skg-x-vezo_gen_text_udb/14/21.txt

\v 21 Hozao tiasa ty mpanjaka i Sodoma tamy Abrama: "Ameo ahy ty olo, sady andeso ho ahinao ty hanagna rey." \v 22 Hozao tiasa i Abrama tamy mpanjaka i Sodoma: " Zaho fa nampitsanga ty tananko tamy Yaveh, Azy Njanahary Anabo Biby, Ze nanamboatsy ty lanitsy noho ty tany, \v 23 fe tsy handramby ilany ty laloasy, fehin-kapa raiky, ndra raha hafa ze tiahinao zaho, mba tsy ahaizanao mivola hozao: 'Zaho ro nampagnarivo an'i Abrama.' \v 24 Tsy hangalaky ndra ino ino hafa tsy ze  nihany ty mpamaraky  rey noho ty anjara ty lahilahy ze niaraky tamiko zaho. Engaho ho ramesy Anera noho Eskola noho Mamre ty anjaran-drozy."