skr_2co_text_reg/09/12.txt

\v 12 ۱۲۔ کیونکہ ایں خدمت کرن دے نال ناں صرف ایمانداراں دیاں ضرورتاں پوریاں تھیندن بلکہ بہوں بندیاں دی طرفوں خدا دی بڑی شکرگزاری تھیندی ہِے۔ \v 13 ۱۳۔ ایں کیتے کہ جیہڑی نیت ایں خدمت تھوں ثابت تھئی ہِے اوُں دے پاروُں اوہ خدا دی تمجید کریندے ہِن کہ تساں مسیح دی خوشخبری دا اقرار کر کے اوُں دے تے تابعداری نال عمل کریندے او تے اونہاں دی تے سارے بندیاں دی مدد کرن اِچ خیرات کریندے ہو۔ \v 14 ۱۴۔اَتے اوہ تہاڈے کیتے دعا کریندے ہن اَتے تہاکوُ ملن دا شوق رکھیندے ہن ایں کیتے کہ تہاڈے تے خدا دا وڈا فضل ہِے۔ \v 15 ۱۵۔شکر خدا دا اوُں دی اوُں مہربانی تے جیہڑی بیان کرن تھوں باہر ہِے۔