auto save

10/01.txt

@@ -0,0 +1,3 @@
+Yesus Ngutus Pitumpulu Ulun sa Uma Hanye
+
+\v 1 Udi yiru, Yesus midi pitumpulu kaulun sa uma Hanye pada, balalu Hanye ngutus here tulak barueh-barueh dahulu teka Hanye ma tiap tumpuk anri ma unengan sa kai na tunung-Ni. \v 2 Eau-Ni ma here, "Hasil wasian samula hene tu'u, kude sa bagawi puang rama. dagana yiru, suba laku ma Tuan sa ampun ume yiru himpan nunyu kawan ulun sa bagawi ngumpul hasil wasian-Ni."

10/03.txt

@@ -0,0 +1 @@
+\v 3 Tulakleh! Aku ngutus hanyu ialah anak babiri hang penah kawan sarigala. \v 4 Ada ngenei kadut duit, tas, atawa sanal. Nelang, ada ngiai hie-hie jua hawuang pakiaan.

10/05.txt

@@ -0,0 +1 @@
+\v 5 Ma lewu sa awe jua hanyu masuk, eau dahulu, 'Damai sajahtara ma lewu yiti.' \v 6 Amun ulun sa naan hang yiru sinta damai, damai sajahtaranu sagar muneng hang amauni. Kude, amun puang, damai sajahtaranu yiru sagar mulek pi hanyu. \v 7 Munengleh hang lewu yiru. Kutaleh nelang u'utleh inun sa na surungan here ma hanyu, daya erang ka ulun panyamut upa haut mamudai kaiyuh upani. Ada bapinah hingka isa lewu ma lewu sa lain.

10/08.txt

@@ -0,0 +1 @@
+\v 8 Hang katika hanyu hampe ma isa tumpuk nelang kawan ulun hang yaru narime hanyu anri maeh, kutaleh makuta sa na surungan here hang hadapannu. \v 9 Samare kawan ulun sakit panyakit sa muneng hang yaru, palus wara ma here, 'Karajaan Alatalla haut riet ma hanyu.'

10/10.txt

@@ -0,0 +1,2 @@
+\v 10 Kude, amun hanyu masuk ma isa tumpuk nelang kawan ulun hang yaru puang narime hanyu, tulakleh ma kawan lalan tumpuk yiru nelang kaeau, \v 11 'Aji dabu hingka tumpuknu sa ireket hang pe'e kami kebas kami hang hadapannu. Kude, itungleh yina: Karajaan Alatalla haut riet.' \v 12 Aku iwara ma hanyu: hang anrau yiru, tanggungen Sodom jari labis madinei hingka tanggungen tumpuk yiru."
+Paringaten Ma sa Puang Narime Yesus

10/13.txt

@@ -0,0 +1 @@
+\v 13 "Silaka ma hanyu, Khorazim! Silaka ma hanyu, Betsaida! Umpamani Aku ngulah kawan kaajaiben sa sameh hang Tirus anri Sidon, himat here haut lawah batobat nelang maharung makai pama mahanang atei. \v 14 kude, hang wayah panghakiman, tanggungen Tirus anri Sidon labis madinei hingka tanggungennu. \v 15 Anri ma hanyu, Kapernaum, inunkah hanyu sagar na enat ma surga? Puang, hanyu sagar na tawut ma tumpuk adiaw!

10/16.txt

@@ -0,0 +1,3 @@
+\v 16 Hie eleh sa nyanrengei hanyu, pada nyanrengei Aku. Kude, hie sa puang narime hanyu, hanye pada puang narime Aku. Anri, hie puang narime Aku, hanye puang narime Hanye sa ngutus Aku."
+
+Kawan Setan Tunuk ma Kawan Ulun sa Uma Yesus

10/17.txt

@@ -0,0 +1,3 @@
+\v 17 Udi hiye kapitumpulu ulun sa uma Hanye yiru mulek anri mihewu palus kaeau, "Tuhan, kawan setan pada tunuk anri kami hawuang ngaran-Nu." \v 18 Yesus kaeau ma here, "Aku kadinung Iblis lawu hingka langit ialah kelat. \v 19 Himpan hanyu karasa! Aku haut ngami hanyu kuasa narah anipe anri alimangu, pada kuasa hang amau kakuaten musuh. Mahi sa tau ngahanang hanyu. \v 20 Kude, ada hanyu arai dagana kawan ruh yiru tunuk anri hanyu, labis likan hingka yiru arainu dagana ngarannu haut na surat hang surga."
+
+Yesus Laku Dua Ma Alatalla

10/21.txt

@@ -0,0 +1 @@
+\v 21 Hang katika yiru, Yesus arai pada hawuang Ruh Barasis nelang kaeau,"Aku basyukur ma-Hanyu Amah, Tuhan hang amau langit nelang tane, dagana Hanyu nyanina kawan yina uras hingka ulun maharati nelang pintar. Kude, Hanyu nantarang urasni ma kawan gena, U Amah, dagana yiru sa patut hang hadapan-Nu.

10/22.txt

@@ -0,0 +1 @@
+\v 22 Amah-Ku haut nyarah uras ala katantuluhni ma-Aku, anri pauweng erang kaulun jua sa kataru anak amun puang Amah. Anri, pauweng erang ka ulun jua sa kataru Amah, amun puang anak amput kawan ulun sa ma here anak bakabahumen iwara kala yiru."

10/23.txt

@@ -0,0 +1,3 @@
+\v 23 Udi hiye, Yesus iwaleng ma kawan murid-Ni palus bapaner ma sasameh here, "Mihewuleh mate sa kadinung inun sa na dinungnu, \v 24 daya Aku kaeau ma hanyu: hene nabi anri raja sa hamen tu'u kadinung inun eleh sa na dinungnu itati, kude here puang tau kadinung. anri, hamen tu'u karengei inun eleh sa rengei naun itati, kude here puang tau karengei yiru."
+
+Ulun Samaria sa Maeh Atei

10/25.txt

@@ -0,0 +1,3 @@
+\v 25 balalu, erang kaulun panai Hukum Taurat minri kai nguji Yesus, eauni, "Guru, inun sa patut na ulahku himpan kaiuh pamelum ma kalalawahni?" \v 26 Sangai Yesus ma hanye, "Inun sa na surat hawuang Hukum Taurat? inun sa na basanu hawuangni?" \v 27 Ulun yiru nyangai, "Sintaleh Tuhan, Alatallanu, anri katuluh ateinu, anri katuluh amiruenu, anri katuluh kakuatennu, nelang anri katuluh pikirannu. nelang, sintaleh sasamehnu murunsia ialah hanyu sinta ma tenga dagingnu raerai."
+
+\v 28 Yesus kaeau ma hanye, "Sangainu yiru bujur. gawileh yiru, himat hanyu sagar welum."

10/29.txt

@@ -0,0 +1 @@
+\v 29 Kude, ulun yiru hamen ngampi bujur dirini, balalu hanye kaeau ma Yesus, "hie sa samehku murunsia yiru?" \v 30 Yesus nyangai nelang kaeau, "Naan erang kaulun upu minau hingka Yerusalem ma Yerikho, hanye lawu ma tangan parampok sa marampas pama anri ngakasah palus nanan hanye ripu bilang matei.

10/31.txt

@@ -0,0 +1 @@
+\v 31 Puang na pina, erang kaulun imam mitah lalan yiru. Hantek hanye kadinung ulun yiru, hanye palus tulak takia hang tuhi subarang lalan. \v 32 Kala yiru pada sa na ulah daya ereng kaulun Lewi, hantek hawi ma unengan yiru palus kadinung ulun yiru, hanye mitah ai takia hang tuhi lalan lainni.

10/33.txt

@@ -0,0 +1 @@
+\v 33 kude, naan erang kaulun Samaria sa ganyah hawuang pakiaan mitah yiru. Nelang, hantek hanye kadinung ulun yiru, hanye kaingkam  miahi. \v 34 Balalu, ulun Samaria yiru naripi palus mambabat kawan batanni. Hanye muhut makai ilau anri anggur, balalu ngenat ulun yiru ma amau keledaini palus ngenei ma losmen, hanye marawat ulun yiru. \v 35 Ma keunini, ulun Samaria yiru ngalap duit 2 dinar balalu narui ma penjaga losmen yiru nelang kaeau, 'Rawatleh ulun sa batan yiti. Pire jua hanyu nangalis duit pakaini, aku sagar ngantini mun aku mulek yati.'"

10/36.txt

@@ -0,0 +1,3 @@
+\v 36 Balalu, Yesus kaeau, "Manurut hanyu, hie hingka ka telu ulun yiru sa jari sasameh murunsia hingka ulun sa lawu ma tangan parampok yiru?" \v 37 Sangai panai Taurat yiru, "Ulun sa nantarang piahi ma hanye." balalu, eau Yesus, "Hulu tulak, palus gawi hal sa sameh."
+
+Hi Maria andri Hi Marta

10/38.txt

@@ -0,0 +1 @@
+\v 38 Tawuk Yesus anri kawan murid-Ni hawuang pakiaan, Yesus masuk ma isa tumpuk balalu erang kaulun wawei sa bangaran hi Marta narime Yesus hang Lewuni. \v 39 Hi Marta naan pulaksanai wawei sa bangaran hi Maria sa maharung hang riet pe'e Yesus nyanrengei pangajaran Yesus.

10/40.txt

@@ -0,0 +1 @@
+\v 40 kude, hi Marta sibuk tu'u nanyari uras pagawianni. Balalu hi Marta nyanriet Yesus nelang kaeau, "Tuhan, inun Hanyu puang tatahu mun pulaksanai waweiku maladar aku ngaraja uras pagawian yina raerai? Huyuleh hanye ngarawah aku!" \v 41 kude, Tuhan nyangai, "Marta, Marta, hanyu adingan nelang ngampi hanang ulunu raerai anri hene hal. \v 42 Ekat isa hal sa parlu. Hi Maria haut midi bagian sa paling maeh, nelang bagianni yiru puang sagar tau na alap hingka dirini."

10/title.txt

@@ -0,0 +1 @@
+pasal 10

11/01.txt

@@ -0,0 +1,3 @@
+Pangajaran Neu Laku Dua
+
+\v 1 Hang hinra anrau, Yesus laku dua hang isa unengan. Hantek Hanye luput laku dua, erang kaulun hingka kawan murid-Ni kaeau ma Hanye, "Tuhan, awat ngajar kami laku dua sameh ialah hi Yohanes ngajar kawan muridni."

11/02.txt

@@ -0,0 +1,4 @@
+\v 2 Balalu Yesus kaeau ma here, "Hantek hanyu laku dua, laku dualeh kala yiti:
+
+'Amah, na barasis ngaran-Nu.
+Hawi karajaan-Nu.

11/03.txt

@@ -0,0 +1,3 @@
+\v 3 Ami ma kami makuta sa sukupni ma tiap anrau, \v 4 anri ampun kawan dusa kami daya kami pada ngampun ma tiap ulun sa hala anri kami. Nelang, ada ngenei kami ma wuang pansubaan.'"
+
+Lakuleh, Antaraleh, anri Talitikleh

11/05.txt

@@ -0,0 +1 @@
+\v 5 Udi hiye Yesus kaeau ma here, "Umpamani erang kaulun teka naun bahengau balalu hanyu tulak ma lewu hengaunu yiru hang penah malem anri kaeau ma hanye, 'Hengau, pi ihau aku telu katipak ruti, \v 6 dagana hengauku sa ganyah hawuang pakiaan tarie hang lewuku, kude hang lewuku mahi budas pakai na surungan ma hanye.' \v 7 Umpamani hengaunu hingka wuang lewu nyangai, 'Ada ngangu aku! waanawang haut na kunsi nelang aku anri kawan anakku haut hang uneng paandrean. Aku puang tau amuan lagi ngami inun jua ma hanyu.' \v 8 Aku kaeau ma hanyu biar hengaunu yiru puang amuan anri puang ngami inun-inun ma hanyu padahal hanyu hengauni, kude daya hanyu tarus ilaku, hanye himat sagar amuan nelang ngami inun sa na parlunu.

11/09.txt

@@ -0,0 +1 @@
+\v 9 Jari, Aku iwara ma hanyu lakuleh, hanyu sagar narime. Antaraleh, hanyu sagar kaiuh. Talitikleh, waanawang sagar na uka ma hanyu. \v 10 Daya hie eleh sa ilaku sagar narime. Hie eleh sa ngantara sagar kaiuh. Anri hie eleh sa nalitik waanawang sagar na uka ma hanye.

11/11.txt

@@ -0,0 +1,2 @@
+\v 11 Inun naan erang kaulun amah hang penah naun sa kai ngami anipe ma anakni amun hanye ilaku kenah? \v 12 Atawa ngami alimangu, amun hanye laku atelui? \v 13 Amun hanyu sa jahat kataru kala awe ngami pangamiaan sa maeh ma kawan anaknu, magin hie Amahnu sa hang surga. Hanye sagar ngami Ruh Barasis ma kawan ulun sa ilaku ma Hanye."
+Yesus Makai Kuasa Alatalla

11/14.txt

@@ -0,0 +1 @@
+\v 14 Hang hinra anrau, Yesus ngusir setan hingka erang ka ulun upu sa muna. Udi setan yiru kaluar, ulun sa asalni muna  yiru kaiuh bapaner balalu ulun rama jari wauh. \v 15 kude, papire kaulun kaeau, "Hanye ngusir setan makai kuasa Beelzebul, pamimpin setan."

11/16.txt

@@ -0,0 +1 @@
+\v 16 Papire kaulun kai nguji Yesus, here ilaku Hanye nantarang siri hingka surga. \v 17 Kude, Yesus karasa inun bahum here balalu kaeau ma here, "Amun hang karajaan sa tabagi nelang ipanyarang sagar hansur. Pada, kaluarga sa bamusuh isa anri sa lain sagar tapisah.

11/18.txt

@@ -0,0 +1 @@
+\v 18 Jari, amun iblis pada tapuhi-puhi anri nawan tengani raerai, kala awe tau karajaan yiru tatap batahan? Aku kaeau kala yiru dagana hanyu ngantuh amun Aku makai kuasa Beelzebul ngusir kawan setan. \v 19 amun Aku ngusir kawan setan makai Beelzebul, anri kuasa hie kawan anaknu ngusir here? Daya yiru, here yati sa sagar jari hakimnu. \v 20 kude, amun Aku makai kuasa Alatalla ngusir setan, Karajaan Alatalla haut hawi ma hanyu.

11/21.txt

@@ -0,0 +1,3 @@
+\v 21 Amun erang kaulun sa tingkas anri ba sanapang langkap nyaga istanani raerai, harata banani pasti hang keadaan aman. \v 22 Kude, amun naan ulun sa labis tingkas hingka hanye kai manyarang nelang nyantalau hanye, himat ulun sa labis tingkas yiru kaiuh marabut kawan sanapang sa na andal daya ulun yiru palus babagi harata rabutanni. 
+\v 23 Hie eleh sa puang uma Aku, hanye nawan Aku. Anri hie eleh sa puang uma mangumpulni sinrah Aku, hanye sa mamisah-misahni."
+Mulekni Ruh Ala Murun

11/24.txt

@@ -0,0 +1,2 @@
+\v 24 "Amun ruh ala murun kaluar hingka tenga ulun, ruh yiru sagar bakuliling malupui kawan unengan sa karing ngantara unenganni baistirahat, kude hanye puang kahaba. Dagana yiru, hanye kaeau, 'Aku sagar mulek ma lewu sa haut tananku.' \v 25 Hantek hanye mulek, hanye ninung lewu yiru haut barasis nelang na urus. \v 26 balalu ruh ala murun yiru tulak palus nuntut pitu ruh sa labis murun hingka hanye pakai masuk nelang muneng hang lewu yiru hampe wangun ulun yiru jari lawit labis murun hingka asalni.
+Kawan Ulun sa Sanang Atei

11/27.txt

@@ -0,0 +1,3 @@
+\v 27 Hantek Yesus ngantuh kala yiru, erang kaulun wawei sa naan hang penah ulun rama bapaner mehet, "Na berkat wuntung sa ngayaan Hanyu anri umu sa ngampumu Hanyu." \v 28 Kude, Yesus kaeau, "Labis sanang lagi kawan ulun sa nyanrengei lengan Alatalla nelang nampalusni."
+
+ Siri hi Yunus.

11/29.txt

@@ -0,0 +1 @@
+\v 57 "Daya inun hanyu raerai puang tau mamutus inun sa bujur? \v 58 Hantek hanyu tulak sinrah musuhnu kai mahadap pamarentah, kakalileh himpan ngampi beres parkaranu anri hanye hang penah pakiaan himpan hanye puang mait hanyu ma hakim dagana hakim sagar nyarah hanyu ma pangawal, balalu pangawal yiru sagar nawut hanyu ma wuang panjara. \v 59 Aku kaeau ma hanyu, hanyu puang sagar kaluar hingka yaru sahuan na wayat katuluh utangnu."

11/31.txt

@@ -0,0 +1 @@
+\v 31 Hang andrau pangalisan, Ratu hingka Salatan sagar amuan sinrah kawan ulun hingka katuluh turunan yina palus hanye sagar nukum here dagana hanye hawi hingka hujung dunia neu nyanrengei hikmat hi Salomo, padahal hang yina naan erang ka ulun sa labis hante hingka hi Salomo.

11/32.txt

@@ -0,0 +1,2 @@
+\v 32 Hang andrau pangalisan, kawan ulun Niniwe sagar amuan sinrah katuluh turunan yiti palus na hukumni, dagana kawan ulun Niniwe batobat hantek hi Yunus bakhotbah hang hadapan here, padahal hang yina naan erang ka ulun sa labis hante hingka hi Yunus."
+Mate yiru Lampu Ma Tenga

11/33.txt

@@ -0,0 +1,2 @@
+\v 33 "Mahi erang kaulun jua sa udi nyamelum lampu, balalu nganak lampu yiru hang unengan sa tasanina atawa hang kapit gantang. Here sagar nganak lampu yiru hang uneng pihawitan himpan kawan ulun sa masuk kaiuh ninung raaini. \v 34 Mate yiru lampu ma tenganu. amun matenu maeh, katuluh tenganu sagar na tampenu anri raai. Kude, amun matenu murun, katuluh tenganu sagar na tampenu ala murun. \v 35 Dagana yiru, mamaehleh himpan raai hang wuang tenganu puang jari maieng. \v 36 Amun tenganu na tampenu anri raai nelang mahi unengan sa maieng, tenganu yiru sagar maraai urasni sameh ialah hantek lampu nyanraai hanyu anri sahayani."
+ Yesus Ngiai Ulun Farisi anri Panai Taurat

11/37.txt

@@ -0,0 +1 @@
+\v 37 Dami Yesus luput bapaner, erang kaulun Farisi nerawan Hanye kuman. Hanye jua hawi, balalu maharung palus kuman. \v 38 Kude, ulun Farisi yiru wauh hantek ninung Yesus puang mui tangan-Ni dahulu sa huan kuman.

11/39.txt

@@ -0,0 +1 @@
+\v 39 Kude, Tuhan kaeau ma hanye, "Kawan ulun Farisi ialah hanyu ngabarasis sangkir anri piring hang luarni ai, sadang hawuang tenganu penu andri kasarakahen nelang kajahaten. \v 40 U kawan ulun lunga! ang sa Hanye sa ngulah luarni amput ngulah hawuangni? \v 41 Dagana yiru, bagileh inun sa naan hawuangnu yiru jari sadakahnu. hanyu sagar tatu'u barasis.

11/42.txt

@@ -0,0 +1 @@
+\v 42 Kude, silaka hanyu, kawan ulun Farisi! Daya, hanyu ngami persapuluhan hingka hasil salasih, ingu, anri uras masam amulean kabunnu, kude hanyu puang ngarasa kaadilan anri kasih Alatalla. Sapatutni hanyu ngulah urasni yiru pada ngarasa ulah gawi salainni.

11/43.txt

@@ -0,0 +1 @@
+\v 43 Silaka hanyu, kawan ulun Farisi daya hanyu katuju maharung hang unengan sa panga maeh hang sinagoge anri pada katuju narime hurmat hang penah pakan. \v 44 Silaka hanyu daya hanyu ialah pasaran sa puang ba siri, sa na rarah ulun anri puang na singaja daya here."

11/45.txt

@@ -0,0 +1 @@
+\v 45 Balalu, erang kaulun panai Taurat kaeau ma Yesus, "Guru, hantek Hanyu ngantuh kawan hal yina, Hanyu pada mahina kami." \v 46 Kude, Yesus nyangai, "Silaka hanyu, u kawan panai Taurat! Dagana, hanyu nganak bana sa maweat himpan naenat ulun lain, kude hanyu raerai puang hakun negei banda yiru sunah makai isa kingking jua.

11/47.txt

@@ -0,0 +1 @@
+\v 47 Silaka hanyu, dagana ngapinri pasaran kawan nabi sa na wunu daya datu nininu. \v 48 Diwi likan, hanyu nahampe ma katuluh ulun amun hanyu mangaku urasni yiru ulahan datu nininu; hanye hare sa munu kawan nabi yiru, kude hanyu sa ngulah pasaranni.

11/49.txt

@@ -0,0 +1,2 @@
+\v 49 Ina sababni, Alatalla hawuang hikmat-Ni kaeau, 'Aku sagar ngutus kawan nabi anri kawan rasul ma here, kude papire hingka kawan ulun sa na utus-Ku yiru sagar na wunu anri na siksa,' 
+\v 50 himpan ira uras nabi, sa tunrak hingka mulai dunia na sanuput, iyuh na laku tangung jawab hingka katuluh turunan yina, \v 51 mulai hingka ira hi Habel hampe ira hi Zakharia, sa na wunu hang helang altar andri Bait Allah. Bujur, Aku kaeau ma hanyu amun katuluh turunan yena sagar batangung jawab anri kajadian yiru.

11/52.txt

@@ -0,0 +1 @@
+\v 52 Silaka hanyu, kawan panai Taurat! dagana hanyu haut ngalap kunsi kaharatien, kude hanyu raerai puang hakun masuk nelang mahalang-halang ulun lain sa hamen masuk."

11/53.txt

@@ -0,0 +1 @@
+\v 53 Dami Yesus nanan unengan yiru, Kawan panai Taurat anri kawan ulun Farisi mulai mamusuh Hanye nelang mada hanye anri bamasam tuntian. \v 54 Here bakumplut hamen nyama Yesus anri paneran sa na eau-Ni.

11/title.txt

@@ -0,0 +1 @@
+pasal 11

12/01.txt

@@ -0,0 +1,2 @@
+Papura Maeh Kawan Pamimpin Yahudi
+\v 1 Padingian yiru, hantek baribu kaulun bakumpul hampe naan sa tararah, Yesus baduhulu kaeau ma kawan muridni, "mamaeh anri ragi kawan ulun Farisi, hanye yiru papura maeh.

12/02.txt

@@ -0,0 +1,2 @@
+\v 2 Daya, uras sa na tutup sagar na uka anri uras sa na dina sagar na tantarang. \v 3 Dagana yiru, inun sa na pantanenu hang unengan maieng sagar na rengei hang unengan maraai anri sa na kenehnu hang wuang elet sagar na wara hang amau kawan hapaw lewu.
+Takut ma Alatalla.

12/04.txt

@@ -0,0 +1 @@
+\v 4 Aku kaeau ma hanyu, u kawan hengau-Ku, ada hanyu takut anri here sa ekat tau munu tenga, udi yiru puang tau lagi ngulah labis teka yiru. \v 5 kude, Aku hamen ngampi itung hanyu neu hie sa patut na takutnu; Takutleh ma Hanye, sa haut munu, pada bakuasa nawut hanyu ma wuang naraka. Bujur, Hanye yiru sa patut na takutnu.

12/06.txt

@@ -0,0 +1,2 @@
+\v 6 dime ka ukui wurung angkarei naari ekat ba haraga 2 kaping ai? Kude, mahi erang ka ukui jua hingka kawan wurung yiru sa puang na itung hang hadapan Alatalla. \v 7 labis likan, jumalah wulu hang ulunu pada haut na reken. Ada takut, hanyu labis baharaga hingka heneni wurung angkarei."
+Ngampi Itung ma sa Ngidim Yesus

12/08.txt

@@ -0,0 +1 @@
+\v 8 "Aku kaeau ma hanyu, tiap ulun sa mangakui Aku hang hadapan ulun lain, pada sagar na akui daya Anak Murunsia hang hadapan kawan malaikat Alatalla. \v 9 kude, tiap ulun sa ngidim Aku hang hadapan ulun lain pada sagar na idim hang hadapan kawan malaikat Alatalla. \v 10 Anri, hie jua sa ngantuh inun eleh sa nawan Anak Murunsia tau na ampunni, kude hie eleh sa mahujat Ruh Barasis puang sagar na ampunni.

12/11.txt

@@ -0,0 +1,2 @@
+\v 11 Hantek here ngenei hanyu ma sinagoge anri ma hadapan kawan pamimpin anri panguasa, ada khawatir neu kala awe hanyu mambela dirinu atawa inun sa musti na pantanenu, \v 12 dagana tawuk yiru jua Ruh Barasis sagar ngajar ma hanyu neu inun sa musti na pantanenu."
+Rarapisan neu Erang Kaulun Tatau

12/13.txt

@@ -0,0 +1 @@
+\v 13 Erang kaulun hingka helang ulun rama yiru kaeau ma Yesus, "Guru, huyu pulaksanaiku himpan babagi warisan anri aku." \v 14 Kude, Yesus kaeau ma hanye, "Pulaksanai, hie sa ngangkat Aku jari Hakim atawa pang hubung ma hanyu?" \v 15 Balalu, Yesus kaeau ma here, "Bajaga nelang waspada ma katuluh masam kasarakahen daya welum murunsia puang bagantung hingka panatauni."

12/16.txt

@@ -0,0 +1 @@
+\v 16 balalu, Yesus nyarita rarapisan ma here, "Naan tane wat erang kaulun sa tatau tu'u sa kaiuh hene tu'u hasil wasian. \v 17 jari, ulun yiru bapikir hawuang ateini, 'Kala awe akuna daya mahi lagi unenganku nyimuh hasil wasianku?' \v 18 balalu, hanye kaeau, 'Ina sa kai na ulahku. Aku hamen ngungkar kawan tabilungku palus ngulah sa labis hante. Hang yiru, unenganku nyimuh uras pareiku amput kawan parabutku. \v 19 Balalu, aku kaeau ma amirueku, 'u amirueku, hanyu naan hene harata simuhan pakai bataun-taun; istirahatleh, kuman, nguut, anri basanang-sanangleh!'

12/20.txt

@@ -0,0 +1,2 @@
+\v 20 Kude, Alatalla kaeau ma ulun yiru, "U ulun lunga! Malem ina pada, amiruenu sagar na alap hingka tenganu. balalu,hie sa sagar ampun kawan harata sa simuhnu yiri?' \v 21 Kala yiru panyarini ma ulun sa nyimuh panatau ma tengani raerai, kude puang tatau hang hadapan Alatalla,"
+Ada Khawatir

12/22.txt

@@ -0,0 +1 @@
+\v 22 Yesus kaeau ma kawan murid-Ni,"Sabab yiru, Aku kaeau ma hanyu, ada khawatir neu welumnu, neu inun sa sagar na kutanu. Atawa, khawatir neu tenganu, neu inun sa sagar na pakainu. \v 23 Daya, pamelum diwi hingka makuta andri tenga diwi hingka pama pundrat.

12/24.txt

@@ -0,0 +1 @@
+\v 24 dinungleh kawan wurung ekak. Here puang ngamule atawa masi, here jua mahi gudang atawa tabilung, kude Alatalla ngami here makuta. Hanyu diwi baharaga na baning kawan wurung yiru. \v 25 Hie hingka naun sa dagana khawatir tau namah sunah erang hasta ai ma umur welumnu? \v 26 amun hanyu puang tau ngulah kawan hal sa rumis yina, ma inun hanyu khawatir anri kawan hal sa lain?

12/27.txt

@@ -0,0 +1 @@
+\v 27 Suba na parhati wunge bakung, kala awe welumni. Kawan wunge yiru puang bahimat bagawi puang pada nawai, kude Aku kaeau ma hanyu, aji hi Salomo hawuang panatauni sika puang makai pama kala kaeh kawan wunge yiru. \v 28 Amun Alatalla ma hias rikut hang ume, sa andrau yina welum balalu keuni na umpe ma wuang apui, diwi likan Hanye ma hias hanyu labis hingka rikut yiru? U, hanyu sa kurang parsaya!

12/29.txt

@@ -0,0 +1 @@
+\v 29 jari, ada hanyu ngantara inun sa sagar na kutanu atawa inun sa sagar na u'utnu, nelang ada khawatir. \v 30 Dagana, kawan bangsa hang dunia uras ngantara yiru, kude Amahnu karasa amun hanyu mamarluni.

12/31.txt

@@ -0,0 +1,3 @@
+\v 31 ware, antaraleh dahulu Karajaan Alatalla, die urasni yina pada na tamah ma hanyu."
+Mangumpul Harata hang Surga
+\v 32 "Ada takut, U kawan kalumpuk sa rumis, daya Amahnu basadia ngami ma hanyu karajaan yiru.

12/33.txt

@@ -0,0 +1,2 @@
+\v 33 Arileh katuluh sa watnu palus ami ma sadakah. Ware ulah ma hanyu kadut duit sa puang tau rusak, hanye yiru harata hang surga sa puang tau wawai, sa puang tau na alat maling atawa na rusak gagat. \v 34 daya, hang awe unengan haratanu, hang yiru pada unengan ateinu.
+Palayan sa Satia Ngaraja Tugasni.

12/35.txt

@@ -0,0 +1 @@
+\v 35 Elahleh pingangnu tatap na awet andri kawan lampunu tatap maraai. \v 36 Jarileh ialah kawan ulun sa ngandrei tuanni mudi hingka unengan ulun piadu himpa here tau wansit nguka waanawang ma hanye, hantek tuan yiru mudi nelang nalitik waanawang.

12/37.txt

@@ -0,0 +1 @@
+\v 37 Na berkati kawan palayan, sa nadinung tuanni ba siap sadia, hantek hanye hawi. Aku kaeau ma hanyu, sabujurni hanye sagar ngawet pingangni himpan ngurus nelang nunyu kawan palayanni maharung kuman. Hanye kai hawi palus ngurus here. \v 38 Amun tuan yiru hawi tawuk penah malem atawa dami hari nelang kadinung here rahat ngulah gawi iyalah yiru, na berkati here!

12/39.txt

@@ -0,0 +1 @@
+\v 39 Kude himpan na karasa, amun erang kaulun sa ampun lewu karasa pukul pire maling kai hawi ma lewuni, hanye himat puang hakun maladar lewuni na bungkar maling. \v 40 Dagana yiru, hanyu jua parlu basiap daya anak murunsia sagar hawi hang wayah sa puang na pinda dayanu."

12/41.txt

@@ -0,0 +1 @@
+\v 41 Udi hiye, hi Petrus nunti ma Hanye, "Tuhan, inun Hanyu mangesah rarapisan yina ekat ma kami atawa ma uras ulun pada?" \v 42 Sangai Tuhan, "Hie pamimpin palayan sa satia nelang maharati sa na parisaya tuanni pakai ngawas kawan palayan salain, pakai ngami here kuman hang wayahni kuman? \v 43 Na berkati palayan yiru, sa hantek tuanni hawi hanye ganyah ngulah gawianni. \v 44 Aku kaeau ma hanyu, sabujurni, tuan yiru sagar midi hanye pakai nyaga katuluh haratani.

12/45.txt

@@ -0,0 +1 @@
+\v 45 Kude, amun palayanni yiru kaeau hawuang ateini, 'Tuanku puang sagar hinang hawi,' balalu mulai ngakasah palayan upu anri palayan wawei lainni, udi hiye kuman palus nguut hanpe mahamui, \v 46 hantek tuanni hawi hang wayah sa puang na pinda nelang puang na karasa daya palayan yiru, hi tuan sagar munu palayan yiru nelang nganak hanye baya anri kawan ulun sa puang satia.

12/47.txt

@@ -0,0 +1,3 @@
+\v 47 Erang kaulun palayan sa karasa kabahumen tuanni, kude puang basiap sadia atawa ngulah ialah kabahumen tuanni sagar kaiuh hene tamparan. \v 48  kude palayan sa puang kataru inun sa na aheng tuanni kude ngulah kawan hal sa patut kaiuh tamparan, hanye sagar kaiuh tamparan sa puang hene. Ma tiap ulun sa na ami hene, na laku pada hene. Anri, here sa na parisaya labis hene sagar na laku pada labis hene lagi.
+
+Yesus Ngulah Watas.

12/49.txt

@@ -0,0 +1 @@
+\v 49 Aku hawi lepuh medak apui ma dunia, nelang Aku baharap apui yiru haut malelap! \v 50 Kude, naan babtisan sa na ulahku, anri Aku ka ingkam hante tu'u tekanan hampe hal yiru na tampalus.

12/51.txt

@@ -0,0 +1,3 @@
+\v 51 Inun hanyu minda amun Aku hawi lepuh ngenei pikaeh hang amau dunia? Puang, Aku kaeau ma hanyu, hanye yiru pibaburan! \v 52 Nuku teka itati, dime kaulun hang wuang isa kaluarga sagar na pisah. Telu kaulun sagar nawan rueh kaulun anri rueh kaulun sagar nawan telu kaulun. \v 53 Here sagar na pisah; Amah sagar nawan anak upuni, anri anak upu sagar nawan amahni. Ineh sagar nawan anak waweni, anri anak wawei sagar nawan inehni. Kasian wawei sagar nawan nantu waweini, anri nantu wawei sagar nawan kasian waweini."
+
+Mantaru Siri Jaman

12/54.txt

@@ -0,0 +1 @@
+\v 54 Balalu, Yesus kaeau ma ulun rama, "Hantek hanyu ninung awan bakumpul hang tuhi barat, hanyu palus kaeau, 'Uran sagar minau.' balalu uran tatu'u minau. \v 55 hantek hanyu kaingkam angin nyiwui hingka selatan, hanyu kaeau, 'anrau yina sagar mehet kai,' balalu hal yiru tatu'u tajadi. \v 56 Hanyu ulun sa papura! Hanyu tau mantaru wangun langit anri tane, kude daya inun hanyu puang tau mantaru jaman yina?"

12/57.txt

@@ -0,0 +1 @@
+\v 57 "Daya inun hanyu raerai puang tau mamutus inun sa bujur? \v 58 Hantek hanyu tulak sinrah musuhnu kai mahadap pamarentah, kakalileh himpan ngampi beres parkaranu anri hanye hang penah pakiaan himpan hanye puang mait hanyu ma hakim dagana hakim sagar nyarah hanyu ma pangawal, balalu pangawal yiru sagar nawut hanyu ma wuang panjara. \v 59 Aku kaeau ma hanyu, hanyu puang sagar kaluar hingka yaru sahuan na wayat katuluh utangnu."

12/title.txt

@@ -0,0 +1 @@
+pasal 12

13/01.txt

@@ -0,0 +1,2 @@
+Herauan himpan Batobat
+\v 1 Hang yiru, naan papire kaulun sa iwara ma Yesus neu kawan ulun Galilea sa irani na sampur daya hi Pilatus andri sarahan parapah here. \v 2 Sangai Yesus ma here. "Inun hanyu minda kawan ulun Galilea yina labis ba dosa nabaning kawan ulun Galilea lainni daya here mandarita ialah yiru? \v 3 Aku kaeau ma hanyu, puang. Kude, amun hanyu puang batobat, hanyu uras pada sagar matei.

13/04.txt

@@ -0,0 +1,3 @@
+\v 4 Pada kala awe anri ka walu walas kaulun sa matei, tawuk manara hang rupak sumur Siloam lawu palus meat here, inun indanu here kawan pandosa sa labis murun na baning uras ulun sa muneng hang Yerusalem? \v 5 Aku kaeau ma hanyu, puang. Kude, amun hanyu puang batobat, hanyu katuluh pada sagar matei.
+
+Kakau sa Puang Mua

13/06.txt

@@ -0,0 +1 @@
+\v 6 Yesus pada mangesah rarapisan yina: "Erang kaulun sa naan isa ka rapun kakau ara sa na amule hang kabun angurni. Kude, tawuk hanye hawi kai ngantara wua hang kakau yiru, hanye puang ka haba. \v 7 Balalu, hanye kaeau ma tukang kabunni, 'Haut telu taun aku hawi ngantara wua hang kakau ara yina, kude aku huan suah ka haba sunah isa. Tewengleh kakau yiru! Ma inun manyia-nyia tane ma kakau yiru?'

13/08.txt

@@ -0,0 +1,3 @@
+\v 8 Palus, tukang kabun yiru nyangai, 'Tuan, elahni hanye welum erang taun lagi himpan ba wua, elah aku ngadi tane hang kulilingni palus ngami pupukni, \v 9 gare kakau yiru tau mua taun hadap. Amun puang mua jua, Tuan tua neweng kakau yiru.'"
+
+Yesus Nyamare hang Anru Sabat

13/10.txt

@@ -0,0 +1 @@
+\v 10 Isa katika, Yesus ngajar hang sinagoge hantek anru Sabat. \v 11 Hang yaru naan erang kaulun wawei sa karasukan ruh hampe ngulah hanye sakit salawah walu walas taun. pungung wawei yiru bungkuk hampe puang kaiuh mindri kansang.

13/12.txt

@@ -0,0 +1 @@
+\v 12 Hantek Yesus kadinung, Hanye nerau wawei yiru anri kaeau, "U wawei, hanyu haut na bebaskan hingka panyakitnu." \v 13 Balalu, Yesus ngenat tangan-Ni ma wawei yiru palus sakatika yiru jua, hanye kaiuh minri kansang nelang nawat Alatalla. \v14 kude, pamimpin sinagoge yiru jari sangit dagana Yesus nyamare hang anrau Sabat. Hanye kaeau ma ulun rama, "Naan enem anrau pakai bagawi. dagana yiru. hawileh himpan na samare hang kawan anrau yiru, puang hang anrau Sabat."

13/15.txt

@@ -0,0 +1 @@
+\v 15 Balalu, Tuhan nyangai ulun yiru,"Hanyu kawan ulun sa papura maeh! Padahal hanyu uras nepah sapi anri keledai wat naun hingka kanang balalu ngenei ma luar ngami ranu u'ut hang anrau Sabat? \v 16 Daya yiru, inunkah wawei yina, erang kaulun katurunan hi Abraham sa haut na huruk salawah walu walas taun daya Setan, pada puang iyuh na lapas hurukan yiru hang anrau Sabat?"

13/17.txt

@@ -0,0 +1,2 @@
+\v 17 Tawuk Yesus kaeua kala yiru, uras kawan ulun sa nawan Yesus amangan tatu'u, balalu ulun rama sanang atei anri katuluh kaajaiben sa haut na ulah-Ni.
+Rarapisan Diki Sasawi anri Ragi

13/18.txt

@@ -0,0 +1 @@
+\v 18 Dami hiye, Yesus kaeau, "Ialah inun Karajaan Alatalla yiru? Anri inun Aku kaiuh mararapisanni? \v 19 Karajaan Alatalla yiru ialah diki sasawi sa na alap ulun palus na amule hang kabunni; diki yiru welum jari kakau, balalu kawan wurung ngulah hanaini hang kawan raanni."

13/20.txt

@@ -0,0 +1,3 @@
+\v 20 Palus Hanye kaeau, "Makai inun Aku mararapisan Karajaan Alatalla? \v 21 Karajaan Alatalla yiru ialah ragi sa na alap erang kaulun wawei palus na sampurni andri 3 supak tepung hampe uras adonan yiru bakah."
+
+Ekat Butit sa Nasalamat

13/22.txt

@@ -0,0 +1 @@
+\v 22 Yesus malupui kawan tumpuk, Hanye ngajar pada palus takia nuju Yerusalem. \v 23 balalu, erang kaulun nunti ma Hanye, "Tuhan, inun ekat butit ulun sa nasalamat?" Yesus kaeua ma here katuluh,\v 24 "Bausahaleh himpan kaiuh masuk mitah waanawang sa hipit; daya Aku kaeu ma hanyu, hene ulun sa bausaha masuk ma yaru, kude here puang sagar tau.

13/25.txt

@@ -0,0 +1 @@
+\v 25 Amun sa ampun lewu minri anri nutup waanawang lewuni, padahal hanyu hang luar nelang nalitik waanawang palus kaeau, 'Tuan,karawah uka waanawang ma kami.'Hanye sagar nyangai, 'Aku pakarasa hingka awe pihawiannu.' \v 26 balalu, hanyu sagar nyangai, 'Kami  haut kuman nelang nguut sindrah Hanyu. Hanyu haut ngajar hang kawan lalan tumpuk kami.' \v 27 Kude, Hanye nyangai, 'Aku puang kataru hanyu nelang puang karasa hingka awe asalnu. Tulakleh hingka hadapan-Ku, naun uras panjahat!'

13/28.txt

@@ -0,0 +1,3 @@
+\v 28 Hanyu sagar nungkau nelang mangaratak dipen hantek ninung hi Abraham, hi Ishak, andri hi Yakub, sinrah katuluh nabi naan hawuang Karajaan Alatalla padingian hanyu na tawut ma luar. \v 29 balalu, kawan ulun sagar hawi hingka timur anri barat, anri pada hingka utara anri selatan. Here sagar maharung palus kuman hang wuang Karajaan Alatalla. \v 30 Tatuuni, kawan ulun sa hanrian sagar jari sa panga dahulu nelang kawan ulun sa panga dahulu sagar jari sa hanrian."
+
+Yesus Musti ma Yerusalem

13/31.txt

@@ -0,0 +1 @@
+\v 31 Hang katika yiru, papire ulun Farisi hawi ma Yesus nelang kaeau, "Tulakleh, tanan unengan yina daya hi Herodes kai munu Hanyu." \v 32 Yesus nyangai here,"Hulu tunung palus wara ma srigala yiru, 'Anrau yina anri keuni, Aku sagar ngusir kawan ruh murun palus nyamare ulun, nelang hang anrau karuan, Aku sagar nanjari pagawian-Ku.' \v 33 Kude, Aku musti nampalus pakiaan anrau yina, keuni, anri karuan daya puang mungkin erang kaulun nabi matei hang luar Yerusalem.

13/34.txt

@@ -0,0 +1 @@
+\v 34 Yerusalem, Yerusalem! Hanyu munu kawan nabi anri medak makai watu hampe matei kawan ulun sa na utus ma hanyu! Papire kali Aku kasungu ngaeh kawan anaknu, sameh ialah manu paunan sa ngumpul kawan anakni hang kapit elatni. Kude, hanyu puang hakun. \v 35 Itati lewunu sagar na ampi lawang palus jari suni. Aku kaeau ma hanyu, hanyu puang sagar ninung Aku lagi hampe wayahni yati hanyu kaeau, 'Naberkati Hanye sa hawi hawuang ngaran Tuhan!'''

13/title.txt

@@ -0,0 +1 @@
+pasal 13

14/01.txt

@@ -0,0 +1,2 @@
+Neu Nyamare hang Anrau Sabat
+\v 1 Hang hinra anrau Sabat, Yesus hawi ma lewu erang kaulun pamimpin kawan ulun Farisi lepuh nguta ruti sinrah hanye balalu uras here naniuh Yesus. \v 2 Tawuk yiru, naan erang kaulun sa wuah panyakit babadus minri hang hadapan-Ni. \v 3 Yesus kaeau ma kawan ulun Farisi anri kawan panai Taurat, "Inun iuh nyamare ulun hang anrau Sabat?"

14/04.txt

@@ -0,0 +1,3 @@
+\v 4 Kude, here puang nyangai Hanye. balalu, Yesus negei ulun sakit yiru anri nyamare hanye  palus nunyu ulun yiru tulak. \v 5 Yesus kaeau ma here, "Hie hingka naun amun anakni atawa sapini lawu ma wuang sumur hang anrau Sabat, puang palus ngenatni ma luar?" \v 6 Balalu, here jua puang tau nyangai lengan-Ni.
+
+Unengan Kahormaten

14/07.txt

@@ -0,0 +1 @@
+\v 7 Dami hiye, Yesus mangesah isa rarapisan ma kawan tamu herawan hantek Hanye ninung kala awe here midi kawan unengan maharung sa panga maeh hang litar meja uneng makuta, eau-Ni ma here, \v 8 "Amun hanyu na herauan daya ulun ma isa pesta piaduan, ada hanyu maharung hang unengan sa panga maeh dagana sa ampun lewu yiru tau naan nerawan ulun sa labis tamam teka tenganu. \v 9 Balalu, ulun sa ampun lewu yiru sagar nunung hanyu nelang kaeau, 'Ami unengan maharungnu yiri ma ulun yina!' Balalu, hanyu jua musti miidar ma unengan sa panga murun palus kaingkam amangan.

14/10.txt

@@ -0,0 +1,2 @@
+\v 10 Kude. amun hanyu na herauan, maharungleh hang unengan sa panga wading himpan hantek sa nerawan hanyu hawi, hanye sagar kaeua ma hanyu, 'Hengau, miidarleh ma unengan sa labis maeh.' Anri kala yiru, hanyu sagar kaiuh panghurmaten hang hadapan kawan ulun sa maharung kuman sinrah hanyu. \v 11 Dagana, uras ulun sa ngampi amau tengani sagar na ampi ranah, kude hanye sa maranah tengani sagar na ampi amau."
+Herawan Kuman anri Walehan

14/12.txt

@@ -0,0 +1 @@
+\v 12 Balalu, Yesus kaeau ma ulun sa nerawan-Ni yiru, "Amun hanyu ngulah pesta kuman kaanrau atawa kuman kamalem, ada nerawan kawan hengau, pulaksanai, kawan kaluarga, atawa ulun tuhi kawi kawan lewu sa tatau daya here sagar iwaleh ma hanyu anri nerawan hanyu lepuh kuman sinra here.

14/13.txt

@@ -0,0 +1,2 @@
+\v 13 Kude, amun hanyu ngulah pesta, herawanleh kawan ulun paua, kawan ulun cacat, kawan ulun lumpuh anri kawan ulun pehe. \v 14 daya, hanyu sagar na berkati dagadana kawan ulun yiti puang sagar kaiuh iwaleh ma hanyu lagi; hanyu sagar kaiuh walehanni hang tawuk kawan ulun bujur naele kamulek hingka pampatei."
+Rarapisan neu Herauan Pesta Kuman

14/15.txt

@@ -0,0 +1 @@
+\v 15 Hantek erang kaulun hingka here sa kuman sinrah Hanye karengei kawan lengan yina, ulun yiru kaeau ma Hanye, "Naberkati ulun sa sagar kuman ruti hawuang Karajaan Alatalla." \v 16 Kude, eau Yesus ma ulun yiru, "Naan erang kaulun sa ngulah pesta kuman kamalem sa hante anri hanye nerauan ulun rama, \v 17 balalu hantek haut hampe wayah kuman kamalem, ulun yiru nunyu palayanni himpan kaeau ma kawan ulun sa haut na nerawan yiru, 'Hawileh, dagana urasni haut na sadia.'

14/18.txt

@@ -0,0 +1 @@
+\v 18 Kude, katuluh tamu nerawan yiru mulai ngulah kawan alasan. Ulun sa palanungkai kaeau 'Aku wau midi erang ka lamar ume jari aku parlu mariksani. Tarimeleh pilakuan maafku.' \v 19 Sa lain kaeau, 'Aku wau midi dime pasang sapi jari aku parlu tulak mariksa kawan sapi yiru. Tarimeleh pilakuan maafku,' \v 20 Sa lain lagi kaeau, 'Aku wau kawin. Dagana yiru, aku puang kaiuh hawi.'

14/21.txt

@@ -0,0 +1 @@
+\v 21 Balalu, palayan yiru jua mulek andri iwara katuluhni ma tuanni. Tuan yiru sangit tu'u, balalu kaeau ma palayanni, 'wansit! kia ma kawan lalan andri ma tatiap gang hang tumpuk yina. Enei ma yati kawan ulun paua, kawan ulun lumpuh, kawan ulun kepa, andri kawan ulun pehe.' \v 22 Dami hiye, palayan yiru kaeyau ma hanye, 'Tuan, aku haut ngulah inung sa na huyunu, kude magun naan unengan sa lawang.'

14/23.txt

@@ -0,0 +1,3 @@
+\v 23 Tuan yiru kaeau ma palayanni, 'hulu tulak ma kawan lalan hante andri kawan lalan rumis. Enei kawan ulun sa naan hang yaru hawi ma yati himpan lewuku jari penu. \v 24 Aku kaeau ma hanyu, puang erang kaulun jua hingka here sa na herawanku sahuanni yiru sagar ka ingkam kutaen pestaku.'"
+
+Neu Uma Yesus.

14/25.txt

@@ -0,0 +1 @@
+\v 25 Hene ulun takia sinrah Yesus. Balalu Yesus ngulik ma hare andri kaeau, \v 26 "Amun erang kaulun hawi nunung Aku kude puang muar ineh anri amahni, darangan anri kawan anakni, pulaksanai upu anri pulaksanai waweini, diwi likan anri pamelumni, hanye puang tau jari murid-ku. \v 27 Hie jua sa puang ngantung balasangarni balalu uma Aku, hanye puang tau jari murid-Ku

14/28.txt

@@ -0,0 +1 @@
+\v 28 Hie hingka naun sa hamen ngapinri isa manara, kude puang maharung nyanreken biayani dahulu himpan karasa inun sukup duitni pakai nanyarini? \v 29 Amun puang kala yiru, hantek hanye haut ngulah pundasi balalu hanye puang sangup nanyarini, katuluh ulun sa kadinung sagar ngakihi hanye. \v 30 Kawan ulun yiru sagar kaeau, 'Ulun yiru haut mambangun, kude hanye puang kaiuh nanyarini.'

14/31.txt

@@ -0,0 +1,2 @@
+\v 31 Atawa, raja sa awe sa sagar tulak baparang nawan raja lain kude puang maharung labis dahulu ngakira inun hanye anri 10.000 tantarani kaiuh nawan musuhni sa ba jumalah 20.000 tantara? \v 32 Amun hanye puang kaiuh ngampi talau raja sa lain yiru, batantu hantek pasukan musuhni lagi lawit hanye sagar ngirim erang kaulun utusan himpan nunti kawan syarat ba damai. \v 33 Kala yiru pada anri naun, puang sunah erang kaulun hingka naun sa kaiuh jari murid-Ku amun hanye puang nyarah ala katantuluhni."
+Rangi sa Mapahe Mahi Riranni.