Tue Aug 31 2021 12:47:19 GMT+0700 (SE Asia Standard Time)

01/01.txt

@@ -0,0 +1,2 @@
+Ra'ai Sa Kapinu'u Haut Hawi Ma Dunia
+\v 1 Hang mula ni hanye yiru Lengan Alatalla, Lengan Alatalla yiru baya Alatalla nelang Lengan Alatalla yiru hanye yiru Alatalla yiru raerai. \v 2 Lengan Alatalla yiru haut baya Alatalla teka mula ni. \v 3 Teka katuluh ni na sanyari mitah Hanye. Amun puang dayaNi, katuluh sa haut jari yiru puang sagar naan.

01/04.txt

@@ -0,0 +1 @@
+\v 4 Hang wuang Hanye naan welum nelang welum yirulah Ra'ai murunsia. \v 5 Ra'ai iru matalak hang wuang pi'ieng, kude pi'ieng puang kaiyuh manguasaiNi.

01/06.txt

@@ -0,0 +1 @@
+\v 6 Naan erang kaulun sa na utus daya Alatalla, ngaranni hi Yohanes. \v 7 Hanye hawi jari saksi nahampe habar ne'u Ra'ai yiru hampan mitah hanye katuluh ulun parisaya. \v 8 Hi Yohanes lain Ra'ai yiru, kude hi Yohanes hawi  nahampe habar ne'u Ra'ai yiru.

01/09.txt

@@ -0,0 +1 @@
+\v 9 Ra'ai sa kapinu'uni, sa nyanra'ai katuluh murunsia sagar hawi ma dunia yena.

01/10.txt

@@ -0,0 +1 @@
+\v 10 Ra'ai yiru haut naan hang dunia yena nelang dunia yena haut na sanyari dayaNi, kude dunia yena puang kataru anri Hanye. \v 11 Hanye hawi nunung here sa haut na sanyariNi, kude here sa haut na sanyariNi puang narime Hanye.

01/12.txt

@@ -0,0 +1 @@
+\v 12 Here sa narime Hanye na ami kuasa ne'u jari kawan iya Alatalla, hanye yiru here sa parisaya ma ngaranNi. \v 13 Here nakayaan puang teka ira atawa aheng lunek, atawa teka aheng kawan upuan, kude teka Alatalla.

01/14.txt

@@ -0,0 +1 @@
+\v 14 Lengan Alatalla yiru haut jari lunek nelang muneng baya takam. Takam haut nantau pihanteNi, hanye yiru pihante Iya Tunggal Alatalla Ammah, sa penu baya anugerah nelang sa kapinu'uni. \v 15 Hi Yohanes iwara ne'u Hanye nelang bapanner, "Hanye yena sa na waraku hantek aku kaeyau, 'Udi aku, sagar hawi Hanye sa badahulu teka aku daya Hanye haut naan sahuan aku."'

01/16.txt

@@ -0,0 +1 @@
+\v 16 Teka kuasaNi takam katuluh narime kawan anugerah. \v 17 Daya, Hukum Taurat na ami mitah hi Moses; kude anugerah sa kapinu'uni hawi mitah Yesus Kristus. \v 18 Mahi erang kaulunpun sa suah kadinung Alatalla, kude Iya Tunggal Alatalla sa maharung hang pangkuan Alatalla Ammah sa ngampi jariNi.

01/19.txt

@@ -0,0 +1,3 @@
+Piwaraan Teka Hi Yohanes Pembaptis
+\v 19 Ina piwaraan hi Yohanes hantek kawan ulun Yahudi nunyu kawan imam baya kawan ulun Lewi teka tumpuk Yerusalem ne'u nunti ma hi Yohanes, "Hie sah hanyu na?" \v 20 Hi Yohanes iwara, "Aku na lain Kristus." \v 21 Here kamulek nunti ma hanye, "Amun kalayiru, hie sah sabujurni hanyu na? Hi Elia?" Balalu hanye kaeyau, "Aku lain hi Elia."
+"Inun sah hanyu na Nabi iru sah?" Hanye pada kaeyau, "Lain."

01/22.txt

@@ -0,0 +1 @@
+\v 22 Udihie, here balalu bapaner lagi anri hanye, "Hie sah hanyu na, daya kami hamen iwara ma ulun sa nunyu kami? Inun eyaunu ne'u tenganu raerai?" \v 23 Hi Yohanes bapaner makai surah Nabi Yesaya, "Aku ina lengan ulun sa na wara daya Nabi Yesaya sa natiak hang padang jumpun haket kalaina : 'Ampi witu lalan ma Tuhan!"' Yesaya 40:3

01/24.txt

@@ -0,0 +1 @@
+\v 24 Kawan ulun Yahudi sa na huyu yiru hanye yiru ulun Farisi. \v 25 Balalu, here kaeyau ma hi Yohanes, "Amun hanyu lain Mesias, lain hi Elia, pada puang Nabi, daya inun hanyu ngampanrus ulun?"

01/26.txt

@@ -0,0 +1 @@
+\v 26 Hi Yohanes kaeyau ma here, "Aku ngamparus ulun makai ranu, kude hang penah naun minri erang kaulun sa puang naun kataru. \v 27 Hanye sa sagar hawi udi aku. Nguka tadi sannalNi gin, aku puang patut." \v 28 Katuluh yiru bakajadian hang tumpuk Betania, hang subarang Hungei Yordan, uneng hi Yohanes ngamparus ulun.

01/29.txt

@@ -0,0 +1,2 @@
+Iya Babiri Alatalla
+\v 29 Makeunini, hi Yohanes nantau Yesus hawi nunung hanye, hi Yohanes kaeyau, "Tantau naun, Iya Babiri Alatalla sa mahapus dusa dunia! \v 30 Hanye ina sa nawaraku ma naun, 'Udi aku sagar hawi erang kaulun sa labis hante teka aku daya Hanye haut naan kapihuan aku.' \v 31 Sadi, aku puang kataru anri Hanye, kude hampan Hanye na pantaru ma kawan ulun Israel, balalu aku hawi ngamparus naun makai ranu."

01/32.txt

@@ -0,0 +1 @@
+\v 32 Balalu, hi Yohahes kaeyau, "Aku nantau Ruh Alatalla minau teka ammau langit iyalah wurung merpati nelang Ruh Alatalla yiru muneng baya Hanye. \v 33 Aku puang kataru anri Hanye, kude Hanye sa nunyu aku ngampanrus kawan ulun maka ranu kaeyau ma aku, 'Hanye sa hang ammauNi hanyu nantau Ruh Alatalla minau nelang muneng baya, Hanye yiru sa sagar ngampanrus kawan ulun makai Ruh Barasis.' \v 34 Aku raerai haut nantau nelang iwara amun Hanye yina Iya Alatalla."'

01/35.txt

@@ -0,0 +1,2 @@
+Kawan Murid Yesus Sa Mulani
+\v 35 Maketunini, hi Yohanes minri baya rueh kaulun muridni, \v 36 hanye nantau Yesus rahat takia. Hi Yohanes kaeyau, "Tantau, iru Iya Babiri Alatalla!"

01/37.txt

@@ -0,0 +1 @@
+\v 37 Karueh muridni nyanrengei inun sa na wara daya hi Yohanes balalu here umma Yesus. \v 38 Yesus ngulik ma wading anri nantau here umma baya Hanye, Hanye kaeyau ma here, "Inun sa na antara naun?" Here kaeyau ma Hanye, "Rabi, hang awe Hanyu muneng?" \v 39 Hanye kaeyau ma here, "Mayati hanyu sagar nantauni." Balalu, here hawi palus nantau unengNi muneng pada here muneng baya Hanye anrau yiru daya katika yiru kakira pukul kasapuluh.

01/40.txt

@@ -0,0 +1 @@
+\v 40 Erang kaulun teka karueh murid sa nyanrengei paner hi Yohanes balalu umma Yesus hanye yiru hi Andreas, pulaksanai hi Simon Petrus. v 41 Kapihuanni hi Andreas manalu hi Simon, pulaksanaini, nelang iwara ma hanye, "Kami haut panalu baya Mesias." \v 42 Balalu, hi Andreas ngennei hi Simon manalu Yesus. Yesus nantau hi Simon nelang kaeyau, "Hanyu Simon, anak hi Yohanes. Hanyu sagar na herau Kefas (sa aratini 'Petrus' atawa 'Watu')."

01/43.txt

@@ -0,0 +1 @@
+\v 43 Makeunini, Yesus ngaheng tulak ma tumpuk Galilea. Hanye panalu anri hi Filipus nelang kaeyau ma hanye, "Ware hanyu umma AKu!"' \v 44 Hi Filipus yiru teka tumpuk Betsaida, tumpuk hi Andreas anri hi Petrus muneng. \v 45 Hi Filipus panalu anri hi Natanael balalu iwara "Kami haut panalu anri Hanye sa na surat daya Muses hang wuang Hukum Taurat anri daya kawan nabi, hanye yiru Yesus teka tumpuk Nazaret, iya hi Yusuf."

01/46.txt

@@ -0,0 +1 @@
+\v 46 Hi Natanael kaeyau, "Tu'u sah hal sa maeh hawi teka tumpuk Nazaret?" Hi Filipus kaeyau ma hanye, "Hawi anri tantauleh raerai." \v 47 Yesus nantau hi Natanael hawi nunung Hanye balalu Yesus kaeyau ne'u hi Natanael, "Tantau naun, erang kaulun Israel sa sabujurni, mahi sa puang maeh hang hanye!" \v 48 Hi Natanael nunti, "Kalaawe Hanyu kataru anri aku?" Yesus kaeyau, "Kapihuan hi Filipus nerau hanyu, Aku haut ninung hanyu hantek hanyu minri hang imme kakau ara."

01/49.txt

@@ -0,0 +1 @@
+\v 49 Eyau hi Natanael, "Rabi, Hanyu na tu'u Iya Alatalla. Hanyu na Raja kawan ulun Israel." \v 50 Yesus kaeyau ma hanye, "Daya yiru Aku kaeyau ma hanyu, 'Aku haut nantau hanyu minri hang imme kakau ara', balalu hanyu harap? Hanyu sagar nantau kawan hal sa labis hante teka yina!" \v 51 Hanye balalu nampalus pannerNi, "Sa kapinu'uni, Aku iwara ma hanyu, hanyu sagar nantau ammau langit pa uka anri kawan malaikat Alatalla mamai minau ne'u malayani Iya Murunsia."

01/title.txt

@@ -0,0 +1 @@
+Pasal Isa

02/01.txt

@@ -0,0 +1,2 @@
+Ranu Jari Anggur
+\v 1 Hang anrau sa katelu, naan pesta paadu hang tumpuk Kana, hang Galilea, ineh Yesus naan hang yaru. \v 2 Yesus baya kawan muridNi pada na herau ma pesta paadu yiru

02/03.txt

@@ -0,0 +1 @@
+\v 3 Hantek ranu anggur galis, ineh Yesus kaeyau ma Hanye, "Here kagalisan ranu anggur." \v 4 Yesus kaeyau, "U ineh, inun hubunganni anri Aku? KatikaKu huan hampe." \v 5 Ineh Yesus balalu kaeyau ma kawan walah, "Inunleh sa na huyuNi ma naun, gawi iyalah inun sa na huyuNi."

02/06.txt

@@ -0,0 +1 @@
+\v 6 Hang yiru, naan enem balanai teka watu, sa lanani na pakai daya ulun Yahudi hang asara penyucian. Asing-asing balanai muat kakira rueh hampe telu buyung. \v 7 Yesus kaeyau ma kawan walah, "Isi katuluh balanai yiru anri ranu." Here balalu ngisi kawan balanai yiru hampe penu anri ranu. \v 8 Udihie, Yesus kaeyau lagi ma here, "Taati, alapleh butit ranu teka balanai yiru balalu ennei ma pamimpin pesta." Here ngenei ranu yiru ma pamimpin pesta.

02/09.txt

@@ -0,0 +1 @@
+\v 9 Dami pamimpin pesta nginam ranu sa haut jari anggur yiru, kude here puang karasa teka awe asal anggur yiru (ekat kawan walah sa karasa ne'u ranu yiru), balalu pamimpin pesta nerau pangantin upu, \v 10 nelang kaeyau ma hanye, "Tiap ulun nyurung ranu anggur sa maeh badahulu dami katuluh haut puas nguut, wau na surung anggur sa puang hampe maeh. Kude, hanyu nyimuh anggur sa maeh hampe taati."

02/11.txt

@@ -0,0 +1 @@
+\v 11 Siri ajaib sa pamulaanni yiru na gawi daya Yesus hang tumpuk Kana, Galilea, hampan iwara ne'u kamuliaanNi, nelang hampan kawan muridNi parisaya anri Hanye.

02/12.txt

@@ -0,0 +1 @@
+\v 12 Udihie, Yesus minau ma tumpuk Kapernaum baya inehNi, kawan pulaksanaiNi anri kawan muridNi. Here muneng papire anrau hang yiru.

02/13.txt

@@ -0,0 +1,2 @@
+Yesus Hang Lewu Alatalla
+\v 13 Anrau Hante Paskah ulun Yahudi haut riet, Yesus balalu mamai ma tumpuk Yerusalem. \v 14 Hang Lewu Alatalla, Hanye nantau kawan ulun ngari kamming, babiri, baya wurung merpati, pada kawan ulun panurup duit maharung hang yiru.

02/15.txt

@@ -0,0 +1 @@
+\v 15 Yesus ngulah cambuk teka tadi balalu nunyu kawan ulun kaluar teka Lewu Alatalla, katuluhni na huyu kaluar amput kawan babiri anri kamming here. Hanye pada ngumpe kawan duit logam teka here panurup duit palus maleng kawan meja here. \v 16 Ma kawan pangari wurung merpati, Yesus kaeyau, "Hulu ennei kaluar katuluh teka yina! Ada naun ngulah Lewu Alatalla AmmahKu jari uneng miarian!"

02/17.txt

@@ -0,0 +1,4 @@
+\v 17 Kawan muridNi kaitung naan na surat :
+"Sinta ne'u lewuNu, ngampietung Aku." Mazmuer 69:10
+\v 18 Balalu, kawan ulun Yahudi yiru kaeyau ma Hanye, "Siri ajaib inun sa tau na ulah dayaNu hampe Hanyu tau ngulah kawan hal yina nadap kami?"
+\v 19 Yesus kaeyau ma here, "Ampiruntun Lewu Alatalla yina hang wuang telu anrau Aku ngamuanni kamulek."

02/20.txt

@@ -0,0 +1 @@
+\v 20 Here kaeyau, "Epatpuluenem taun katika ngamuan Lewu Alatalla yina, Hanyu kaeyau sagar ngamuanni hang wuang telu anrau?" \v 21 Kude, sa na maksdu daya Yesus ne'u Lewu Alatalla hanye yiru tengaNi raerai. \v 22 Daya yiru, hantek Yesus amuan teka penah ulun matei, kawan muridNi kaitung ne'u piwaraanNi yiru; balalu here parisaya anri Buku Barasis baya inun sa nawara daya Yesus.

02/23.txt

@@ -0,0 +1 @@
+\v 23 Hantek Yesus hang tumpuk Yerusalem salawah parayaan Paskah, wahai ulun parisaya hang wuang ngaranNi daya nantau kawan siri ajaib sa na gawiNi. \v 24 Kude, Yesus puang narap tengaNi ma here daya Hanye kataru katuluh ulun, \v 25 Hanye pada puang perlu hiepun ngami kasaksian ne'u murunsia daya Hanye karasa inun sa naan hang wuang atei murunsia.

02/title.txt

@@ -0,0 +1 @@
+Pasal Karueh

03/01.txt

@@ -0,0 +1,2 @@
+Arati Nakayaan Kamulek
+\v 1 Naan erang kaulun Farisi sa bangaran hi Nikodemus. Hanye yiru erang kaulun pamimpin bangsa Yahudi. \v 2 Hang isa malem, hanye hawi nunung Yesus balalu kaeyau, "Rabi, kami karasa amun Hanyu na hanye yiru erang kaulun Guru sa hawi teka Alatalla daya mahi erang kaulunpun murusia sa tau ngulah kawan siri ajaib iyalah sa na ulah dayaNu, ekat amun Alatalla baya hanye."

03/03.txt

@@ -0,0 +1 @@
+\v 3 Eyau Yesus ma hanye, "Sa tu'uni Aku iwara ma hanyu, amun erang kaulun puang nakayaan kamulek, hanye puang sagar tau nantau Karajaan Alatalla." \v 4 Hi Nikodemus balalu nunti, "Kalaawe tau erang kaulun nakayaan kamulek amun hanye haut matueh? Iyuh sah hanye masuk lagi ma wuang wuntung inehni ne'u nakayaan kamulek?"

03/05.txt

@@ -0,0 +1 @@
+\v 5 Eyau Yesus ma hanye, "Sa tu'uni, aku iwara ma hanyu, amun erang kaulun puang nakayaan teka ranu baya Ruh Alatalla, hanye puang sagar tau masuk ma Karajaan Alatalla. \v 6 Inun sa nakayaan daya lunek hanye yiru pada lunek, kalahie pada inun sa nakayaan daya Ruh Alatalla hanye yiru Ruh Alatalla

03/07.txt

@@ -0,0 +1 @@
+\v 7 Ada wauh amun Aku kaeyau ma hanyu, 'Hanyu harus nakayaan kamulek.' \v 8 Riwut pasiwui ma awe sa na ahengni hanyu ekat karengei lenganni, kude hanyu puang karasa teka awe asalni pada ma awe hanye pasiwui. Kalayiru pada anri tiap ulun sa nakayaan daya Ruh Alatalla."

03/09.txt

@@ -0,0 +1 @@
+\v 9 Hi Nikodemus balalu nunti, "Kalaawe hal yiru tau jari?" \v 10 Yesus kaeyau, "Angneh hanyu na guru ulun Israel, kude daya inun hanyu puang kataru hal yena? \v 11 Sa tu'u-tu'uni, Aku iwara ma hanyu amun kami iwara ne'u hal sa na rasa daya kami pada kami ngami kasaksian ne'u hal sa natantau daya kami, kude hanyu puang narime kasaksian kami.

03/12.txt

@@ -0,0 +1 @@
+\v 12 Amun aku iwara ne'u kawan hal dunia yena hanyu puang parisaya, kalaawe hanyu tau parisaya amun Aku iwara ne'u kawan hal surga? \v 13 Mahi erang kaulunpun murunsia sa tau mamai ma surga, ekat Hanye sa haut minau teka surga, hanye yiru Iya Murunsia.

03/14.txt

@@ -0,0 +1 @@
+\v 14 Sameh iyalah hi Moses ngampamai anipe tambaga hang padang jumpun haket, kalayiru pada Iya Murunsia sagar na ampamau, \v 15 Hampan tiap ulun sa parisaya ma Hanye kaiyuh pamelum sa palus ma kalalawah.

03/16.txt

@@ -0,0 +1 @@
+\v 16 Daya Alatalla tu'u sinta dunia yena, Hanye haut ngami IyaNi sa tungkan hampan tiap ulun sa parisaya ma Hanye puang matei, kude kaiyuh welum sa palus ma kalalawah. \v 17 Daya Alatalla ngampinau IyaNi ma wuang dunia puang ne'u mahakimi dunia, kude hampan dunia na salamat mitah IyaNi. \v 18 Ulun sa parisaya ma Hanye puang sagar wuah hukum, kude ulun sa puang parisaya haut hang kapit hukuman daya hanye puang parisaya  ma ngaran Iya Tungkan Alatalla.

03/19.txt

@@ -0,0 +1 @@
+\v 19 Hanye yina hukuman yiru : Pira'ai haut hawi ma wuang dunia, kude murunsia labis katuju welum hang wuang piiyeng hingka welum hang wuang pira'ai daya inun sa na gawi here yiru puang maeh. \v 20  Tiap ulun sa ngulah gawi puang maeh hanye muar rigat anri Pira'ai nelang puang hakun hawi nunung Pira'ai hampan inun sa na gawini puang rasa. \v 21 Kude, ulun sa ngulah hal maeh hawi ma Pira'ai hampan napantaru kawan gawianni sa maeh na gawi hang wuang Alatalla."

03/22.txt

@@ -0,0 +1,2 @@
+Yohanes Basaksi Ne'u Yesus
+\v 22 Udi yiru, Yesus baya kawan muridNi tulak ma tane Yudea. Hang yaru, Hanye nangalis katika baya here nelang mambaptis. \v 23 Hi Yohanes pada na baptis hang Ainon riet Salim daya hang yiru wahai ranu. Kawan ulun rama hawi ne'u na baptis. \v 24 Hantek yiru hi Yohanes huan na sel.

03/25.txt

@@ -0,0 +1 @@
+\v 25 Balalu hulet salisih paham antara papire murid hi Yohanes anri erang kaulun Yahudi ne'u baptisan. \v 26 Here manalu hi Yohanes nelang kaeyau, "Guru, Hanye sa baya hanyu hang sabarang hungei Yordan, sa ne'u Hanye hanyu haut basaksi, tantaunu, Hanye pada mambaptis nelang katuluh ulun hawi nunung Hanye."

03/27.txt

@@ -0,0 +1 @@
+\v 27 Balalu Yohanes kaeyau, "Murunsia puang tau narime inunpun, ekat amun hal yiru na ami ma hanye teka surga. \v 28 Hanyu raerai tau ngami kasaksian amun aku suah kaeyau, 'Aku ina lain Mesias,' kude aku na huyu ne'u badahulu teka Hanye.

03/29.txt

@@ -0,0 +1 @@
+\v 29 Ulun sa baisi pangantin wawei hanye yiru erang kaulun pangantin upu; kude hengau riet pangantin upu, sa minri anri nyanrengeini, tu'u miarai mihewu nyanrengei lengan pangantin upu. Jari, arai hewuku yena haut na sanyariNi penu. \v 30 Hanye harus magin hante kude aku harus magin rumis."

03/31.txt

@@ -0,0 +1 @@
+\v 31 "Hanye sa hawi teka ammau hanye yiru hang ammau katuluhni, Hanye sa asalni teka tane hanye yiru teka tane nelang bapaner ne'u kawan hal sa naan hang ammau tane. Hanye sa hawi teka surga hanye yiru hang ammau katuluh sa naan. \v 32 Hanye iwara ne'u hal sa na tantau anri na rengei dayaNi, kude kawan ulun puang harap anri inun sa na waraNi. \v 33 Ulun sa narime inun sa na waraNi tu'u harap amun Alatalla yiru tu'u maeh.

03/34.txt

@@ -0,0 +1 @@
+\v 34 Daya ulun sa na huyu daya Alatalla sagar nahampe lengan Alatalla daya Alatalla ngami Ruh Barasis sa ang uweng tikas. \v 35 Alatalla Ammah tu'u ngalelu Iya sa ma Hanye katuluhni haut na sarah. \v 36 Ulun sa harap ma Iya Alatalla sagar narime pamelum sa palus ma kalalawah, kude ulun sa puang nu'u puang sagar nantau pamelum, ekat murka Alatalla sa naan hang hanye."

03/title.txt

@@ -0,0 +1 @@
+Pasal Katelu

04/01.txt

@@ -0,0 +1,2 @@
+Yesus Basurah Anri Erang Kaulun Wawei Samaria
+\v 1 Hantek Tuhan karasa amun kawan ulun Farisi haut karengei bahwa Hanye haut rama ngennei anri ngampanrus labis hene murid teka hi Yohanes, \v 2 (walaupun sabujurni Yesus puang ngamparus, kude kawan muridNi), \v 3 Hanye nanan tumpuk Yudea balalu mulek ma tumpuk Galilea.

04/04.txt

@@ -0,0 +1 @@
+\v 4 Kude, Hanye harus mitah wilayah tumpuk Samaria. \v 5 Dami Yesus hampe hang wilayah tumpuk Samaria, hang tumpuk hante bangaran Sikhar, riet tane sa suah na ammi hi Yakub ma iyani hi Yusuf.

04/06.txt

@@ -0,0 +1 @@
+\v 6 Sumur Yakub naan hang yiru. Daya Yesus kauyuhan balalu hanye maharung hang iring sumur yiru. Katika yiru, kakira pukul enem. \v 7 Balalu hawi erang kaulun wawei Samaria ne'u nimma ranu. Yesus kaeyau ma hanye, "Awat ngami Aku ranu pakai na uut." \v 8 (Hantek yiru, kawan muridNi rahat tulak ma tumpuk ne'u midi makuta)

04/09.txt

@@ -0,0 +1 @@
+\v 9 Wawei Samaria yiru kaeyau ma Yesus, "Kalaawe tau Hanyu, erang kaulun Yahudi, laku ranu pakai uutNu anri aku erang kaulun wawei Samaria?" (Daya, hantek yiru ulun Yahudi puang pamuntane anri ulun Samaria). \v 10 Yesus kaeyau ma hanye, "Amun hanyu karasa ne'u karunia Alatalla anri kataru hie sa kaeyau ma hanyu, 'Ami Aku ranu uut', hanyu sagar laku anri Hanye, daya Hanye sagar ngami hanyu ranu welum."

04/11.txt

@@ -0,0 +1 @@
+\v 11 Wawei yiru kaeyau ma Hanye, "Ampu, Hanyu puang baisi timma nelang sumur ina lalem tatu'u, teka awe Hanya sagar kaiyuh ranu welum yiru? \v 12 Inun sah Hanyu na labis hante teka datu nini kami, hi Yakub, sa haut ngami sumur yina ma kami kalahie pada hanye haut nguut ranu teka sumur yina baya katuluh iya anri kawan situa sa na singuni?"

04/13.txt

@@ -0,0 +1 @@
+\v 13 Yesus kaeyau ma hanye, "Tiap ulun sa nguut ranu yina tatap sagar haus kamulek, \v 14 kude ulun sa nguut ranu sa na ammiKu ma hanye puang sagar haus kamulek; daya ranu sa na ammiKu ma hanye yiru sagar jari mate ranu hang wuang tenga dagingni sa tatap mamancar hampe ma welum sa palus ma kalalawah."

04/15.txt

@@ -0,0 +1 @@
+\v 15 Wawei yiru kaeyau ma Yesus, "Ampu, awat ngammi aku ranu yiru hampan aku puang sagar haus kamulek nelang hampan aku pada puang usah hawi lagi ma yina lepuh nimma ranu." \v 16 Yesus kaeyau ma hanye, "Hulu hanyu tulak, herau darangannu udi hie mulek lagi ma yati."

04/17.txt

@@ -0,0 +1 @@
+\v 17 Wawei yiru kaeyau, "Aku mahi darangan." Eyau Yesus ma hanye, "Tu'u inun sa na eyaunu 'Aku mahi darangan.' \v 18 Kude hanyu haut suah baisi dime kaulun darangan, nelang upu sa baya hanyu taati yiru puang darangannu. Hang wuang hal yena sa na waranu yiru tu'u."

04/19.txt

@@ -0,0 +1 @@
+\v 19 Eyau wawei yiru ma Hanye, "Ampu, taati aku karasa amun Hanyu na erang kaulun Nabi. \v 20 Datu nini kami suruk sammah ma gunung yena, kude bangsaNu kaeyau amun tumpuk Yerusalem yirulah unengan ulun saharusni suruk sammah."

04/21.txt

@@ -0,0 +1 @@
+\v 21 Yesus kaeyau ma hanye, "Parisaya ma Aku, u hanyu wawei! Sagar hampe katika ni puang hang gunung yena atawa hang tumpuk Yerusalem ulun suruk sammah nadap Alatalla Ammah. \v 22 Hanyu suruk sammah ma sa puang na pantarunu, kude kami suruk sammah ma sa na pantaru kami daya salamat yeru hawi teka bangsa Yahudi.

04/23.txt

@@ -0,0 +1 @@
+\v 23 Kude, sagar hampe katika ni, hanye yiru taati, kawan ulun sa suruk sammah sagar suruk sammah ma hadapan Alatalla Ammah hang wuang ruh anri kapinu'u; daya Alatalla Ammah ngampiharus kalayiru ne'u suruk sammah hadapanNi. \v 24 Alatalla Ammah hanye yiru Ruh anri here sa suruk sammah ma Hanye harus suruk sammah hang wuang Ruh anri kapinu'u."

04/25.txt

@@ -0,0 +1 @@
+\v 25 Wawei yiru kaeyau ma Hanye, "Aku karasa amun Mesias sagar hawi (Hanye sa na antuh Kristus). Hantek Hanye hawi, Hanye sagar iwara ne'u katuluhni ma kami." \v 26 Eyau Yesus ma hanye, "Aku, sa bapaner anri hanyu yirulah Hanye."

04/27.txt

@@ -0,0 +1 @@
+\v 27 Hantek yiru, hawi kawan muridNi nelang ngawauh daya here nantau Yesus rahat bapaner anri erang kaulun wawei. Kude, mahi erang kaulunpun sa nunti ma Hanye, "Inun sa na antaraNu?" atawa "Daya inun Hanyu bapaner anri hanye?"

04/28.txt

@@ -0,0 +1 @@
+\v 28 Udi hie, wawei yiru nanan balanai ranuni balalu tulak ma tumpuk nelang kaeyau ma kawan ulun hang yaru, \v 29 "Hayu, tantau naan Erang Kaulun sa iwara ma aku ne'u katuluh hal sa haut na karajaku salawah yena. Inun kakira Hanye yiru Mesias?" \v 30 Here balalu tulak ma luar tumpuk palus manalu Yesus.

04/31.txt

@@ -0,0 +1 @@
+\v 31 Hantek yiru, kawan muridNi mandasak Yesus nelang kaeyau, "Guru, ware Hanyu kuman." \v 32 Kude, Yesus kaeyau ma here, "Aku baisi makuta sa puang naun kataru." \v 33 Balalu, kawan muridNi ipanunti, "Mahi sah ulun ngennei makuta ma Hanye pakai nakutaNi?"

04/34.txt

@@ -0,0 +1 @@
+\v 34 Yesus kaeyau, "MakutaKu hanye yiru ngaraja inun sa na aheng daya Hanye sa nunyu Aku palus nyanyari pigawianNi. \v 35 Ang neh hanyu kaeyau, 'Epat wulan lagi sagar masi?' Dinung, Aku kaeyau ma hanyu, uka matenu anri tantau kawan umme sa pareini haut mihak anri siap na masi. \v 36 Taati pada, hanye sa haut masi haut narime uppani anri nimpun wua ne'u welum sa palus ma kalalawahni hampan kawan pamasi baya tukang amule kaiyuh sameh-sameh miarai mihewu.

04/37.txt

@@ -0,0 +1 @@
+\v 37 Hang wuang hal yena tu'u inun sa haut na wara, 'Erang kaulun ngamule kalahie pada sa lain masi.' \v 38 Aku nunyu hanyu lepuh masi sa puang na amulenu; ulun lain sa ngarajani anri hanyu haut masuk ma wuang pigawian here,"

04/39.txt

@@ -0,0 +1 @@
+\v 39 Wahai ulun Samaria teka tumpuk yiru parisaya ma Yesus daya piwaraan wawei yiru, "Hanye iwara ne'u hal sa haut na karajaku salawah yena." \v 40 Hantek kawan ulun tumpuk Samaria yiru hampe hadapan Yesus, here ilaku ma Hanye hampan muneng baya here balalu Yesus muneng hang yiru salawah rueh anrau.

04/41.txt

@@ -0,0 +1 @@
+\v 41 Magin wahai ulun sa parisaya ne'u piwaraan Yesus raerai. \v 42 Here kaeyau ma wawei yiru, "Puang lagi daya piwaraannu kami parisaya, kude daya kami haut nyanrengei raerai, nelang kami karasa amun Hanye yiru tu'u-tu'u Juru Salamat dunia."

04/43.txt

@@ -0,0 +1,2 @@
+Iya Pagawai Istana Nasamare
+\v 43 Rueh anrau udi hie, Yesus tulak teka yiru nuju ma tumpuk Galilea \v 44 (Kapihuanni, Yesus raerai haut iwara amun erang kaulun nabi puang sagar na hurumat hang tumpukni raerai.) \v 45 Hantek Yesus hampe hang tumpuk Galilea, kawan ulun Galilea nyamut Hanye daya here haut kadinung katuluh hal sa haut na karaja daya Yesus hantek perayaan Paskah hang tumpuk Yerusalem, here pada naan hang perayaan yiru.

04/46.txt

@@ -0,0 +1 @@
+\v 46 Daya yiru, Yesus hawi kamulek ma tumpuk Kana, hang tumpuk Galilea, unengNi suah ngulah ranu jari anggur. Hang tumpuk Kapernaum naan erang kaulun pagawai istana sa iya upu ni rahat mekum. \v 47 Hantek pagawai istana yiru nyanrengei amun Yesus haut hawi teka tumpuk Yudea ma tumpuk Galilea, hanye tulak lepuh nunung palus laku karawah hampan Yesus hawi ma unengni anri nyamare iya upuni daya iya yiru haut kai matei.

04/48.txt

@@ -0,0 +1 @@
+\v 48 Udi hie, Yesus kaeyau ma hanye, "Amun hanyu puang nantau kawan siri anri kawan hal sa ajaib, hanyu puang harap." \v 49 Pagawai istana yiru kaeyau, "Ampu, awat hawi ma unengan kami sahuan iya upuku matei." \v 50 Yesus kaeyau ma hanye, "Hulu hanyu mudi, iya upunu welum!" Ulun yiru harap tu'u anri inun sa na wara daya Yesus ma hanye balalu hanye tulak mudi.

04/51.txt

@@ -0,0 +1 @@
+\v 51 Hantek pagawai istana yiru masih hang lalan, kawan walahni panalu anri hanye pada iwara amun iya upuni welum. \v 52 Pagawai istana yiru nunti ma here jam pire' iya upuni mulai maeh. Here kaeyau, "Hingkariwe, kakira jam ka pitu, laing tengani wawai."

04/53.txt

@@ -0,0 +1 @@
+\v 53 Ammah iya upu yiru karasa, hantek yirulah Yesus kaeyau ma hanye, "Iya upunu welum." Jari, pagawai istana yiru baya katuluh kulawargani balalu harap anri Yesus. \v 54 Irulah siri ajaib karueh sa na karaja daya Yesus udi Hanye mudi teka tumpuk Yudea ma tumpuk Galilea.

04/title.txt

@@ -0,0 +1 @@
+Pasal Epat

05/01.txt

@@ -0,0 +1,2 @@
+Erang Kaulun Upu' Nasamare Hang Kolam Betesda
+\v 1 Udi katuluh hal yiru, naan parayaan anrau hante ulun Yahudi balalu Yesus mamai ma tumpuk Yerusalem. \v 2 Hang tumpuk Yerusalem, hang riet Pintu Gerbang Domba naan erang kawua kolam sa hang wuang bahasa Ibrani ngaranni Betesda, sa baisi 5 lalaya. \v 3 Hang kawan lalaya yiru, wahai kawan ulun sa mekum mangkading : ulun pehe, ulun kepa, anri ulun sa puang tau takia (here nganrei ranu kolam yiru bagalummang. \v 4 Daya, hang hantek tertentu, malaikat Tuhan hawi palus minau ma kolam anri ngulah ranu hang kolam yiru bagalummang. Ulun sa pamulaanni masuk ma kolam hantek ranuni bagalummang, sagar ware teka mekum sa na ingkamni).

05/05.txt

@@ -0,0 +1 @@
+\v 5 Hang yiru, naan erang kaulun sa haut mekum salawah 38 taun. \v 6 Hantek Yesus nantau hanye mangkading hang yiru anri karasa amun hanye haut lawah tu'u kahanangen daya mekumni, Yesus nunti ma hanye, "Hamen sah hanyu na samare?"

05/07.txt

@@ -0,0 +1 @@
+\v 7 Ulun mekum yiru kaeyau, "Ampu, mahi ulun sa ngampinau aku ma wuang kolam hantek ranuni bagalummang, hantek aku bausaha tau minau ulun lain haut mitun badahulu teka aku." \v 8 Yesus kaeyau ma hanye, "Mindri! Enat tilamnu balalu takialeh."

05/09.txt

@@ -0,0 +1 @@
+\v 9 Hantek yiru jua, ulun yiru nasamare, hanye ngenat tilamni, balalu takia. Kude, anrau yiru anrau Sabat.

05/10.txt

@@ -0,0 +1 @@
+\v 10 Daya yiru, kawan ulun Yahudi kaeyau ma ulun sa nasamare yiru, "Anrau ina anrau Sabat, hanyu puang iyuh ngenat tilamnu." \v 11 Kude, hanye kaeyau, "Ulun sa nyamare aku, Hanye kaeyau ma aku, 'Enat tilamnu balalu takialeh."'

05/12.txt

@@ -0,0 +1 @@
+\v 12 Here nunti ma hanye, "Hie Ulun sa haut kaeyau ma hanyu, 'Enat tilamnu balalu takialeh?"' \v 13 Kude, ulun sa haut nasamare yiru puang karasa hie Hanye daya Yesus haut suni-suni tulak teka penah ulun rama hang yiru.

05/14.txt

@@ -0,0 +1 @@
+\v 14 Udi hie, Yesus panalu lagi anri ulun yiru hang Lewu Alatalla anri kaeyau ma hanye, "Rengeinu, hanyu haut ware. Ada lagi ngulah dusa hampan puang jari hal sa labis murun lagi ma hanyu!"' \v 15 Balalu ulun yiru tulak nelang iwara ma kawan ulun Yahudi amun Yesus lah sa haut nyamare hanye.

05/16.txt

@@ -0,0 +1 @@
+\v 16 Daya yiru, kawan ulun Yahudi balalu ngahanangen Yesus daya Hanye ngaraja katuluh yiru hang anrau Sabat. \v 17 Kude, Yesus kaeyau ma here, "Alatalla AmmahKu masih bagawi hampe taati, jari Aku pada harus bagawi." \v 18 Jawaban yiru ngulah kawan ulun Yahudi magin tamam bausaha munnu Yesus, puang ekat daya Yesus puang nuu ngalut anrau Sabat kude pada daya Hanye iwara amun Alatalla yiru AmmahNi raerai, sa aratini ngampisameh diriNi anri Alatalla.

05/19.txt

@@ -0,0 +1,2 @@
+Kuasa Alatalla Naan Hang Wuang Yesus.
+\v 19 Udi hie, Yesus kaeyau ma here, eyauNi, "Kapinu'uni, kapinu'uni, aku kaeyau ma hanyu, Iya puang sagar tau ngaraja hal sa teka Hanye raerai, amun Hanye puang nantau Ammah ngarajani; daya inun sa na karaja daya Ammah, iru pada sa na karaja daya Iya. \v 20 Daya, Ammah sinta anri IyaNi balalu nantarang ma IyaNi katuluh hal sa haut na karajaNi raerai, anri Ammah pada nantarang ma Hanye kawan gawian sa labis hante lagi hampan hanyu lalanga daya ngawauhen.

05/21.txt

@@ -0,0 +1 @@
+\v 21 Daya yiru, sameh iyalah Alatalla Ammah ngamuan ulun matei balalu ngami here pamelum, kalayiru pada Iya ngami pamelum ma hie sa na ahengNi. \v 22 Alatalla Ammah puang mahikimi hiepun, kude haut ngami katuluh kawasa panghakiman yiru ma Iya, \v 23 hampan katuluh ulun sagar hurumat ma Iya sameh iyalah here hurumat ma Alatalla Ammah. Ulun sa puang hurumat ma Iya, pada puang hurumat ma Alatalla Ammah sa nunyu Hanye.

05/24.txt

@@ -0,0 +1 @@
+\v 24 Sa kapinu'uni Aku iwara ma hanyu, ulun sa nyarengei piwaraanKu balalu parisaya ma Hanye sa ngutus Aku sagar welum palus ma kalalawah, pada puang sagar masuk ma wuang panghakiman daya hanye haut mihadit teka pampatei ma pamelum.

05/25.txt

@@ -0,0 +1 @@
+\v 25 Sa kapinu'uni Aku iwara ma hanyu, katikani sagar hampe anri taati haut hampe, hantek kawan ulun matei nyanrengei lengan Iya Alatalla balalu here sa nyanrengi yiru sagar welum.

05/26.txt

@@ -0,0 +1 @@
+\v 26 Daya iyalah Alatalla Ammah welum hang wuang diriNi raerai, kalahie pada Hanye ngami ma Iya welum hang wuang diriNi raerai, \v 27 balalu Alatalla Ammah ngami kawasa ma Iya ne'u ngaraja panghakiman daya Hanye yiru Iya Murunsia.

05/28.txt

@@ -0,0 +1 @@
+\v 28 Ada naun ngawauh hal yina daya katikani sagar hampe hantek katuluh ulun sa naan hang wuang si'at sagar nyanrengei lenganNi \v 29 balalu here kaluar, hanye yiru here sa haut ngaraja hal maeh sagar nuju kaelanen welum. Pada here sa ngaraja hal puang maeh, sagar nuju kaelanen panghakiman.

05/30.txt

@@ -0,0 +1,4 @@
+\v 30 Aku puang tau ngaraja kawan inunpun teka diriKu raerai. Aku mahakimi iyalah inun sa na rengeiKu anri panghakimanKu adil daya Aku puang ngantara ahengKu raerai, kude aheng Hanye sa ngutus Aku."
+
+Piwaraan Ne'u Yesus Yiru Asalni Teka Alatalla Ammah
+\v 31 "Amun Aku iwara ne'u diriKu raerai, piwaraanKu yina puang tu'u. \v 32 Kude, naan here sa lain sa iwara ne'u Aku, anri Aku karasa amun piwaraan yiru tu'u ne'u Aku.

05/33.txt

@@ -0,0 +1 @@
+\v 33 Hanyu haut ngutus ma hi Yohanes anri hanye pada haut iwara ne'u habar sa tu'u. \v 34 Kude, piwaraan sa na tarimeKu puang teka murunsia. Aku iwara hal yina hampan hanyu na salamat. \v 35 Hi Yohanes yiru summu sa mara'ai anri matalak, hanyu pada hamen miarai erang pitus hang wuang ra'aini.

05/36.txt

@@ -0,0 +1 @@
+\v 36 Kude, piwaraan sa naan baya Aku labis hante teka piwaraan hi Yohanes. Daya, kawan pigawian sa na sarah daya Alatalla Ammah ma Aku ne'u na karajaKu, hanye yiru kawan pigawian sa rahat na gawi dayaKu taati, iwara ne'u Aku hanye yiru Alatalla Ammah sa ngutus Aku. \v 37 Pada, Alatalla Ammah sa ngutus Aku yiru sa haut ngami piwaraan ne'u Aku. Kude, hanyu puang suwah nyanrengei lenganNi atawa nantau uruwawaNi. \v 38 LenganNi puang muneng hang wuang ateinu daya hanyu puang parisaya ma Hanye sa na utusNi.

05/39.txt

@@ -0,0 +1 @@
+\v 39 Hanyu piajar Buku Barasis daya hanyu minna amun hang wuang Buku Barasis yiru hanyu sagar kaiyuh welum sa palus ma kalalawah; anri Buku Barasis yiru pada ngami piwaraan ne'u Aku, \v 40 kude hanyu puang hawi nunung Aku hampan hanyu welum.

05/41.txt

@@ -0,0 +1 @@
+\v 41 Aku puang narime pikaeh teka murunsia. \v 42 Kude, Aku kataru anri hanyu, amun hanyu puang baisi lelu sinta Alatalla hang wuang dirinu.

05/43.txt

@@ -0,0 +1 @@
+\v 43 Aku hawi ngennei ngaran AmmahKu, kude hanyu puang narime Aku. Amun ulun lain hawi ngennei ngaranni raerai, hanyu tau narimeni. \v 44 Kalaawe sah hanyu tau parisaya, amun hanyu narime tawat teka erang kaulun ma ulun lain anri puang ngantara tawat sa hawi teka Alatalla sa Tungkan?

05/45.txt

@@ -0,0 +1 @@
+\v 45 Ada minna amun aku sagar nuduh hanyu hadapan Alatalla Ammah; sa sagar nuduh hanyu hanye yiru hi Moses, ulun sa ma hanye hanyu baharap. \v 46 Daya, amun hanyu parisaya ma hi Moses, saharusni hanyu pada parisaya ma Aku daya hi Moses haut manulis ne'u Aku. \v 47 Kude, amun hanyu puang parisaya ma inun sa haut na tulis daya hi Moses, kalaawe tau hanyu parisaya ma inun sa na waraKu?"

05/title.txt

@@ -0,0 +1 @@
+Pasal Dime

06/01.txt

@@ -0,0 +1,2 @@
+Makuta Ma Labih Teka Dime Ribu Kaulun
+\v 1 Udi hie, Yesus nyubarang teka Danau Galilea, hanye yiru Danau Tiberias. \v 2 Ulun rama ngarairing Hanye daya here nantau siri-siri ajaib sa na ulah dayaNi nadap kawan ulun mekum. \v 3 Balalu Yesus mamai ma ammau bukit palus maharung hang yaru baya kawan muridNi.

06/04.txt

@@ -0,0 +1 @@
+\v 4 Hantek yiru, haut riet parayaan Paskah ulun Yahudi. \v 5 Nelang nantau hang kalilingNi anri nantau kawan ulun rama hawi nunung Hanye, Yesus kaeyau ma hi Filipus, "Hang awe takam tau midi rote hampan kawan ulun rama yiru tau kuman?" \v 6 Yesus kaeyau kalayiru ne'u mansuba hi Filipus daya sa kapinu'unni Hanye haut karasa inun sa sagar na karajaNi.

06/07.txt

@@ -0,0 +1 @@
+\v 7 Filipus kaeyau, "Rote haraga rueh jatuh dinar puang sagar sukup ma here, biar asing-asing here ekat kaiyuh erang katetek rumis." \v 8 Erang kaulun muridNi, hanye yiru hi Andreas, pulaksanai hi Simon Petrus, kaeyau ma Yesus, \v 9 Hang yina naan erang kaulun iya rumis sa baisi dime rote jelai baya rueh kaukui kenah, kude inun la aratini yiru ma kawan ulun rama yina?"

06/10.txt

@@ -0,0 +1 @@
+\v 10 Yesus kaeyau, "Suba huyu katuluh ulun rama yiru hampan maharung." Hang yiru wahai rikut, jari kawan ulun yiru maharung kakira dime ribu kaulun upu jumalahni. \v 11 Udi hie Yesus ngalap kawan rote yiru balalu ngantuh syukur, Hanye mambagi kawan rote yiru ma here sa maharung; kalahie pada na gawini nadap kawan kenah yiru sa pire rama here ngaheng. \v 12 Hantek katuluh ulun rama haut wising, Yesus kaeyau ma kawan muridNi, "Himpun kawan tetek makuta sa masih naan hampan puang manyahanyang."