Tue Aug 31 2021 10:39:15 GMT+0700 (SE Asia Standard Time)

01/01.txt

@@ -0,0 +1,3 @@
+Panjalasen Pamulaan
+
+\v 1 Haut rama ulun bausaha manyusun isa cataten neu kawan kajadian sa haut naan hang pena-penah takam, \v 2 iyalah neu cataten sa haut na tahampe ma takam daya kawan ulun sa hantek palanungkai haut jari saksi mate anri  pambarita Barita Salamat. \v 3 Daya aku haut piajar katuluhni anri taliti teka palanungkai,  patut leh aku pada nyuratni baurutan ma naun, ui Teofilus sa agung, \v 4 himpan hanyu tau karasa kabujuren  neu sa haut naajar mahanyu.

01/05.txt

@@ -0,0 +1,3 @@
+Piwaraan Neu Yohanes Pambaptis
+
+\v 5 Hantek pamarintahan Herodes, Raja Yudea, naan erang kaulun imam bangaran Zakharia sa asalni teka pipakatan imam Abia. Matueh waweini teka tuturunan Harun, ngaranni Elisabet. \v 6 Zakharia anri Elisabet hanyeru kawan  ulun sa bujur hang mate Alatalla. Here welum mahi cacat  sasuai hukum anri parentah Tuhan. \v 7 Kude yeru, here mahi anak daya Elisabet mandul nelang karuehni haut matueh tuu.

01/08.txt

@@ -0,0 +1 @@
+\v 8 Hantek niba giliran kalompokni batugas, Zakharia kaiyuh tugas jari imam hang hadapan Alatalla. \v 9 Nguma kabiasaan kaimaman, Zakharia tapidi teka hasil undi pakai masuk ma Lewu Alatalla anri nutung parapen. \v 10 Awuk parapen na  parapah katuluh ulun lakudua hang luar.

01/11.txt

@@ -0,0 +1 @@
+\v 11 Nyalenga, malekat Tuhan nantarang tenga ma  Zakharia anri minri tuhi kawan altar parapen. \v 12 Hantek kaindi malekat ru, Zakharia neter nelang tuu takut. \v 13 Kude, malekat yeru kaeau ma hanye,"ada takut, Zakharia, dagana lakudua pilakuaannu haut na rengei. Matueh waweinu, Elisabet, sagar malaheran erang kaulun anak upu ma hanyu balalu hanyu ngami ngaranni Yohanes.

01/14.txt

@@ -0,0 +1 @@
+\v 14 Hanyu sagar arai nelang  mihewu, nelang  hene ulun uma arai daya pihawianni. \v 15 Hanye sagar hante hang hadapan Tuhan nelang puang sagar nguut angur atawa uutan sa ngulah mahamui. Malah, hantek teka  wuang wuntung inehni hanye sagar natampenu Ruh Barasis.

01/16.txt

@@ -0,0 +1,2 @@
+\v 16 Hanye sagar ngulah hene ulun Israel mulek ma Tuhan, Alatalla here. \v 17 Hanye sagar takiya badahulu teka Tuhan anri ruh nelang kuasa Elia, pakai ngulah atei kawan amah mulek ma kawan anak here.
+Hanye jua sagar ngulah kawan ulun sa puang taat  mulek ma hikmat kawan ulun bujur. Dagana yeru, hanye ngampisiap umat sa haut nasadia ma Tuhan."

01/18.txt

@@ -0,0 +1 @@
+\v 18 Zakharia maharek ma malekat yeru,"Kalaawe aku tau karasa neu yena? Daya, aku yiti haut matueh anri matueh waweiku pada haut lanyut umur." \v 19 Malekat yeru kaeau, "Aku ti Gabriel, malekat sa minri hang hadapan Alatalla. Aku na utus himpan bapaner anri hanyu nelang nampe barita maeh yena mahanyu. \v 20 Taati rengeileh, Hanyu sagar muna anri patau bapaner  hampe anrau kajadian daya hanyu puang parisaya wusi panerku, sa sagar naganapi waktuni."

01/21.txt

@@ -0,0 +1 @@
+\v 21 Helang waktu yeru, ungkup nganrei Zakharia. Here ipanunti daya inun Zakharia muneng kajut lawah hawuang Lewu Tuhan. \v 22 Hantek kaluar, Zakharia puang tau bapaner ma here. Here pada karasa amun Zakharia haut kaiyuh paninungen hawuang Lewu Alatalla daya hanye gutu-gutus ngulah isarat ma here, daya patau paner. \v 23 Udi waktu tugas kaimananni luput, Zakharia mudi ma lewuni.

01/24.txt

@@ -0,0 +1 @@
+\v 24 Udi kajadian yeru, Elisabet mihawuntung balalu isanina tenga salawah dime wulan. Hanye kaeau," \v 25 Yitileh sa haut naulah Tuhan ma aku. Hanye mamparhati aku anri mahapus amanganku teka ulun rama.

01/26.txt

@@ -0,0 +1,3 @@
+Piwaraan  neu Yesus Kristus
+
+\v 26 Hantek katika Elisabet  haut masuk enem wulan mihawuntung, Alatalla ngutus malekat Gabriel ma tumpuk hang wilayah Galilea, sa bangaran Nazaret. \v 27 Hanye na utus himpan Makalu erang kaulun bujang paruna sa batunangan anri erang kaulun upu bangaran Yusuf, katurunan Dawid. Ngaran bujang paruna hanyeru Maria. \v 28 Balalu, malekat yeru hawi ma Maria anri bapaner," Tabe, ui hanyu sa naberkati! Tuhan baya hanyu." \v 29 Karengei eau lengan yeru, Maria basing nunti hawuang ateini neu arati tabe yeru.

01/30.txt

@@ -0,0 +1 @@
+\v 30 Malekat ru ngamander ma hanye,"Ada takut, Maria, daya Alatalla haut ngami sinta karuniaNi ma hanyu. \v 31 Sanrengei, hanyu sagar mihawuntung anri maleheran erang kaulun Anak upu, anri hanyu sagar ngampiranNi.  Yesus. \v 32 Hanye sagar jari hante anri sagar na antuh Anak Alatalla Sa Tungkan. Tuhan Alatalla sagar ngami-Ni tahta Dawid, datu hiyang-Ni. \v 33 Hanye sagar mamarintah amau katurunan Yakub hampe kalalawah anri karajaan-Ni puang sagar suah jumpuh."

01/34.txt

@@ -0,0 +1 @@
+\v 34 Balalu, Maria bapaner ma malekat yeru,"Kalaawe hal yena sagar bakajadian sadangkan aku huan badarangan?" \v 35 Malekat yeru nyangai anri nuing ma hanye," Ruh Barasih sagar hawi amau hanyu anri kuasa Alatalla sa Pangaamau sagar nyangkuwungnu. Yeruleh sababni, Genda sa sagar lahir yeru  barasih anri sagar na antuh Anak Alatalla.

01/36.txt

@@ -0,0 +1 @@
+\v 36 Anri, karasanuleh amun Elisabet, pulaksanainu yeru, ganyah mihawuntung pada hang umur tuehni. Hanye sa dahulu na antuh tamanang, taati haut mihawuntung enem wulan. \v 37 Sabab, mahi naan hal sa mustahil ma Alatalla." \v 38 Anri, aku yiti walah Alatalla. Jarileh ma aku iyalah hanyu tuing yeru." Udiyeru, malekat yeru tulak nanan hanye.

01/39.txt

@@ -0,0 +1 @@
+\v 39 Hang anrau-anrau yeru, Maria basasiap kai tulak ma daerah pagunungan, ma isa tumpuk hang Yehuda. \v 40 Hanye masuk ma Lewu Zakharia anri ngami tabe ma Elisabet. \v 41 Hantek Elisabet karengei tabe teka Maria, genda hang wuang wuntungni bagarak anri Elisabet  natampenu Ruh Barasih.

01/42.txt

@@ -0,0 +1,2 @@
+\v 42 Udiyeru Elisabet miuwik arai anri lengan mehet," Na berkatleh hanyu teka kawan katuluh wawei, anri naberkatleh genda na malaherannu. \v 43 Hiyesah aku yiti hampe ineh Tuhanku hawi ma aku?
+\v 44 Tuu, hantek eau tabe nu hampe ma siluku, genda hawuang wuntungku bagarak daya mihewu. \v 45 Araimihewu leh hanye parisaya inun sa na tahampe Tuhan ma hanye sagar napiganap."

01/46.txt

@@ -0,0 +1,3 @@
+Tawat Maria ma Tuhan
+
+\v 46 Balalu bapanerleh Maria," Amirueku nawat Alatalla, \v 47 anri Ruhku arai mihewu hawuang Alatalla, Juru Salamatku.

01/48.txt

@@ -0,0 +1,3 @@
+\v 48 Daya, Alatalla haut mamparhitung walah-Ni sa hina yena.
+Rengeileh, mulai taati anri papalusanni, katuluh ganarasi sagar ngantuh aku arai mihewu.
+\v 49 Daya Hanye Sa Palingkuasa haut ngulah hal-hal hante ma aku, anri barasihleh ngaran-Ni.

01/50.txt

@@ -0,0 +1 @@
+\v 50 Karunia-Ni na ami teka jaman ma jaman, ma kawan ulun sa takut anri Hanye. \v 51 Hanye haut nutui kuasa-Ni anri tangan-Ni. Hanye ngulah pasah darai kawan ulun sa sakah hawuang akal ateini.

01/52.txt

@@ -0,0 +1,2 @@
+\v 52 Hanye ngampinau kawan panguasa teka singasana here, anri ngapamau kawan ulun sa ime atei.
+\v 53 Hanye haut namising ulun sa juju anri pikaeh, tapi mugah ulun tatau tulak anri tangan lawang.

01/54.txt

@@ -0,0 +1,2 @@
+\v 54 Alatalla haut ngami pangarawahen ma Israel, walah-Ni, daya ngitung karunia-Ni.
+\v 55 Iyalah sa haut nawara-Ni ma datu hiyang takam, ma Abraham anri katurunanni hampe kalalawahni.

01/56.txt

@@ -0,0 +1,5 @@
+\v 56 Anri, Maria muneng baya Elisabet kakira telu wulan lawahni, Balalu hanye mudi ma lewuni.
+
+Yohanes Pambaptis Nakayaan
+
+\v 57 Taati hampeleh waktuni ma Elisabat malaheran anri hanye ngakayaan erang kaulun genda upu. \v 58 Kawan tatangga anri kaluarga karengei amun Tuhan haut nantarang karunia-Ni sa hante ma Elisabet, anri here uma arai baya hanye.

01/59.txt

@@ -0,0 +1 @@
+\v 59 Hang anrau sa kawalu, here hawi lepuh nyunat genda yeru. Here hamen ngampingaran genda yeru Zakharia, iyalah ngaran amahni. \v 60 Kude, inehni bapaner,"Puang, hanye sagar  ampingaran Yohanes." \v 61 Kawan ulun yeru ma harek ma Elisabet,"Mahi naan erang kaulun jua hang penah pulaksanainu sa na ampingaran anri ngaran yeru."

01/62.txt

@@ -0,0 +1 @@
+\v 62 Udiyeru, here ngami isyarat ma Zakharia lepuh nunti ma hanye, ngaran inun sa hamen na ami ma genda yeru. \v 63 Zakharia laku erang isa papan tulis, anri manulis iyalah yena: "Ngaranni Yohanes." Anri, katuluh ulun jari heran.

01/64.txt

@@ -0,0 +1 @@
+\v 64 Sakatika yeru jua, wawa Zakharia pauka anri lelani mulek maeh. Hanye mulai bapaner anri nawat Alatalla. \v 65 katuluh tatangga here jari takut anri kajadian yena ngulah jari paneran ulun hang katuluh desa parbukitan Yudea. \v 66 Anri, katuluh ulun sa karengei neu yena nunti hawuang atei here,"Sagar jari inunkah genda iti yati?" Dagana, tangan Tuhan nyinrah hanye.

01/67.txt

@@ -0,0 +1,3 @@
+Zakharia Nawat Alatalla
+
+\v 67 Zakharia, amah Yohanes, pada penu anri Ruh Barasih anri banubuat, eauni, \v 68 "Tawat Alatalla, Alatalla Israel, Dagana Hanye haut hawi anri nyalamat umat-Ni

01/69.txt

@@ -0,0 +1 @@
+\v 69 Hanye haut ngamuan tanuk kasalamaten ma  takam teka katurunan Dawid walah-Ni, \v 70 iyalah sa nampe barita salamat mitah wawa kawan nabi-Ni sa barasih teka jaman sadi hurap \v 71 himpan takam na salamat teka kawan musuh takam, anri teka tangan ulun sa muar takam.

01/72.txt

@@ -0,0 +1 @@
+\v 72 Hanye ngarajani himpan nantarang karunia-Ni ma tatu hiyang takam, anri daya hanye ngitung panan parjanjian-Ni sa barasih, \v 73 hanyeru sumpah sa Hanye tahampe ma tatu hiyang takam, Abraham, \v 74 amun takam sagar bebas teka tangan kan musuh takam himpan takam kaiyuh nyambah Hanye puang naan katakuten, \v 75 wuang kakudusan anri kabujuren hang hadapan-Ni, sa umur welum takam.

01/76.txt

@@ -0,0 +1 @@
+\v 76 Anri hanyu, anakku, sagar na antuh nabi Alatalla Sa  Pangaamau, dagana hanyu sagar takiya badahulu teka Tuhan, pakai ngampisiap lalan ma Hanye. \v 77 Himpan ngami pangartian neu kasalamaten ma utus-Ni mitah pangampunan panan dusa-dusa here.

01/78.txt

@@ -0,0 +1 @@
+\v 78 Daya karunia nelang ahi lelu Alatalla takam, sahaya mateanrau sagar nyinar takam teka unengan sa amau \v 79 pakai ngampiraai here sa muneng hawuang iyeng anri sa muneng hawuang amayang pampatei, ngayak pee takam nuju ma lalan damai sajahtera."

01/80.txt

@@ -0,0 +1 @@
+\v 80 Maka, anak yeru welum sasar hante, anri sasar kuat hawuang ruh. Hanye muneng hang padang balantara hampe wayahni hawi nantarang tenga ma bangsa Israel.

01/title.txt

@@ -0,0 +1 @@
+Kalaan 1

02/01.txt

@@ -0,0 +1,3 @@
+Sensus anri Yesus Kristus nakayaan
+
+\v 1 hantek yeru, Kaisar Agustus ngaluar parintah himpan nalaksana  sensus ma katuluh paduduk hang dunia. \v 2 Yena sensus panduduk sa puga naulah hantek Kirenius jari gubernur hang Siria. \v 3 Maka, katuluh ulun mulek ma tumpuk asal here asi-asing lepuh mandaftar tenga.

02/04.txt

@@ -0,0 +1 @@
+\v 4 Yusuf pada nanan Nazaret, tumpuk hang Galilea, anri nintu Yudea, ma tumpuk Dawid sa na antuh Betlehem, daya here asalni teka turunan Dawid, \v 5 himpan hanye nasatet sinrah anri Maria, tunanganni, sa rahat mihawuntung.

02/06.txt

@@ -0,0 +1 @@
+\v 6 Hantek Yusuf anri Maria haut hang Bethlehem, hampeleh waktuni Maria malaheran. \v 7 Maria malaheran Genda upuni sa taraulu. Hanye nabarungkus-Ni anri salampin nelang naelah-Ni hawuang dulang daya mahi naan kamar uneng here amalem.

02/08.txt

@@ -0,0 +1,3 @@
+Kawan Pakatik Nyuwuk Genda Yesus
+
+\v 8 Hang daerah sa sameh naan papire pakatik sa muneng hang padang  nyaga kawan babiri here amun kamalem. \v 9 Nyalenga, malekat Tuhan minri hang hadapan here anri kamuliaan Tuhan basahaya hang litar here hampe here tamam takut.

02/10.txt

@@ -0,0 +1 @@
+\v 10 Kude, malekat yiru bapander ma here,"Ada takut nelang rengeileh, Aku nampe barita ma naun, kabar maeh neu kaaraien ma katuluh utus bangsa. \v 11 hang anrau yena haut nakayaan ma naun erang kaulun Juru Salamat, hanyeru Kristus, Tuhan, hang tumpuk Dawid. \v 12 Itileh tanda ma naun: Hanyu sagar panalu Genda sa na barungkus anri salampin anri mangkading hawuang dulang."

02/13.txt

@@ -0,0 +1,2 @@
+\v 13 Salenga, hulet sinrah malekat yeru erang kalumpuk hante tantara surgawi sa nawat Alatalla anri kaeau, 
+\v 14 "Tawat ma Alatalla hang uneng sa pangaamau anri kasanangen hang dunia, hang helang kawan ulun sa suntuk ma Hanye."

02/15.txt

@@ -0,0 +1 @@
+\v 15 Hantek kawan malekat nanan kawan pakatik yeru anri mulek ma surga, kawan pakatik yeru bapander isa ma sa lain,"Hayu takam ma Betlehem ngindi hal-hal sa haut bakajadian anrau yena, sa haut Tuhan tahampe ma takam." \v 16  Balalu, here iwawansit tulak anri manalu Maria anri Yusuf, baya Genda sa naangkading hang dulang.

02/17.txt

@@ -0,0 +1 @@
+\v 17 Hantek kawan pakatik kaindi Hanye, here nyurah wusi paner sa haut nawara ma here neu Genda yiru. \v 18 Anri, katuluh ulun sa karengei hal yeru wauh daya hal-hal sa na wars pakatik ma here. \v 19 Kude, Maria nyimuh hal yeru anri maranung wuang ateini. \v 20 Balalu, kawan pakatik mulek nunung kawan babiri here nelang nawat Hante Alatalla daya katuluh sa haut here kaindi anri karengei iyalah  nawara ma here.

02/21.txt

@@ -0,0 +1 @@
+\v 21 Anri, udi ganap walu anrau Balalu nyinar Genda yeru, ngaran-Ni na antuh Yesus, iyalah ngaran-Ni sa naami malekat sahuan Hanye  na naan hawuang wuntung.

02/22.txt

@@ -0,0 +1,3 @@
+Genda Yesus na enei ma Lewu Alatalla
+
+\v 22 Hantek anrau-anrau ibarasih uma hukum Musa haut luput, Maria anri Yusuf ngenei Yesus ma Yerusalem lepuh manyarah-Ni ma Tuhan, \v 23 iyalah sa tasurat hawuang hukum Tuhan,"Satiap anak upu taraulu naampidudus ma Tuhan \v 24 anri ngami parapah sasuai inun sa naantuh hawuang hukum Tuhan, hanyeru erang pasang wurung dara  muda."

02/25.txt

@@ -0,0 +1 @@
+\v 25 Naan erang kaulun upu bangaran Simeon sa muneng hang Jerusalem. Hante ulun sa bujur anri patuh, sa tunu-tunup pangarawahen Alatalla amau Israel, anri Ruh Barasih nyinrahni. \v 26 Ruh Barasih iwara amun hanye puang sagar matei sahuan kaindi Kristus sa naberkati Tuhan.

02/27.txt

@@ -0,0 +1 @@
+\v 27 Balalu, Simeon hawi ma Lewu Alatalla daya kuasa Run Barasih, hantek Yusuf anri Maria ngenei Genda Yesus ma Lewu Alatalla nampalus ma Hanye inun sa haut natantu daya hukum Taurat. \v 28 Udiyeru, Simeon ngantung Genda ru anri nawat Alatalla, eauni, \v 29 "Taati, u Tuhan, amun Hanyu ngami ijin walah-Nu yena tulak hawuang damai, sasuai anri lengan-Nu;

02/30.txt

@@ -0,0 +1 @@
+\v 30 Daya mateku haut kaindi kasalamaten-Nu, \v 31 sa haut Hanyu sadia hang hadapan katuluh bangsa; \v 32 hanyeru piraai sa sagar ngampiraai kawan bangsa sa puang kataru Tuhan, anri sa jari kamuliaan ma utus-Nu, Israel."

02/33.txt

@@ -0,0 +1 @@
+\v 33 Yusuf anri ineh Genda yeru jari heran inun sa na paner Simeon neu Henye. \v 34 Udiyeru, Simeon  mamberkat here anri bapander ma Maria, ineh Yesus,"Rengei, Genda yiti haut na pidi pakai nyanawu anri nyalamat hene ulun Israel, nelang jari tanda sa na na lawan rama ulun. \v 35 (Anri, erang kawila padang sagar manyuduk amiruenu) himpan isi atei hene ulun sagar nasantaru."

02/36.txt

@@ -0,0 +1 @@
+\v 36 Hang yaru pada naan erang kaulun nabi bangaran Hana, anak Fanuel teka suku Asher. Hanye haut tuu matueh. Hanye ekat welum baya daranganni salawah pitu taun udi here kawin, \v 37 anri yeru hanye jari walu hampe umurni 84 taun. Hanye puang suah nanan Lewu Alatalla, tapi sumbayang kaanrau kamalem nelang puasa anri lakudua. \v 38 Hantek yeru, hawileh Hana anri hanye nawat syukur ma Alatalla nelang ngesah neu Yesus ma katuluh ulun sa santar nunup pambebasan Yerusalem.

02/39.txt

@@ -0,0 +1,3 @@
+Yusuf anri Maria mudi ma Nazaret
+
+\v 39 Udi Yusuf anri Maria  ngaraja katuluh sasuai hukum Tuhan, here mulek ma Galilea, ma tumpuk asal here, hanyeru Nazaret. \v 40 Iya yeru welum sasar hante, kuat, penu anri hikmat, anri Alatalla mamberkati-Ni.

02/41.txt

@@ -0,0 +1 @@
+\v 41 Genep taun, ulunn matueh Yesus tulak ma Yerusalem hang Anrau Pesta Paskah. \v 42 Hantek Yesus baumur ruehwalas taun, here tulak ma yaru sasuai kabiasaan anrau pesta yeru. \v 43 Udi pesta ru jumpuh, here mudi. Tapi, Yesus tatap muneng hang Yerusalem puang rasa ineh amah-Ni. \v 44 Daya ulun matueh Yesus nanguh Hanye naan hang helang kumpulan, here nampalus pakiaan hampe erang anrau penu. Balalu, here mulek ngantara-Ni hang helang kawan kaluarga anri kawan ulun sa here kataru.

02/45.txt

@@ -0,0 +1 @@
+\v 45 Hantek here mahi panalu Yesus, here mulek ma Yerusalem lepuh ngantara-Ni. \v 46 Udi telu anrau, here kahaba Yesus hang Lewu Alatalla ganyah maharung hang helang kawan guru agama,  nelang nyanrengei anri nampe tuntian ma here. \v 47 Katuluh ulun sa nyanrengei-Ni manga-manga daya pangarasaen anri kawan sangaian-Ni.

02/48.txt

@@ -0,0 +1 @@
+\v 48 Hantek ulun matueh-Ni katantau Hanye, here jua mandam, Balalu, ineh-Ni nunti,"Nak, daya inun Hanyu miulh kayaiti ma kami? Amah-Nu anri aku galisah ngantara-Ni." \v 49 Sangai Yesus ma here,"daya inun hanyu ngantara Aku? Puang karasakah hanyu amun Aku pasti naan hang lewu-Ku?" \v 50 Kude yeru, here puang paham inun sa na paner-Ni ma here.

02/51.txt

@@ -0,0 +1 @@
+\v 51 Balalu, Yesus mudi sinrah here ma Nazaret anri uma here. Kude, ineh-Ni nyimuh wusi paner yeru hawuang ateini. \v 52 Yesus pada tumu mihante anri sasar pintar maharati. Hanye pada sasar nakatuju Alatalla anri murunsia.

02/title.txt

@@ -0,0 +1 @@
+Kalaan 2

03/01.txt

@@ -0,0 +1,4 @@
+Palayanan Yohanes Pambaptis
+
+\v 1 Hang taun kadime walas jaman pamarintahan Kaisar Tiberius, hantek Pontius Pilatus jari gubernur Yudea, Herodes jari raja Galilea; Filipus pulaksanai Herodes jari raja hang Iturea anri Trakhonitis; anri Lisanias jari raja Abilene.
+\v 2 Hanas anri Kayafas jari imam agung, hawi lengan Alatalla ma Yohanes, anak  Zakharia, sa muneng hang padang balantara.

03/03.txt

@@ -0,0 +1 @@
+\v 3 Maka, tulakleh Yohanes ma katuluh daerah hang sakitar Yordan anri mambarita baptisan partobatan pakai pangampunan dusa,

03/04.txt

@@ -0,0 +1 @@
+\v 4 iyalah haut natulis hawuang kitab Nabi Yesaya: "Yenaleh lengan ulun sa  nanterau hang padang balantara,' sadialeh lalan ma Tuhan, sanrata lalan ma Hanye.

03/05.txt

@@ -0,0 +1 @@
+\v 5 Tiap leba sagar natimbuk anri satiap gunung anri wungkur sagar na sanrata. Lalan sa bakeluk sagar nakawitu anri tiap lalan sa puang rata sagar na sanrata. \v 6 Anri, katuluh ulun sagar kaindi kasalamatan teka Tuhan"' (Yesaya 40:3-5)

03/07.txt

@@ -0,0 +1 @@
+\v 7 Balalu, Yohanes maharek ma ulun rama  hawi laku na apanrus dayani," Ui, hanyu turunan anipe wisa! Hiye sa ngampi itung hanyu himpan lapas teka hukuman sa sagar hawi?

03/08.txt

@@ -0,0 +1 @@
+\v 8 Dagana yeru, putik kawan wua sa nantarang patobatannu. Ada paner ma tenganu raerai, 'Abraham  hanyeru tatu hiyang kami!' Aku iwara ma naun, sabujurni teka kawan watu yena Alatalla tau ngamuan kawan anak ma Abraham!

03/09.txt

@@ -0,0 +1 @@
+\v 9 Malahan, teka taati kapak haut na pantak hang wakat kayu. Satiap kayu sa puang bawua maeh sagar nateweng anri na tawut ma wuang  apui."

03/10.txt

@@ -0,0 +1 @@
+\v 10 Kawan ulun nunti ma Yohanes," Amun kalayeru, inun sa patut kami ulah? \v 11 Hanye nyangai,"ganap ulun sa naan rueh pama, hanye ngami erang kalamar ma ulun sa pauweng baisi. Anri, ganap ulun sa naan makuta pada ngulah hal sa sameh."

03/12.txt

@@ -0,0 +1,2 @@
+\v 12 Papire pangumpul pajak jua hawi laku naapanrus. Here nunti ma Yohanes,"Guru, inun sa patut kami ulah?"
+\v 13 Yohanes iwara ma here,"Ada narik pajak labis teka sa haut na tatap pakainu."

03/14.txt

@@ -0,0 +1 @@
+\v 14 Papire sardadu nunti ma Hanye," Kalaawe anri kami? Inun sa patut kami ulah?" Yohanes maharek ma here,"Ada main paksa laku duit teka hiye jua atawa anri dawaan palsu. pisukupleh tenganu anri gajehnu."

03/15.txt

@@ -0,0 +1 @@
+\v 15 Hantek katuluh ulun rahat maharap pihawian Mesias, here uras nunti hawuang atei neu Yohanes, inunkah hanye Kristus atawa puang. \v 16 Yohanes nyangai anri bapander,"Aku ngapanrus hanyu anri ranu. Kude, erang kaulun sa labis bakuasa teka aku sagar hawi. Makai nguka tadi sandal-Ni aku puang patut. Hanye sagar ngapanrus hanyu makai Ruh Barasis anri apui.

03/17.txt

@@ -0,0 +1 @@
+\v 17 Dahuru haut naan hang tangan-Ni pakai marasih lantai uneng igirik anri pakai ngumpul gandum sa maeh ma wuang wirang-Ni. Kude, Hanye sagar nutung ape ma wuang apui sa puang sagar suah pare."

03/18.txt

@@ -0,0 +1,5 @@
+\v 18 Anri hene nasehat sa lain, Yohanes ngajar Barita Salamat ma rama ulun.
+
+Yohanes Pambaptis Napanjara
+
+\v 19 Kude, daya Yohanes nagur Herodes, raja wilayah, daya hal sa haut na ulahni anri Herodias, darangan pulaksanai Herodes, anri daya katuluh hal jahat sa haut naulahni, \v 20 maka Herodes namah yena pakai katuluhi anri nampasuk Yohanes ma wuang panjara.

03/21.txt

@@ -0,0 +1 @@
+\v 21 Hantek katuluh ulun naapanrus, Yesus jua na apanrus. Anri, hantek Hanye lakudua,  langit pauka, \v 22 anri Ruh Barasih minau ma amau-Ni wuang ujut wurung dara. Balalu, naan lengan hawi teka langit anri bapaner,"Hanyu Anak-Ku sa nasayang-Ku. Ma-Hanyu leh Aku basadia."

03/23.txt

@@ -0,0 +1,3 @@
+Silisilah Yesus
+
+\v 23 Hantek Yesus nuku pagawian-Ni, Hanye baumur sakitar telumpulu taun. Kawan ulun bapandapat Yesus yeru anak Yusuf. Yusuf anak Eli. \v 24 Eli anak Matat. Matat anak Lewi. Lewi anak Malkhi. Malkhi anak Yanai. Yanai anak Yusuf.

03/25.txt

@@ -0,0 +1 @@
+\v 25 Yusuf anak Matica. Matica anak Amos. Amos anak anak Nahum. Nahum anak Hesli. Hesli anak Nagai. \v 26 Nagai anak Maat. Maat anak Matica. Matica anak Simei. Simei anak Yosekh. Yosekh anak Yoda.

03/27.txt

@@ -0,0 +1 @@
+\v 27 Yoda anak Yohanan. Yohanan anak Resa. Resa anak Zerubabel. Zerubabel anak Sealtiel. Sealtiel anak Neri. \v 28 Neri anak Malkhi. Malkhi anak Adi. Adi anak Kosam. Kosam anak Elmadam. Elmadam anak Er. \v 29 Er anak Yesua. Yesua anak Eliezer. Eliezer anak Yorim. Yorim anak Matat. Matat anak Lewi.

03/30.txt

@@ -0,0 +1 @@
+\v 30 Lewi anak Simeon. Simeon anak Yehuda. Yehuda anak Yusuf. Yusuf anak Yonam. Yonam anak Elyakim. \v 31 Elyakim anak Melea. Melea anak Mina. Mina anak Matata. Matata anak Natan. Natan anak Daud. \v 32 Daud anak Isai. Isai anak Obed. Obed anak Boas. Boas anak Salmon. Salmon anak Nahason.

03/33.txt

@@ -0,0 +1 @@
+\v 33 Nahason anak Aminadab. Aminadab anak Admin. Admin anak Arni. Arni anak Hezron. Hezron anak Peres. Peres anak Yehuda. \v 34 Yehuda anak Yakub. Yakub anak Ishak. Ishak anak Abraham. Abraham anak Terah. Terah anak Nahor. \v 35 Nahor anak Serug. Serug anak Rehu. Rehu anak Peleg. Peleg anak Eber. Eber anak Salmon.

03/36.txt

@@ -0,0 +1 @@
+\v 36 Salmon anak Kenan. Kenan anak Arpakhsad. Arpakhsad anak Sem. Sem anak Nuh. Nuh anak Lamekh. \v 37 Lamekh anak Metusalah. Metusalah anak Henokh. Henokh anak Yared. Yared anak Mahalaleel. Mahalaleel anak Kenan. \v 38 Kenan anak Enos. Enos anak Set. Set anak Adam. Adam anak Alatalla.

03/title.txt

@@ -0,0 +1 @@
+Kalaan 3

04/01.txt

@@ -0,0 +1,3 @@
+Yesus Napurija
+
+\v 1 Yesus, sa penu Ruh Barasih mulek ma Yordan. Balalu hanye na ayak daya Ruh Barasih nuju padang balantara \v 2 salawah 40 anrau nampan na purija Iblis. Hanye puang nguta inun jua salawah anrau- anrau yeru. Hantek wayahni luput, Hanye kalauwan.

04/03.txt

@@ -0,0 +1,3 @@
+\v 3 Balalu, Iblis maharek ma Hanye,"Amun Hanyu Anak Alatalla, huyuleh watu yena jari roti." \v 4 Yesus nyangaini,"Naan tasurat,
+
+'murunsia welum puang teka rute ai."' Ulangan 8:3

04/05.txt

@@ -0,0 +1 @@
+\v 5 Udiyeru, Iblis ngayak Yesus ma unengan sa amau anri nantarang ma- Hanye katuluh karajaan dunia. \v 6 Balalu, Iblis kaeau ma-Hanye,"Aku sagar ngami Hanyu kuasa anri kamuliaen amau katuluh unengan ru. dagana katuluhni haut naami maaku. Anri, aku ngami ma hiye jua sa aku katuju. \v 7 Jari, jaka Hanyu nyamah aku, katuluh yeru sagar  jari ampun-Nu."

04/08.txt

@@ -0,0 +1,3 @@
+\v 8 Balalu, Yesus nyangai,"Naan tasurat, 
+
+'Hanyu harus nyamah Tuhan Alatallanu, ekat ma-Hanye hanyu harus babakti"' Ulangan 6:13

04/09.txt

@@ -0,0 +1,5 @@
+\v 9 Udiyeru, Iblis ngenei Yesus ma Yerusalem balalu ngampinau-Ni hang wuwungan Lewu Alatalla. Eau Iblis ma Yesus, "Amun Hanyu Anak Alatalla, sanawuleh tenga-Nu teka yena ma kapit, \v 10 daya naan tasurat, 
+
+'Manganai Hanyu, Alatalla sagar nunyu kawan malekat-Ni nyaga Hanyu.'Mazmur 91:11
+
+\v 11 Nelang, anri tangan here, here sagar nyanrepang Hanyu himpan pee-Nu puang santuk watu,"'Mazmur 91:12

04/12.txt

@@ -0,0 +1,5 @@
+\v 12 Sangai Yesus ma Iblis,"Naan tasurat, 
+
+'Ada murija Tuhan Alatallanu"' Ulangan 6:16
+
+\v 13 Udi Iblis luput murija Yesus, hanye tulak  nanan Yesus anri nganrei wayah sa lain.

04/14.txt

@@ -0,0 +1 @@
+\v 14 Yesus mulek ma Galilea anri penu kuasa Roh, anri barita neu Hanye tasiar ma katuluh daerah hang litar yeru. \v 15 Balalu Hanye mulai ngajar hang sinagoge anri katuluh ulun nawat Hanye.

04/16.txt

@@ -0,0 +1,3 @@
+Yesus Natulak Hang Tumpuk asal-Ni
+
+\v 16 Udiyeru Yesus tulak ma Nazaret, tumpuk uneng Hanye tumbu mihante. Iyalah kabiasaan-Ni, Yesus tulak ma sinagoge anri minri kai mambasa. \v 17 Kitab Nabi Yesaya na ami ma Hanye, balalu Hanye nguka kitab ru anri kahaba kalaan sa natulis,

04/18.txt

@@ -0,0 +1,4 @@
+\v 18 Ruh Tuhan naan witu Aku, 
+daya Hanye haut ngutus Aku lepuh mambarita Kabar Barasih ma kawan ulun susah.
+Hanye ngutus Aku mambarita pambebasan ma kawan tahanan,  
+anri ngampulek paninungan ma kawan ulun pehe, ngampibebas kawan ulun sa  tatindas, \v 19 anri ngabar taun berkat Tuhan haut hawi." Yesaya 61:1-2

04/20.txt

@@ -0,0 +1 @@
+\v 20 Yesus nutup kitab yeru nelang ngampulek ma pangurus lewu sumbayang, balalu Hanye maharung. Mate ulun rama hawuang sinagoge yeru puang pakitup wauh ma tenga-Ni. \v 21 Balalu, Yesus mulai bapaner ma here,"Anrau yena, ganapleh inun sa haut natulis Surat Barasih yena hantek hanyu nyanrengeini." \v 22 Anri uras ulun mambujur-Ni nelang manga-manga daya wusi paner sa kaluar teka mulut-Ni. Here bapaner," Angneh Hanye yena anak Yusuf?"

04/23.txt

@@ -0,0 +1 @@
+\v 23 Balalu, Yesus bapaner ma here,"Hanyu pasti  sagar ngantuh paribahasa yena ma Aku, 'Tabib, samareleh tenga-Nu raerai! Kami karengei neu sa na ulah-Nu hang Kapernaum, ulah jua yeru hang yena, hang tumpuk asal-Nu raerai."' \v 24 Balalu Hanye maharek, "Aku paner ma naun, sabujurni mahi nabi sa natarime hang tumpuk asalni raerai.

04/25.txt

@@ -0,0 +1 @@
+\v 25 Hawuang kabujuren, Aku iwara mahanyu, naan wahai walu hang Israel wayah jaman Elia, hantek langit patutup salawah telu taun anri enem wulan, hantek kalauwan tamam bakajadian hang katuluh tumpuk. \v 26 Kudeyeru, Elia puang nautus ma hiye jua ekat ma erang kaulun walu hang Sarfat, hang daerah Sidon. \v 27 Anri, naan wahai wuah kudung hang Israel hang jaman Nabi Elisa, kude pauweng isa tenga jua teka here sa na tahirni, ekat Naaman, ulun Siria yeru."

04/28.txt

@@ -0,0 +1 @@
+\v 28 hantek karengei kawan hal yena, katuluh ulun hawuang sinagoge yeru bapanyangit. \v 29 Balalu, minri here nelang narik Yesus maluar teka tumpuk ru, balalu ngenei-Ni piamau wungkur uneng tumpuk here naapinri lepuh nyanawu-Ni teka iring wungkur. \v 30 Tapi, Yesus mitah teka kawan penah here palus tulak.

04/31.txt

@@ -0,0 +1 @@
+\v 31 Yesus tulak ma Kapernaum, isa tumpuk hang wilayah Galilea, anri ngajar ulun rama hang anrau Sabat. \v 32 here mandam anri watangajar-Ni daya wusi paner-Ni  penu anri kuasa.

04/33.txt

@@ -0,0 +1 @@
+\v 33 Hang sinagoge erang kaulun upu sa karasukan ruh setan sa bere. Ulun ru miuwik anri lengan mehet. \v 34 "Elahni kami raerai! Inun urusan-Nu anri kami, ui Yesus, Ulun Nazaret? Inunsah Hanyu hawi lepuh nyanrupuh kami? Aku karasa hiye Hanyu, Sa Barasis teka Alatalla."

04/35.txt

@@ -0,0 +1 @@
+\v 35 Tapi, Yesus misuh ruh setan yeru, eau-Ni,"Suni! kaluarleh teka ulun yiri!" Udi setan yeru mambanting ulun yeru ma tane, hang hadapan katuluh ulun, hanye kaluar teka tenga ulun yeru anri puang ngampihanangni. \v 36 Anri penu kawauhen, katuluh ulun sa naan hang yeru maharek isa anri sa lain,"lengan inun yena?  Daya anri pangaruh nelang kuasa, Hanye mamarintah ruh-ruh bere anri here kaluar." \v 37 Anri, barita neu Yesus tasiar ma uras unengan hang katuluh daerah yeru.

04/38.txt

@@ -0,0 +1,3 @@
+Kasian Simon Anri Ulun Rama Nasamare
+
+\v 38 Udiyeru, Yesus nanan lewu sumbayang yeru anri tulak ma lewu Simon. Hantek yeru, kasian Simon  ganyah mekum tamam, daya yeru here laku Yesus nyamareni. \v 39 Balalu, minrileh Yesus hang riet kasian Simon anri misuh panyakitru, balalu ekum ru ware.  Hamituan yiru, kasian Simon amuan  malayani here.

04/40.txt

@@ -0,0 +1 @@
+\v 40 Wayah mateanrau nuku leteng, katuluh ulun ngenei kaluarga here sa ngaret bamasam  panyakit ma Yesus. Balalu Yesus nyanrepang tangan-Ni ma amau here asing-asing anri nyamare here. \v 41 Kawan setan pada kaluar teka ulun rama ru nelang miuwik,"Hanyu Anak Alatalla!" Tapi, Yesus misuh here, Hanye puang mambiarkan here paner daya here karasa samula Hanye hanyeru Kristus.

04/42.txt

@@ -0,0 +1,3 @@
+Yesus Hutbah Hang Kawan Tumpuk Lain
+
+\v 42 Ketuni kaayatni Yesus tulak ma unengan sa suni hamen ngaraerai. Ulun rama ngantara-Ni, here bausaha mahalangi Hanye  himpan puang nanan here. \v 43 Tapi, Hanye paner ma here,"Aku tatuu nampe Barita Salamat Karajaan Alatalla ma kawan tumpuk lain pada daya yena Aku nautus." \v 44 Balalu, Yesus bahutbah hang sinagoge- sinagoge hang Yudea.

04/title.txt

@@ -0,0 +1 @@
+Kalaan 4

05/01.txt

@@ -0,0 +1,3 @@
+Herauan himpan jari  Palunta Murunsia
+
+\v 1 Hang hinra wayah, ulun rama bakumpul ngaliling-Ni nyanrengei lengan Alatalla. Hantek yeru, Yesus minri hang iring danau Genesaret, \v 2 anri katantau rueh jukung sa rahat ipampang hang iring danau yeru, kude kawan nalayan haut kaluar teka jukung yeru daya here marasih lunta here.  \v 3 Yesus sungkat ma isa jukung, hanye yeru  wat Simon, balalu nunyu Simon mehei jukung ni nyanawit butit teka pampang. Yesus maharung nelang ngajar ulun rama teka amau jukung.

05/04.txt

@@ -0,0 +1 @@
+\v 4 Udi luput ngajar, Yesus  kaeau ma Simon," Hululeh ma unengan sa lalem balalu timai luntanu lepuh ngakali kenah." \v 5 Sangai Simon, "Guru, kami haut bahimat bagawi erang malem suntuk, kude mahi kaiyuh inu-inun! Kude, daya Hanyu sa nunyu, aku sagar nyanimai lunta yena." \v 6 Wayah here ngaraja, here kaiyuh hene tuu kenah hampe lunta here niba sitat. \v 7 Balalu, here nanterau kawan ulun sa hang jukung isani hawi lepuh ngarawah. Balalu, kawan hengau hawi anri uma namuat kenah ma rueh jukung yeru hampe jukung here ane kayem.

05/08.txt

@@ -0,0 +1,3 @@
+\v 8 Hantek Simon Petrus kaindi kajadian yena, hanye basujut sambah hang hadapan Yesus nelang maharek,"Hulu tulak teka aku, Tuan, dagana aku yena ulun badusa!" \v 9 Petrus ngantuh kalayeru dagana hanye anri katuluh ulun sa naan baya hanye mandam daya hene kenah iyuh here. \v 10 Kahiye pada Yakobus anri Yohanes, kawan anak Zebedeus, sa bahengau anri Simon.
+Yesus bapaner ma Simon,"Ada takut. Teka taati, hanyu sagar malunta murunsia."
+\v 11 Udi here narik kawan jukung ma pampang, here nanan katantuluh balalu ngumba Yesus.

05/12.txt

@@ -0,0 +1,4 @@
+Ulun Wuah Kudung Na Samare
+
+\v 12 Hangkatika anrau, Yesus naan hang isa tumpuk. Hang tumpuk yeru naan erang kaulun tengani penu kudung. Awuk ulun ru kaindi Yesus, hanye suntuk hampe uruwawani wuah tane nelang ilaku ma Hanye,"Tuan, Jaka Hanyu hamen, Hanyu tau nyamare aku." \v 13 Balalu
+ Yesus ngului tanganNi anri nyambe ulun yeru. Eau-Ni,"Aku hamen, hayu ware! Hamian yeru jua, panyakit kudung ulun ru wawai.

05/14.txt

@@ -0,0 +1 @@
+\v 14 Tagal yeru, Yesus ilaku ulun yeru ada iwara ma hiye jua nelang maharek,"Hulu anri tutui tenganu ma imam. Sarah parapahnu daya haut ware iyalah haut na parentah Muses sa jari tanda ma here.

05/15.txt

@@ -0,0 +1 @@
+\v 15 Kabar neu Yesus magin rami ngulah ulun rama hawi bakumpul lepuh nyanrengei Hanye nelang laku na samare teka kawan panyakit. \v 16 Kudeyeru, Yesus gaha tulak puang here karasa ma unengan suni lepuh lakudua.

05/17.txt

@@ -0,0 +1,3 @@
+Ulun Lumpuh na Samare
+
+\v 17 Hangkatika anrau, awuk Yesus rahat ngajar, kawan ulun Farisi anri kawan ahli Taurat sa hawi teka katuluh tumpuk litar Galilea, Yudea, anri Yerusalem uma maharung hang yaru. Kuasa Tuhan nyinrah Yesus ngulah Hanye kaiyuh nyamare ulun rama.