# Dagiti naidadanes ket mangan ken mapnekto

Dakdakamaten daytoy ti panagkakadua a pannangan kalpasan a maidaton ti mannurat dagiti inkarina nga idatonna iti Dios. Awisennato dagiti agsagsagaba a mangan iti paset ti ayup nga indatonna. (Kitaen: Assumed Knowledge ken Implicit Information)

# dagiti mangsapul kenni Yahweh

Dagiti mayat a mangammo kenni Yahweh ken mangay-ayo kenkuana ket naisao a kasla isuda ket agsapsapul kenni Yahweh. (Kitaen: Metaphor)

# Agbiag koma dagiti pusoyo iti agnanayon

Ditoy, ibagbagi ti “puso” ti sibubukel a tao. Mabalin nga ipatarus daytoy a kas: “Agbiagka koma iti agnanayon” (Kitaen: Synecdoche)

# koma dagiti pusoyo

Ditoy, ti “..yo” ket dakdakamatenna dagiti tattao a naidadanes. (Kitaen: Forms of You)

# Malagipto ... agsublidanto kenni Yahweh

Ti panangrugi nga agtulnog kenni Yahweh ket naisao a kasla napisikalan nga agsubli dagiti tattao kenni Yahweh. Mabalin nga ipatarus daytoy a kas: laglagipenda ni Yahweh ken agtulnogda kenkuana” (Kitaen: Metaphor).

# agruknoyto iti sangoanam dagiti amin a  a pamilia dagiti nasion

Isu met laeng ti kayatna a sawen daytoy kas iti umuna a paset iti sarita. Ipaunay-unay ti nagsurat a tunggal maysa manipud iti amin a lugar ket agdaydayaw ken agtulnogda kenni Yahweh. (Kitaen: Parallelism)

# agruknoyto iti sangoanam

Pagilasinan daytoy iti panangited iti panagdayaw ken panagraem iti maysa a tao. (Kitaen: Symbolic Action)

# iti sangoanam

Ditoy, ti “…nam” (sangoanam) ket dakamatenna ni Yahweh. Mabalin nga ipatarus iti maikatlo a persona tapno maitutop iti umuna a paset iti sarita. Mabalin nga ipatarus daytoy a kas: iti sangoananna” (Kitaen: Forms of You ken First, Second or Third Person)