See in Reader
1 line
3.0 KiB
Plaintext
1 line
3.0 KiB
Plaintext
|
37.Awoo olwaikire okulunaku olwakabiiri nibazwiire okulusozi, ekyiibiina kyikoto nekyimwaja. 38. era ,bonna, omuntu wamukyibiina nabazira aiguru nga akobanti omwegesya, okwegayirire okubona okumwaana waange kubba namubyaire omwei; 39. era, bonna, odayimooni amukwatta nakunga amangu agoo namutagula nokubiimba biimba eifuro, era amuzwaku lwampaka nga amumenyeremenyere muuno. 40.nagye negairire abegesebwa baamu okumupekaku; nebatainza. 41. Oyesu nairamu nabakoba ntii nnywe abamirembe, egyitaikiriza era egyakyamiire, ndiikyai okuba nannywe nokubagumikiriza? leeta anii omwaana oyoo. 42 awoo yaali nga akyaiza, odayimooni namunaga namutagula muuno.naye, oYesu naboigora odayimooni;nawoonnya omwoojo namwiirya eddi oitewamwei 43 boona nebawuikanna olwabukulu bwannyamwanga, naye boona nebalinga bakwewunnya byona byavkore, nakoba abegesya bamwei ntii, 44. ebigambo eyoo mubitteke omwattwi gannywe; kubba omwaana wamuntu akwaba okuwebwayo omumikono gyamuntu. 45. Naye boo nmebatategera kyigambo ekyoo, erakyalikyibakwekeibwe baleme okutegera; nebattina okumubulya ekyigambo ekyoo bwekyiiri 46 Awoo niwabawoo okwawukana omubo oliba omukulu omuboo bwali. 47. Naye oYesu niyabweine okuwakana omumitima jabwe, natwala omwaana omutto, namutteka okulusegere lwamwei. 48. nabakobanti eyasemberya nga omwaana omuuto omwiibara lyange, yabba asembeirye niingye,nabuli eyasemberyanga ngye, ngaasembeirye eyantumire; kubba asiinga obuuto omunnywe nnywena oyoo niye mukulu. 49 Oyokaana nairamu namukoba ntii, twaboine omuntu nga agoba edayimooni omwiibaralyamu; netumugana, kubanga tayakala naiswe. 50. naye Oyesu nabakoba ntii temumugana; kubba ataali mulabbe wannywe, alii kulwannywe. Awoo olwaikire enaaku zaamwei zakutwalibwa omwiiguuru nezaalizirampii okwiika, nasiimbira kyimwei amaiso gamwei okwaba eYerusaalemi, 52.Natuma ababaka omumaiso gamwei; nibaaba niibaingira omubuga yaBasaamaliiya, okumutegekera. 53. nebatamusemberya kubba amaiso gamwei gaali galangire okwaba Eyerusaalemi. 54. Abegesebwa bamwei Oyakoobo no Yokaana nibabweine niibakoba ntii mukama waiswe okwendya ndagiire omuuro guzwe omwiiguuru gubaziikirize, nkaEriya niiyakore. 55. Naye naccuka nabanennya na bakoba ntii temumaite omwooyo bweguuli gwemulina. kubba omwaana wamuuntu ti yaizire kuziikiriza bulamu bwabaantu, waabula okubulokola. 56 Awoo niibaaba omumbmuga egyindi. 57 Awoo niibalinga bakwaba omunziira, omuuntu namukoba ntii nalikusengeryanga gyewayabanga woona. 58. Oyesu nairamu namukoba ntii ebiibe birina obwiina, nennyonnyi ezamwiibanga ziirina ebisuu, naye omwaana wamuuntu talina wasa mutwee gwamwei. 59. Nakoba owoondi ntii nseengerya.naye namukoba ntii mukama wange ,ndeeka maale okwaba nziike oitewange 60 Naye namukoba ntii leeka abaafu bazike abaafu bairababwe, nayewe yaba obuliire obwakabaka bwa Nnyamwanga. 61. Nowoondii namukoba ntii nakusengeryanga, mukamawa nge; naye sooka ondeke maale okusiibula abamumyuba yaange. 62 Naye Oyesu namukoba ntii ndoowo muntu akwaata kyoma ekyiriima nalorera emabega asaniire obwakabaka bwa nNyamwanga.
|