata kabuta wali ta Galilea,Dekapolis,Yerusalem,Yudea,mono wali ta gabala Yordan dokuni Nyi.

04/title.txt

@@ -0,0 +1 @@
+KAWUKKU 4

05/01.txt

@@ -0,0 +1,3 @@
+HOTBAH YESUS TA PAU LETENA
+HANEWE KANYURRU 
+\v 1 Kole ba etayi ata buta rada,Yesus panne ta panu letena.Mono,ana hakodo haloleNa ammidi tabaraNa. \v 2 Mono,Nyi na bugerage baNa mono naha nuadi yidda,linaGe, \v 3"Kanyuru nage ata ka milla lar ta waddi oro yidda ka dauge Kalingora Surga. \v 4 Kanyuruda yidda kamayilla atena oro yidda enga ha agu ateyi.

05/05.txt

@@ -0,0 +1 @@
+\v 5 Naka nyurru ho ata malujja atena oro yidda enga dau dage panu tana. \v 6 Daka nyurru ho yidda ka labba mono marige ka tenguna oro yidda enga haboktayi. \v 7 Daka nyurru ho yidda ka manawara atena oro yidda enga kolena manawara ate. \v 8 Daka nyurru ho yidda kamurha atena oro yidda enga eta dani Allah.

05/09.txt

@@ -0,0 +1 @@
+\v 9 Daka nyurru ho yidda ka ngidi moli oro yidda enga da takkiyi ana nadi allah. \v 10 Daka nyurru ho yidda kamayilla oro ketena oro yidda ka dauge Kalingora Surga.

05/11.txt

@@ -0,0 +1,2 @@
+\v 11 Um ka nyurru hom miyo ba daka ata kaha melo gimi mono kaha mayilla mi,mono ka takki gimige tanga ngara hanewe kajapata tabaramu waige bada langu lirami orogu Nauwa. \v 12 Laga harami mono ege atemila oro madaka lawe hige ta surga tauda dage yidda bada hama yillayi tangada Nabi ai diki hogimi miyo."
+MAHHI MONO MAGAKAHA PANU TANA

05/13.txt

@@ -0,0 +1 @@
+\v 13 "Mik nala mahhi panu tana,tabolo inna mahhi bana dadi kabbawe,aga lina dahowe ba hamah haggage? Nyi la hing mana gauge duka dahege ba baitage mono ba dekege kadadi ata." \v 14 " Mik nala magakaha panu tana.Harona ka panu letena wale na dadik mawe bana kabunyiwe.

05/15.txt

@@ -0,0 +1,2 @@
+\v 15 Ata walena dadik mawe bana kadakena latti we mono ijalawe ta kabu haburra,ta nyiduwe ta hariyo hadau latti we,mono kana hama gaka hadi tangadi ka dana lari ta umma. \v 16 Pahai jalage inna maga kahamu waige hada kaha tujja dajalge ata kana eta gimige harayimi ka dahha mono kahha manadani Amamu ta surga."
+PANNUYI UKKU PAREHA MONO JURATA NABI

05/17.txt

@@ -0,0 +1 @@
+\v 17"Ilam hangada dage inna Nauwa bagu maiwa waleg pungak madi li ukku pareha waleka jurata tangada Nabi.Bagu maiwa wale pngak ma gudi ta nyiduwe mai panu da gudi. \v 18 Nauwa takki guge katau takkana tabarami,kahha langta mono tana ai hilu dage,wale lakma wuak kama dutla waleka kama tikki kabunga wali ta Ukku Pareha kahha tangadi bana banuge.

05/19.txt

@@ -0,0 +1,2 @@
+\v 19 Oro batau dage,iyayi kapungadi wuak wali ta pareha kahada maraha rade mono hanuani ata wadeka kapiku rayi nage hada kaha mera,nyikna kahada maraha lari ta Kalingora Surga.Tabolo, iyayi ka rayidi pareha rada mono naha nuadi yika kama dakka lari ta kalingora Surga. \v 20 Oro,nauwa luguge tabarami inna katenamu wale na rehi dahak mawe wali ta katena ahli-ahli Taurat mono ata Farisi,mi ruruge bamu tamami lari ta kalingora Surga.
+TUBANA ATA KABANINI ANGU WUNA

05/21.txt

@@ -0,0 +1 @@
+\v 21 Mi um range bewe ha tak be ta weda waikada yitta,'Ilam ha matewu ole atamu,'mono'ba iya kayi kaha mate ole atana na dadi mema dawe ngidiyi taha dau yiwe li hokuna.' \v 22 Ta nyiduwe,Lugu dage tabaramu iya hing kayi ka bani tabara ole baina na marakka mema dawe ba hokuni,mono iya hing kayi kaha newe ta ole baina,'Yau kabangawu,' nam rakka dahowe ba dani ta aro Pa ama hadau deye Agama,mono iya hing kayi kaha newe,'Yau kabangawu,'namaraka dahowe badani lari neraka latti.

05/23.txt

@@ -0,0 +1 @@
+\v 23 Oro bataudage,nyi mi bamu yika manuta manutami tapanu natara,mono neda bali mi um apeyi ole baimi badage wuak tabaramu, \v 24 tanadi rada manutamu rada ta aro natara mono kakowu kam dame danga uluni ole baimi,beyo ubum hagami mono ubum yiyi manutami.

05/25.txt

@@ -0,0 +1,2 @@
+\v 25 Geha memam,dame dangani ata kaha waugu batamra homu kako dangani daja lage ilna hawau wali gu inna nayiwu tabara katibawe,mono katibawe nada nayiwu ta hagawena,mono yau naha tamagu ta gallu.\v 26 Nauwa ug takki guge katau takkana tabaramu,yau wale na hilu dadik mawe bamu huna wali neda bali kahha yau bamu be bayarana sen ha duka waiwe.
+"ATA KAJALA DANGANA OLENA

05/27.txt

@@ -0,0 +1 @@
+\v 27 "Mi um range bewe inna hatakki,Ilam jalami ta olemi.' \v 28 Ta nyiduwe,Nauwa luguge tabaramu tangana ata kaha matara hinguni wu lawai mono naka madige ta atena,nyi na jala danga beni ta barana lawai nada lari ta atena.

05/29.txt

@@ -0,0 +1,2 @@
+\v 29 Nyi mata kawanamu na rayi kagu harayi dangam jala,lakke  matamu nada mono baitani.Oro,atna hadaha dahoge yau ai dani wu matamu wali ta ta taumu wali tangage taumu ba baita dali guge ta naraka. \v 30 Mono,nyi lima kawanamu banyika harayi dangamu jala,katuplayi mono baitan limam nada rehi daha dahoge bana bunga  wu limam wali ta taumu wali tangage taumu ba baita dali guge ta naraka.
+NUKKU TUTU PAHEWA

05/31.txt

@@ -0,0 +1,2 @@
+\v 31 Inna takki bewe: Iyayi kaha hewa dangani ole ummana na yidaho jurata pahewa ta bara ole ummana nada.\v 32 Ta nyiduwe,Nauwa ug tak guge tabaramu ba iyayi  kapa hewa dangani ole ummana,duka dahege oro jala dangana olena,nyi na rayini jala olen ole ummana.Mono,iyayi kaha umma dangani lawai kapa hewa danga bena laina nada,nyi jala danga olena.
+TUTUGE HAURA

05/33.txt

@@ -0,0 +1 @@
+\v 33 Hadakka piguge,mi um range bewe hatak beda ta weda waikamu,'Ilam haura palekawu,tabolo panu kewe hauramu inna ta arona Morimu.' \v 34 Ta nyiduwe,Nauwa luguge tabaramu:ilda hinguge yau bamu haurawu,langka tutu Surgawe oro Surga yodakna dau ngodo nai Allah, \v 35 wale ka dumo tana oro tana nyiwe hadau ijala nadi leduNa,waleka dumo tutu Yerusalem oro inna ba nyiwe harona Sang Raja kama dakka.

05/36.txt

@@ -0,0 +1,2 @@
+\v 36 Ilam haura jala kawu tutu katak kumu oro yau aina dadi mowe bamu rayige gayu ro wumu,kaka waleka mattige. \v 37 Ta nyiduwe,enga dage hanewem,ngoge bana tenawe,walekma nyi aina tenawe,oro ta bali tangage inna wali ge tai kajapata.
+TUTU TAU GABAGE

05/38.txt

@@ -0,0 +1 @@
+\v 38 Mi um range bewe agawe inna hatak kibena,'Mata na hepadi mata mono nguddu na pahepadi ngudu.' \v 39 Ta nyiduwe,Nauwa luguge tabaramu ilam gabage kajapata,tabolo iyayi kapakko kaguge papai kawanamu,horo jala nage papi wadeka.

05/40.txt

@@ -0,0 +1,2 @@
+\v 40 Mono,nyi wu ata bana karuhhu kawu mono ngala guge kalabe mu,yi jala nage kalabe madakkamu tabrana. \v 41 Mono,iyayi kaduhhawu yau kako dihha mil,kakowu marangani ka duda milna. \v 42 Yikini ata karaiyi tabaramu mono ilam tularani ata ka kabu atege karaiyi tudu wali ta yau."
+MANAWARADI MUHUMU

05/43.txt

@@ -0,0 +1 @@
+\v 43 "Mi um ranhge bewe inna liNa,'Manawara kini olem,' mono'butuni ate muhumu.' \v 44 Ta nyiduwe,Nauwa luguge tabaramu,manawara kidi muhumu mono sembanyang nala tubada ata kaha mayillawu yau, \v 45 waige batau dage yau inna dadiwe bana anai Amawu ta Surga oro Nyi kapa hudani mata ladoNa tubada ata kajapata mono kadahha,mono kaha buruni urra tubada katena mono aika tena.

05/46.txt

@@ -0,0 +1 @@
+\v 46 Oro,inna mi ba duka dahege bamu manwarani ata kama nawaragu,agak we hakolemi? Walem tadak mawe ata ka kahha wali takku rayi jalage kataudana? \v 47 Mono,nyi mi bamu hanau wuyi ba dukka hena ole baimu,agawe rehige harayimu?Walem tadak mawe ata ai katadayi Allah rayi jalage katujawe inna? \v 48 Oro batau dage,mi um dadi bannu dahona,tujai Amamu ta surga kabanuna."

05/title.txt

@@ -0,0 +1 @@
+KAWUKKU 5

06/01.txt

@@ -0,0 +1,2 @@
+HA AKKA TUTU BA YIYO
+\v 1 "Hamatara gela bamu pahada we tutu parayim ta agamamu ta aro ole atamu,ilam kabu ate dagela kada etawe yidda. Nyi batau dage,mi walem hibak mawe hige wali ta Amamu ta surga. \v 2 Oroge inna,kole mi bami yi hodi kami,ilam ha punyikan talalu ta aromu kataujana ata kadahha dete harayida ta sinagoge-sinagoge mono ta lara dajalage yidda ka dayo daikayi ata wadeka.Nauwa ug talkkiwe katau takkana tabarami inna yidda da hiba bewe higela.

06/03.txt

@@ -0,0 +1,2 @@
+\v 3 Ta nyiduwe,kole mi bami yi hodika,ilam paghai kani limma kalimu bana tadayi agawe harayina limma wanamu, \v 4 dajalge ha yi hodimu rada kana kabunyiyi mono Amamu ka etayi kabunyi rada enga na yigimi hidi."
+HA AKKA TUTU SEMBAYANG

06/05.txt

@@ -0,0 +1 @@
+\v 5 "Mono,kole mi bamu sembayangna,ilam tujayi ata kadahha dete oro yidda da baige dede mono sembayangna ta sinagoge-sinagoge mono ta hupu lara kapiku eta dadi ata wadeka.Nauwa ug takki gimige katau takkana tabarami,yidda da hiba bewe hige. \v 6 Ta nyiduwe,kole mi bamu sembayangna,tamamik lari ta koromi mono toniwe binnami,mono sembayangna ta Amami kadana taha dau kabunyi,yiwe Amami na etawe kabunyi inna enga na yigimige hige tabarami. \v 7 Mono,kole yau bamu sembayangna,ilam waikana hanewe ai kamangu gauna katujana ha rayina ata ai katadayi Allah,oro paha ngadada waidi hanewe kabuta,yida enga narangeyi.

06/08.txt

@@ -0,0 +1,5 @@
+\v 8 Nyi batau dage,ilam tujai yidda oro Amamu natadawe agawe ha kabu atemu aim karai howe tabaraNa. \v 9 Sembayang tau damu inna,
+'Ama nami 
+ta surga,
+Paha tengu howela ngaraMu.
+\v 10 Kana mai kawe kalingora parehaMu, dadi kawe hakabu ateMu ta panu tana lohho ta surga.

06/11.txt

@@ -0,0 +1,5 @@
+\v 11 Yikima nami,lado inne,ha yama katutuki. 
+\v 12 Mono,ha wali kimadi jalama nami katuja dumuwe nami bam walidi jalana ole atama tabarama nami. \v 13 Mono,ilam ngidi kama nami lar kama kaba, tabolo palohta kima nami wali kajapata.
+Oro ba Yau kadauge Kalingora Pareha,mono bikta pareha,
+mono manadana kahha ana murri.
+Amin'.

06/14.txt

@@ -0,0 +1,2 @@
+\v 14 Oro batauda dagege nyi mi bamu hawali ka nadi jalana ata wadeka,Ama sorgawi mu naha wali jalagimi. \v 15 Ta nyiduwe,nyi mi aim hawali kani jalana ata wadeka,Ama dumomu enga wale naha walik magudi jalamu."
+HADAMU BAMU KABUKTAWU

06/16.txt

@@ -0,0 +1,2 @@
+\v 16"Mono,kole mi bamu kabuktami,ilam buju kami tujayi ata daha dete oro yidda na dadiwe hajelu ge matada kapiku etama bama kabukta rada ata wadeka.Nauwa lugu gimige katau takkana tabarami inna yidda da hiba bewe higela. \v 17 Ta nyiduwe,mi,kole bamu kabuktami,lewuwe katakkumi mono bahawe matami \v 18 daja lage kabuktami ka ilna eta mige ata,tabolo Amamu ka dana taha dau kabunyi.Mono, Amamu na eta guge harayimu ka bunyi inna enga naha gaba guge la tabaramu."
+HA INYA KAYI NGAWU TA SURGA

06/19.txt

@@ -0,0 +1 @@
+\v 19"Ilam kanguti kage tutu tau daumi ngawu ta panu tana,hadaudi wana mono tai rara kaha mabbodi,mono hadau ata kedu kahegaradi lohho kedudi. \v 20 Ta nyiduwe,kangutige tutu tau daumu ngawu ta surga,hadau wana mono tai rara walena ha mabbok madi mono hadau ata kedu walena hegarak madi loho wale na keduk madi. \v 21 Oro hadau nagwumu dadi,yoda jalawe atemu."

06/22.txt

@@ -0,0 +1,2 @@
+\v 22 "Matamu yikna lati we taumu,Yiwe,rada matamu bana dahhayi,tangage taumu enga na magaka hege. \v 23 Ta nyiduwe,nyi matamu japatayi,tangage taumu enga banuge kapagtana.Nyiwe nyi magakaha kadada hona tabaramu yikwe kapagtana,hada kik kage kapagtana inna." \v 24 "Wale ladakma ata kahha mori ta duda morna oro nyi enga butu nani ate nada morna wu mono na manawarani wu,waleka enga mikkuna ta morna wu mono na tau taipayi wu wali.Mi walena dadik mawe hanukku nage ha ulla nai Allah mono amaha."
+MIYO ILAM GELA GAGAMI

06/25.txt

@@ -0,0 +1 @@
+\v 25 "Oro batau dagege Nauwa lugugu tabramu,ilam gela gagage tutu morhamu,ba agana ha yamu wa;leka agana ha enumu.Tau dajala nage taumu,ba agana hataumu.Walena rehi banning kak hoge morha  wali taha yayo,mono taumu wali taka labe? \v 26 Torroyi kawurruna ta langta ai kahabarana,ai kamangatti,mono ai ai ka kahha ka galuna,tabolo Ama Sugawimu na yidi yida ha yayo.Mi walem rehi mang hikak homi wali ta yidda?

06/27.txt

@@ -0,0 +1 @@
+\v 27 Iyayi ta jongamu oro gela gagana dadiwe bana tabawe dal ak morhana? \v 28 Mono,tutu kalabe,ahha mi mamu gela gaggami? Hamataradi wala ruta bakung tama rada,aga liana dawe yidda bada tummu,yidda wale da ullak mana mono wale da kamode takma, \v 29 tabolo Nauwa luguge tabaramu nadai Salomo kama nadana hali dumona wale na tau ma kalabe katujana wuyo wale ta wala ruta nada.

06/30.txt

@@ -0,0 +1 @@
+\v 30 Nyiwe,nada ruta tama rada,kadana nehe lado mono koka baitani lari ta latti,Allah napa hada tauda dani,wale narehi dal kak hoge mi,ta mi kadabo hatenana? \v 31 Nyidawege,ilam gela gaggami waige ba limimi,'Agak na hayama?,' waleka agakna ha enuma?,' wale dumoka',Agak na hatauma?'

06/32.txt

@@ -0,0 +1 @@
+\v 32 Oro,ata wadeka da mayegadi tangadi rada mono Ama surgawimu na tadawe inna mi bamu kabu atedi tangadi rada. \v 33 Ta nyiduwe mayega ullu toge Kalingora parehaNa mono tenaNa,mono tangadi rada enga taba nagudi. \v 34 Nyiwe,ilam gela gaggage tutu tanga kokage oro koka tanga wiki dauge dadyo.Hatutuwe dihha lado waige mayilla na dauna."

06/title.txt

@@ -0,0 +1 @@
+KAWUKKU 6

07/01.txt

@@ -0,0 +1,2 @@
+ILAM NYI KANI RAKKANA OLEM ATA
+\v 1"Ilam yikani rakana olem ata daja lage mi ila yigimi rakkami. \v 2 Oro waige rakkana ha yimi tutu rakkana,mi enga hiba mige rakkage,mono waige ukra ha waimi tutu ukra ha ukram enga ukra jala mige tabarami.

07/03.txt

@@ -0,0 +1 @@
+\v 3 Mono,ahha mi mamu etayi karabka yayu ta mata ta angu wumu,tabolo yau walem tada dau mayi kadibka yayu ka dana ta mata daumu? \v 4 Waleka,aga linak kawe bana dadiwe mi ba limige ta ole baimi,' Haiga nauwa kagu pahu gini karabka yayu nada wali tamatamu,'tabolo etawe,dani kadibka yayu tamata daumu? \v 5 Ta,aa dahha dete,pahuyo ultoni kadibka yayu nada wali tamatamu,mono bege yau enga eta hadahha muni bamu pahu nani karabka yayu wali ta mata ole baimi.

07/06.txt

@@ -0,0 +1,2 @@
+\v 6 Ilam yikayi ngawu katenguna ta bagga,ilam baita jalani watu mangu hiyo nada ta ta arona wayi daja lage yidda ilda deke pipini waini leduna mono na hagga waligu hirrawu yau."
+KARAIMILA,MAYEGANALA,MONO KALADINALA

07/07.txt

@@ -0,0 +1 @@
+\v 7 "Karayimila,mono ta hada inna enga yinagimi tabarami.Mayeganala,mono mi enga kolemi.Kaladinala,mono hada inna enga na bugera gimige tubami.\v 8 Oro,tangana ata ka rai,nyi na hibaho,mono ata kamayega enga na kolena,mono iyayi kaladina enga bugerani. \v 9 Waleka,iyayi ta jongami,nyi nada anana bana karaika kababa nyi bana yidalini watu nada anana? \v 10 Waleka,Nyi anana bana karaika kaboko,nyi enga wale na yimanni kaboko ana nada,to?

07/11.txt

@@ -0,0 +1,4 @@
+\v 11 Nyiwe,nyi mi kajapata tadawe agalina dawe bamu nyini anamu kadahaki,at wik hona Amamu ta surga,Nyi enga yina gimi kadahha tabrada yidda karai tabaraNa."
+UKKU PAREHA KABANNINGNA
+\v 12"Oroge inna tangadi mi hakabu atemi kana rayi gimidi ata tabarami,tauda jala nage mi um rayidi tabarada yidda oro rade ydayi ngihidi Ukku Pareha mono jurata Nabi."
+LARA KA ARO TA MORHA

07/13.txt

@@ -0,0 +1,2 @@
+\v 13"Tamami ta binna kahikna oro lurawe binna mono lura lara ka aro ta liloko,mono dadi kabuta ata kalida tama. \v 14 Oro,kahikge binna mono kahna lara ka aro  ha morha danga,mono hodik ka tomani."
+HANAMU TUTU NABI-NABI PALEKA

07/15.txt

@@ -0,0 +1,2 @@
+\v 15"Ta nyiduwe,hamataradila tabarada nabi-nabi paleka ka amina tabrami ka waina kalabe bebbe,tabolo dok dage yidda serigalai kabani. 
+\v 16 Wali ta wuna  mi enga tada midi yidda.Dak kakwe ata kahhayi wu anggur wali tara warri mono wu kapulota wali ta yayu tara warri? \v 17 Tauda jala nage,tangadi pu yayu kadahha na wuyo wuna kadahha,tabolo pu yayu aika dahha da wuna  wu aika dahha.

07/18.txt

@@ -0,0 +1 @@
+\v 18 Pu yayu kadahha walena dadik mawe wu dalna aika dahha,mono pu yayu ai kadahha ruruge bana wudalna wu yayu kadahha. \v 19 Tangana yayu aika wu dahha ha toda hoyi mono baitani lari ta latti. \v 20 Nyiwe,wali ta wunala mi enga tada midi yidda.

07/21.txt

@@ -0,0 +1,2 @@
+\v 21 Wale tangak mana ata kaha newe tabraGu,'Mori,'tama lari ta kalingora surga,tabolo nyi karayidi tangadi hakabu atena AmaGu ta surga. \v 22 Ta lado neda,buta ata kaha newe tabaraGu'Mori.Mori,ba nami kakna takki guge ngaraMu mono ka wugayi wadi japata lari ta ngaraMu,mono karayidi tangadi mujizat waige ngaraMu?' \v 23 Lohho,Nauwa enga tak guge tabarada yidda,'Nauwa waligu kal tadak mami miyo!Um yelana wali tabaraGu,mi um ulladi tangage kajala!'"
+RANGEWE MONO RAYIDI

07/24.txt

@@ -0,0 +1 @@
+\v 24 "Oroge inna,tangana ata karange gage ha takkiGu rade mono karayi gadi enga natujayi ata kama niwola paha ngadana kahha kadde umana tapanu watu. \v 25 Nyi,bana burruka urra mono ammini lai weyo,mono rereha liwe umma inna,mono umma inna enga wale na tabuhtak mawe oro bahha dedewe ta panu watu.

07/26.txt

@@ -0,0 +1 @@
+\v 26 Mono, tangana ata karange gage hatakkiGu rade mono ai karayidi na tujayi ata kabanga kahha kadde umana ta paha lai. \v 27 Lodoge, burru urra mono ammini lai we,mono rereha liwe inna umma,mono umma inna enga ta buhta ge,mono na manyegara hingwe."

07/28.txt

@@ -0,0 +1 @@
+\v 28 Kolei Yesus bana be hatakkiwe tangage hada inna,ata buta da hangatara dangage hanuwaNa, \v 29 oro Nyi hanuwadi yidda ba wuyi ata bikta parehana,mono wale tujak mayi ahli-ahli Taurat yidda.

07/title.txt

@@ -0,0 +1 @@
+KAWUKKU 7

08/01.txt

@@ -0,0 +1,2 @@
+YESUS NAHA TAGAHAWI ATA KA KATOBI
+\v 1 Kolei Yesus bana burru wali tapanu letena inna,buta ata ka dokuni Nyi. \v 2 Mono,etayi,wu ata ka katobi ammini tabaraNa,mono naka kawojo ta aroNa,moo liage,"Mori,bamu au Kakkiwu,Yau kamu hatagaha kiwa nauwa." \v 3 Mono,Yesus naha jolani limanNa lohho na narroni,linaNi,"Nauwag  auwa,tagahawuge."Neda mema dummo,na tagahayi ka tobina ata nada.

08/04.txt

@@ -0,0 +1,2 @@
+\v 4 Mono,Yesus linage tabrana,"Hamatarage,yau illa dahing kana aga ana hatakkimu ta ata iyang hing kai,tabolo kakola,hatingoge taumu tabarada rato,yiwu manuta aga marakayi paha rehanai Musa ba wuwe paha delaka tutuda yidda."
+ATANA WU PERWIRA ROMAWI HATAGAHAYI

08/05.txt

@@ -0,0 +1 @@
+\v 5 Kolei Yesus tama ta Kapernaum,wu perwira ammini tabaraNa,rainoge tabaraNa, \v 6 mono linage,"Mori,atagu tamarana baika kalikku ta umma,hada mayillayi." \v 7 Mono,Yesus linage tabarana,"Nauwa enga ammiga mono ug hatagahayi nyi."

08/08.txt

@@ -0,0 +1 @@
+\v 8 Ta nyiduwe, perwira nada na balehawe mono linage,"Mori,nauwa waligu marakkak mawa taubamu Yau bamu tamagage ummagu,tak kagage langka hodi kawe hanewemu mono atagu nada enga tagahana. \v 9 Oro,nauwa dumo ata ta kabu kaha rehagu,dadi tentara-tentara ta kabugu.Mono,balugu kage tabarana wuyo,'kakowuge,' nyi dummo na kako,mono tabrada wadeka,'Maimge,' mono yida dummo da mai,mono tabrana atagu,'rayige inne,' mono nyi dummo narayi hoge." \v 10 Kolei Yesus bana rangewe inna,Nyi naha ngatara mono linaGe abrada ata kadokuni Nyi,"Nauwa luguge katau takkana tabaramu,Waleg kali tabokak mawe hatena kamadakka kala tajonga ata  Israel.

08/11.txt

@@ -0,0 +1,2 @@
+\v 11 Nauwa luguge tabramu buta ka enga ammina wali ta lado koka mono lado mali,mono yayo ole dangani Abraham,Ishak,monoi Yakub lari ta ka lingora Pareha ta Surga, \v 12 tabola ana kalingora inna enga baitadi lari ta kalingora kapagtana kahada kapagtana.Neda bali enga dagela hoyo mono hangaktadi nguddu." \v 13 Mono,Yesus linage tabra perwira nada,"Kakowuge,yamage kana dadiwe tabaramu katauna paha tenamu." Mono,ta mahiggo neda,atana natagaha. 
+YERA LAWAI NAI PETRUS MONO ATA BUTA HATAGAHAYI

08/14.txt

@@ -0,0 +1 @@
+\v 14 Kolei Yesus bana dikki ta umanai Petrus,nyi na etayi yera lawaina Petrus tamra baikana mono kalikana nage. \v 15 Nyiwe,Yesus na narro nani limmana nada mono kalikana na bungawe.Bege,nyi na kadde mono naha nukkuyi Yesus.

08/16.txt

@@ -0,0 +1,2 @@
+\v 16 Kole ba manari gaddi nage,yidda da ngidyo tabaraNa ata buta hatamana wadi japata,mono Nyi na wugayi waddi rada wu hewe hatakkiNa,mono tagaha dage tangada ata ka kalawara, \v 17 dajalage kana banuge agawe hatak nai Nabi Yesaya: "Nyila kangala dadi loja mawalada yitta mono katagu dadai kalawarada yitta." Yesaya 53:4
+DADIWU ATA KADOKUNI YESUS

08/18.txt

@@ -0,0 +1 @@
+\v 18 Batauge,kolei Yesus bana etay ata buta ka kilorani Nyi,Nyi naha lewayi kako pala neda bali. \v 19 Bege,wu ahli Taurat ammini mono linage tabraNa,"Guru,nauwa kagu dokuni lugugu ba langka giyo dau kakommu." \v 20 Mono,Yesus linage tabarana,"Ranga bani daho rowa kana mono kawuruna dete ta langta daho hakna.Ta nyiduwe Anana Kadadi atawale lakma hadu ijala nage katakNa."

08/21.txt

@@ -0,0 +1,2 @@
+\v 21 Wu wali ta ana hakodona linna ge tabaraNa, "Mori,Oahai toga hodige nauwa kagu tani ulu toni amagu." \v 22 Ta nyiduwe, Yesus linage tabrana, "Doku daga Nauwa, mono nyamadi ata kamate katanini ole ata matena wiki dauda."
+YESUS NAHA NGAHUYI WARATA

08/23.txt

@@ -0,0 +1 @@
+\v 23 Mono,kolei Yesus panne ta tena,ana hakodo haloleNa dokuni Nyi. \v 24 Mono,etage,nadadi warata kalla ta hoba inna daja lage tena nada natoniyi ngalung.Ta nyiduwe,Yesus dura nage. \v 25 Mono,ana hakodo  halolena dikini Yesus mono ha kadeyi Nyi,lidage,"Mori,pahoila kimage! Yitta enga li lokoda!"

08/26.txt

@@ -0,0 +1,2 @@
+\v 26 Mono,Nyi linage tabarada yidda,"Ahha mi mamu madautami,ta mi aika hatena dahha?" Lohho,Nyi na dede mono na kayakani rereha lohho inna hoba,mono na dadiwe kadanna. \v 27 Nyiwe,ata rada hangatara mono lidage,"Aga ata memayi Nyi nade,ahha rereha mono hoba madda doku kani?"
+DUDA ATA KADARA KAMANGU KATAU JAPATANA

08/28.txt

@@ -0,0 +1 @@
+\v 28 Kolei Yesus dikki neda bali hobage,taha dau neda duda ata gadara kamangu katau tanana kajapata nda tabokayi Nyi.Yidda huna wali ta rate waige banida dajalage wale lakma ata kapalaka neda. \v 29 Mono,etayige,yidda da kawula,lidage,"Agawe ha orhamu yau mo tanami,ta Anai Allah? Appa yau mai hamayilla mugama nami ai dikki hoge rahige?"