# Nangibaon ti ari iti tao manipud iti sangoananna

Ti kayat a sawen ti "Ti kaadda iti denna iti ari" ket  ti panagbalin a maysa kadagiti adipen ti ari. Mabalin nga ipatarus daytoy a kas: "nangibaon ti ari ti Israel iti maysa kadagiti adipenna a kas mensahero" (Kitaen: Idiom)

# idi napan ti mensahero kenni Eliseo, kinunana kadagiti panglakayen

Ditoy, makisarsarita ni Eliseo kadagiti panglakayen sakbay a simmangpet ti mensahero iti ari. Mabalin nga ipatarus daytoy a kas: "idi dandanin sumangpet ti mensahero, kinuna ni Eliseo kadagiti panglakayen" (Kitaen: Assumed Knowledge ken Implicit Information)

# Kitaenyo no kasano a nangibaon dayta nga anak ti mammapatay iti umay mangputed iti ulok?

Us-usaren ni Eliseo daytoy a "rhetorical question" a mangiturong iti imatang ti mensahero iti ari ken tapno pabainan ti ari. Mabalin nga isurat daytoy a kas maysa a salaysay. Mabalin nga ipatarus daytoy a kas: "Kitaenyo, daytoy nga anak ti mammapatay ket nangibaon ti maysa a tao a mangikkat iti ulok!" (Kitaen: Rhetorical Question)

# anak ti mammapatay

Kayat a sawen daytoy nga addaan ti ari iti kababalin a mammapatay.Mabalin nga ipatarus daytoy a kas: "daytoy a tao a kasla maysa a mammapatay" wenno "dayta a mammapatay iti tao"  (Kitaen: Idiom)

# iti mangputed iti ulok

Kayat a sawen daytoy a pugotanda isuna. Mabalin nga ipatarus daytoy a kas: "a mangputed iti ulok" wenno "a mangpugot kaniak"  (Euphemism)

# Kitaenyo

Us-usaren ni Eliseo daytoy a sao ditoy a mangiturong iti imatang dagiti panglakayen iti sumaruno a maibaga. Mabalin nga ipatarus daytoy a kas: "Denggenyo" (Kitaen: Idiom)

# ket saanyo nga ilukatan isuna

No irekpan iti ridaw ti maysa a tao, kayatna a sawen a nakarikep daytoy ket saanda a mabalin ti sumrek iti daytoy. Mabalin nga ipatarus daytoy a kas: "pagtalinaedenyo a nakarikep ti ridaw tapno saan isuna a makauneg"  (Kitaen: Idiom)

# adtoy, ti mensahero

Ti sao nga "adtoy" ket pagalibtakennatayo iti isasangpet ti mensahero.

# ti mensahero ket napan kenkuana

Simmangpet ti mensahero, ken kasta met ti ti ari, kas imbaga ni Eliseo nga aramidenna. Ti kayat a sawen ti ragup ti sasao a "napan kenkuana" ket simmangpetda iti lugar nga ayan ni Eliseo. Mabalin nga ipatarus daytoy a kas: "simmangpet ti mensahero ken ti ari" (Kitaen: Assumed Knowledge ken Implicit Information and Idiom)

# Adtoy, daytoy a rigat

"Pudno, daytoy a rigat." Ti sao nga "adtoy" ditoy ket mangnayon iti panangiyunay-unay no ania ti sumarsaruno. Dakdakamaten ti ragup ti sasao a "daytoy a rigat" ti bisin idiay Samaria ken iti panagsagaba nga impaayna.

# Apay koma nga agurayak pay laeng kenni Yahweh?

Daytoy nga ari ket usarenna daytoy a "rhetorical question" a mangiyunay-unay a saan isuna a mamati a tulungan ida ni Yahweh. Mabalin nga ipatarus daytoy a kas: "Apay nga ituloyko pay laeng nga urayen ni Yahweh a tumulong kadatayo? wenno "Saanakon nga aguray pay ti tulong manipud kenni Yahweh!" (Kitaen: Assumed Knowledge kenImplicit Information and Rhetorical Question)