pnb_exo_text_reg/28/01.txt

\c 28 \v 1 .اَتے تُوں بنی اِسرائیلؔ وِچوں ہارُونؔ نُوں جیہڑا تیرا بھَرا اے اَتے اوہدے نال اوہدے پُتراں نُوں اپنے نیڑے کر لَویِں تاں جو ہارُونؔ اَتے اوہدے پُتر، ندبؔ، اَبیہوؔ، الیعزرؔ اَتے اِتمرؔ کہانت دے عہدے تے ہو کے میری سیوا کرن۔ \v 2 . اَتے تُوں اپنے بھَرا ہارُونؔ لئی عِزت اَتے زِینت لئی پاک لِباس بنا دیویِں۔ \v 3 .اَتے تُوں اوہناں ساریاں روشن ضمیراں نُوں جنِہاں نُوں مَیں حِکمت دی رُوح نال بھریا اے آکھ پئی اوہ ہارُونؔ لئی لِباس بنان تاں جو اوہ پاک ہو کے میرے لئی کہانت دا کَم کرے۔