# Kastoy ti kuna ni Yahweh a Mannakabalin-amin

Masansan nga usaren ni Jeremias dagitoy a sasao tapno iyam-ammona ti napateg a mensahe manipud kenni Yahweh. Kitaen no kasanoyo nga impatarus daytoy idiay Jeremias 6:6.

# Kitaenyo

"Kitaen” wenno “denggen” Daytoy a sao ket mangnayon iti panangiyunay-unay ti sumaruno a  maibaga. Mabalin a maipatarus daytoy a kas iti: “Ipangagmo ti ibagbagak kenka”

# sumangbayto ti didigra kadagiti nasion

Sarsaritaen ni Yahweh dagiti nakaro a didigra a mapaspasamak iti tunggal nasion a kasla ti didigra ket maysa a tao a mapan iti maysa a nasion ket umallatiw iti masya a nasion. Mabalin a maipatarus daytoy a kas iti: “dagiti nakaru a didigra ket mapasamak iti maysa a nasion kalpasan kadagiti dadduma” (Kitaen: Personification)

# mangrugi ti napigsa a bagio manipud iti adayu a paset ti daga

Dagiti mabalin a kaipapanan daytoy a “metaphor” ket 1) Sarsaritaen ni Yahweh ti Armada ti Babilonia ken ti pannakadadael a mapasamak a kasla daytoy ket maysa a napigsa a bagio wenno 2) Sarsaritaen ni Yahweh ti nakaru nga ungetna a kasla daytoy ket maysa a napigsa a bagio a mangdadael iti nakaro.  (Kitaen: Metaphor)

# iti dayta nga aldaw ket mangrugi iti pungto ti daga agingga iti sabali a pungto ti daga

Mabalin a maipatarus daytoy a kas iti: "iti daytanto nga aldaw, maabbongan ti entero a daga" (Kitaen: Merism)

# saandanto a madung-awan, maurnong, wenno maipunpon

Mabalin a maipatarus daytoy a kas iti: "awan ti uray maysa nga agladingit para kadakuada, awan mangurnong kadkauada, wenno awan mangitabon kadakuada" (Kitaen:
Active or Passive)

# Kasladanto takki ti ayup iti daga.

Naiyasping dagiti bangkay iti takki ti ayup iti daga a mangiyunay-unay nga agbalindanto a nakaar-aryek ket awanto uray maysa a mangitabon kadakuada. Kitaen no kasanoyo nga impatarus ti agpapada a ragup ti sasao idiay Jeremias 16:4. (Kitaen: Simile)