sbk_reg/50-EPH.usfm

\id EPH
\ide UTF-8
\h Abhaefeso
\toc1 Abhaefeso
\toc2 Abhaefeso
\toc3 eph
\mt Abhaefeso
\c 1
\cl Ulyango 1
\p
\v 1 Ou Paulo, oubouyi wa Klisti ou Yesu hulugano lwa Ngouloubhei, hwa bhaala bhabhasaluliwe hunongwa ya Ngouloubhei bhabhali hu Efeso na bhali bhagoulousu mwa Yesu Klisti.
\v 2 EImpyana nouwutenganu gwagufuma hwa Ngoulobhei ou Daada weetu ou Yesu ou Klisti.
\p
\v 3 Ou Ngouloubhei ougousi wa Daada weetu aloumbeileilwe. Yeiyouyo watisayile hunsayo zyounti eizya humwoyo, zyazifuma humwanya hwa Ngouloubhei muhati ya klisti.
\v 4 Ou Nguloubheilwa-aseile apeile einsi, atigeine na tisalulehuje tibhe bhantu bhaakwe hwi-idala eilya tipatihanye atei nou Klisti. Abhombile eisho huje tibhe bhaana bhakwe ashilile hwa Yesu ou Klisti. Abhombile eisho aleinganei neinsibho zyakwe na shiila shakhondeizewe.
\v 5 Hu lugano, ou Ngouloubhei atisaluye huwandilo nateeje nashi abhana bhakwe hwidala lya Yesu Kristi. Abhombile eishi hunongwa aganilwe abhombe shiila shanyonyilwe.
\v 6 Zyeizifumila eipa huje, ou Ngouloubhei ahwinuliwa huwumwamu wei tuntumu wakwe. Eili shasshesho atishiliye weenei hwidala lya lugano wakwe.
\p
\v 7 Aleingane nou ganwe wakwe, tilinuwaushe ashilile mwidanda lyakwe, oukhobhoshe weimbibhi. Tilinayo eili husababu utabhazi weimpyana yakwe.
\v 8 Abhombile eimpyana einei abhe nyiinji hunongwa yalitei hu mpyana nei njele.
\v 9 Ou Ngouloubhei abhombile eiloleshe hulitei eela eilyoli yeiyoubheile humipango, alingane nei hamu yayaloleshe muhati ya Kristi.
\v 10 Eisala nei nyakaati gufishile hugolosu wakwe, ou Ngouloubhei ayivibheha peeka kila shintu shahumwanya na shaihumwanya yeinsi muhati ya Kilisti.
\v 11 Mwa Kristi tali tisalulilwe na hutikusudile hata kabla yeimunda. Einei yahali afumilanee nou mpango gwabhomba eivintu vyonti hulugano lwakwe.
\v 12 Ou Ngouloubhei abhombile eisho huje timanye ouwutuntumu wakwe. Tahali bhahwande abhe noudandamazu muhati ya Yesu.
\v 13 Yali hwi-idala lya Yesu aje mwahovwezye iizwiu lyeilyoli izwi lilokole wenyu hwidala lya Yesu. Yali hwamwene aje mweiteishe na bheishewe eihalama ya mpepo oufinjile wasoubhezezye.
\v 14 Ou mpepo ndo dhamana yei wupyano lweitu hadi atabhale lwalwaipatihana. Einei yahuilole noutuntumu wakwe.
\p
\v 15 Alenganei neili, afume oumuda gwa nahouvwezye aje oulweiteiho lwenyu muhati mwagosi ou Yesu na hulugano lwenyu hwabhala bhonti bhabhabaguliwe hunongwa yakwe.
\v 16 Siga eindeishile ahusalifwe ou Ngouloubhei hunongwa yeinyu na hubhayanje hu mpuuto yanei.
\v 17 Ilabha aje ou Ngouloubhei wa Gousi weetu ou Yesu Kristi, ouDaada weituntumu, weituntumu, aibhapela oumwoyo eimpyana, amakwinkule geinjele yakwe.
\v 18 Ilabha aje amaso geinyu gahumoyo gabheihwe oulukhozyo amanye huje ouwudandamaazu gwalihu hulimwe. Eilabha huje mumanye ouwutabhaazi wei umwamu wei gaali wakwe hwa bhaala bhabhabaguliwe hunongwa yakwe.
\v 19 Ilabha aje oumanye ougosi wowuzidile ikhone lyakwe muhati yeetu yatihweiteiha. Ouwugosi ufuma na nabhombe eimbombo mwi-ikhone lyakwe.
\v 20 Eili ikhone yayabhombile eimbombo muhati ya Kristi wakati Oungouloubhei lwazyoseizye afume hwazimu na hukhazye munyobhe yakwe yahundeilo paapali pamwanya.
\v 21 Akhazizye ou Kristi pamwanya ouhutali mugosi, imamulaka, ikhone, pakhale, na kila litawa lyalikwiziwa. Akhazizye ou Yesu sagatu hwakati ou hata humuda gwaguhweinza.
\v 22 Ou Nguoloubhei ahapiiye ou Klisti ikhone eilya longozye eivintu vyounti, na hubheishei mushibhanza huje, abhei mweine wei vintu vyounti nashi itwe mubeilei.
\v 23 Eishibhanza shiili nashi oubeilei gwakwe, ougoulousu wakwe lwalumeimya eivintu vyonti mumadala gonti.
\c 2
\cl Ulyango 2
\p
\v 1 Amwei mwahali nashi abhafwe hunongwa ya huje, mwazileshile eindajizyo zya Ngouloubhei na-abhoombe eimbibhi,
\v 2 Mwabheinjeileizyaga einjendo eimbibhi nashi abhantu abhanjei abha mu-nsi einei. Nantele mwahali muhuntiniha ou seetano ouyo gousi wei mpeepo gounti hu mwanya. Oumwene husaala eiha, abhomba eimbombo muhati mwa bhantu eibho bhasiiga bhahuntiniha ou Ngouloubhei.
\v 3 Natei bhayo tenti takheye nashi abhene bhasigabhali nou lweiteiho. Tajendaga husoungwo zyei beilei eimbibhi. Tabhombaga oulugano lwe beilei nei njele zyeetu. Tahali nei hasira nashi zyabhanje.
\p
\v 4 Lelo ou Ngouloubhei mwinjii wei eimpyana hunongwa yei lungano lwakwe oulugosi lwahatigeine atei.
\v 5 Ahabhalilo natali bhaafwe mumbibhi zyetu.
\v 6 Ou Ngouloubhei atizyounseizye peeka natibheshe huje, tikhalaje peeka humwanya muhati ya Klisti ou Yesu.
\v 7 Abhombile eishi hunsiku zyazihwenza atibhonesye ouwutabhaazi ougousi wei eimpyana yakwe. Atilanga atei eili hwi-idala lyei mpyana yakwe muhati ya Klisti ou Yesu.
\p
\v 8 Hu mpyana mufyulelwe hwi-idala lyei outenganu. Na eili sigalyafumile hulite. Lelo mpeesya ya Ngouloubhei atusuntile.
\v 9 Siga ifumila a nei njendo. Lelo agande abhe oumuntu noumo wahwibaade.
\v 10 Huje atei tilineimbombo ya Ngouloubhei, tibhombeilwe nou Kristi ouYesu abhombe aminza. Eimbombo eizya Ngouloubhei zyahali afume ahwande hunongwa yalitei, huje tijendaje mi-idala lyakwe.
\p
\v 11 Mwizuhaje huje, hulwandilo mwahali bhantu bheinsi hushifwani shei beilei. Hubhakwizye “samutendilwe ingola ya hwitagalila eilya lume'shila sheihweta atendwe ingola ye beileiyeibhombeiha na makhono ga bhantu.
\v 12 Amwe mwabaguliwe nou Klisti mwalibhajenyu hwa bhathu bha hu Israeli. Mwali bhajenyi hulu fingoo. Sigamwahali nei lyoli husala yeihweinza. Mwahali bila you Ngouloubhei mu-nsi oumo.
\v 13 Lelo eishi ou Kristi ouYesu namwei lula huwandilo mwahali hutali nou Ngouloubhei hwi-idanda lwa Kristi.
\p
\v 14 Peipo oumwene you tengananu weetu. Abhoombile bhabheilei huje bhabhe peeka. Hubeilei gwakwe anangeinye oulubhoumba ougwalehane guula gwagwahali guleiheinywe, ougwo ouwubhibhi.
\v 15 Peipo ahakomesya eindajizyo zyaziki nei ndajizyo einyinji, huje abhoumbe oumuntu oumo oupya muhati. Wabhomba outenganu.
\v 16 Abhombile eishi huje ayefwe oulougou wei eimpouga zibheilei huje bhabhe bhantu bhei beilei gumo hwa Ngouloubhei hwi-idala eilya afwe pa shikhobhehanyo. Nantele abhabheiha bhounti huje bhounvwane nou Ngouloubhei.
\v 17 Ou Yesu aheinzele aloumbeileile einongwa einyinza, eiya leete outenganu hulimwei mwasiga muli Bhayahudi mwamwahali hutali nou Ngouloubhei, naatei ti Bhayahudi tetali peipei nawo.
\v 18 Eishi hwidala lwa Yesu atei teinti tibhabheileili tiili nei nafasi hwola oumpeipo weeka ahwinjile hwa Daada.
\p
\v 19 Eishi lelo, amwei mubhantu mwa munsi samulibhajenu nabhakhaya nantele. Lyoli muli bhaana bha Ngouloubhei, nantele muli bhakhaaya peeka na bhooziwa bhounti.
\v 20 Amwei muzenjilwe mulwalo lwa asountwa na kuwe. Ou Kristi ou Yesu youyo ali nashi iwe igousi eilya pansheinje.
\v 21 Oumwene yayouyo azenga einyumba yonti afishe eikhamatane shinza na huyibhoombei abhe ngousi nashi einyumba einfinjike ya Ngouloubhei hunongwa ya mweinei ouYesu.
\v 22 Muhati yakwe amwei namwei muzengwilwe peeka paala pakhale Ngouloubhei hu mpeipo.
\c 3
\cl Ulyango 3
\p
\v 1 Aleingane nei nongwa eizyo, anei nei Paulo, eindi pinywa wa Yesu Kilisti hunongwa yalimwe mu bheinsi.
\v 2 Lyoli eihweiteiha huje mwahounvweizye huje, humpyana yakwe ou Ngouloubhei ambeisheile huje eimbanje mubhounvi wakwe wa abhaloumbeileile amwei.
\v 3 Eimbhasimbila afumilane sheizili einyoubhoulo, sheiyoubhouleiwe hulinei. Einei yei lyoili yeiyafisishe shiila sheinasimbile hwikalata ilyeinje.
\v 4 Nou bhazya eiga, ounzamanye ouwinza wanei mulyoli ouwu wewuyeifisile hunongwa ya Kilisti.
\v 5 Hu mpapwo einzyeinjei eilyoli einei seigwabhombilwe amanyiishe hu bhana bha bhantu. Lelo saleizi gubheisheilwe papazelu hu mpepo hwa sountezwa bhabhasaluliwe na kuwe.
\v 6 Eilyoli yeiyafisilwe hwahuje abhantu abheinsi bhope bhahali bhamwetu na ajumbe bhamwetu bhabheilei tili peeka nei ahadi ya Yesu Kilisti ashilile izwi.
\v 7 Hweili eimbombeishe mubhomba mbombo humpesa yei eimpoyana yaa Ngouloubhei yampiye anei ashilile eimbombo yei -ikhone lyakwe.
\p
\v 8 Ou Ngouloubhei ahafumizye eimpesya einei hulinei hata nkashe anei eindi doodo hubhounti hubhala bhabhabaguliliwe hunongwa ya Ngouloubhei. Eimpesya einei eihwanziwa hubhaloumbeileile abhantu munsi izwi lyeilili nou tabhazi weiseiwubhoneha hwa Yesu.
\v 9 Eihwanziwa hubhaloumbeileile abhantu bhouti aje idaala lya Ngouloubhei ouweiwilu. Idala eili lyalifisilwe humaha aminji gagashilile, nou Ngouloubhei yabhapiye eivipelwa vyounti.
\v 10 Eili lyali aje, ashilile eishibhanza, agousi na longozi hu mwanya, bhamanye eisehemu einyinji eizyei maandei eizyei eimpyana eiya Ngouloubhei.
\v 11 Eiga handigafumiye ashilile oumupango ougwei wiila weiwusangalushe muhati mwa Yesu Kilisti ougousi weetu.
\v 12 Peipo hwa Yesu tili nou dandamazu ni-ikhone lyahwinjile hudandamazu hunongwa huje tiili noulutengano lwakwe.
\v 13 Eishi eimbalabha huje, muganje azilamwe hunongwa yeimayeimba ganei hulimwei. Eiga utuntumu weinyu.
\p
\v 14 Hunongwa einei eifugamila hwitagalila lya gousi.
\v 15 Oumwenei you wandilo wei vipeilwa vyounti, eivya humwanya nei vya mu-nsi
\v 16 Eilabha hwa Ngouloubhei huje ashilile hwa m-peipo waakwe-ouwa swiijizye.
\v 17 Eilabha huje ou Kilisti akhale muhati yei mumoyo geinyu ashilile oulweiteiho.
\v 18 Eilabha huje mubhe nei shiina nou musingi gwei lugano lwakwe mubhe mwigano lyake nke mumanye ahwelewe, peeka na bhantu bhebhamweiteishe, einamuna ouwubaaba, ouwutaali nei kimo, kina shei lugano lwa Kilisti.
\v 19 Eilabha huje mumanye ougousi wei lugano lwa Kilisti lwei lushilile einjele. Mubhombe eiga nke mumemye ouwugoulousu wounti ouwa Ngouloubhei.
\p
\v 20 Eishi hwa mwenei yagabhoomba ijambo lyolyonti zaidi ya gounti getilabha na getigaseibha, ashilile hwi-ikhone lyakwe lyalibhomba eimbombo muhati yeetu,
\v 21 hwa mwenei hubhe nou tuntumu muhati yei shibhanza hwa Yesu Kilisti hu mpapo zyounti wiila na wiila. Amina
\c 4
\cl Ulyango 4
\p
\v 1 Nantele nkashile yagaliliwe hunongwa ya Daada, eimbalabha mujende shinza shinza nou ouweiteho guula ou Ngouloubhei gwabhakwizizye.
\v 2 Mukhale na hwiyisye ou Gousi nuo hogowe nou ujimbi. Mwejelanaje eisha ganane.
\v 3 Bhombaji zyazikhondeiye natunze peeka nei mpeipo hu pinyo ye lweiteiho.
\v 4 Huli oubeilei gumo nei Roho eimo, nashi shamwahali mukwiziwe hulyoli yei taraja eimo ye ouweiteiho wenyu.
\v 5 Huli ougousi oumo, oulweiteiho lumo, ulwouzyo lumo. Ou Ngouloubhei oumo
\v 6 na ou Baba wabhounti. Oumwahale wei mambo gounti na gounti muhati yakwe.
\p
\v 7 Shila muntu apeiwilwe eishipawa afwatane neishipimo eishipawa eisha Kristi.
\v 8 Nashi einsimbo shaziyanga: “Alushile amwanya eishi alogozezye abhe pinywe ouwe oubouyi. Afumizye eivipawa hwa bhantu.”
\p
\v 9 Eishi amazwi eiga ga gagayanga aje, “lwa waazoubha ouhwo hu mwanya,” hwahuje hweilei? Hwahuje shaseilei abhale humwanya ahishile munsi oumu?
\v 10 Umwahale ahishile yayoula oumuntu ambaye nantele alushile patali juu yei mwanya zyonti. Abhombile eisho ili abhe hwakwe wubhe kati eivintu vyounti.
\v 11 Ou Klisti afumizwe eivipawa nashie eizi: abouyi, akuwe abhanjilisti, adimi, na manyiizi.
\v 12 Abhombile eishi abhabheishe bheilweiteiho humbombo, hunongwa yaguzenje oubeilei gwa Kristi.
\v 13 Abhomba eishi hadi atei teinti tifishile ouwundwemo ouwe lweiteiho nei njele zya mwana wakwe ou Ngouloubhei. Abhombile eisho hadi tiwezwe akhome neishe bhaala bhabhafishie eilyoli yeikamili eiya Kristi.
\v 14 Einei nantele tiganje abhe bhana, tiganje vuguziwe huula na nouhu. Huje tiganjehweigwe nei haala yei manyizyo, hunongwa zya bhantu eimbibhi eizilenga zyazitejile.
\v 15 Eishi tiyanje eilyoli eiye lugano nakule zayidi hwidala lyounti muhati yakwe itwe yuo Kristi.
\v 16 Klisti abhabheisheile peeka, oubeilei gwounti gwa bhaala bhei lweiteiho. Goubhounganishe nou beilei gwounti huje oubeilei gukule na hwizenje gwougwo hulugano.
\p
\v 17 Eishi, eiyanga eili, eimbalabha hwa Gousi: Muganje ajende nashi abhantu abhamunsi shabhajenda muwubatiuli ouwenjele zyabho.
\v 18 Bhaponyezewe einkisi museibho zyabho bhatagwilwe afume huwoumi ouwa Ngouloubhei huwulema wawuli muhati yabho hunongwa yei moyongabho amakhome.
\v 19 Seibha hwiyouvwa einsoni. Bhahwikabizizye bhebho huntavu humajendo zyabho eizye ntavu, shila aina yei wiimi.
\p
\v 20 Nantele, eishi seishasheisho shamwamanyiye ahusu Kristi.
\v 21 Eilola nantele mwounvwezye ahusu oumwahale. Nantele eilola aje mwali mumanyiziwa hwamwahale neishe eilyoli yilimuhati ya Yesu.
\v 22 Lazima mwaule amambo gounti gagajendelela nei njendelelo zyenyu eizyei mwaha, ouuntu ouwemwaha wayibhola hunongwa yei nsoungwo zilenga.
\v 23 Auli ouwuntu wenyu ouwei mwaha huje, nkamubhombelwe shipya einjele zyei moyo geinyu.
\v 24 Bhombaji eishe huje, mukwate ouwuntu oupya, gwagubhalilana nou Ngouloubhei. Oubhoumbweilwe hulyoli nou oumwamu wei lyoli.
\p
\v 25 Eishi, bheshi patali ilenga. “Yangaji eilyoli, shila muntu nuo jirani wakwe,” afwanaje tili bhapuuti aje shila muntu hwa wamwao.
\v 26 Mubhaje nei nkuni, lelo muganje abhombe eimbibhi. Isanya lignje aswe huhasira zyeinyu.
\v 27 Muganje hupele ousetano oumoyo.
\v 28 Yeyonti yahwiibha ouyo aganjewiibhe nantele. Badala yakwe lazima abhombaje eimbombo. Abhombaje eimbombo eifaida humakhono gakwe ili awezye humwavwe oumuntu yalineinzaala.
\v 29 Einongwa eimbibhi eiganje afume mumalomo genyu. Badala yakwe einongwa zyazifuma mumalomu genyu zibhanje nyinza hwa bhaala bhabhateijezya.
\v 30 Nantele muganje huzugumizye oumpeipo oumufinjile wa Ngouloubhe. Hwa mwahale mubhehwelye eimbonesyo hunsiku eiye fyouli.
\v 31 Lazima mubheshe hutali oukhali wounti, neilyoyo nei nkuni eibho na eindigo pandwemo na shila namna eiye mbibhi bhanji bhinza mweimwei hwa mweimwei.
\v 32 Mubhanje nei huruma musajilanaje mweimwei hwa mweimwei, nashi shila ou Ngouloubhei ashilile hwa Klisti shabha sajiye amwei.
\c 5
\cl Ulyango 5
\p
\v 1 Amwei mubhe bhantu bhahulondozye ou Ngouloubhei, muli bhana bhakwe bhabhageinwe.
\v 2 Mujendaje mulugano lwakwe, neishi ouYesu natiganile atei, ahwifumizye youyo husababu yetu oumwenei ali sadaka nedhabihu, abhei nushilo nyinza yahusoungwezye ou Ngouloubhei.
\v 3 Ouweegu awe eintavu wowonti nei nsoungwo eimbimbi eizyo ziganje tambulwe hulimwei, neishi shashihwanziwa hwa bhabhamweiteishe,
\v 4 eimvisyo zisahatambulwe, einjango eizyeshilemalema, au eintanilo eizya kenyensanye, eigo seigali sawa nafuu asalifye.
\v 5 Mubhajiye abhe nei lyoli oumuntu yaliweegu, weintavu, noula weinsoungwo, ouyo apuuta shifwani siga alinougale wowonti hwa Ngouloubhei. Oumuntu hwa Ngouloubhi.
\v 6 Oumuntu yayonti asahabhakhopele neinongwa zyakwe, hunongwa yei mambo eiga geilyoyo lya Ngouloubhei lihweinza hwa bhana bhaseibhahweiteiha.
\p
\v 7 Eishi ousakundane nabho.
\v 8 Maana amwei eimande mwalinkisi, eishi muli mulukhozyo hwa Yesu, mujendaje neishi abhana bhabhali mulukhozyo.
\v 9 Amadoondo gamulukhozyo gabhoungeinye ouwinza wounti, eilyoli.
\v 10 Anzaga haala hahasoungwezya Ngouloubhei.
\v 11 Huganjebhe ahwavwanwe neizya hunkisi zyasenyinza, eipo awe bheihaga eimbombo einyinza.
\v 12 Maana eimbombo zyabhabhombela hunkisi zyeinsoni ata huziyanje.
\v 13 Amambo gounti gagavundulwa noulukhozyo gabha pazelu,
\v 14 shila hantu hahavundulwa nou lukhozyo habha mulukhozyo, nayanje huje, bhouha awe wugouniile outulo, bhouha afume hwabhafwe ou Yesu abhakhozizye oulukhozyo.”
\p
\v 15 Mubhanje bhazingatizi pamujenda, siyo aje mubhanje neishi abhantu bhasigabha neinjele mubhanje neishi abhinjele.
\v 16 Musahalembele mukhalaganaje einsiku eizi zyeimbibhi.
\v 17 Musahabhe bhalema mumanyaje aje zyasoungwa ou Ngouloubhei zyeizyalihu.
\p
\v 18 Musahakholwe, eihombwa ehulongola oumuntu humbibhi nou naanzi. Lelo mumeimye oumpeipo mfinjile
\v 19 Yangaji shila muntu nouwamwabho muzinzanyaje, nei ng'oma, zyazigweizya hwa Gousi.
\v 20 Einsiku zyounti musalifyaje ou Ngouloubhei mwitawa lya Yesu Klisti nou Ngouloubhii ouyise weetu.
\v 21 Hwifumyaji mweimwei shila muntu nouwamwao hunshinshi ya Yesu Kristi.
\p
\v 22 Mubhashe muhwifumiaje hwa lume bhenyu neishi hwa Yesu Klisti ougousi.
\v 23 Oulume litwe lyashei wakwe neishi ouYesu shali litwe lyei kanisa. Mufyouli wei beilei gwashei wakwe.
\v 24 Lelo neishi ikanisa shalili pansi pa Yesu, namwei mubhashei shamubhanje hwalume bhenyu kwa shila hantu.
\p
\v 25 Mubhalume, mubhaganaje abhashei bheinyu neishi ou Yesu shahaliganile ikanisa ahafwiye hunongwa yakwe.
\v 26 Abhombile eisho ahanzaga aje libhe lifinjile. Alyozizye nalizelusye na meinzei mwizwi lyakwe.
\v 27 Abhombile eisho aje ahwitwalile youyo ikanisa ituntumu lyaseilili na makosa nkagamo wala eimbibhi zyazyounti na hahahonti hahaleingeine neiga, lyali lituntumu nouzelu wounti.
\v 28 Sheishila, alume bhope bhabhaganaje ashei bhabho neishi amabeilei gabho bhebho, yahugana oushei wakwe ahwigana youyo.
\v 29 Nkoumo oumuntu yaguvitwa oubeilei gwakwe. Lelo, agutunza nagulisye nagugane, neishi ouYesu shaligeine ikanisa lyakwe.
\v 30 Atei tiibhashirika bhakwe nou beilei gwakwe.
\v 31 “Hunongwa einei oulume aihuleha ouyise nou nyina wakwe aibhala noushe wakwe nakhale nawo na eibho bhabheilei bhaibha muntu oumo.”
\p
\v 32 Eili lihwifisile lelo anei eiyanga eizya Klisti ni kanisa.
\v 33 Lelo, shila muntu hulimwei aganaei oshei wakwe nashi omweine youyo, wope oushei abheneinshinshi hwa lume wakwe.
\c 6
\cl Ulyango 6
\p
\v 1 Mubhana bhogopaji apafi bhenyu hunongwa ya Ngouloubhei, afuatanaje einei yei lyoli.
\v 2 “Oubhanje nei shinshi hwa yisewaho na hwa nyina waho.” (Afutanaje ene ndajinzyo eiya hwande yeili nei ndagano),
\p
\v 3 “nkasibhe nafu hulimwe nkamukhalaje oulwizyo outali munsi.”
\p
\v 4 Amwei mwa baba, muganje bhavisye abahna bhenyu na bhasababisye ilyoyo, eipo mubhalelaje humuyo nei ndajizyo zyya Daada.
\p
\v 5 Amwei mwabouyi bhougoupaji agousi bhenyu bheipa pansi neinshinshi eingousi na yinje nou owoga wawufuma. Mumoyo genyu mubhebhoga hwa bhene nanshi satihu mwogopa oumwenei Kilisti.
\v 6 Ouwoga wenyu usahabhe paala tu agousi bhenyu na bhabhenya huje bhasoungwe. Baada yakwe, mubhanje bhooga nanshi atumwa bha Kilisti. Bhombaji zya songwa Ou Ngouloubhei afume mumoyo genyu,
\v 7 bhabhombeleji hu moyo genyu gonti, afuatanaje muhubhombela Gousi wala sei bhantu,
\v 8 muhwanziwa amanye aje shila bhombo oumuntu ya bhomba, aipata eimpeisya afume hwa Gousi, atabhe tumwa au mwigule.
\p
\v 9 Namwei mwagousi bhombaji sheisho hwatumwa bheinyu. Muganje abhogofye nkamumeinye aje Ougousi wabhounti yayoula waliwamwanya. Nkamumanye aje na humo apendelele muhati yakwe.
\p
\v 10 Eisho mubhanje ni lyoumi hwa gousi weilyoumi lyakwe.
\v 11 Kwati eisilaha zyounti zya Ngouloubhei, ili nkamuwezye ahweimeileile shinguunga nou setano.
\v 12 Afuatanaje eibhoo lyeitu seli danda nei nyama, lelo lyei oumweinei noutawala wei roho na longozi bheinsi abhibhi nei hiisi, lyei mpeipo zyount zya humwanya.
\v 13 Eishi, mukwatei eisilaha zyonti zya Ngouloubhei, ili nkamuwezye aweimeileile shinza noula oubhibhi hunsiku eizi eimbibhi. Nkamwamala shika hantu mwayiyeimeileila shinza.
\p
\v 14 Hwahuje eimeileilaji sawa. Bhombaji eishi afutanaje mufungwile oumukanda nei lyoli pashifubha.
\v 15 Bhombaji eishi mubhanje mukwete ouhaani mumagaga geinyu waloumbeileile izwi lyei wutenganu.
\v 16 Peeka neilyo, oulweiteio lubhe nashieinkwela munyobhe zyeinyu, eibhavwe aziije eimpala zyei mwoto afume hwa bhibhi oula ousetano.
\v 17 Kwataji einkofilwa yei wooziwa ni panga lyei eimpepo, lyalili lizwi lya Ngouloubhei.
\v 18 Eipo nei mpuuto zyayo nei dua. Puutaji huu shimpeipo eisala zyounti. Einyenyo einei mubhanje maso eisala zyounti hujiimbilizu wounti, nei mpuuto hwabhaala bhebhali noulweiteiho bhounti.
\v 19 Puutaji sababu ya huline, ili nkeipewe izwi neihwigula ilomu lyane. Puutaji aje eimanye hu dandamazu lyoli yeiyoubheile yeiyanjila oululoumbeileilo.
\v 20 Ashilile oululoumbeileilo anei endibalozi neinfungwilwe amanyoro aje muhati einjanje nou oudandamazu nanshi seihwiyounvwezye ayanje.
\p
\v 21 Amwei mumanye amambo ganei sheihwendelela, ou Tikiko ouholo wanei ouwamwetu outumwa ouhogowe hwa gousi, aibhabhozya shila hantu.
\v 22 Eintumwilwe hulimwei huje, mumanye azizye amoyo geitu.
\p
\v 23 Oulutengano lubhe hwa holo, nuo lwounvwano nuo lweiteisheilo afume hwa Ngouloubhei Ougousi ouYesu Klisti.
\v 24 Eimpyana eibhe peeka na bhonti bhabhaageine ougousi ou Yesu Kilisti hulugano lwassiga lufwa.