iba-x-ibanempran_rev_text_reg/16/04.txt

\v 4 Udah nya melikat ti ketiga nuang mangkuk iya ngagai sungai, enggau ngagai mata ai, lalu ai sungai enggau mata ai bebali nyadi darah.\v 5  Aku lalu ninga melikat ke ngibun ai bejaku, “Ukum ti diberi Nuan endang lurus, O Allah Taala ti Kudus, Nuan ke diatu enggau ti udah! \v 6 Laban mensia udah munuh bala nembiak Tuhan enggau sida nabi, lalu diatu Nuan udah meri sida darah ke diirup sida. Sida endang patut ngirup nya!”\v 7  Aku lalu ninga nyawa bejaku ari alta, “Sigi amat, Tuhan Allah Taala ti Pemadu Bekuasa! Ukum ti diberi Nuan endang bendar sereta lurus!”