pga_2ki_text_reg/07/12.txt

\v 12 Biga al melik gum bilele wa kelim le kadamin tao, ''Ana bi wori le ita hasa sunu al Aramein kalas amulu le nina. Umon aruf gali nina jiyanin, kida umon kalas rua bara min al kema le dusu nufustomon fi al gabat. Umon bi kelim, 'Zaman umon ja bara min al medina, nina bi silu umon hai, wa rua fijua al medina.''' \v 13 Wahid ta al kadamin ta melik juabu wa kelim, ''Ana bi asalu ita, kede juzu rijal silu kamsa min al hasasin al fadulu, al kan sibu fi al medina. Umon biga ze kulu al sukan ta Israil al tanin al yau fadulu_mazam kalas hasa matu; kede nina rasulu umon wa ayinu.''