pnb_exo_text_reg/12/37.txt

\v 37 . اَتے بنی اِسرائیِلؔ نے رعمسیسؔ توں سکَاتؔ تیِک ٹُردیاں پَند کیِتا اَتے بال بچہ کڈھ کے اوہ کوئی چھے لکھ بندہ سی۔ \v 38 . اَتے اوہناں نال اِک رَلیا مَلیا ٹولا وی گیااَتے بھیڈاں بکریاں اَتے گاواں ڈھگےاَتے چوکھے ڈنگر اوہناں دے نال سَن۔ \v 39 . اَتے اوہناں نیں اوس گُجھے ہوئے آٹے دیِیاں جیہڑا مِصروںؔ لَیائے سَن بے خمیریاں روٹیاں پکائیاں کیوں جو اوہ اوہنوں خمیرا کر نہ سکے ایس لئی پئی اوہناں نُوں مِصروںؔ دھکے نال اینج کڈھ دِتا گیا پئی اوہ اوتھےگھلو نہ سکے تے نہ کُجھ کھا پکا سکے۔ \v 40 . تے بنی اِسرائیلؔ مِصرؔ دے دیس وِچ چار سو تریِہ ورھے رہے۔