skr_2co_text_reg/01/12.txt

\v 12 ۱۲۔ ساکوں اپنے دِل دی ایں گواہی تے فخر ہِے کہ ساڈا چال چلن دُنیا اِچ اَتے خاص طور تے تُہاڈے وچ جسمانی حکمت دے نال نئیں بلکہ خدا دے فضل نال یعنی ایہو جہئ پاکیزگی تے صفائی دے نال رہیا جیہڑا خدا دے لائق ہِے۔ \v 13 ۱۳۔ اساں ڈوجہیاں گالہیں تہاکوُ نئیں پئے لکھدے سوا اُنہاں دے جنہاں کوُں تُساں پڑھدے تے منیندے وی ہیوے اَتے میکوں اُمید ہِے کہ اَخیر تائیں منیندے راہسو۔ \v 14 ۱۴۔ چنانچہ تُہاڈے وچوں بہوں ساریاں نے من وی گِدے کہ اساں تہاڈا فخر ہئیں جیویں ساڈے خداوند یسوع مسیح دے ڈیں تُساں وی ساڈا فخر ہوسو۔